咁最近都有一個經典，某個女士嫁女擺酒，佢成日都標榜自己識飲識食，
食親都食好嘢，又講到自己幾有頭有面，識好多名人，佢得一個仔一個女，
個女嫁個韓國人，親家由韓國過嚟，諗住佢咁要面實會做得好好睇睇，
而且佢都幾有錢，我知佢一早就周圍去試菜，最後揀個間個廳好靚，
咁啱我成日去飲茶，所以都識個部長同待應生。
到果晚去到，果位女士好似發花顛咁成場飛，唔知以為係佢嫁，
著到成個新娘咁，人地新人出嚟講嘢，佢又講，當正自己係新人，
中間播歌佢仲出嚟自己跳舞，捉個仔同佢跳，連個司儀都串佢，
叫佢唔好當自己嫁咁high（司儀係佢同事）今日唔係佢嫁，係佢個女，你話幾醜怪。
我老公咁啱有個朋友去飲，見到面老公朋友劈頭就第一句：你識個8婆？佢係你邊位？
到上菜啦，越食越唔對路，乳豬拼盤醎到死，D蝦球番炸過又死又硬，
個翅係冇翅嘅，連針都搵唔到一條，直情係生粉水加豉油咁，
鮑魚係鮑魚菇，海參係細細條切絲，隻炸子雞唔熟，
條魚最正，佢話係佢親自去買拎去酒樓，龍蝦D肉係霉嘅，似係死龍蝦，
炸雀巢個雀巢油晒，得D紅椒黃椒炒好細粒嘅帶子粒，最後只有飯冇麵，
甜品係唔起沙嘅紅豆沙，冇美點雙輝，果晚我老公返到屋企要煮麵食。
第二日果位女士俾D親戚勁插，話D酒菜唔係人食嘅，咁有錢嫁女做到咁寒酸，
佢打嚟問我媽，D菜係咪咁差，佢話係酒樓唔得，鬼信佢，
我見過酒樓個酒席價錢牌，佢果晚擺酒係最cheap果隻，根本一睇就知唔係好嘢。
花旗太太生活在花旗國，留意時差，你問我未必即時答到。
甘好心叫你個女就不要找姊妹啦
女家呀媽對我地就真係好差
發表於 
服左佢
發表於 
mouth:
返回列表
