吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 大鑊, 阿仔睇過 av 網, 點好?

自由講場今日: 202|主題: 1360697

收藏本版

發帖

返回列表

跳至頁

樓主: Edithcsm

大鑊, 阿仔睇過 av 網, 點好? [複製鏈接]

1 23

唔好煩我

水晶宮

積分: 50445

41^#

發表於 12-2-16 13:32 |只看該作者

我無小朋友，不過都想比d意見你，希望你合用。

1. 我覺得唔可以同佢講唔可以再看，越禁越好奇，越好奇發生事機會越大。而且你都知你話唔可以唔=佢真系唔看。

2. 你唔需要同佢講你知道佢看過，0甘只會alert佢，覺得你check住，第時你想知都唔會比你知。叫爸爸製造機會同佢講。而家d報紙常常有女藝人著得性感，或新聞有非禮案件，可以用0黎打開話題。之前咪有個家姐wut弟弟非禮定老強0既，你咪當同佢傾呢單0野0甘開始。

3. 我會同佢講，爸爸以前都好好奇，好想知道女仔身體系點，好正常。系街經過報攤都會gup 0下d咸濕雜誌封面。只要唔沉迷同唔變態唔影響其他人，其實可以接受。

4. 不過，其實唔可以常常看，因為會令自己沉迷，沉迷好容易做錯事，比如非禮/偷看人，後果可以好嚴重。

5. 而家網上好多呢類0野，有正確有不正確，有些變態。仔仔得11歲，仲未識分。如果有d仔仔看過覺得唔知正確否，可以同爸爸討論

6. 街上多壞人，唔系女先會比人騙/非禮，有d人取態不正常，可能對未成年的（不管男女）有興趣。所以仔仔要懂得保護自己。

以上乃本人愚見。由於本人未有小朋友所以歡迎各位媽媽對於不正確的地方予以指正。

點評

Edithcsm 多謝你嘅意見發表於 12-2-16 20:58

patpat234

發表於 12-2-16 14:44

私人傳訊

某人

別墅

積分: 548

42^#

發表於 12-2-16 16:09 |只看該作者

見到好多人都覺得應該要比爸爸同仔仔講, 我覺得清楚知道爸爸係咪真係能夠勝任先好交比爸爸, 好多男人比女人更唔敢係子女面前談有關性話題, 好似我老公, 我唔覺得佢可以正確教導呀仔性教育!
我會先問清楚佢係咪用電腦睇過色情網頁, 再話佢知網上好多色情網頁都係誇張同賣弄色情, 如果想認識多啲性知識, 同呀仔講我哋一齊去買本性教育書一齊睇, 有唔明有疑問一齊討論, 我仔都有一本, 唔好比咗本書佢就算, 我同佢一齊睇完, 佢一路睇一路問我東問我西, 問題一大堆, 你唔答佢, 小朋友好奇就會自己上網或用其他途經解答自己問題, 所以唔好怕羞, 仔都生得出, 有乜好怕

點評

Edithcsm 老實講,我都係唔放心交俾爸爸解決,因為佢都唔係一個好識處理情緒嘅人發表於 12-2-16 21:00

私人傳訊

Edithcsm

珍珠宮

積分: 49982

熱血勳章醒目開學勳章

43^#

發表於 12-2-16 21:26 |只看該作者

好多謝咁多位 jm 嘅回覆同意見! 因為冇心理準備下突然發生呢件事, 我真係心都亂晒, 又有少少自責, 冇做好把關工作, 不過聽過各位意見, 發覺其實終有一日都會發生, 咁多關都係唔會把得晒, 所以都係同阿仔傾o下好d, 同埋我都係決定自己同阿仔傾好d, 我唔放心交俾爸爸處理, 因為我覺得爸爸都唔係好識處理情緒問題, 不過我都有同爸爸講呢件事, 佢都同意俾我處理(我覺得其實佢暗地裡不知幾高興, 唔駛佢煩點講好), 尋晚因為呢件事成晚瞓唔著, 俾我搵到下面篇文章好值得參考, 我睇左都冇咁心煩, 日後如果有 jm 遇到相同問題, 可以參考o下

從容面對孩子瀏覽色情網站

一位家長在翻看兒子的上網紀錄時，發現十一歲的他經常瀏覽色情網站，做母親的頓時感到「天塌下來」，一方面對兒子的行為感到失望，另方面亦擔憂色情物品對兒子會造成不良影響，但又不曉得下一步該怎麼做，思緒很是混亂！

首先，這位母親要冷靜下來，好好了解一下兒子。十一歲的他正經歷青春期這個「性醒覺」階段，對性存在好奇及幻想是正常的表現，並非天塌下來那麼嚴重。所以，用不着過分憂慮，也最好不要反應過激，避免兒子以為犯下彌天大錯而對性產生罪疚感，甚至日後有性困擾也不敢跟父母提起。畢竟父母也是青春期的過來人，面對孩子的成長歷程應該予以體諒及接納。

接着，父母要對兒子的教導取得共識，「該跟他談什麼？由誰負責？」，然後找個合適的時間，先從談論學校的事情為引子，然後輕描淡寫地提及發現兒子曾瀏覽色情網站，過程中要保持語調輕鬆，盡量不要有怪責之意。不妨讓兒子表白瀏覽這類網站的動機，其間可以跟兒子分享自己的看法，指出這類網站提供的性知識誇張失實，對性充滿渲染和誤導，例如性行為並不是隨隨便便就可以發生、男女亦不一定有那麼大的性需求等。面對兒子的性好奇，父母應該提醒他循合適的途徑尋求性知識，可以建議一些內容恰當的性教育網站或書籍，甚至將有關資料放於家中一角或兒子的書包內，讓他自行翻閱，幫助兒子透過正確渠道獲取性知識。

此外，兒子使用電腦的情況亦應多加注意。家長可以考慮在電腦安裝過濾軟件，過濾不良資訊，減少兒子登陸色情網站的機會；亦可以考慮將電腦放置客廳中，增加孩子使用電腦的「透明度」。不過，這牽涉兒子的私隱問題，父母在安裝軟件或移動電腦前，最好先跟他溝通和講解原因。

最後，有些青少年接觸色情物品多是源於苦悶，父母不妨為子女安排一下課外活動，既可分散注意力，亦可豐富子女成長的點滴。

作者為香港家庭計劃指導會教育幹事，讀者如欲獲取更多資訊，可瀏覽網頁：www.famplan.org.hk/sexedu。

（本文原載於2010年12月15日信報財經新聞副刊文化版）