吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› Del

夫婦情感今日: 0|主題: 42794

收藏本版

發帖

返回列表

跳至頁

樓主: 山貓

Del

[複製鏈接]

1 234 5

山貓

別墅

積分: 975

41^#

發表於 12-3-9 04:07 |只看該作者

本帖最後由山貓於 12-10-29 15:51 編輯

del

私人傳訊

skybiebie

侯爵府

積分: 24828

42^#

發表於 12-3-9 04:16 |只看該作者

引用：其實點解你地個個講緊個仔女既回報？係咪我

原帖由山貓於 12-03-08 發表
其實點解你地個個講緊個仔女既回報？係咪我講得唔清楚？我係講個女人生孩子要付出好多，但個老公未必有良心 ...

其實你鐘意做個樣野你就唔覺係付出，你去玩，去讀書，去返工，都付出精神，金錢，時間，你覺得值唔值啫！人生係有唔同嘅階段，遲啲可能你會唔同諗法，未準備好咪唔生住囉！我覺得你仲問點解即係未想做呢件事住，到你想做就唔會問架喇！唔好自找煩惱啦！好好享受人生啦！諗野正面啲，個人會快樂好多架！倒返轉，你又點知個男人唔好啫！係咪？

私人傳訊

華美

侯爵府

積分: 21308

43^#

發表於 12-3-9 09:02 |只看該作者

山貓發表於 12-3-9 04:00
多謝你尾2果段講既野，令我明白多d點解咁多人願意付出，意見很寶貴
BK版上個個都叫我唔想唔好生，唔好害人 ...

我勸你要快, 積極啲諗清楚, 唔好拖下又一年, 因為我自己感受到真係越老越難有(我而家31咋), 身體同廿幾己經好唔同. 同埋如果你真係生, 生左一個可能你又想生多一個, 如果好遲開始又麻煩啲. 如果決定唔生, 就以後唔好再諗, 諗來諗去會好辛苦.

私人傳訊

lovelycats1437

子爵府

積分: 13871

貓狗褓姆畀面勳章

44^#

發表於 12-3-9 09:15 |只看該作者

是, 陀到生個女再到湊真係付出既比我想像中多100萬倍咁多~

好辛苦,好吃力~
有無後悔,少少.... 真的選擇過未必會生....

但如果要同老公離婚的都絕對唔會交個女俾佢....

好多時都問自己, 為左個女仲要付出多幾多.... 放棄幾多野先足夠....

因為個女,我無左半個老公. 他眼中只有女兒, 我只是女兒的媽媽....

有時都幾痛苦.....

私人傳訊

田心

大宅

積分: 1891

45^#

發表於 12-3-9 09:44 |只看該作者

引用：Quote:waiman0614+發表於+12-3-8+21:20+睇

原帖由山貓於 12-03-09 發表
我同你諗法唔同，或者我真係悲觀d...我長於單親家庭，明白單親給小孩帶來既傷痛，細個果陣傷心過比同學笑 ...

父母對子女付出多少係好難去計較。你係單親長大，我亦唔好得你好多！我係炒閙中長大，當他們炒大鍋時，小時怕得要死，大時煩得要死！他們最後都離婚了，每人都開心了！但不同的是，他們都愛我。實際上母親比較付出多點，因天性，母親留意和關心子女較細心。

私人傳訊

siujanjan

珍珠宮

積分: 31517

BK Milk勳章

46^#

發表於 12-3-9 09:46 |只看該作者

回覆山貓的帖子

唔係每個男人都係咁, 唔係每個家庭都係咁, 我c6負責同阿囡玩0架咋, 湊小朋友都係我同工人, 生完係肥咗, 但可以keep番呀, c6話我靚過未生之前添, 哈哈~ 事在人為呀~

私人傳訊

yikaho

子爵府

積分: 13783

47^#

發表於 12-3-9 10:23 |只看該作者

山貓發表於 12-3-9 04:07
c6走唔走左去，點會同生bb無關？起碼會加速先
我老豆就係話唔鐘意放工要返屋企餵奶換屎片，所以要去打麻雀 ...

點解一定同生bb有關? 點解會加速? 未免太偏激, 呢個只係你老豆個人想法...
c6唔要你, 都可以因為同你冇bb架~ 2個人分開, 主要都係因為2個人之間嘅問題...

你老豆衰, 唔代表全世界男人都衰, 如果你喺未有發生問題嘅時候就標籤咗你c6都係衰人, 咁你重嫁佢做乜? 人有衰公我有衰公, 想試下離婚? 咁你就唔好賴人, 係你將自己推舉成悲劇主角... 其實咁樣對你c6好唔公平... 人哋好地地你就assume佢會變衰人....

我可以話你知, 我生完3個月已經可以著返晒以前d緊身衭, 冇肚紋, 唔係個個女人生完都一定變肥婆架, 我有好多同事都係生完好似冇生過, 睇你自己大肚時有冇暴食, 生完有冇放'pair'嘅唧... 好多人生完瘦過未生添呀, 因為湊b+返工好辛苦...

我99生咗4個, 到而家年過60著旗袍都唔使用腰封, 細碼衫~

如果你一直未放開你父母婚姻失敗嘅陰影, 就唔好生小朋友住喇, 因為你會將你嘅幻想嘅悲劇變成現實...

祝福你早日脫離陰影, 重見天日!

點評

successbaby 絕對認同！講出哂我既唸法……

發表於 12-3-9 17:47

教養孩童，使他走當行的道，就是到老他也不偏離。 (箴22:6)
Train up a child in the way he should go: and when he is old, he will not depart from it. (Proverbs 22:6)

私人傳訊

QQee

伯爵府

積分: 16029

48^#

發表於 12-3-9 10:46 |只看該作者

其實尼個問題, 我係連諗都唔洗諗咁濟.

就好似今天想著乜衫 - 順其自然(當然係有能力養).

私人傳訊

aidan08

侯爵府

積分: 21125

49^#

發表於 12-3-9 11:23 |只看該作者

其實，如果要計得咁盡，生仔真係一項回報率極低的投資......基本上，付出與收穫不成正比。

不過，生仔唔係投資。我都從來無諗過生仔會帶比我幾多得與失。

我覺得，一個人喺世上，同其他人有千絲萬縷的關係，人的行為，係夾雜咗好多因素，包括為咗自己，為咗別人，為咗感覺，為咗俗世眼光(即係群眾).....等等，我諗，每一個行為的構成，都唔係單純為咗一個因素。

我哋點解結婚？除咗感覺，即係好愛一個人之外，有誰會話無其他因素呢？為咗自己，可能係唔想孤獨，可能係想有個依靠。為咗別人，可能係阿媽好想睇到你成家立室，或者對方好想結婚，如果唔結婚就可能會選擇唔同你一齊......為咗群眾，可能係人人覺得結婚係正常人的行為，好多人又覺得唔結婚的女人係無人要....呢D種種因素夾雜，可能你先會選擇結婚，而唔係單純一個因素。

生仔都一樣。好多因素夾雜。好似你話，生咗仔的女人，如果老公嫌棄自己的話，會走佬，自己亦好難搵另一半。呢樣嘢係有可能發生.....但調轉嚟講，如果個老公好想生仔，覺得咁先完滿，咁佢又會唔會因為你唔肯生而走佬呢？.....都係有機會發生！人生本來就係就充滿未知之數，好多嘢都係賭博。生仔的女人可能會諗.....人人都覺得結婚生仔係正路，咁先完滿幸福。又或者....奶奶老爺好想抱孫，想老人家開心。又或者.....好想有個人第時倍吓自己.....好多好多因素。

不過，有一樣嘢就幾乎人人都一樣，就係生咗仔出嚟，先會明白咩係無條件的愛。阿媽對仔女嗰種愛，就真係與生俱來，係不顧一切，赴湯蹈火，甘願犠牲的。我都同意，呢種愛，未生過係無可能感受到。當然，呢個世界幾時都有例外，少數人都係無嘜母性。

所以，生唔生就真係自己的決定，但係，決定生的話就真係要諗清楚，一定要兩個人都好有心理準備，兩個人關係好穩固，要有共同努力經營一個家的心先好生，無謂累及下一代。生仔的代價很大，係無止境的付出，你會辛苦，但一旦生咗出嚟，你個膊頭會突然自動變大，為咗個BB承擔一切，點辛苦都要頂住。

女人生仔係不歸路，不過，有時生於世上，好多嘢都唔係計算得到，老公要走好多理由都會。你肯生佢可能會走，唔肯生亦可能會走....不過，有時你唔計較付出，人地都會感受到，正常人都會相應地付出，即使人地唔領情，浪費咗你的付出，不過，自己無愧於人，無愧於心，亦唔會後悔。

點評

cheche331 你好有大智慧，我都學到野

發表於 12-3-15 16:53

私人傳訊

Vijoyce

男爵府

積分: 9231

50^#

發表於 12-3-9 11:31 |只看該作者

針對樓主問的問題.. 我可以答你生BB的好處~
我之前試過小X.. 當時我成個人都好似跌左落谷底..唔想見人唔想番工.. 果時係C6係我身邊不斷安慰我、支持我.. 我媽咪、6299都係一樣.. 同C6經歷過呢一個時刻, 感情升華一大步, 自己亦變得堅強, 當你克服左呢件事, 你就覺得無野再難到自己..變成另一個自己~

到再次懷孕,..絕對戎食, 生活變得有規律.. 係bb令我身體更加好, 皮膚靚左, 病痛少左… 當時亦受到c6, 99, 媽咪等對自己既無微不致既照顧..同c6一起見證bb心跳, 由一粒腰果變到一個小人仔.. 由知道佢係女仔.. 我地去為bb添新衣、買床買bb車.. 有了bb你會同c6過另一種生活, 共同為新成員做好多事.. 陀bb當中的擔心、痛楚.. 更令我長大不少.. 當推入手術室果一刻, 我知道自己要肩負別人的媽媽.. 同bb講有你陪我, 我什麼都不怕.. 媽媽以後就會好好地照顧你.. 果種感覺一世都唔會唔記得..

講住咁多先~~ 生bb唔係你諗咁negative.. 其實內裡另有天地~

私人傳訊

pui1112

別墅

積分: 832

51^#

發表於 12-3-9 11:44 |只看該作者

有個BB，真係日日都無覺好訓、日日都好攰、無時停，日日翻完工放工就接個仔翻屋企，又要湊佢又要做家務（c6係超級大男人，乜都唔會做！）……不過呢D辛苦真係好值得架！因為有個BB係企，真係好開心架！

私人傳訊

★月野兔☆

大宅

積分: 1837

52^#

發表於 12-3-9 13:14 |只看該作者

可能你呢一刻唔會明白生bb既開心,因為你仲未有一個小生命係你既生命入面出現,你一定都聽聽埋埋唔少生仔既辛苦阿各樣野,但係每一個媽媽都會因為小朋友巴來臨而變得感動同幸福,雖然都有好多例子個爸爸唔生性,但都仲肯去生小朋友到底為左咩野,但我真係好想講呢個世界上好多野都冇得計數,尤其係自己既骨肉,可能第二時生出黎會有好多麻煩同辛酸,不過當中一定會感受到有不同既喜悅同寄望,正所謂針唔吉到肉係唔知痛既,如果你真係咁想知道媽媽生小朋友背後為左咩野你一定要親身經歷你自己先會明白,因為每個人既感受都會有唔同嫁\

感冒頭暈暈,俾人捉左去都唔知啦

私人傳訊

gloriamcy

男爵府

積分: 8364

53^#

發表於 12-3-9 13:27 |只看該作者

樓主的問題就好比~

人做咩要出世呢? 出世又要食又要痾, 時不時又病, 仲可能無得醫,
但生存係咪一定會快樂呢? 又唔係喎, 好多時要先付出才有快樂,
快樂仲要好短暫, 咁唔公平, 為咩要生存呢, 不如死左佢咪仲好.

總結: 人生本來很多事情都是徒勞無功的

點評

yikaho yeah~~~~~~! 發表於 12-3-9 14:17

私人傳訊

abbykong

大宅

積分: 1462

54^#

發表於 12-3-9 14:02 |只看該作者

生左之後, 覺得世界靚左, 個人都nice左, 唔知係想身教定真係個人開心左, 覺得好多野都唔同左, 呢d可能就係人地所講既有仔萬事足, 原來望住個仔長大, 望住個仔笑, 真係可以咩煩惱都唔記得

我覺得好值得, 因為我終於有人生目標

私人傳訊

ylc1015

公爵府

積分: 27587

熱血金章畀面勳章

55^#

發表於 12-3-9 14:03 |只看該作者

我下個月就生BB喇！但真係無你唸咁多，基本上，老公揾萬幾蚊，慳慳哋都OK啦！有好多嘢唔係話你唸就唔會發生，順其自然啦！

私人傳訊

catfitfit

公爵府

積分: 26782

畀面勳章環保接龍勳章大廚勳章

56^#

發表於 12-3-9 15:51 |只看該作者

親愛的...

女人生仔絕對係一個化學反應, 女性到左某一個年紀, 就會好想結婚生仔, 一過左, 你就唔會再有衝動去做里兩件事.

生與唔生, 值得同唔值得, 個人認為就好似簡A餐同B餐, 跟本就無話邊個餐會好食啲一樣, 但係有樣野係, 當你食緊A餐嗰陣, 你就咪鬼羨慕隔離食緊B餐嗰個囉...

悲歡離合總無情
一任階前點滴到天明

私人傳訊

I_O_U_baby

男爵府

積分: 6885

57^#

發表於 12-3-9 17:16 |只看該作者

我只覺得,好多野都唔到我地控制.
我諗無人可以保證個老公呢世唔變心,
亦無人可以保證仔女第日會聽自己話,
世事難料,自己幾長命都唔知,
諗得太長遠,結果只會係乜都做唔到.

以前都覺得負擔太大,唔想要小朋友.
後來差D攪到婚變,最終都肯生番個小朋友.
在整個過程,發覺小朋友原來可以為一家帶來很多歡樂.
反而有點後悔咁遲先生,
宜家倆公婆找到了共同目標,方向,
生活比以前充實.

你都係新婚,可以先享受新婚的樂趣,
遲些關係穩定左,再決定係咪生BB 都唔遲.
生BB 係倆個人既事,其他人點講點諗唔駛理,
最緊要係自己心理,生理上是否READY.