夫婦情感 今日: 1 | 主題: 42711

積分: 3764

42^#

發表於 12-3-23 04:25 |只看該作者

引用：回覆+Vijoyce+的帖子如果係你咁講...+咁

原帖由 vivace01 於 12-03-22 發表
回覆 Vijoyce 的帖子

如果係你咁講... 咁我同佢離婚啦... 我絕對唔會同一個唔重視自己，重視我0地BB的人一 ...

咁就話「離婚」？？？

男人同女人諗嘢唔同：唔會因為老婆唔鍾意而忽略一向愛錫嘅人。我識兩個好fd男友人就係佢地女朋友「有你冇我」，其中一個男仔寧願放棄女朋友。
結婚都係一次過啫，呢d$你咪由佢洗；有d人要個個月接濟親人，咁係咪要跳樓!?
而家老公又唔係話bb嘅嘢唔出$，唔好諗埋一邊啦！
至於佢嬲你，好明顯係覺得你特登同佢作對，因為你平時根本就唔鍾意戴飾物！！！

私人傳訊

sfmeow

珍珠宮

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

43^#

發表於 12-3-23 07:27 |只看該作者

vivace01 發表於 12-3-22 17:03
我同老公結婚半年都未夠，我0地一直都相處幾好，有時都好夾。
我0地多數嘈0既原因都因為佢D屋企人，我覺得 ...

好簡單0者, 你嗲下佢, "遊戲機買埋今次好喇, 細佬結左婚就大個仔, 唔再係BB 啦~ 下次有錢要儲起佢俾我地個BB 啊~~" 咁咪得囉, 你無啦啦話要頸鍊, 仲要你平時唔戴頸鍊添, 我係你老公就會覺得俾人斬到一頸血! 你係我老婆你都唔體諒下我!? 再到下一次, 佢真係仲買野俾個細佬, 你咪可以提醒佢: "上次咪講過佢大個仔, 有錢要儲起佢俾我地BB 囉...."

私人傳訊

★月野兔☆

積分: 1837

44^#

發表於 12-3-23 07:52 |只看該作者

我明你嬲係嬲點解佢對細佬好過對你同阿B丫麻!!但有點你要明白~話晒佢地係相處左十幾廿年既兄弟~始終有D野係冇得比較既~就算佢細佬點刻人憎都好你老公都已經習慣左同佢相處同接受左佢既一切。
其實你想你老公出多少少錢俾你同BB係可以嫁~只係唔應該用返一個強硬既手法啦~~男人多數都係受軟唔受硬既,扮下野嗲下佢叫佢同你出多D街見到有咩岩心水既叫佢買俾你都得嫁麻

我老公都係同你老公差唔多HAHA~~既然仲有埋BB就諗野唔好諗埋一邊啦!!對BB唔好嫁
放輕鬆啦,唔洗睇得咁緊要既~如果唔係點做一世夫妻呢

感冒頭暈暈,俾人捉左去都唔知啦

私人傳訊

szesze127

積分: 1276

45^#

發表於 12-3-23 08:57 |只看該作者

回覆：邊個過份丫?

其實我老公都對父母哥哥好好的，以前我會諗佢對屋企人仲好過對我，但自從仔出左世之後，老公已漸漸覺得我同個仔先係最重要，感受到的。但其實我又不介意老公對屋企人好，因為佢同屋企人相處左廿幾年，又有血緣關係，如果甘都對佢地唔好，隨非係佢地有問題，否則個老公都好無人性者？所以我覺得你愛你老公，就試下愛屋及烏，愛佢家人，人同人相處係雙向的，你對人好，人地都會對返你好。
男人同女人又不同，女人辛苦陀bb，覺得bb係全世界最重要的，以我為例，我明知仔大得快，但見到d好可愛既衫仔，那怕佢只可著一兩次，我都忍不住買左，男人就會教理智一點，又無女人甘緊張的，你而家大住肚，情緒係會波動d，唔好諗到甘負面，成日唔開心第時bb都唔會係開心bb啦。遲d你又會覺得為左一萬幾千同老公鬧交好唔值得架喇。加油呀！生左bb之後，你一定會慢慢成為你老公心中最重要的人架！

私人傳訊

Vijoyce

男爵府

積分: 9177

46^#

發表於 12-3-23 09:22 |只看該作者

不如你問下你自己, 如果想送D野比你屋企人, 要幾千蚊既你會唔會送?
記得生左小B無耐, 我屋企想要一部TV, 我父母唔捨得買, 我細佬妹又唔睇TV, 所以又唔想買, 舊TV都睇唔到咁滯, 我父母係半退休, 原本我話夾$3000, 最後我又唔想屋企人個個都唔係好願意出錢.. 咁我就話比晒全部費用, 都成皮野.. 係有肉赤, 不過屋企人開心..而且又係分期, 咁就無計啦~

嫁左人離開左娘家, 已經唔係一齊住, 有時真係好想對屋企人, 特別係父母好D.. 就算自己慳D, 都想買份好既禮物送比佢地.. 我諗你C6都係咁..

有左你, 有左BB..都仲可以對屋企人好, 孝順既.. 呢D係好男人黎嫁, 樓主, 你要珍惜, 佢對屋企人好, 同樣都會對你同BB好.. 只係依家你被呢件事檬左眼, 睇唔到姐~

私人傳訊

積分: 816

47^#

發表於 12-3-23 10:07 |只看該作者

家陣個角色，大家當然係咁講啦... 如果當發生在各位身上，而且你0地並不知全部，同佢0地認識的只有我，你0地一無所知，只係因知部份而評論，當然講得出如此大義的說話啦。如果我係局外人，我都識講各位的說話... 另一方向去講，你0地又何嘗不會因好小的事跟C6嘈? 在別人眼中，果D又何嘗唔係微不足道?
各位口口聲聲理直氣壯說自己如何識做，咁試問你0地真係唔會同另一半嘈? 既然閣下包容又體貼，為什麼有些JM的C6身邊仍有小三的出現?
我唔係想得罪你0地，或者我的言論過激，只係覺得，每次的包容，只會做就下次的危機，各位好自為之啦~

私人傳訊

積分: 595

48^#

發表於 12-3-23 10:14 |只看該作者

樓主, 我完全明白你的感受! 我c6都係個勁鍚細佬既人.
我地結婚9年了, 因為佢細佬而嘈既次數多到不得了! 我亦試過因為一齊太辛苦而想過同c6離婚. 亦因為佢細佬既相處唔好, 搞到我有自殺既念頭, 最後要去睇心理醫生!
我地結婚3年後因為工作原因, 搬左同佢細佬一齊住. c6成日話要2家人一齊食飯咁先好! 返工已經由朝早見到到放工, 放工食飯仲要見住.... 果段時間令我差d崩潰!
c6不停同我講: 大家都有父母兄弟, 就如你對你母父兄弟一樣, 我唔會干擾, 亦唔會投訴! 而你都唔想嫁個唔重親情既男人!

我明白c6所講既道理! 但我就係唔鐘意佢細佬一家(呢個我諗同樓主你的想法係一樣!)
到最後我地既做法就係我繼續討厭佢細佬一家, 我c6繼續去錫佢細佬! c6唔逼我去接受佢細佬, 我亦唔理c6點對佢細佬. 因為大家知道無法改變對方, 亦唔想因為親人失去對方! 所大家要慢慢去搵出平衡的方法!反而咁樣我憎佢細佬既感覺亦少左.

樓主同c6多d溝通, 男人勁蠢, 你唔講佢唔明架!!

私人傳訊

積分: 816

49^#

發表於 12-3-23 10:22 |只看該作者

本帖最後由 vivace01 於 12-3-23 10:52 編輯

回覆 mimibebe 的帖子

多謝你... 我都明白，只有身處相同情況的人先會明白當中的感受... 我唔會怪其他人狂插我，因為大家價值觀唔同。我諗你係呢度唯一一個唔係只睇到表面--->淨係睇到錢。我所講的從來就唔係錢為第一出發點。

私人傳訊

積分: 816

50^#

發表於 12-3-23 10:33 |只看該作者

本帖最後由 vivace01 於 12-3-23 10:56 編輯

回覆 ★月野兔☆ 的帖子

我當然明白佢0地一同生活0左廿幾年啦... 但因為家陣環境問題，我要考慮的問題並唔係其他JM所知的... 如果佢大把錢，佢買果少少野我當然唔理佢啦...
我知我好似好嚴苛咁，但如果細微地方都控制唔到，女人... 真係各安天命啦~
我0地有時真係不得不向北方佳麗學習，好似香港的女人，為男人死慳死捱... 到頭來果D好女人得到D乜? OK... 如果大家認為唔係咁計的，何解北方佳麗的男人可以咁貼貼服服? 太放任男人，食惡果的只有女人
無錯.. 我的問題在各位不值一談... 我知大家好唔認同我的做法，不過可以睇下咁多在香港婚姻失敗的人，邊個唔係由個"忍"出發?

私人傳訊

JunichiOkada

翡翠宮

積分: 78001

51^#

發表於 12-3-23 11:10 |只看該作者

本帖最後由 JunichiOkada 於 12-3-23 11:19 編輯

睇呢個POST 好似偵探咁, 要睇回覆先知發生咩事~~

樓主同佢C6既問題我就唔COMMENT啦.
不過想表達一點, 如果就咁睇回覆, 我睇唔到其他JM 有"狂插"樓主既意味, 反而係用心勸導樓主唔好太執著, 唔知樓主認唔認同呢.

我只係睇到樓主以下既回覆:

第47:

家陣個角色，大家當然係咁講啦... 如果當發生在各位身上，而且你0地並不知全部，同佢0地認識的只有我，你0地一無所知，只係因知部份而評論，當然講得出如此大義的說話啦。如果我係局外人，我都識講各位的說話... 另一方向去講，你0地又何嘗不會因好小的事跟C6嘈? 在別人眼中，果D又何嘗唔係微不足道?
各位口口聲聲理直氣壯說自己如何識做，咁試問你0地真係唔會同另一半嘈? 既然閣下包容又體貼，為什麼有些JM的C6身邊仍有小三的出現?
我唔係想得罪你0地，或者我的言論過激，只係覺得，每次的包容，只會做就下次的危機，各位好自為之啦~

第49:

多謝你... 我都明白，只有身處相同情況的人先會明白當中的感受... 我唔會怪其他人狂插我，因為大家價值觀唔同。我諗你係呢度唯一一個唔係只睇到表面--->淨係睇到錢。我所講的從來就唔係錢為第一出發點。

第50:

我當然明白佢0地一同生活0左廿幾年啦... 但因為家陣環境問題，我要考慮的問題並唔係其他JM所知的... 如果佢大把錢，佢買果少少野我當然唔理佢啦...
我知我好似好嚴苛咁，但如果細微地方都控制唔到，女人... 真係各安天命啦~
我0地有時真係不得不向北方佳麗學習，好似香港的女人，為男人死慳死捱... 到頭來果D好女人得到D乜? OK... 如果大家認為唔係咁計的，何解北方佳麗的男人可以咁貼貼服服? 太放任男人，食惡果的只有女人
無錯.. 我的問題在各位不值一談... 我知大家好唔認同我的做法，不過可以睇下咁多在香港婚姻失敗的人，邊個唔係由個"忍"出發?

如果就咁睇, 樓主要好好學下如下表達自己唔好令人誤會. 即使是你最親的人, 佢地唔係你心裡條虫, 不能好好表達自己, 要別人如何體諒你? 還怪別人不憧自己, 講不過吧~

家家有本難念的經, 做得COUPLE, 唔好只看言行, 有時言語間未必感受到, 還要用心去感受. 你C6係唔係愛你緊你同你個B, 你合起雙眼去感受一下.

私人傳訊

★月野兔☆

積分: 1837

52^#

發表於 12-3-23 11:13 |只看該作者

回覆 vivace01 的帖子

嘻~每個人都有唔好既過去同埋想法~唔洗諗到咁消極既,你為老公我明~在坐有邊個老婆唔係為老公著想多丫,放開D你個人會開心D既,你如果真係想儲錢我會覺得叫佢幫我買下D日常用品等你自己慳黎儲會比較好。要佢自己儲等於叫佢去死或者佢一儲到錢身痕就會洗晒HAHAHA

感冒頭暈暈,俾人捉左去都唔知啦

私人傳訊

積分: 595

53^#

發表於 12-3-23 11:47 |只看該作者

樓主, 我越睇我地2個越有相似的地方~哈哈:
1) 我地2個都因為C6用錢係佢地細佬身上, 而2個C6的細佬都搵到錢(我果個仲有錢過我地),而氣憤!
2) 2個叔仔都狗眼看人底, 串串哄,

其實外人真係唔明點解我地咁唔鐘意個老公用錢係細佬身上! 有時連我自己都唔知點解咁討厭佢地! 有時係心痛個老公做咁多野為個細佬, 個細佬無乜反應, 仲好似老馮或者係一D都唔想接受你的好意咁! 有時就睇唔過眼佢咁目中無人! 有時就係我係討厭你呀, 你行步路都刻我憎! 你連呼吸都討我厭!!

有樣野我不斷去提醒我老公, 你同你細佬相處左十幾廿年, 但我無, 我嫁比你, 係因為鐘意你一個人, 而唔係我鐘意你成家人，所以唔好以為我嫁比你果日開始, 突然間會同呢個無男人女人變左有十幾廿年的親情!而相對黎講，我亦唔駛你對我屋企人好似對你屋企人咁！

有時我仲會同老公講: 我要每日同你講句我好憎佢地先得, 如果唔係平衡唔到自己既心情!哈哈

私人傳訊

積分: 816

54^#

發表於 12-3-23 12:55 |只看該作者

本帖最後由 vivace01 於 12-3-23 13:42 編輯

回覆 JunichiOkada 的帖子

女人... 有時真係好好笑... 有時又會話 D C6 講一套做一套...
男人最叻講完就算，莫非你完全相信佢0地0既吹水功能?

我明白大家的，只係唔係切身之痛，唔會明白苦況...
而當中，我睇到香港女人點解會不及大6女人... 我反而有少少替大家擔心

私人傳訊

積分: 816

55^#

發表於 12-3-23 13:02 |只看該作者

回覆 ★月野兔☆ 的帖子

咁咪即係縱容... 縱容會令佢一直無自己家庭的意識... 咁佢唔知自己應為家庭付出... 女人為家庭慳自己，男人繼續自己洗錢。如果你情況係咁，我建議你唔好再咁笨... 日子有功，男人覺得你的付出係應份

私人傳訊

★月野兔☆

積分: 1837

56^#

發表於 12-3-23 13:18 |只看該作者

回覆 vivace01 的帖子

其實唔係既~始終男人同女人既觀點係唔同~我只係用另一個方式去拎佢既家用姐

唔洗諗到咁執著既~~咁樣你會好辛苦嫁

感冒頭暈暈,俾人捉左去都唔知啦

私人傳訊

積分: 816

57^#

發表於 12-3-23 13:26 |只看該作者

本帖最後由 vivace01 於 12-3-23 13:49 編輯

mimibebe 發表於 12-3-23 11:47
樓主, 我越睇我地2個越有相似的地方~哈哈:
1) 我地2個都因為C6用錢係佢地細佬身上, 而2個C6的細佬都搵到錢 ...

哈哈~ 睇黎只有我0地先有共鳴...
我0地情況真係幾似，佢細佬都伙有錢過我0地... 個陣佢細佬結婚想搞去日本註冊結婚，但佢0地一家人唔會諗細佬結婚月份時，是我腹大便便，去邊都唔方便，加上係去日本丫... 有幅射! 可能對大人無咩影響，但對胎兒絕對有影響! 我話我唔方便去，C6就鬧我... 你話呢D又唔應該嬲咩? C6為了兄弟結婚，完全唔顧及懷孕的我及BB 的身體情況... 唔知其他JM又有咩感受? 定係無知的為了去日本玩個幾日，而將BB的一世拎去冒險一次???

仲有好多... 所以有時討厭係累積的...

有樣野我不斷去提醒我老公, 你同你細佬相處左十幾廿年, 但我無, 我嫁比你, 係因為鐘意你一個人, 而唔係我鐘意你成家人，所以唔好以為我嫁比你果日開始, 突然間會同呢個無男人女人變左有十幾廿年的親情!而相對黎講，我亦唔駛你對我屋企人好似對你屋企人咁
你真係講得好0岩!!! 真係唔可能有相同的感情! 愛屋及烏? 佢唔乞你憎咪可以囉...

如果各位可以將C6細佬，當作某位好令人討厭的同事，可能我都唔明點解你0地要針對果位同事呢? 咁同事間點解唔可以好好相處? 咁都係返工見果幾個鐘... 更唔係家人唔駛對成世，點解你0地又包容唔到佢0地? 咁點解有D同事特別令人討厭? 可能佢咩都無對你0地做過喎! 但係就令你0地討厭? 講佢0地是非? 點解大家又可以如此執著一個外人呢??
家陣果個乞人憎角色只不過係C6的細佬!

私人傳訊

積分: 595

58^#

發表於 12-3-23 14:47 |只看該作者

回覆 vivace01 的帖子

無錯, 好多既矛盾係因為日積月累咁加上去, 外人睇起上黎係件少到不能再少, 但當時人的我就覺得對方十惡不赦. 我試過因為佢細佬亂用我屋企的紙巾而嬲! 亦試過佢串我屋企個工人而發脾氣!!就算平時所有事都撐我的阿媽亦覺得我離譜.
有時都會諗自己係咪太少器, 太過份! 但當同以往的事加在一起時, 我小器過份的諗法就煙消雲散!

私人傳訊

積分: 816

59^#

發表於 12-3-23 16:11 |只看該作者

本帖最後由 vivace01 於 12-3-23 16:39 編輯

回覆 mimibebe 的帖子

我當然有試過對佢好啦... 我唔係要佢回報我D乜... 我只係希望佢作為叔仔，有返少少對我的尊重...

1) 佢同佢女友都唔識主動同我打招呼，就算識叫人都聽得出好唔願意咁... 好~ 我聽C6講，咪大方先主動囉，隨之以後，佢0地就覺得我應份先同佢0地打招呼。
有次一家人出去食飯，我先到... 及後見到佢同佢女友黎到，我先同佢0地 say hi~ 佢0地見到我 ga...不過只限望，回應我一句都無... 只因當時無其他長輩在場，所以就唔駛回我。就算普通朋友見到面都會回應一下啦... 何況我當時係佢哥的女友

2) 有次佢上我0地屋企，我拎定拖鞋俾佢，佢著都唔著，仲在間屋周圍行，我最怕污糟的... 我間屋拖到乾乾淨淨的... 正常去朋友屋企都會問屋主需唔需要除鞋啦，其實都唔駛問啦，如果有禮貌的，去到任何人屋企都會自動除鞋啦。就連入屋企整野D c-fu 都會咁做!

3) 佢女友次次上99食飯都唔幫手，喂~ 我同佢當時0既身份都係人0地女友... 點解佢咁大牌唔駛郁手? 一入到屋求其叫完人就入房，食完飯又即刻入房...

4) 我同C6結婚，果陣好好聽丫，話俾一手XX銀行股我0地作為賀禮，最後... 咪送 2千幾0既音響... 我唔係貪佢D賀禮... 做唔出就咪講啦! 就連99之後知道都話佢細佬，阿哥結婚送咁寒酸... 不過佢D吹水唔抹咀，我都已經習以為常...

5) 果陣結婚 2家人食飯，佢細佬遲遲唔到... 我都覺得無問題，佢唔黎仲好添... 不過男家話一齊黎先顯得有誠意... 咁就要我0地等0左佢成1個幾鐘... 黎到仲黑口黑面.... 佢坐我媽間離，佢一坐低，將張櫈拖開，離開我媽勁遠... 當我媽有傳染病!
之後佢媽同細佬閒談講起細佬女友，原來細佬怪佢0地無叫佢女友! 大佬! 佢真係有病... 個日係我0地2家雙方家長見面，關佢女友咩事? 佢女友都未入門，有咩資格坐在度?

6) C6 向我求婚搞0左個 party.. 一路都OK... 當C6將個 MIC 交俾佢細佬就出事... 佢細佬當住我D朋友面前同佢女友講: 我都祝 M小姐下年生日快樂!!
頂你!!! 呢個係我生日+求婚，你個 M 小姐一早就過0左生日啦，你要同佢慶祝咪下年囉，定係你知道下年你無機會同佢講? 所以家陣講定咁白痴丫!!!

7) 我仲未入門... 有次佢屋企搬屋.. M小姐果陣已經住在佢0地果邊，佢媽已經一早叫M小姐去食野先，但M小姐唔去食... 我因為距離佢屋企遠，我都未食野就去佢度幫手搬屋...
佢0地男人負責在舊屋搬野到新屋，女人就在新屋度等... 佢細佬一落車見到M小姐，見其他人搬野上樓時，就拖住M小姐急步走開... 因為我負責睇住傢俬，所以我睇住佢0地去買野食... 返黎時仲慢慢行，拎住一罐汽水... 難為佢大佬整傷腰仲落力搬野... 佢0地新屋仲要無 lift!! 其他人就搬餐死，搬到得返D輕0既佢先返黎...
之後我同返C6講，反而仲俾佢鬧我自己唔食野先! 同係同人唔同命，大家都未食早餐，佢細佬就識拖女友去食野，反而我忍餓又幫手，仲俾人鬧返轉頭!!!

仲有好多好多... 果D討厭唔係外人所知所感受到...

私人傳訊