吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 係女人就要擺買Missha

自由講場今日: 541|主題: 1362533

收藏本版

發帖

返回列表

跳至頁

樓主: Jason

係女人就要擺買Missha [複製鏈接]

1 23

worry

侯爵府

積分: 21554

41^#

發表於 05-12-29 14:29 |只看該作者

Re: 係女人就要擺買Missha

私人傳訊

kingawa

伯爵府

積分: 18472

42^#

發表於 05-12-29 14:40 |只看該作者

Re: 係女人就要擺買Missha

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

lajar

複式洋房

積分: 128

43^#

發表於 05-12-29 14:45 |只看該作者

Re: 係女人就要擺買Missha

女秘書不幸遭遇, 係值得我地同情......
最重要佢是否有得到公司合理賠償 ?? 除了法庭裁判外??
炒佢0個個老闆擁有好多間公司??(除了MISSHA)咁有冇D係日常生活都接觸到??

私人傳訊

YOBO

大宅

積分: 1033

44^#

發表於 05-12-29 17:04 |只看該作者

Re: 係女人就要擺買Missha

一名貿易公司女秘書，因懷孕時幾乎流產而需經常住院，公司另聘他人代替其職務，並於女秘書生產後不久，以其工作表現不佳為由將她解僱，她早前透過平機會向前僱主索償，昨於區域法院獲判勝訴，法官下令前僱主賠償十六萬三千多元連利息。
原告人林詠麗（譯音），被告為旭東（正大）有限公司。原告 ○ 一年初加入該公司，並於翌年懷孕，因過程不順利而經常請病假，她於生產後曾返回工作崗位，但上司於 ○ 二年十一月將她解僱。

旭東（正大）有限公司 ~~ 係做化工原料的.....

當事人已經發表左佢的心聲 ~~CLICK HERE

私人傳訊

mamabinbin

複式洋房

積分: 283

45^#

發表於 05-12-30 00:01 |只看該作者

Re: 係女人就要擺買Missha

响樹, 我真係好衷心多謝好多媽咪嘅支持...

你哋問嘅問題, 我盡量答:

1. 關於大肚抄定生完先抄:
其實我生完仔個時, 第一&第二次入院之後, 返咗公司一個禮拜, 佢哋個時話我知請咗個perm. 唔係tem. 所以我個時都好懷疑佢哋會唔要我, 返咗一個禮拜後, 我又再入院, 直至我生完才可以出院, 放到差唔多產假, 我就打返公司, 問佢哋點安排我d嘢, 因為個個新秘書都做近我嘅嘢, 佢就話唔要我, 叫我返屋企養身體&湊仔, 我個時都accept佢哋咁講, 因為自問同佢哋關係幾好, 又加上我都唔好意思做咗年幾就請咗二個月病假..... 但之後我朋友話我知佢哋咁做好似唔得, 叫我去問勞工署, 勞工署就話佢哋賠足就得, 咁後尾發現原來佢哋要比多一個相等於一個月工資嘅賠償金, 所以我打返去同佢哋講, 佢哋就反口話都無話要抄我, 咁樣1嚟佢哋唔駛賠, 2嚟佢哋無犯法, 咁我再問勞工署, 佢哋話睇你哋合同寫明咩方法terminate, 咁睇返合同係要書信通知, 無話口頭可以... 所以就咁我就谷住返工..... 其實返工都明知佢哋最後會抄我, 因為個人事部經理一早放咗聲氣比我知, 加上我個位比咗個新秘書, 做個d嘢又pass晒比佢, 最明顯係所有同事都避開你, 驚死你累佢哋咁, 所以返咗一個禮拜, 就真係抄咗我..... 個個禮拜, 自己唔敢出錯, 驚死佢哋搵d嘢嚟話抄你, 所以佢哋就求其搵咗個藉口抄咗我

講真, 成個故事好長, 中間都發生咗好多嘢, 另外, 我想提一下, 後耐入去做個個新秘書原先都肯做我証人, 証明我人格同做事, (我返去個個禮拜明知佢哋抄我, 我都教個個新秘書d嘢..... ) 當然, 佢後耐又係無晒影, 因為聽聞佢而家掉咗去做化妝品內部職位.

其實成件事令我最傷心唔係佢哋抄我, 我無工, 係影響咗我哋夫妻關係, 我同公司朋友嘅關係....... 搞到我時不時發夢响公司.... 最記得有個好好嘅妹妹仔同事, 佢都背住公司同我keep contact, 後耐有日佢打比我, 叫我以後唔好再搵佢, 為咗呢句說話, 我都喊過, 好似失去咗好多嘢咁......

2. 關於公司:
我做個間公司係買塑膠原料, 係direct老闆嘅秘書, 只負責對韓國supplier, 從來沒有接觸過客戶

3. 韓國化妝品公司嘅問題:
我唔係太方便講, 我凈係知佢哋後尾攞咗呢個牌子嘅代理.

當然, 我都希望有機會同大家講我嘅故事! 姐妹們, 站起來, 大肚無罪, BB可愛, 哈哈哈!!

P.S. thank you Jason媽對我嘅關心&支持!

http://hk.myblog.yahoo.com/hilphenkong

私人傳訊

cameo

子爵府

積分: 10555

46^#

發表於 05-12-30 04:32 |只看該作者

Re: 係女人就要擺買Missha

老實講,,,我身邊唔算好多朋友,但實在好多都在大肚時被人迫你走,,,,,,,
無人無咁蠢即時炒你,但明知你大肚好多工作都做唔到就俾好多說話你聽,我以往較多接觸都係售貨員,但得呢個位當然唔係sell吓客咁少野,多少都有d粗重野做吓,大肚o個個唔做當然要由其他人代勞,但坐埋一邊感覺重難受,實在太多難聽說話,,,個女仔都未嘔只係反胃,個sales super係細細聲有粗口..
當時個女仔係做門市,我自己做美容部,每次個女仔唔舒服都上左美容部坐,但我成日見佢俾人鬧,個super粗聲粗氣問佢抖夠未,作嘔又黑面,搽油又話臭,我好心俾張紙巾個女仔,都要俾個super黑我面(佢都係女人,但唔知佢係咪無仔生啦吓),,,,,,,最後個女仔好快辭職!
另一個在金舖做,重慘,當時佢俾一個分區經理先問佢點解唔辭職安胎,咁當時人當然係話自己唔可以無左份工啦,但個分區經理就話而家d分行間間都唔夠人,咁第時邊間唔夠人佢就去邊間做,元朗,銅鑼灣,佐敦,上水,屯門....結果當然係玩足咁多個月,生左無耐又係有佢地個理由去炒.......
我識o既同睇到o既就兩個,但我相信現實係有好多,,,,,正如大家有冇留意其實好少大肚o既售貨員呢?????真係個個經濟上可以負擔到"辭職安胎"?????個個大肚sales都唔志在d產假咩??????

私人傳訊

mamabinbin

複式洋房

積分: 283

47^#

發表於 05-12-30 13:49 |只看該作者

Re: 係女人就要擺買Missha

其實我都知香港好多大肚婆都比人欺負, 我啱啱有個朋友佢又係大咗肚, 咁原先係做tem sec. 每三個月續佢一次, 但近排有咗話比個間公司聽, 即刻都唔再續佢, 佢問我可唔可以告佢, 我同佢講, 如果你覺得佢唔續你嘅原因係大肚, 咁你可以去問平機會, 我個人就覺得佢哋係歧視大肚囉.

但其實平機會都好鬼忙, 你哋上去佢哋嘅web site, 就見到咨詢嘅人有幾多, 所以我覺得香港歧視條例都係訓得未夠重, 加上太多人未全完認識呢d條例, 講真, 我個次打官司, 對家都請個大狀(bar), 但我覺得香港唔係太多律師pro打嚟d case, 如果响外國就會好重視. 我朋友佢响Norway,佢話政府好protect佢哋大肚, 放假都可以申請2年, 係我哋香港人得前4後6之嘛!

再講, 平機會都係資源有限, 唔係單單case都受理, 佢哋會try同你哋先調解(即類似庭外和解), 如果不成功, 佢哋會考慮pass去法律部門, 法律部門再考慮各因素再決定幫唔幫你打官司. 個時律師話我知我單case有point, 同埋好多証據, 所以有把握接受我單case. 所以前後搞埋連調解, 先至搞到3年幾. 講真, 3年真係好辛苦, 因為個過程入面大家大停寫口供, 你見到你對佢好好嘅老闆寫d令你好傷心嘅說話, 好friend嘅同事亂up嘅嘢, 你就會明白.

講真, 香港人大肚有幾何會讓位比你坐呀, 呢d咪就係香港政府缺乏教育灌輸市民, 我記得個時我大肚, 一班後生仔著住校服見我大肚都唔會讓位比我坐; 有次我搭地鐵嚟遠見到個大肚婆, 起身讓位比佢, d人即刻撲埋嚟搶位, 跟住我梗係話佢:個位唔係讓比你, 起讓比個大肚婆, 望下其他人, 根本都無意識想讓位比人, 所以我覺得好悲哀. 我仲記得個個大肚婆好唔好意思, 因為佢後尾佢落車先過我, 係咁同我say thank you. 唔好話大肚婆, 就算你抱住個細佬, 都未必讓位比你. 再講, 坐少一陣又唔會死, 大家互相幫助, 個世界都美好d啦.

各位大肚媽咪, 如果真係覺得自己被受歧視, 鼓起勇氣去爭取自己嘅權益, 我哋會支持你ga

http://hk.myblog.yahoo.com/hilphenkong

私人傳訊