iczzzz 發表於 12-5-1 01:03
話說我個朋友帶新結識嘅女朋友黎我屋企探bb,之前我朋友讚到個女仔天上有地下無,又靚女又大方,單身咗咁耐終於都找到真愛,咁我都好恭喜佢!佢哋6點上來想喺我屋企heir到8點半先走,因為未肚餓未想去食飯住,呢2個半鐘大家都係周圍搵啲水吹下咁,咁o岩電視做緊「食得峰蘇」,蘇民峰話今年屬蛇嘅朋友遇桃花,結得婚果隻,咁我就即刻同呢個朋友講「喂好準喎!你係蛇年真係有桃花」佢果下面色一沉,我唔知發生咩事。果晚佢whatsapp我,怪我搞到佢同女朋友散咗!事源係佢女朋友好保守,接受唔到男朋友大過佢,佢女友屬龍,女朋友問佢係咪都係屬龍佢冇否認,點知因為我呢句說話,佢女朋友嬲咗佢話我朋友呃佢,同佢分手!我覺得自己好無辜,但我朋友係咁話我亂講嘢累咗佢冇咗呢段佢期待已久嘅姻緣!而家佢whatsapp都唔應我了!我錯嗎?