Giant 寫道:
我都覺得係妳哋太遷就佢, 令佢越來越過份; 其實真係不如來一招破釜沈舟啦, 將阿仔及工人接回來; 不再給她家用, 只在過時過節時係咁e俾d佢, 連電話都唔好打俾佢;
給她一個冷靜期去好好諗一下, 應該話係反醒吓。一個人火遮眼時就乜都會鑽去牛角尖架喇。
過得一排, 妳阿爸同阿哥再勸吓佢就冇嘢架喇。其實妳哋一家四口連工人生活都ok丫, 點解一定要俾阿媽湊呀？
winniecws 寫道:
我呀媽又有新招，佢將我同老公之前買比佢既野掉左，或者收埋晒，總之唔會再見到。算喇，送得比佢就由得佢處理，我做左份心意就算。
不過話禁快，我老公下星期中就飛返大馬一個星期見佢呀媽，原本我應搬到我媽家暫住，E+攪成禁，有點孤立無援，返自己屋企，得一個人大住肚，有事又怕無人知，呀媽就覺得同佢攪對抗，女生外向喎，今年過年好唔開心呀！ :-(
LuLaLa 寫道:
winniecws
請吾好介意想問一句, 亞伯母本身係咪有啲咩野特別原因, 所以你地全家都要咁過份地去遷就佢?
我亞媽都已經好厲害, 點知亞伯母仲誇啦啦, 簡直係din 人一族, e+萬大事最重要都你肚入面果個同你自己, 陀bb已經好辛苦, 吾好比其他人影響到你地, 多啲同老公, 朋友傾下計啦, 我都係過來人, 陀bb時我亞媽望都冇望過我一眼, 我果時又陀得吾隱定, 成日見紅, 急症都去過三次, 攪到我成日覺得自己如果係個孤兒個心仲會開心啲. e+我個b都14個月, 雖然我亞媽都有成日黎, 但我學識左放鬆同睇開啲, 所以e+佢做乜同講乜都好閒, 我都吾係好在乎.
我屋企都只係得兩個仔同我一個女咋, 但我亞媽都只係緊張啲仔, 偏心冇問題, 反正我都慣lu, 但最老土佢又成日都吾認, 連啲新相識既朋友都覺佢偏心, 佢都仲要死撐!! 好彩我識惗, 吾放係心上, 所以個天比左個happy baby 比我囉!!! 我好開心, 屋企有我老公同個b就夠, 話我女生外向都係咁講喇...
所以你要加油啊!!!!!
其實妳好應該和妳老公離開這個家，否則我怕妳老公去到忍無可忍和妳媽吵大獲，到時做咩都無用，好彩妳爸爸哥哥都識分黑白， 
最緊要是小心妳媽在小朋友處落藥講妳和丈夫的不是，小朋友很容易相信人尤其這人是由小帶大他的，別以為亞媽不會這樣害自己個女，是因為亞媽自己也不知不覺地去做。妳一定要同老公同一陣線不要比老公覺得自己孤立。
發表於 
返回列表
