miuki 寫道:
小咪媽..佩服你..有勇氣17歲生bb...
我85年架..仲有3個星期就預產期啦~當初知自己有左之後都唔知鼓起幾大勇氣先敢同屋企人講我要生bb出來~當然,同屋企人拗左一段時間~最後佢地冇我乎先尊重我意見~
我依家都驚緊bb出世左點湊~bb爸爸又唔係hk~我要坐完月先返bb爸爸度~依家住屋企壓力都好大...屋企人雖然依家冇講咩~~但係佢地眼中我咁細生bb好俾人睇唔起~~又毀左自己前途(本來我讀書好好~決定生bb出來就冇讀啦)~除左好親既親戚知我有左之外~佢地都對外封哂口...睇到咁,自己個心好唔舒服~覺得好似影衰屋企人...
不過點都好啦~既然係自己選擇既~就要好好去面對~依家凈係希望bb健健康康咁出世~~
你都俾心機湊bb啦~自己選既路就努力行落去啦~人家點睇點講係人地既事~自己堅持返自己既意願啦~
superlover_mak 寫道:
小咪媽,
我17歲就生bb~
o個陣時我仲要有左7個月, 呀媽先知~
由頭到尾我都冇同佢講過我有左, 係e生話俾佢知ga~
我now18歲啦, 仔仔20號都1歲啦~
o係呢一年黎, 我行出街真係受過好多氣, 返到自己d relatives度, 又俾d 8婆話, 好睇唔起我~
話我咁細個就有bb~但我聽完之後, 我冇唔開心~
我仲更加比心機湊我個仔教我個仔~
now好多人見到我個仔都會好開心, 好鐘意好錫我個仔~
雖然生完佢要考hkcee, 又要溫書又要湊佢,冇覺好訓好辛苦~但咩野都係值得ga~當你聽到佢講媽媽~
你就覺得你既辛苦係冇白費ga la~
我now都仲返緊學, 邊返學邊湊仔都好辛苦ga~
你比我好, 我冇人幫到我湊, 我個仔要返嬰兒園~
經一事長一智, 生完bb人就會大個左ga la~
比心機啦~
ugly_po,
我都係87年10月ga~
pigabc 寫道:
Hi 小咪媽:
我就18 歲生小朋友的 , 我大妳足足十年 , 我個小朋友都九歲喇！ 有時諗返我都有少少後悔咁細個生小朋友 , 或多或少都感到失去了自由 , 囝囝係我自已一手湊大 , 途中都做過半年野 , 眼見我身邊的朋友有好多都未結婚 , 見到佢地無憂無慮 , 自已搵自已洗 , 年年都去旅行... 我都好羨慕 , 加上同老公12 年的感情已轉淡 , 自已學歷又唔高 ( 只有中三 ) , 真係令我幾憂心 , 家庭開支都幾大 , 老公份工又驚佢會比公司裁員 , 真係驚第時要做看更亞姐 , 掃地亞嬏 , 最慘我囝囝依家成日駁咀駁舌 , 話佢一句就頂返我十一句 :-( 好勞氣 , 不過無得怨 , 條路係自已揀 , 但都要講句 , 男人係靠唔住 , 做女人一定要增值自已 , 遲 D 妳可以讀返書一定要好好讀下去 , 就算將來妳男朋友唔照顧妳和 BB , 妳有學歷的話怕咩搵唔到好工 , 所以記住呀比心機讀書 , 我都支持妳 ！！
LOVEtsangchiwai 寫道:
我仲以為自己好細生bb tim~~我84年12月架,岩岩20歲有左bb,e+21歲,bb5個月大啦,其實我17歲時都有過,都係我老公架,但我冇要到,因為我老豆一定會斬死我老公,同埋我老豆果時都唔知我有拍拖,點同佢講話我有左呀........ :-( :-( :-( e+諗返都好唔開心,我對唔住之前個bb........ :-( :-(
到有左e個,我老豆都超嬲.......但冇計啦,我同老公一齊都5年,冇可能再唔要,e+老豆見到我仔仔都好開心,佢好love我仔仔架~~
不過生左bb真係咩自由都冇晒,我d fd e+仲成日去玩,好自由,但我就算有得去玩都好掛住我仔仔架........ :-( 生左出黎唔可以怨,到30歲,人地就會好"善冇"我地有個咁大o既仔仔~~
係呢,你個係咪女女呀~~~??生bb係咪好痛呢???計落我都大你4年幾wor,覺得自己好老tim~~~
cocoWong 寫道:
睇到你地個個都好似見到自己7年前咁,我有大囝時都係19歲,剛升讀大學一年級,就係個年識到now老公,行左無耐就有左啦,我地之前都有落過bb,所以呢個我決定為佢放棄一切,包括家人,前途....生大囝出黎,記得有左3個月時我老公同我媽講時,好反對,阿爸知道後好激氣,又喊打喊殺要我落左佢,我老公仲同我上埋大6叫我落,但因當時已3個幾月,我係掃瞄到見到bb真係好吾捨得,終於就咁就生左大囝,我有時都有後悔生大囝出黎,因我比左好多吾好嘅野佢,佢一出世就有兔唇,又要做手術,加上吾知係咪我吾識教,佢而家讀書好差,又成日駁咀,又攪到好似成日都陀螺外家咁,點都好啦,都有開心嘅時候,起碼我個老公都好生性,對我都幾好,而家生埋第二胎啦,係囡囡,不過好吃力,都吾知幾時先可以還番晒散借阿媽個d私己錢.
發表於 
)~
返回列表
