吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 成為罪人之旅---結婚當日

婆媳關係今日: 0|主題: 27780

收藏本版

發帖

返回列表

跳至頁

樓主: mimilan

成為罪人之旅---結婚當日 [複製鏈接]

1 234

方方媽媽

水晶宮

積分: 74328

41^#

發表於 12-6-12 15:19 |只看該作者

corn819 發表於 12-6-12 13:06
樓主嬲完就算啦, 唔好夾老公係中間, 佢會好慘架! 手掌又係肉, 手背又係肉, 你叫佢幫邊一方好呢? 我覺得, 既 ...

好野!!
一年都係頂幾次,每次幾個鐘,咪當睇"傻人發現"囉.
你咁做,大方得體,你老公又有面子,又唔洗難做人,你真係做得好好!!

私人傳訊

toby1357

別墅

積分: 932

42^#

發表於 12-6-12 15:22 |只看該作者

如果齋睇第三篇
男家好似好衰

但第二篇仔又港女到爆
好能理解男家第三篇既行為

私人傳訊

c.hutchson

子爵府

積分: 12396

43^#

發表於 12-6-12 15:27 |只看該作者

佢地好似成家都有病咁

病向淺中醫呀~

幾時先上到車.....

私人傳訊

corn819

大宅

積分: 1491

44^#

發表於 12-6-12 17:06 |只看該作者

回覆方方媽媽的帖子

初初結婚個時, 我真係好睇唔開, 日日港女上身, 夾老公係中間做夾心餅。但時間耐左, 亦發生左好大件事, 令我開始睇化左。結婚三個月都未夠, 我99就驗到有cancer, 由於佢一向身體都好孱, 亦有好多種奇怪既病（普通D有輕度地中海貧血, 奇怪既有重肌無力症）, 本來佢無打算同我地講。但結果, 原來有重肌無力症既人, 用麻醉藥要好小心, 太多佢會一世醒唔返, 太少又麻醉唔到。佢開始怕死, 先勉為其難講我地聽。唉! 點知人算不如天算, 唔知點解個天要咁玩佢一家, 同一時間, 我62又確診有老人痴呆。我老公由細到大比99寵壞晒, 乜都唔識做, 唔識作主, 結果咁我黎幫佢打點囉。我幾驚佢賴我係「掃把星」, 一入門就尅到6299病呀!

新抱真係唔易做, 99做完手術, 身體更差, 出左院都重有條喉插係個肺方便D血水流出黎成個星期。佢又擔心62成日周街走, 一陣唔識路返屋企。我話請工人照顧佢地, 又話唔要有人住佢地屋企。請鐘點啦, 又嫌人地煮野唔啱佢胃口, 我請一個, 佢炒一個。我都真係無佢咁好氣, 由得佢, 辛苦既係佢自己。人地睇我好似好無情, 但佢兩老有幾無賴無人知。自此之後, 我唔再同佢兩個計較, 雖然我仍然唔鐘意佢地。但對住兩個病人, 講得衰D, 我要對多佢地幾多年?

到我宜家有左BB, 佢地買野永遠只會買比BB, 唔會關心下我。只係關心BB係唔係囝囝, 成日話生囝有奬金。呢D說話, 幾咁難聽? 生囡好失禮你咩? 所以我同老公約法三章, 你唔好迫我個個星期去見佢兩老, 我怕我忍唔到爆發無謂。但一年幾個大節日, 即使要見埋佢D親戚, 我去得都會去, 齋坐笑笑口唔出聲。我講笑同老公講, 我係佢D親戚度受左幾多氣, 返屋企我慢慢同佢計。哈哈!

私人傳訊

小肥楊

珍珠宮

積分: 48772

wyeth冷知識勳章畀面勳章 BK Milk勳章

45^#

發表於 12-6-12 17:13 |只看該作者

留位

私人傳訊

waterlemon

珍珠宮

積分: 37960

wyeth冷知識勳章畀面勳章

46^#

發表於 12-6-14 02:42 |只看該作者

成為罪人之旅---結婚當日

私人傳訊

Kristinming

禁止訪問

積分: 10103

47^#

發表於 12-6-14 03:18 |只看該作者

回覆：成為罪人之旅---結婚當日

提示: 作者被禁止或刪除內容自動屏蔽

私人傳訊

mimilan

複式洋房

積分: 211

48^#

發表於 12-6-15 15:03 |只看該作者

多謝大家覺得第2篇的我好港女，坦白說，我都覺得婚前的行為好不知所謂，如果呢家人係好既，我一定唔會咁做，但呢家人.....(請看第一篇)，太多野睇唔過眼，我真係唔想理佢地。而事實上第二篇只係講出我呢件事的立場，而實際上我的火爆佢那班人係唔知。當然受罪的是我老公。可能我知佢對佢家人過份地好，那種好係連第一篇的事佢都都覺得唔係咁大問題，唔好理佢就算。如果呢班人係同事係朋友，我一早已經唔會理會，但問題係佢家人，我絕對唔會想咁做。可能有好多人唔明點解我會咁做，當然唔明的點講都唔會明，明白的就會知道點解我會咁衰。我只想我老公知道佢家人的真面目，可能會有人覺得做咩一家要佢面對佢家人的真面目?因為我唔想佢再比人呃，就係咁。我做既我唔係覺得自己好岩，但我只係覺得你點對我，我先點對你，絕對唔係我點對佢地，佢地先咁樣對我。針唔拮到肉唔知痛...講真，再賤d其實都可以，但我都唔想咁做，我都唔想佢老豆有咩事...點都好，因為呢家人比左太多陰影我，我希望講曬大部份的事，睇下可唔可以比自己當係一個了結，希望唔好再因為咁成日發惡夢，唔好成日糾纏在我心中...我冇各位eq咁高，我只能這樣。

私人傳訊

mimilan

複式洋房

積分: 211

49^#

發表於 12-6-15 15:07 |只看該作者

alicemic 發表於 12-6-12 00:47
佢呢啲叫愛之心責之切！明白男家都唔係好，不過無男人會鍾意一個對自己咄咄迫人既太太..........唯有祝佢 ...

其實一切佢自己都有眼睇，我寫都寫唔到咁多野出0來，或許我只係以個人立場去寫。佢完全明白點解我會咁，因為佢之前話我諗太多都係想安撫我。有時我都有自責係咪我既出現令人睇唔順眼(我講的係拍拖時的事，不是籌備婚禮的事)，令到佢地咁，我有時都會諗不如我消失咁大家都唔洗煩，但佢都話知道唔係我問題，佢唔覺得我有咩問題，佢只係話佢細佬係咁，佢全家人都知，係全部人太錫佢令佢變成咁，所以叫我唔洗理佢。自問eq低...所以.............

私人傳訊

mimilan

複式洋房

積分: 211

50^#

發表於 12-6-15 15:08 |只看該作者

WTM 發表於 12-6-11 21:38
發生咩事？介意講嗎？

下回分解..

私人傳訊

mimilan

複式洋房

積分: 211

51^#

發表於 12-6-15 15:10 |只看該作者

flyingrabbit 發表於 12-6-11 22:19
連續睇晒三個，真係...唉！如果係我一定係咁小爛佢！介唔介意講佢兩公婆係邊樹教書，我唔想我啲仔女比佢教 ...

我諗你大概明白我的感受吧.....

我都唔知佢地邊度教，我都想知，將來有仔女都驚比佢地教= =

私人傳訊

mimilan

複式洋房

積分: 211

52^#

發表於 12-6-15 15:11 |只看該作者

melun 發表於 12-6-11 23:22
既然知道係佢哋有問題，點解唔可以互當透明？點解仲要在乎他對你做d乜？佢哋叫都唔應，咁你哋可唔可以以後 ...

下回分解...

私人傳訊

mimilan

複式洋房

積分: 211

53^#

發表於 12-6-15 15:13 |只看該作者

tobey0713 發表於 12-6-12 04:21
算啦！多一事不如小一便！
當男家全部透明而且你同你老公呻，佢同佢既家庭生活左咁多年點都習慣曬，你睇開 ...

你說的是，只是我真係eq低...我已經用左好多方法去令自己唔好咁在意....可惜真係做唔到。唉....有時我都覺得自己好冇用，就連唔好放0係心都做唔到。

私人傳訊

mimilan

複式洋房

積分: 211

54^#

發表於 12-6-15 15:17 |只看該作者

panda1985hk 發表於 12-6-12 10:38
比著我...當場炸爆佢地啦= =
都簽左紙~ 洗Q俾面你呀=.=
嫁你個仔你阿哥咋~唔係嫁你呀~

如果咁做，人地咪又係覺得我唔岩.....我只係同老公爆，已經係咁比人話港女了= =
有時我會好似你咁諗...但有時我又會諗係咪我出現令到我大家都唔開心...
但最唔順氣係...點解我又好似要跟我老公一樣就晒所有人，但就唔會有人諗過我老公感受?(講真，我但願佢地對我老公如佢地其他仔女一樣我已經夠，但我老公在佢家庭角色係付出那個，佢地都習慣晒...)

私人傳訊

mimilan

複式洋房

積分: 211

55^#

發表於 12-6-15 15:21 |只看該作者

方方媽媽發表於 12-6-12 12:03
同意.
既然你都明白佢地唔當你老公係家人,而你都決定唔當佢地係你老公家人,做咩仲要嬲?
對住街外人,你無理 ...

純粹啖氣姐...我唔洗佢地對我好，我只想佢地對我老公好d(我唔係話一定要同其他仔女一樣)，真正明白問題0係邊姐...
可能我係不平則鳴既人啦.,,.我都知我要學習下唔好再執著呢d事，但d朋友又覺得我呢個性格係好(指平時待人接物)，唔洗為佢地變得咁假之類....我都唔知...但我只知我幾爆，我都冇0係佢地面前講過d咩，但要我屈住唔同我老公講，我真係好辛苦。

私人傳訊

mimilan

複式洋房

積分: 211

56^#

發表於 12-6-15 15:26 |只看該作者

socute 發表於 12-6-12 13:04
看了你三篇（好長好濕碎），我懷疑你將來生活點過，看文你老公都好就你和就佢屋企人一樣。屋企人改变不了， ...

都係...佢係對親人好好，就因為咁，我做的都係覺得咁好既人係咪都應該唔係只係比家人利用呢?我只係一直睇唔過眼呢d野...
將來點生活?!冇話點生活，其實我老公自己都親眼見到佢家人的一切，只係平時唔會在我面前講姐...佢點會唔知，只係我係火爆型，佢唔想再火上加油。所以都唔係咩問題既...(下回最後一篇你會知道係點)

eq提高...真係好難，我有做過，不成功。盡力試緊..有d野已經好左少少，盡力而為啦...

私人傳訊

mimilan

複式洋房

積分: 211

57^#

發表於 12-6-15 15:27 |只看該作者

corn819 發表於 12-6-12 13:06
樓主嬲完就算啦, 唔好夾老公係中間, 佢會好慘架! 手掌又係肉, 手背又係肉, 你叫佢幫邊一方好呢? 我覺得, 既 ...

唉...真係...唔識講。我明白你好意，也明白你比我更為難。大家都努力吧!

私人傳訊

mimilan

複式洋房

積分: 211

58^#

發表於 12-6-15 15:34 |只看該作者

JenTam 發表於 12-6-12 15:09
其實咁刻意問返D姊妹當日情況，又要嬲餐飽又有乜好處呢？
有時D嘢唔係親眼見，唔係親耳聽咪算數啦。
點解要 ...

其實係因為我阿媽件事我先要問過明白，我唔可以比人屈我阿媽，但我亦唔想屈佢個家姐，所以一定要清楚成件事係點。我只可以講，呢度好多人都覺得我港女(睇第2篇時)，但我只係想講，如果呢件事係我阿媽唔岩，我都會話佢，我係幫理不幫親。只係問呢件事時，好順便姊妹就會講其他野....
但我都知有時真係同自己過唔去，d性格攪到自己咁辛苦真係好無謂，但到自己想睇開d...其實真係好難，除非我唔係呢種人...但坦白，有時我好憎自己咁樣!!

私人傳訊

小豬澄

珍珠宮

積分: 47485

畀面勳章環保接龍勳章

59^#

發表於 12-6-15 15:36 |只看該作者

成為罪人之旅---結婚當日

我老公屋企人好冷漠所以我對老公好好不過我屋企人都對我地唔好但我地唔介意因為我同老公+女女先最親其他人唔重要所以佢地講咩做咩我都唔上心不過人係會變我99現在都對我地幾好不過都係君子之交

私人傳訊

mimilan

複式洋房

積分: 211

60^#

發表於 12-6-15 15:41 |只看該作者

toby1357 發表於 12-6-12 15:22
如果齋睇第三篇
男家好似好衰

如果佢地真係知道我第2篇的做法和感想，之後佢地對我衰，我接受，因為我知原因。
但我想講，只係我一個人冇問佢地意見，我老公係有問的，亦識得咁同佢地大方地講野。所以佢地唔會知我係點。咁第3篇佢地所作所為已經唔成立。
即使佢地真係知，唔like我係咪就要咁對我家人或朋友咁?我一直講主要都係唔like佢細佬2個同佢家姐，佢姐夫係冇咩，我係會同佢打招呼，也會講下野，因為我唔會因為唔like佢家姐而憎佢姐夫。當然可能我係咁，人地未必係咁...但我想講，婚姻當日，我feel到佢老豆係開心既，佢阿哥都冇咩...只係其他人有問題，佢阿媽我都唔知點解呢日會咁對我d朋友姐!!如果係咁...我阿媽覺得個女比人蝦，係咪都要對佢地黑面呢?但唔係喎..我阿媽都唔會咁做!