吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 點解有咁既女人 ~ 3 (好長)

婆媳關係今日: 0|主題: 27781

收藏本版

發帖

返回列表

跳至頁

樓主: candy-chiu

1 234 5

積分: 4099

41^#

發表於 12-7-19 08:08 |只看該作者

回覆：點解有咁既女人 ~ 3 (好長)

為左餐飯搞咁多野，個女人真係無聊到爆

畀著我會搬，雖則你話搬左好似畀個女人贏左，但而家你畀佢日日搞住晒都好煩，影響埋bb咪仲唔抵~ 出左世又要提心吊胆，驚唔知佢點整你個b

私人傳訊

candy-chiu

大宅

積分: 4483

42^#

發表於 12-7-19 09:29 |只看該作者

回覆 silviachoi 的帖子

佢係 D 傳統思想既女人 , 之前第一次嘈我已經日日帶埋 C6 回娘家食 , 99打比我喊住叫我比面佢 , 話日日返娘家食唔好睇喎 ! 我話我爸媽唔介意 , 仲好歡迎添 , 佢哋都當 C6 係半邊仔 ! 99 話我始終嫁咗人 , 唔可以咁。之後我已經一星期 3日返娘家食 , 有時都會 OT 叫佢留餸哦 , 但唔可以日日都話 OT , 99 都唔會信。

私人傳訊

candy-chiu

大宅

積分: 4483

43^#

發表於 12-7-19 09:38 |只看該作者

回覆 vfok 的帖子

佢宜家返工同 D 同事嘻嘻哈哈 , 放工又唔係即返屋企去行吓街先 , 返咗工 D 女又唔洗佢理 , 家務又唔洗佢做 , 宜家都係煮熟一餐飯佢都咁啦(D餸99買好晒 , 整好晒) ! 佢D 咁斤斤計較既人一定唔會肯囉 !

私人傳訊

booboo_long

大宅

積分: 4653

44^#

發表於 12-7-19 09:55 |只看該作者

candy-chiu 發表於 12-7-18 19:40
回覆 booboo_long 的帖子

6299 身體唔太好 , 間屋係 62 既 , 上次我話以後唔返去食咁就唔洗嘈 , 唔洗煩 , ...

其實你99都幾固執，唔返食係好少事，正因為為餐飯而嘈好無謂，不如叫99俾你地搬走之餘，都叫佢地走啦，你地搵番附近咪可以亙相照應囉，其實咁樣落去對你同99都冇好處，你又大住個肚，99又身體唔好，成日咁激法真係唔係辦法，唔係話怕個女人，而係你都要顧住自己個BB，依家唔係內訌既時候，你地應該要團結趕個B6走，搬走係唯一解決方法，你同99講，B6再生事就叫佢搬走，而你最好拍片證明等佢地冇聲出

私人傳訊

papa2011

珍珠宮

積分: 47280

45^#

發表於 12-7-19 09:57 |只看該作者

咁多人住埋一齊

私人傳訊

silviachoi

男爵府

積分: 6972

畀面勳章環保接龍勳章 BK Milk勳章

46^#

發表於 12-7-19 10:46 |只看該作者

回覆 candy-chiu 的帖子

其實夾硬將d唔夾既人放埋一齊根本就仲衰
你99可能係想齊齊整整一家人食飯
但如果下下食飯都面左左, 食完背脊骨落又有乜用呢..
根本就無左一家人開開心心一齊食飯既意思..

如果我係你, 我會由得佢喊都唔會番去一齊食
我會照解釋番點解唔番但佢要求我都唔會番去食
試多幾日佢就慣架lar...

其實你搬走就最好, 因為你就黎有bb出世
同大嫂繼續一齊住只會越黎越衰..
所謂相見好同住難, 係適用於任何關係
可能你地唔係一齊住, 間唔時見下d關係就會好番好多..

點評

candy-chiu 我都想 , 但當一個老人家喊住求你 , 我真係 "決絕" 唔到 ~ 唉 ! 發表於 12-7-19 11:13

私人傳訊

candy-chiu

大宅

積分: 4483

47^#

發表於 12-7-19 11:05 |只看該作者

琴晚個女人無返嚟食飯 , 我陪 6299 係廳睇電視 , 個女人8點半先返嚟 , 放對鞋入鞋櫃又 "砰" 一聲 , "針" 水飲又大力 "劈" 個水壺 , 死返入房又 "砰" 一聲 , 佢想話比老婆奴知佢仲發緊脾氣 , 雖然佢呢 D 行為我見怪不怪 , 6299 又習慣咗 , 所以唔會出聲話佢 , 但我宜家有左 , 真係覺得好討厭 ~

琴晚忍唔住同 C6 講 :
1) 不如搬出去啦 ! 係辛苦 D ~
C6 : 搬就中咗個女人計囉 ! 你知 99 成日話個女人想佢兩老快D死 , 死咗可以擺住間屋 (間屋有老婆奴個名 , 但62一個人比晒錢) , 係你未嫁入嚟 , 99都成日同佢嘈 , 宜家 6299 身體都唔太好 , 99成日同佢嘈已經唔夠氣 , 又成日氣速要聞氣 , 如果連 C6 都唔係度 , 咁 99 同個女人嘈就無人幫佢一齊鬧個女人。

2) 咁我坐月返娘家 , 我唔想個女人嚇親阿女 ~
C6 : 佢試吓嚇親阿女 , 我一定小爆佢 , 你乖啦 ! 你 6299 思想好傳統 , 唔想個家嫂返外家坐月(其實我同 99 提過 , 99 都係咁講佢哋思想比較傳統) , 而且之後都係 99 湊 , 你試吓先啦 !
我 : 如果我生完阿女 , 坐月坐得唔開心 , 我一定帶阿女走 , 我講得出做得到 , 到時你唔好後悔 ~ (C6 無出聲)

3) 咁我唔返嚟食啦 , 對住個女人食得好辛苦 , 99 唔想我成日返外家食 , 咁我約朋友出街食又好 , 自己出去食都好 ~
C6 : 你 6299 都唔想對住個女人 , 但佢哋都要顧老婆奴感受 , 個一個係佢老婆 , 你 6299 又鍚你 , 想你陪佢哋一齊同枱食飯 , 你咪好似宜家咁當佢哋透明 , 繼續同 6299 有傾有講囉 ! 你 62 食飽飯切生果食 , 永遠都切一個萍果比你一個人食 , 有時你夜返 , 佢又專登走入去切一個萍果比你 , 6299 都好錫你嫁。

4) 咁叫個女人唔好煮 , 等我放工返嚟煮 , 我唔係度佢先煮 , 最多晏 D 食飯 , 好唔好食另計 , 我知咁樣會辛苦咗 99 , 因為我唔太識煮飯 , 一定要 99 幫
C6 : 有時你 99 又睇個女人唔順眼 , 唔洗佢煮 , 佢又食飽唔會去洗碗 , 你99會覺個女人係到做太后囉 ~
我 : 咁咪由佢囉 ! 你都知我無所謂 , 係辛苦咗 99 姐 ~ 個女人上次嘈話佢煮飯叫我入去幫手 , 我就一定唔會入去 , 叫佢死咗條心 , 我都已經同 99 講咗 , 我唔會入去受佢氣~
C6 : 咁當然啦 ~

唉 ~ 對話完 , 好似又係咩都做唔到 , 我真係好想返娘家住呀 ! 係咪阿媽所講慘過做女個時 ? 做女可以自由自在 , 唔洗理人感受 , ONLY 自己 , 同自己爸媽嘈完又唔會有隔夜仇 , 如果我堅持唔再返去食 , 一定要返娘家坐月 , 日後一定同99有條刺 , C6又會左右做人難 ! 99 係個口硬心軟既人 , 好快佢又會比面老婆奴又當咩事都無發生 , 只會放係心度 , 下次再嘈又拎出嚟講 ! 有時好想離開 , 回娘家就算 , 我一個人都可以養到阿女 , 阿女可以比自己媽咪湊 , 但為了呢個女人又唔值得喎 !
我都係呻下 , 呻完舒服好多 ~ 謝謝 ! 各位聽我呻 !

私人傳訊

naviegirl

男爵府

積分: 7509

48^#

發表於 12-7-19 11:29 |只看該作者

本帖最後由 naviegirl 於 12-7-19 11:31 編輯

candy-chiu 發表於 12-7-19 11:05
琴晚個女人無返嚟食飯 , 我陪 6299 係廳睇電視 , 個女人8點半先返嚟 , 放對鞋入鞋櫃又 "砰" 一聲 , "針" 水 ...

why 間屋有老婆奴個名ka?

個女人認為你地住梗佢間屋 wor......

私人傳訊

raeNvin

別墅

積分: 654

49^#

發表於 12-7-19 11:32 |只看該作者

叫6299一齊賣左而家呢間樓一齊搬唔預佢地一家

點評

SillyPigPig

但大伯只係得名無俾過錢是咪可以唔分俾佢?

發表於 12-7-19 15:37

私人傳訊

montana

子爵府

積分: 13938

醒目開學勳章畀面勳章 BK Milk勳章

50^#

發表於 12-7-19 11:49 |只看該作者

事實上一間屋真係共存唔同咁多伙人，好似你地咁船頭驚鬼船尾驚賊，根本解決唔到問題

私人傳訊

xodebby

子爵府

積分: 12453

2024年龍年勳章畀面勳章 BK Milk勳章

51^#

發表於 12-7-19 14:47 |只看該作者

我睇晒d post, 雖然話6299, c6都企係你呢邊, 但個個都好似係為左佢地自己, 好似無人企係你立場諗過喎~~
為左自己, 為左bb 我覺得你真係要諗一諗, 應唔應該再對住個你唔鐘意既人~

點評

silviachoi

agree 發表於 12-7-19 15:30

私人傳訊

SillyPigPig

大宅

積分: 3415

畀面勳章 BK Milk勳章

52^#

發表於 12-7-19 15:25 |只看該作者

如果負擔到, 搵間屋接埋6299搬走住, 果度佢哋霸晒又好鍾意點都好, 唔理佢兩公婆得唔得?

私人傳訊

silviachoi

男爵府

積分: 6972

畀面勳章環保接龍勳章 BK Milk勳章

53^#

發表於 12-7-19 15:29 |只看該作者

回覆 candy-chiu 的帖子

咁睇完, 根本你c6都唔係企響你o個邊..
佢只係安撫你姐..佢只係想息事寧人, 即係叫你忍..

講真, 坐月同自己阿媽都會有爭執(至少我有)..
你仲要加埋呢個女人響度..
我唔認為佢會想你響度坐月, 因為佢覺得間屋係佢老公既
你響度坐月會影響佢老公
坐月坐得唔好真係好大問題
先唔好話食野方便
淨係生完情緒都會有起伏
再加埋呢個女人呢d事
你平時忍到, 我敢肯定講一句你坐月實忍唔到
假設你個b o岩o岩訓著左, 你都諗住訓
個女人番黎大力"啪"門嘈醒左你個b
你鬧唔鬧佢?? 你99會唔會幫你??
一係就叫你算數, 家和萬事興
一係嘈大鑊,你個b更加唔駛訓
你仲要坐月日日口黑面黑對住你..

同埋咩叫中個女人計丫..
講真, 唔理間屋阿哥有無份供, 而家係有佢名
即係佢兩公婆係名正言順響度住
而個女人就覺得你地霸左佢屋, 佢間房, 仲要駛佢做工人..
你c6, 恕我咁講勒, 我覺得係多一事不如小一事既人
反正影響唔到佢..

同埋如果99身體真係唔好
佢點可能可以幫你湊到bb?
根本佢地就一步都無退過
只係把口懶可憐咁咋嘛..
話6299傳統, 係真係咁傳統就唔會俾個仔/新抱恰啦
真係傳統就應該大嫂咩都做哂啦
長兄為父長嫂為母丫嘛.. 哂氣啦..
對自己有利咪傳統囉, 一句講哂係死要面..

我同我老公都有共識就係結左婚生左bb
我地3個先係一家人
唔會為左其他人(even 自己父母,6299)去委屈自己一家三口是但一個..
希望你c6都明白呢個道理啦..
同埋我覺得你at least都番屋企坐月...
對你對bb都好..

點評

xodebby

發表於 12-7-20 10:04

carolizaton agree 發表於 12-7-19 17:54

私人傳訊

SillyPigPig

大宅

積分: 3415

畀面勳章 BK Milk勳章

54^#

發表於 12-7-19 15:40 |只看該作者

我明你手心係肉, 手背又係肉~~

如果連6299唔錫你, 就話可以大安旨意咩都唔理搬走啫~:;pppp:

但佢又咁錫你...真係好難做~~

講真, 佢哋身體唔好, 可以陪佢哋嘅時間都可能唔多 (當然希望佢哋長命百歲啦, 佢哋咁好又錫你)~:

我知有時口講就易做就好難....

如果真係好唔開心嘅, 又上嚟呻吓啦~~學 arrin, szehang, joechan 佢哋咁上嚟寫日記發洩啦~~~~

支持你, 加油呀!!!

私人傳訊

rm_hk2001

子爵府

積分: 12243

55^#

發表於 12-7-19 16:01 |只看該作者

引用：琴晚個女人無返嚟食飯+,+我陪+6299+係廳睇

原帖由 candy-chiu 於 12-07-19 發表
琴晚個女人無返嚟食飯 , 我陪 6299 係廳睇電視 , 個女人8點半先返嚟 , 放對鞋入鞋櫃又 "砰" 一聲 , "針" 水 ...

樓主，對唔住講句，呢單野冇得搞，因為冇人理你感受，次次都係8婆發脾四你地先出聲...有鬼用咩。你可以講多少少老婆努2人既經濟情況嗎？

私人傳訊

李大嫂

侯爵府

積分: 23500

56^#

發表於 12-7-19 16:30 |只看該作者

間屋有老婆奴名佢地想你搬都好正常,因為老爺死左間屋就係佢地.
你同C6講有抑鬱啦,叫佢俾D空間你啦,唔係下下為佢父母就要無止境咁忍,當BB出左世大家鬧交仲唔好啦,一黎你坐緊月受氣/動氣都唔好,二黎嚇親BB.
BB好醒訓,無端端俾D大力閂門聲,整野聲嚇親就有排喊,到時嘈到人地咪又係嘈交?!做咩要大家困獸鬥呢?!
叫你C6為你好就俾你返外家坐月啦,當俾大家抖下氣,又唔係唔返黎,坐完月咪返黎囉,6299唔鍾意都係咁話啦,你夠唔鍾意返去睇人面色啦!!!

私人傳訊

DAISYLINYING

禁止發言

積分: 86211

有「營」勳章叻叻勳章畀面勳章環保接龍勳章

57^#

發表於 12-7-19 16:41 |只看該作者

提示: 作者被禁止或刪除內容自動屏蔽

私人傳訊

影月紅

男爵府

積分: 9067

畀面勳章

58^#

發表於 12-7-19 17:07 |只看該作者

其實有冇能力請到個工人或鐘點 ??
因為睇完三篇都係因為煮飯個問題, 又唔係婆媳相處上的問題, 噤令到大家唔開心, 係唔係好無謂呢 ??

每逢佳節倍思親確確切切說中我心炊

私人傳訊

ginnie717

大宅

積分: 2259

陪月勳章

59^#

發表於 12-7-19 17:13 |只看該作者

好老實, 你62,99, c6, 除左叫你忍之外, 根本咩都冇為你做過
或者應該話, 除左叫你忍, 根本冇做過任何事去改善個處境

6299 話傳統想你係屋企坐月, 唔好返外家, 其實說穿了, 咪就係面子問題
根本冇為你同bb 諗過.
一個咁樣發脾氣的女人, 到時乜都啪啪聲, 嘈醒你個b, 你估你有冇得瞓?
到時先黎鬧交? 到時先臨急臨忙搬返娘家?

咩叫中左個女人計? 間屋冇你c6 名, 得大伯名, 你問下你62, 當初咪就係想間屋留比個大仔? 點解唔加細仔名?
如果係因為procedure 問題冇加, 即係你62想間屋2 個仔分, 咁應該叫佢3 仔爺企出黎3 口6 面講清楚, 間屋唔係只屬於你大伯, 等個女人死心, 唔好似為間屋你地冇份

唔係話叫你大伯離婚, 只係我覺得你大伯, 個女人, 你62, 99, c6, 從來都冇試下解決個問題.

煮飯問題: 講清楚邊個煮一三五, 二四六, 冇得拗啦, 仲係拗的話, 同你99講, 你返娘家食, 佢喊你又返去食, 結果問題沒有解決, 只有不斷重覆又重覆.

間屋問題: 講清楚間屋將來點分, 比邊個, 唔好比人以為你霸住間屋