吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› IVF (FET)又衰了...我的谷底心情

想生BB 今日: 1|主題: 109628

收藏本版

發帖

返回列表

跳至頁

樓主: ella0628

IVF (FET)又衰了...我的谷底心情 [複製鏈接]

1 234

LubiLubi

子爵府

積分: 10780

41^#

發表於 12-8-23 09:51 |只看該作者

引用：上年第一次IVF+滿心期待+(3粒受精,+無雪胎)

原帖由 ella0628 於 12-08-21 發表
上年第一次IVF 滿心期待 (3粒受精, 無雪胎),以為自己仲後生...無雪胎唔緊要...希望一擊即中.做IVF成日放晌 ...

如果你唔抗拒既話就去拜下黃大仙吖，既然宜家咩都做唔到，話唔定有奇跡出現呢！以前我阿媽好想要個仔（因為已經兩女），佢去拜完無幾耐就生左我細佬~祝你好孕

私人傳訊

foxso

洋房

積分: 84

42^#

發表於 12-8-23 09:58 |只看該作者

引用：Quote:foxso+發表於+12-8-22+23:28+我其實

原帖由 ella0628 於 12-08-22 發表
foxso.. 我睇完你第一句留言...直頭想同你擁抱一下. 因為宜家我既心情就係咁樣"其實好怕做第三次都失敗,無 ...

我明白你心情，吾好灰心！ivf都用左好多錢，我老公成日安慰我，錢會搵得番。我由full time 轉為part time job，希望無咁大壓力。其實上BK傾下會好好多，已經吾太想和朋友講，有時聽到朋友bingo，什麼明星懷孕的新聞，都吾想知吾想睇。
之前6月尾ivf再失敗後，心情跌到谷底，現在又要振作，加油！吾好灰心！

私人傳訊

陸小曼

大宅

積分: 1294

43^#

發表於 12-8-23 11:47 |只看該作者

ella0628 發表於 12-8-23 01:08
全中呀!!!我真係好心急架份人(唔係講ivf既事..其他事都係)...我以前完全對呢個病唔認識.. 宜家先知原來影響 ...

其實好多女人因為某時間心段煩燥而曾經有過甲抗, 但如果放得開, 其實又會好快好番. 現在的科學又check 唔到你患咗甲抗幾耐, 所以 ivf 的醫生可能只係見你的指數唔太高, 仍然可以俾一d 做 ivf 陀bb 都食得的甲抗藥你食, 盡管一試, 因為陀bb都食得的藥, 一定係輕微好多, 以唔影響bb發育為原則. 但如果你個病好可能跟咗你一段時間, 你都習慣咗又改唔到急燥, 咁ivf 醫生開的甲抗藥就未必幫到你, 要考慮去內科醫生開俾你的甲抗藥去控制, 但食那種藥期間, 係唔可以陀bb的, 詳情你可以搵一個私人的內科專科醫生應該可以俾多d意見你.

另外心情方面, 叫你唔唸唔煩應該同叫太陽係西邊升起一樣冇可能, 不如你先停ivf的跟進, 日日keep 住去做運動, 做運動的時間你可以盡情唸飽佢, 做到自己出汗索氣, 起碼一個鐘, 之後唔怕肥大食又好, 怕肥大瞓一場又好, 總知係俾自己休息的. 總知一得閒唸嘢就去做運動, 做到累透為止. 在我患病期間, 控制得最好的時候係勁做運動, 做運動可以增加令你開心的分泌, 對新陳代謝各樣都有好處, 同埋你邊做運動邊唸嘢, 段練一排, 你發覺你自自然然唸小咗, 會留意身邊的人做事, 個人開心咗識得放鬆咗. 但提你一樣嘢, 做運動係要長時間keep住做先有用, 所以係好難的起心肝做, 如果老公係有恆心支持你的話, 叫老公陪你"邊察"你, 如果唔係, 就自己一個人做好了, 千其唔好叫女性朋友陪, 十居其九都係玩玩吓, 一頭半個月就冇晒影, 自己堅持信心都冇埋.

如有需要介紹私家內科醫生俾你, 請 pm 我. 我再找 contact給你.

私人傳訊

jennyc0111

大宅

積分: 1281

44^#

發表於 12-8-23 13:03 |只看該作者

回覆 ella0628 的帖子

你好!

我都係剛剛失敗.好灰!
ivf條路好難行. 睇中醫, 針灸, 食花膠,蜂皇漿都做左.

請問你2nd ivf失敗後驗血, 除了甲狀腺外,還驗了什麼?

私人傳訊

ella0628

男爵府

積分: 7019

45^#

發表於 12-8-23 18:45 |只看該作者

LubiLubi 發表於 12-8-23 09:51
如果你唔抗拒既話就去拜下黃大仙吖，既然宜家咩都做唔到，話唔定有奇跡出現呢！以前我阿媽好想要個仔（因為 ...

多謝你既提議呀..曾經都有朋友叫我去拜4面佛..又有叫我買送子觀音...
不過我又未想去到呢步... 我會繼續祈禱. 多謝你心意同留言.

私人傳訊

ella0628

男爵府

積分: 7019

46^#

發表於 12-8-23 18:51 |只看該作者

foxso 發表於 12-8-23 09:58
我明白你心情，吾好灰心！ivf都用左好多錢，我老公成日安慰我，錢會搵得番。我由full time 轉為part time j ...

好感恩雖然我地都經歷過IVF風雨... 但我地都有一個好老公.. 我老公都係咁講..話好彩錢係搵得番(但我都覺得自己好徙錢...)..我同你一樣..聽到朋友BINGO,明星BINGO..都有D唔想聽唔想知... 可能心裡面太羨慕人地..好想自己都可以有一日宣佈懷孕... 唉. 無形壓力呱..

不過我慢慢心情回復過黎喇...希望M快D 黎啦...(我前日驗血FAILED)... M再黎代表重新開始.....
多謝!!你都係呀...唔好灰心!!希望我地一齊懷孕....第時可以輕輕鬆鬆分享番依家甘苦經歷....

私人傳訊

ella0628

男爵府

積分: 7019

47^#

發表於 12-8-23 19:07 |只看該作者

陸小曼發表於 12-8-23 11:47
其實好多女人因為某時間心段煩燥而曾經有過甲抗, 但如果放得開, 其實又會好快好番. 現在的科學又check 唔到 ...

唔該晒你呀小曼. 同你傾完.. 我慢慢對我呢個甲亢病都清楚左D . 我約左我睇開既家庭醫生再研究一下個驗血報告!!(因為我自己唔識睇...)只見到自己CELL KILLER指數係嚴重地高.. 睇下到時醫生會唔會REFER我去睇內科或專科啦!!(但我默默希望我個情況唔係咁壞啦...希望係輕微甲亢)

我覺得你講得好O岩呀..我估IVF 醫生開俾我既藥係好溫和..係唔係真係幫到我醫甲亢都成問題. 因為我上網見到D人話食甲亢藥如果WORK既, 最易睇到既分別係會肥D (係唔係呢其實?)...因為甲亢指數正常番,體重會跟住增加番... 但我食左成個月藥...都無增到磅... D藥可能太弱呱.....幫唔到我醫呢個病啦..

我諗另外一個原因係因為我一直係食花素. (即係無肉類, 只係蔬菜加海鮮)...我咁既飲食習慣已經維持左起碼4年..... 所以可能我好多年前已經患上甲亢而我自己唔知. 唉. 我其實真係好擔心..唔知幾時先醫得番好...因為我自己都唔覺得邊度唔舒服...除左我份人比較心急之外(我以為係性格急燥炸!!)醫唔番好又唔敢開始做IVF ... 所以我都會聽你講, 睇下專科醫生點講先...

我都剛約左星期6 去打壁球,想出一身汗又好...發洩下又好...!!今朝起身突然又有種好唔開心既感覺"湧"出黎,其實我都唔清楚係我今次IVF 失敗太失望而變成咁..定係因為甲亢影響我情緒而咁樣...好空虛咁既感覺..我都唔識點樣形容出黎...UN住個心...

如果醫生/專科都認為我甲亢好嚴重,需要一年期的話.. 我唯有認命再等一年先做IVF啦!!(不過真係希望唔好係咁...... )

私人傳訊

ella0628

男爵府

積分: 7019

48^#

發表於 12-8-23 19:15 |只看該作者

jennyc0111 發表於 12-8-23 13:03
回覆 ella0628 的帖子

你好!我都係剛剛失敗.好灰!

JENNY,你係咪第一次IVF失敗?有無雪胎? 因為好多人都係第2次FET或者第2次IVF先成功既..!(第一次通常有D緊張之類...會影響左個結果)..
如果你可以再FET, 你試下FET 左先丫..

我都係2ND IVF失敗後先去驗血. 咁我除左甲狀腺甲亢之外,都無其他喇. 不過甲亢好影響IVF既結果啦,因為我CELL KILLER好高. 我自己有抗體自己殺死個杯胎... 所以佢大部份機會係因為咁而著唔到床.

我都覺得IVF條路好難行... 不過上黎BK我覺得好多同路人..感覺好似有人扶自己一把咁... 我都係乜都做過晒架!!中醫,花膠,樣樣有"希望"既事情我都去試....阿A話呢個中醫好...我又去.. 阿B話O個個中醫好..我又去... 所以我好明白你.. (你應該都會好明白我... )

加油呀!!!其他BK 既姐妹都鼓勵我加油... 我都想你加油... !!!!