大仔大女媽媽會 今日: 0 | 主題: 177861

積分: 527

41^#

發表於 06-4-5 12:36 |只看該作者

Re: 呢幾日既心情!!!好亂....究竟可以點..>

寶寶儀,

我屋企真係好多人架，成7個人，如果計埋阿b就8個添喇！好熱鬧架我都唔怕多人o既，不過如果可以2人世界就梗係好d喇 hee..... 不過遲下都3人世界啦。。。

"我d衫好多都好貼身同小布" ---> 我都一樣呀，都唔知幾時先著得返呀，我6月就要開始返工lu，真係怕自己仲係好肥嚇親人呀~ :-( :-(

如果我地真係一齊生o既就可以夜晚傾下計lu~~~~ :mrgreen: :mrgreen: 唔知會唔會呢？

私人傳訊

積分: 4234

好媽媽勳章

42^#

發表於 06-4-6 02:09 |只看該作者

Re: 呢幾日既心情!!!好亂....究竟可以點..>

chiuhan:

嘩...7個人..
你真係勁,俾我真係覺得好煩!!
人多好嘈
我屋企加埋我有6個人,已經覺得煩!!
所以好細個已經搬出黎住!!
最憎d人煩我同嘈喧巴閉!!

你要返工應該減得快d架,起碼會郁動下,我就真係幾難啦!!
俾心機減肥,做返個令媽媽先得!!!

如果真係可以一齊生真係幾好!!夜晚起碼唔怕悶,有個人陪我傾下計!!!
我尋日個肚又痛勁左,唔知係咪就生真係痛多d呢

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

43^#

發表於 06-4-6 12:47 |只看該作者

Re: 呢幾日既心情!!!好亂....究竟可以點..>

寶寶儀,

7個人其實都只係夜晚姐，因為我叔仔同弟婦佢地都好夜先返（o個時我都訓左lu），所以都唔會太嘈喧巴閉，係我個姪仔比較多野講先有時煩d！

您而家先係20歲咋，咁您幾多歲搬左出離住呀？係咪因為咁所您daddy同mama冇以前咁鍚您呀？我細妹都係好早搬左出去住架！所以我daddy同mama都唔太鐘意囉！

希望返下工可以幫助到減得快d啦~ 不過成40lbs都唔知點減番以前咁呀！我都唔想咁快變左做c9呀！ :evil:

您去做產檢o個日有冇同d姑娘/e生講話您成日肚痛呀？因為我真係好少呢個情況發生喎~ ?-( ?-(

私人傳訊

積分: 527

44^#

發表於 06-4-6 20:00 |只看該作者

Re: 呢幾日既心情!!!好亂....究竟可以點..>

寶寶儀,

Kathy 生得喇~~~ 好戥佢緊張呢！努力..... 加油......

私人傳訊

積分: 4234

好媽媽勳章

45^#

發表於 06-4-6 21:11 |只看該作者

Re: 呢幾日既心情!!!好亂....究竟可以點..>

chiuhan :

你個姪仔幾多歲呀???嚇下佢叫佢唔好咁嘈麻!!
同佢講"拿,而家bb就出世,你要學下乖d啦,唔可以嘈bb訓覺麻!!"

我16歲未夠搬左出黎住啦...不過果陣我老豆都係好鍚我,間唔中都會打黎問我屎左去邊幾時捨得返去食反...(呢d說話)..
但結左婚佢真係當左我外嫁女理都唔理我咁我打俾佢又唔知講咩,真係幾苦惱

我成3個星期冇去產檢啦!!之前去有同佢地講,佢地話正常架!! 即係有講等於冇講

我而家真係似足個c9...我老公仲講風涼說話.."生完咪唔似囉" 即係而家似啦!!陰公!!

岩岩同佢拍拖佢日驚夜驚有人搶走我,而家真係唔洗驚..冇人要個又肥又肉酸既c9啦 :-( :-( :-( :-( :-(

希望kathy 快d生個寶寶出黎,唔洗痛咁耐..
等我都快d生入去陪下佢都好!!

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

46^#

發表於 06-4-6 22:38 |只看該作者

Re: 呢幾日既心情!!!好亂....究竟可以點..>

寶寶儀,

我個姪仔都有5歲啦 (4月11日生日後)，不過佢都好乖呀，成日同細佬傾計，又話想快d見到細佬咁話喎。。。heee....

嘩... 您都好細個搬左出離喎，係咪自己一個人住呀？我細妹就養左3隻動物同佢一齊住！您同您老公拍左幾耐拖先結婚呢？您一定都幾靚下喇，唔係點解佢驚有人搶走您呢！hee......

yee.... 您唔係今個星期二去做產檢咩？ ?-(

私人傳訊

積分: 4234

好媽媽勳章

47^#

發表於 06-4-7 00:45 |只看該作者

Re: 呢幾日既心情!!!好亂....究竟可以點..>

chiuhan:

5歲咁乖仔!!咁佢第時一定好鍚細佬
有冇諗過幾時再生過第2個
我老公話佢以前算過命佢有一仔一女...
開頭我想生埋呢個唔生架..不過佢講到咁
佢鐘意女多過仔!! 岩岩知仔果陣佢幾呆然..
我諗住生完去帶子宮環,3年後先王生女仔老公玩!!

我之前同男朋友仔架不過有男朋友等於冇男朋友....總之等於自己一個人住冇分別!!
講黎都好長!!!略過!!

我同而家個老公拍左拖10個月就結縮啦!! 佢真係勁鍚我,對我超好,所以我先肯幫佢生仔!!

我唔令架...而家勁肉酸!!真係成個c9咁!!以前好好多...可能我同佢果陣3欴追..同埋我貪玩,所以佢先驚我出去攪攪陣掛

我冇返去產檢啦!!佢冇時間陪我去,加上佢呢排星期2成日開會,攪到冇覺好訓,唔想咁辛苦.. 所以我同佢拗左好耐先唔洗返去咋!!

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

48^#

發表於 06-4-7 17:46 |只看該作者

Re: 呢幾日既心情!!!好亂....究竟可以點..>

寶寶儀,

我都覺得我呢個姪仔都算幾乖幾聽話，所以我都好錫佢架！

您又知您老公鐘意囡囡多d？多數男人都鐘意仔架喎~~ 您如果再生您又咁快去帶子宮環？您要問下帶左之後想生bb又可唔可以話除就除喎？問清楚先好做呀！費事到時您老公賴您呀！

其實您老公係鍚您同對您好o既，拍幾耐拖都無所謂架！我同我老公都係拍左2年拖之嘛，佢都對我好好同緊張我呀！

私人傳訊

積分: 4234

好媽媽勳章

49^#

發表於 06-4-7 23:49 |只看該作者

Re: 呢幾日既心情!!!好亂....究竟可以點..>

chiuhan:

我老公開頭狂問佢鐘意仔定女....我話仔好d...佢答左女囉!! 果日去威院照結構性超星波果陣個姑娘同佢講係仔..佢呆左仲要味完再問姑娘係咪真係仔... :mrgreen:

帶子宮環可以除麻...
仲有唔洗佢地帶套....加上又唔會咁早生多個,3年後除左先再生都唔遲!!
我同佢講左,佢都讚成...

我而家都想返返去之前,拍下拖先再結婚,玩下2人世界先不過而家真係幾難!!有個細既係度..

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

50^#

發表於 06-4-8 11:42 |只看該作者

Re: 呢幾日既心情!!!好亂....究竟可以點..>

寶寶儀,

真係好少老公會鐘意女女喎！heee.... 我都有問過我老公佢都話鐘意仔仔多d，因為可以同佢玩得埋d嘛~~

咁您會幾時去做子宮環呀？真係話帶就帶、話除就除咁方便？？如果係我都想試下，因為我地都打算再遲多幾年先或者再生lu，可能生過一之驚左唔生添呀！hee..... 況且我而家都27歲了，再生時可以做高齡產婦lu..... 您同您老公講佢梗係贊成啦，我諗我老公都一樣呀！

私人傳訊

積分: 4234

好媽媽勳章

51^#

發表於 06-4-8 18:50 |只看該作者

Re: 呢幾日既心情!!!好亂....究竟可以點..>

chiuhan:

佢話女似媽咪好麻!!夠哂白厭!!
話女仔痴身d好!!
但我99鐘意男仔....

我諗住生完m到去帶啦,我上網睇左好多關於子容環既野先決定帶既...方便好多...

你得閒去健康談性行下,果度有人講架,上家計會個網都有寫!!
係佢先冇咩後遺症,所以先決定帶之麻...帶又方便除又方便..唔洗d男人帶套緊係讚成啦!!

27歲好後生之麻!!放心啦!!遲多幾年都未算高齡架

如果生完呢胎我都驚可能真係未必會生..因為真係好怕痛...小小痛都嗌救命!! :-( :-( :-(

今日唔合做咩咁早起身,之後狂打哈痴..係咪你罵緊我

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

52^#

發表於 06-4-8 19:02 |只看該作者

Re: 呢幾日既心情!!!好亂....究竟可以點..>

寶寶儀,

多數99都會鐘意男仔多d o既傳宗接代嘛 ~

如果帶子宮環咁方便或者我都會考慮下，因為帶套真係唔方便架... heee...... 萬一又有左咁慘！我都未知我幾時會再生架，所以到時真係可能係高齡lu，您就唔同呢，而家先係20歲，等多幾年都冇問題啦！ :mrgreen: 原來kathy都係同您一樣20歲咋，您2個真係好鬼c後生o既姐！

係啦，您今日又會咁早起身o既，不過唔知我講緊您壞話~~~ heee......

私人傳訊

積分: 4234

好媽媽勳章

53^#

發表於 06-4-8 19:44 |只看該作者

Re: 呢幾日既心情!!!好亂....究竟可以點..>

chiuhan:

我今日訓唔著,個心硬係有d野.. :-( :-(

而家8號啦,真係唔知仲要等到幾時 :-( :-(
真係19號我真係癲架 :-( :-( :-( :-(

今日打咩機都輸,攪到冇咩心機 :-( :-(

我地20歲...唔係好後生...唔好講到自己咁老先得架

你唔記得左我老公大我15年啦!!我等得佢唔等得麻

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

54^#

發表於 06-4-9 14:25 |只看該作者

Re: 呢幾日既心情!!!好亂....究竟可以點..>

寶寶儀,

我都已經唔心急lu，阿b想幾時出就幾時出啦，都唔到我地同佢地急呀！我地心急都無補於事o既，反而仲攪到心情緊張添，我只不過係唔想去到19號真係要催生姐，因為好似好辛苦咁o既！ :-( :-(

20歲都唔後生？不過好彩我個樣都唔係好似27歲姐，到時約出來大家見下面呀！男人35歲都唔係好老架咋，點同我地d女人呀！

私人傳訊

積分: 4234

好媽媽勳章

55^#

發表於 06-4-9 15:55 |只看該作者

Re: 呢幾日既心情!!!好亂....究竟可以點..>

chiuhan:

係咪好奇怪我又咁早係度呢
我頭先出左去同我阿媽飲茶
岩岩先返屋企,行得好辛苦!!
過馬路都驚俾車車親,因為真係太慢啦!!
仲去左食龜仔,好正

我都諗通左啦,緊張都冇用,可能b仔真係想休息多d先出黎... 我都係唔好逼佢好啦!!

其實我個樣真係唔似20歲架,好老積(好聽d)..玩到殘哂..而家就成個c9咁,希望減完似返個20歲啦!! :-( :-( :-(

佢35,但似28,29...囉...d人成日都話佢唔似35既... 仲以為我呃佢地咁!!

我覺得男人過左30歲先有魅力....有返d男人味

所以我先揀佢

我都唔想催生,因為聽人講好似好辛苦,.同埋仲痛d...
痛完生唔到仲要俾人湯...真係唔好受!! :-( :-( :-(
希望真係唔洗等到果日啦!! :-( :-(

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

56^#

發表於 06-4-9 16:48 |只看該作者

Re: 呢幾日既心情!!!好亂....究竟可以點..>

寶寶儀,

我已經知道您去左飲茶喇~~ 我而家落去樓下買完野再上番屋企，我都覺得隻腳好"支力"呀，可能因為要支撐一個138lbs o既身體啦，我終於明白d肥女人點解要去減肥，因為肥真係好辛苦呢！

您個樣唔似20歲，我又唔似27歲，咁出來大家咪差不多年紀~ hee....... 其實我老公細我年半架，不過反而佢又生得老積，所以睇落都唔似！(岩岩同您相反.... heee.....) :mrgreen: :mrgreen: 您以前同您老公係咪o係同一間公司做野架？

至於催生，呢度媽咪有d話催生仲好，可以一打支針就即刻肚痛，又可以留o係e院等生，唔駛咁麻煩喎~~~ 不過我始終都有d驚呀！

私人傳訊

積分: 4234

好媽媽勳章

57^#

發表於 06-4-9 16:58 |只看該作者

Re: 呢幾日既心情!!!好亂....究竟可以點..>

chiuhan:

太耐冇飲茶,食得太多野,唔知又要肥多幾多磅囉

d肥女人慣左個體重冇所謂架..佢地係俾人話得多先減.. 我而家都俾人話緊,所以生完要努力

出黎痴埋應該差唔多年紀掛...
年齡唔係問題,最緊要大家有講有笑!!唔怕悶麻

我以前同老公同一間公司架,佢係我上司...諗起我地未拍拖果陣既相處同拍緊拖果陣都幾好笑...
日日收工一齊返屋企....一齊返工,一齊食早餐睇電視... 諗起都好開心..
不過以後多阿b係度囉...冇以前咁自由!!

催生唔係塞藥咩
有d塞藥失敗要湯肚....果下仲辛苦
痛完要俾人湯既
我令願一次過....

我d舊同事教我....叫我去醫院扮痛...賴死唔生等到生喎佢地驚平時得我自己一個有事...
我真係彩佢地都傻,咁鬼肉酸,加上醫院好悶..
我令願一個人係屋企"梳符"咁嘆下算

鐘意打下機食下野都不知幾好

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 527

58^#

發表於 06-4-9 17:20 |只看該作者

Re: 呢幾日既心情!!!好亂....究竟可以點..>

寶寶儀,

我前排都成日去飲茶，唔知係咪因為咁所以一星期重左4lbs，個日去產檢都嚇親個e生呀！不過去得多飲茶，而家都覺得有d "流流" 地呀！飲茶未攪我喇！

hee.... 我同我老公都係同一間公司架，不過您多數都出左去做野，好少返離公司o既，所以冇您地咁多時間見面，咁係咪因為您之前作小產，所以佢 "炒" 左您呢？

催生係塞藥定打針，可能一間間e院唔同啦，因為kathy同我有個fd 係聯合生都係o係手背打針o既，塞藥我就唔知喇，不過我只係知道生之前要塞藥放左d "便便" 姐！

o係e院都唔係話留低就留低架，我o個個fd之前以為自己穿水入左院，點知原來唔係都只係留左係e院一晚佢就您走喇！不過您d fd都係關心/擔心您姐！hee...... :mrgreen:

私人傳訊

積分: 4234

好媽媽勳章

59^#

發表於 06-4-9 18:19 |只看該作者

Re: 呢幾日既心情!!!好亂....究竟可以點..>

chiuhan:

我成個幾月冇同阿媽飲茶啦!!
之前有同99飲,不過佢食得好小,攪到我都冇咩心機同佢飲茶...又冇咩野食
食得多又驚俾佢話
所以今日有得去好興趣

我之前作小產唔係同佢同一間分店架,我俾人調走左,因為唔可以一齊做野...俾老世知道左...
加上我份工成日要企同周圍走,好辛苦..我唔夠體力..日日返到屋企累到死,咪唔做囉...果陣bb勁唔定,係咁流血...
所以忍心d囉...生完等到99住,俾99湊bb,我返工幫下老公囉!!

kathy 都催生
我見有d媽咪話塞藥既

我都同佢地講左唔係話係醫院話留就留..所以都冇理佢地...不過聽到佢地把聲真係好開心...因為佢地個個都話一齊黎探我,我諗到時個醫院好熱鬧

因為佢地同一時間收工一齊過黎

係啦,你有冇買手扼仔俾bb定驚
我之前已經成日想問你,但次次都唔記得左!!

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊