大仔大女媽媽會 今日: 0 | 主題: 177861

積分: 3243

41^#

發表於 06-4-17 19:02 |只看該作者

Re: 死去活來∼∼生產經過！！！

pc_karen ,
唔洗!!

KATHY.LIN

私人傳訊

積分: 4234

好媽媽勳章

42^#

發表於 06-4-17 22:16 |只看該作者

Re: 死去活來∼∼生產經過！！！

kathylin:

chiuhan佢入左醫院呀

希望佢快d生啦!!

你就好啦,打麻醉針訓下又唔痛,果日真係痛到我想自殺!! :-(

你冇問佢點解會打咁多野咩???
我係產房咩都問..

你傷口係咪埋哂啦???
我而家唔敢用薑水沖...偷偷地用熱水沖

講真我而家坐月真係唔似坐月架...生水咩水我都掂...
唔想我老公咁辛苦.早上起身煮反仔俾佢食.
唔想我99入黎,一見到佢我就頭痛

我個衰豬由6點返屋企到而家先肯訓...

飲左奶又噴奶

嚇到我死!!
仲要浪費我泵d人奶...

而家終於有時間食下野,鬼咁肚餓!!

希望佢唔好又醒...好累

pc_karen:

我個走佬袋同kathy一樣架...

真係記得帶d野食去,唔係生果陣冇力,同埋生完會肚餓...
我果陣都係老公係樓下7仔買面包俾我食,不過好難食

都係買定d野擺係度穩陣

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 3243

43^#

發表於 06-4-18 12:01 |只看該作者

Re: 死去活來∼∼生產經過！！！

寶寶儀,
chiuhan生左喇~4月17日早上11點幾生左lu~

佢都話佢執番條命呀

我諗我地3個應該生得一樣咁苦呀

我痛到死la...落產房果時已經痛到冇命...去到產房淨係知道好痛....醫生幫我打針果d野我都冇氣問...同埋醫生叫我簽名...我都冇力簽呀...話時話喇~我都唔記得我簽果d係咩 ?-( ?-( ?-(

我都唔知我個傷口埋左未呀.....我都唔敢睇呀!!因為我生完果時醫生幫我聯針ma...佢果個眼鏡反光~我睇到我個傷口...好恐怖...

所以我依家唔敢睇....

我都有用薑水沖涼....不過沖完我會用暖水沖身....
其實用暖水沖涼都冇所謂la~最緊要唔好冷親!!!!!

我坐月都唔似坐月....我都係咩都唔理...我都有掂生水,只係頭幾日冇掂....
你99依家係你度照顧你呀????

唉~~d bb係咁...晏晝訓到成隻豬咁,嘈極都唔醒!!夜晚就唔訓成日係度喊...我個女依家就係咁喇...日夜倒轉...搞到我冇覺好訓!!

KATHY.LIN

私人傳訊

伯爵府

積分: 16140

馬年勳章父親節2025勳章母親節2025勳章 2025勳章蛇年勳章虎到金來勳章

44^#

發表於 06-4-18 15:06 |只看該作者

Re: 死去活來∼∼生產經過！！！

恭喜

我生阿B時護士話唔記得通知我老公,到我生完2小時先通知,等我老公話睇唔到BB出世一刻係一生最唔開心“事” :-( :-( :-(

私人傳訊

積分: 4234

好媽媽勳章

45^#

發表於 06-4-18 22:03 |只看該作者

Re: 死去活來∼∼生產經過！！！

kathylin:

佢生左啦,太好啦

唔洗催生!!

chiuhan佢幾時入院?
講下佢既生產黎聽下..^^

你果陣冇要求醫生俾氣你聞呀

我落去果陣都痛到死..好彩死唔去姐

嘩...眼鏡反光...俾我實嚇屎..好彩我果幾個冇帶姐..
唔係真係嚇親自己!!!
我生完都冇哂氣力...連郁既力度都冇..

我係偷偷地用暖水沖涼咋...唔係俾佢地知又俾人罵

我令願用暖水都唔想用薑水...一次過過用暖水沖快d仲好啦...

講真有幾何唔洗掂生水呀..

我99間唔中入黎煩下我囉...佢一係度就好嘈...
冇時安寧...

令願自己一個人訓下安靜下...
有時候想訓佢係度都唔知點咁

餵9又望住哂...好煩

我都覺得d bb真係好似唔洗訓,夜晚打鬼咁精神..
今日去健康院返黎又唔訓,攪左成幾個鐘..

係健康院就鬼咁好訓,俾佢激死,我一日加加埋埋有4個鐘訓已經執到...真係得閒死都唔得閒病...好驚自己頂唔順!!

你有冇泵奶??
我好努力泵緊,累果陣叫老公整熱俾佢飲算..

你係咪全人9呀

你個衰豬有冇一抱起埋身餵9一陣間就訓,一擺就喊??
我呢2日都係咁...要攪成5個鐘到先定到

就俾佢激死 :-(

ju:

你生果陣冇同佢講定要老公陪咩

我痛到死死下都仲記得要搵老公...因為佢係我心靈支柱..冇佢真係咩都唔得

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 3243

46^#

發表於 06-4-18 23:12 |只看該作者

Re: 死去活來∼∼生產經過！！！

寶寶儀,
我諗chiuhan係15號晚入院...佢同我一樣都係見紅入院嫁!!但係佢冇詳細同我講佢既痛苦經歷!!等佢出院上黎訴苦la

醫生有俾氣我聞呀...我仲狂吸tim呀....不過子宮收縮時真係好痛...我覺得聞左幫左都唔係好大!!

唔係我帶眼鏡...係個醫生帶眼鏡呀...由bb出黎...cut池帶...拎個胎盤出黎...聯針...成個過程我都睇得好清楚...我一世難忘呀!!

其實同薑水沖涼就係驚入風之ma...同暖水沖快快趣沖完就得嫁啦...都唔知點解d老人家又要用薑水沖涼咁多野搞...!!

用薑水沖慢la...咁樣唔係仲易冷親咩 ?-( ?-( ?-(

依家生完真係好累...要多休息la!!你唔好理99...佢係度由得佢lor...照訓覺...

如果唔係你冇精神嫁喇!!

我今日都同我個女去健康院wor....佢去果時又訓...番黎果時又訓....真係咁好訓??

我個女係夜晚先唔訓呀...真係激死呀....我真係唔洗訓呀!!希望今晚唔好又係咁啦

我冇泵奶呀...我都冇咁多精神呀...我人奶加奶粉la~因為佢啜啜下就訓左...過左一陣又喊我都冇佢咁好氣呀!!

我琴晚試過訓係度餵...結果佢都係啜啜下訓左

但係又好快又喊...

我真係有d唔想餵人奶...

KATHY.LIN

私人傳訊

積分: 4234

好媽媽勳章

47^#

發表於 06-4-19 22:46 |只看該作者

Re: 死去活來∼∼生產經過！！！

kathylin:

佢15跑入院,17號先生!!

咁多日..
咪係醫院牛到悶哂

吸笑氣好過冇啦,hihi地都幾正.

係幫助唔大...

你生完仲有力氣睇佢聯針呀

我生完都變左條死魚,訓左係度郁都唔郁...鬆哂!!

好彩我睇唔到姐..

生已經夠痛苦,仲睇住佢攪咁多野..

咪攪..

我只係用過2次薑水沖涼咋,而家偷雞唔用囉...不過俾人罵

用薑水沖涼真係太慢啦,仲易病,我都覺d老人家都唔知點諗..
呢d野流傳出黎都係因為以前冇熱水爐姐..

而家時代都變左,仲係咁..

我99次次上黎都煩我架...
訓訓下走黎拍聲我問呢樣問果樣,想訓得安樂d都唔得架

我對住佢真係冇咩耐性,成日攪到頭痛..
而家見到佢都懶得出聲....

我而家真係冇覺好訓想一日訓幾個鐘真係好難!! :-( 冇人幫到我照顧bb..連我老公都幫唔到手...叫佢換片好似叫佢去死咁...成日都驚整親bb..

你訓係度餵佢好易訓架..

我次次都係坐係梳化度餵佢,反而佢未訓我就合緊眼訓,半夜餵佢食人9真係好累 :-(

我冇補過奶粉,因為呢幾日谷奶谷到我好辛苦...已經夠奶俾佢飲啦...佢飲完我都仲谷緊...次次要泵完先舒服...唔係唔洗訓...痛到死死下 :-( :-(

我都有諗過放棄餵人奶架...但一諗到可以幫助佢健康d同埋慳返d錢...個諗法就會消失

唯有頂硬上啦 :-(

你而家坐月係你媽度呀??
返健康院有冇人陪你架...

我次次去親都好多人,好多小朋友,好嘈

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 3243

48^#

發表於 06-4-20 09:36 |只看該作者

Re: 死去活來∼∼生產經過！！！

寶寶儀,
我唔肯定佢係唔係15號入院嫁~~

等佢出左院先問下佢

我生完個人係舒服晒...但係佢擺我個女係我個肚度...就真係嚇死我啦....

我諗可能係我生之前訓左幾個鐘...個人好精神所以隻眼爭得好大咁睇醫成個過程

我好怕血...但唔知點解睇到成個過程都冇暈...

我過左12朝啦....但係我阿媽仲要我用薑水沖涼.........唉~

我真係後悔去佢度坐月呀~!!

唉~~我出院冇耐阿麻果d都黎睇我...但我都照訓冇理佢地~!!因為真係好累啦....

我地依家有左阿b係身邊...真係冇覺好訓嫁喇...所以要爭取多d時間訓覺........

我個女今朝6點飲完奶之後一直冇訓過...一直喊到8點肚餓又再飲....飲完先訓~

真係希望今晚唔好咁喇~!!

我唔餵人奶喇......真係好辛苦...我琴日開始已經放棄~!!我坐係度餵佢佢都會訓著....我真係冇佢咁多時間...我寧願拎餵人奶既時間訓餐飽仲好過

我番健康院都係得我自己去咋~~~ 我都係去親好多小朋友~~真係咩聲都有啦

我都係自己照顧個女...冇人幫我...我媽就越幫越忙啦...

唔幫好過幫 :tongue: :tongue:

KATHY.LIN

私人傳訊

積分: 527

49^#

發表於 06-4-20 10:20 |只看該作者

Re: 死去活來∼∼生產經過！！！

kathylin, 寶寶儀,

我的大碼bb相簿︰

http://www.babyhome.com.tw/bb/143463

私人傳訊

積分: 527

50^#

發表於 06-4-20 10:47 |只看該作者

Re: 死去活來∼∼生產經過！！！

kathylin, 寶寶儀,

我的生產經歷都好恐怖呀~~~

17/4
2:40 見紅
2:50 入院
3:00 check bb 胎動同心跳
3:45 check 完同老公傾左一陣
5:00 開始5分鐘一次之陣痛（但仲忍得住）
6:00 陣痛加劇（c忍，打俾老公叫佢離e院陪我）
7:00 原來已經開左4度（入產房）
7:15 姑娘叫我嗅笑氣（好辛苦，但感覺似就離 "香"咁樣，所以不斷叫姑娘call 我老公上離）
8:00 老公上左離，但我只開左5度，但已經有想痾o既感覺，不過姑娘叫我c忍，唔可以谷bb出來
9:00 等左好耐仲係5度，不斷嗅笑氣，自己覺得好似失去左知覺咁，e生幫我穿水（感覺好暖同好多，但反而o個下肚冇咁痛）
10:45 因為忍得好辛苦，老公就叫姑娘再check下開左幾多度（因為姑娘話唔可以check得咁密，怕有細菌感染），之後e生再幫我check，原來仲未穿晒水，e生再幫我穿水，o個時話開到7度
11:00 因為隔離有大肚婆要生，所以姑娘趕了我老公出去，話如果我生得會叫番佢入離
11:15 因為我真係唔忍得同大嗌（同寶寶儀一樣嗌到拆天），而且我又聽到隔離生得，d姑娘係咁係到講話"出力痾啦"，攪到變左連我自己都忍唔到出力係咁谷，就係因為咁bb心跳變弱，所以姑娘即刻call e生幫我用吸o既儀器吸bb出來，我自己就覺得個儀器不斷o係度轉咁樣（所以e生話我傷口會大d），o個時差不多有2個e生，5-6個助產士幫我生，但我自己就不斷用左力去隻腳同嗌度，所以好辛苦先生到bb出來呀~~~

11:52 大碼bb出世了，聽到姑娘話 "原來咁大個，唔怪得生得咁辛苦啦 "

之後聯針（我覺得好痛，係咁問e生得未），老公最後冇陪產呀，不過我覺得有佢o係度反而對佢唔好，因為o個時個情況實在太恐怖同震撼喇！

私人傳訊

積分: 527

51^#

發表於 06-4-20 11:26 |只看該作者

Re: 死去活來∼∼生產經過！！！

kathylin, 寶寶儀,

我而家個傷口都冇咁痛喇，

係有時坐得耐一起身o個下同岩岩坐低o個下就痛d，不過我發覺同我同房o個d媽咪個傷口都好似唔痛咁o既，個個都行得不知幾快呀！

我而家都有用緊收腹帶呀，不過都係第2日先用，第一日以為個肚細左好多，照一照鏡發覺原來都仲有成3-4個月咁，我先"拿拿林" 用咋！

不過用左好似真係好d~~~ yee... 您用左 uzap 未呀？得唔得呢？我到而家都未磅重呀，因為未買磅，我都唔知自己輕左多，不過我老公話我pat pat仲係好大喎~~~~ :-( :-( :-(

之前我bb o係e院我地都o係一齊訓呀，因為bb係吸出來，個頭仔有d瘀血同埋曾經心跳慢，所以bb就係6A兒科o個邊，所以我見到隔離d媽咪有得餵bb食奶我都好羨慕呀！

原本仲話bb未必可以跟到我出院添，但因為有2個e生都睇過bb o既情況又抽過血冇問題，所以禽日就同我一齊出院喇！因為我都有3日冇俾bb食人9，而我又冇谷9，所以我諗我都係餵9粉了，而家bb都係食9粉 (金裝 s26)，或者到時谷9 o既，咪照俾佢當水飲囉！

寶寶儀, 您99又真係幾麻煩喎，連餵人9都望住仲要攪添，比我就唔得喇！

kathy, 我bb今日由6:30食完9之後都一直係咁o咸，可能又係禽日一出院就大覺訓，6:30 o個次9又食唔晒，所以o咸啦，今朝仲得人驚呀~~~ 佢不斷係咁o咸，o咸到成個人好似抽咁呀，唔識再o咸，嚇到我即刻叫老公幫佢掃風，佢先再o咸咋，所以有時d老人家成日話bb o咸唔好理佢（怕縱壞佢），其實都唔係咁好，差d驚佢會窒息添呀！ :-( :-(

私人傳訊

fish1406

洋房

積分: 107

52^#

發表於 06-4-20 16:59 |只看該作者

Re: 死去活來∼∼生產經過！！！

寶寶:

公喜你生了健康的bb喔!
看你的生產過程真係有d恐怖><!雖然我唔係順產要開刀生bb出來,但我都好想有順產的經驗,好可惜我臭b唔乖!
不過,你真係好快可以坐係度打字,我就唔得啦,都差不多成個月,如果企得內個傷口仲好痛,所以點都好,順產媽咪比開刀的復原得快!
我阿媽都唔比我沖涼洗頭,12朝我先洗了一次頭係我不停求我阿媽先比我洗一次,仲要係用薑水洗,不過好過無得洗,宜家晚晚都係用薑水洗身,有時候天氣涼我阿媽就叫我擦一下身好啦,洗都冇得洗,好慘, 頭都快要忍唔到,希望過多10日我坐完月可以好好洗一次,不過我阿媽一定說忍到就唔好洗住!
寶寶你餵人奶更要清潔d,因為我看書如果餵人奶d媽媽唔洗澡,人奶含菌量會大增!

私人傳訊

積分: 3243

53^#

發表於 06-4-20 17:02 |只看該作者

Re: 死去活來∼∼生產經過！！！

chiuhan ,
你終於經歷左一段痛苦既路程喇....公喜公喜

你休息多d喇......如果唔係bb喊你又冇得訓嫁喇...好似我咁...就真係慘啦 :-( :-( :-(

我都放棄左餵人奶喇...我個女都唔多喜歡食人奶呀...我諗佢係醫院食慣左奶粉la~...唉~!!!!

係呢~~!!??你生果時你有冇睇晒成個過程呀?????

KATHY.LIN

私人傳訊

積分: 527

54^#

發表於 06-4-20 18:37 |只看該作者

Re: 死去活來∼∼生產經過！！！

kathy,

係呀，因為我而家有99幫手湊bb，所以下晏我同老公都可以訓一陣覺，夜晚就由我同老公負責餵9~~ 係呢，您而家唔餵人9咁您仲有冇谷9呀？我而家冇俾bb啜過，好似冇谷9咁喎，不過個胸胸就好似大左少少咁呀！

我係生o個時一路都冇瞪大過眼呀，因為實在好痛呀，所以我冇好似您咁大膽望住前面離生囉！

私人傳訊

happypenguin

積分: 535

55^#

發表於 06-4-20 18:41 |只看該作者

Re: 死去活來∼∼生產經過！！！

我路過見到呢個topic走咗入嚟！

做媽咪真的不易！！

未生而又諗住自然分娩的媽咪,記得教定老公幫你用力(大力)按實個mask吸笑氣,可以省好多好多氣力！（因為會痛到連自己用力按住深呼吸都有困難，仲要留力生產)　我好好彩因為我個姑娘friend及時路過教曉我老公,當時我已痛到出唔到聲！

另外,切記用鼻吸用口呼,否則會嘔。

祝大家順利誕下可愛小B！

私人傳訊

積分: 3243

56^#

發表於 06-4-20 19:46 |只看該作者

Re: 死去活來∼∼生產經過！！！

chiuhan,
我自己湊個女....佢成晚唔訓我都冇訓....朝早佢訓我都冇訓...本來好眼....但到朝早我就鬼打咁精神...唉~~~我諗我就快做神仙啦...唔洗訓呀

我一開頭bb唔係我身邊試過谷奶....不過依家唔會wor...唔知點解呢 ?-( ?-( ?-(

我都唔係好大膽嫁咋....我都唔知點解當時我眼定定睇晒成個過程wor....

我見到個女出黎咩反應都冇...成個過程我都呆左係度.......我呢世唔會忘記la

KATHY.LIN

私人傳訊

積分: 527

57^#

發表於 06-4-21 10:03 |只看該作者

Re: 死去活來∼∼生產經過！！！

kathy,

您自己湊個囡囡，咁您之後仲駛唔駛返工呢？我到6月1日就要返工了，我諗我返工時都會好掛住bb呀，因為而家日日都望住佢，佢真係好鬼c得意o既姐~~~ 有d唔捨得呀！不過我公司都好近，返屋企大約半個鐘啦......

係呢.... 您收左身未呀？您會唔會擺滿月呢？因之前您好似話唔擺嘛！~~

我仲未收身呀，而家99又成日煲野俾我飲，想瘦都幾難喇！我都唔知而家幾多磅，或者星期一帶bb返健康院時去磅一磅先得~~~

我的大碼謙謙 :mrgreen: :mrgreen:

私人傳訊

積分: 3243

58^#

發表於 06-4-21 10:59 |只看該作者

Re: 死去活來∼∼生產經過！！！

chiuhan ,
我冇做野嫁....我一有左bb就冇做野,所以我諗我都唔會搵野做住~!!
係嫁...你番工一定會好掛住bb同埋會好擔心tim嫁...!!係呢??你番左工邊個湊bb呀??

係bb面前唔可以話佢得意可愛乖呀...呢d野嫁...一定要番反話~!!因為bb好小氣嫁~!!!!!我睇左你bb d相喇...你個bb都幾似你...你就好啦~!!但我果個一d都唔似我...我唔開心~!!

我生完有一個小肚腩...不過依家冇左lu~~
我琴日磅重...我90.5磅.....
我諗都係唔擺酒lu...我寧願用擺酒既錢買野俾bb仲好~!!

我bb星期一都要去健康院...要測試聽力~

KATHY.LIN

私人傳訊

積分: 4234

好媽媽勳章

59^#

發表於 06-4-21 15:05 |只看該作者

Re: 死去活來∼∼生產經過！！！

chiuhan:

哈哈,

你終於出院啦,我尋日冇上黎添!!
尋日老公放假好難得佢幫我湊b等我訓返好d,不過bb就唔肯訓,老公攪左好耐,由夜晚9點幾攪到早上4點幾先肯訓,

好彩我泵定奶俾佢餵姐..

睇到你個生產經歷都好驚險,哈哈你個仔真係好大隻..生得一定辛苦

我生果陣都以為佢係大bb,點知咁細

我就3.095,你就3.95...

可能我覺得生有老公陪冇咁驚,生完之後我同d舊同事傾電話,聽返佢地講,原來我老公同佢地講佢果陣都好驚,但要撐住我,聽完都幾感動... :-( :-( 你聯針冇打麻醉藥咩???
我只係覺得有野吉我,但一d都唔痛喎!!
而家我地3個都生左啦,安心哂!!但大家唔同日子見唔到面囉

希望第時有機會帶bb出黎見下啦!!

係啦,你有冇帶bb去健康院??
我要經常去,因為bb仲黃緊,聽日我約左9點半

唔知有冇可能撞到一齊呢

我睇左相啦,同你老公好似,真係好大隻...同我果個真係相差好遠

我未用osim呀,今晚諗住試下

但唔可以俾老公知,佢話左要生完先用得

又要偷蕃薯啦

我試下話你知

我呢幾日谷奶谷得好辛苦,好想放棄.. :-( 但又唔忍心喎..我上哂奶啦,已經夠奶俾bb飲.谷到佢飲唔切,一飲完唔夠半個鐘又谷過,都唔知有冇計可以冇咁痛!!

我99真係好煩架...不過算啦,我睇開左啦,佢煩我已經當聽唔到...繼續睇電視,唔理佢

你個衰b而家飲幾多奶呀>???

我用奶樽餵佢有時飲到3安/4安,唔知多定小呢...

kathylin:

終於見到chiuhan個生產經歷

點解生完擺個bb係你肚度既

你老公冇陪你生咩

而家熱到痴線,你仲用緊薑水沖涼呀..

我用熱水沖完涼都覺得仲好熱....

用薑水咪仲滾..

好彩我99唔係日日黎煩我,唔係又話幫我煲薑水

出左院真係想休息架,但d人上黎又唔可以唔理佢地,你都訓得到真係好,我想訓都唔得,又要應酬人地

我都唔知點解d bb夜晚鬼打咁精神

我地日頭bb訓都跟住訓啦,唔係真係唔別訓架,你地都好d,餵奶粉,可以有人幫下,我咩都要自己攪掂 :-(

你自己去健康院有冇問題架

有個人幫下手好d啵

我係屋企抱bb真係抱到手軟,出街我唔抱佢架,一定要老公抱...你咁抱住佢咪好累囉

happypenguin:

未生bb真係唔知做人阿媽咁辛苦架

而家做左真係感同身受

!
老公陪產真係要幫到手先好,幫唔到真係冇咩用..

生果陣呼吸真係好重要...

fish1406:

你終於得閒上黎啦,攪到我鬼咁掛住你

你都俾人逼用薑水沖涼呀..

有d覺得自己好好彩,唔洗俾人逼,奸計得逞

12日冇得洗頭會癲架...我2日冇洗個頭都出哂頭油,好恐怖

你好快坐完月啦喎,有冇諗過係邊擺滿月酒呀

我而家煩緊呢d問題,又要印請帖,又要搵地方...

!!!

餵人奶真係好辛苦,加上而家好熱,成日谷奶谷到想死,又出汗,所以我日日都沖涼架...

你放心啦,我都唔想bb有事架,所以會注重自己既清潔架

係啦,你個衰豬有冇相睇下

[size=xx-large]咁多位...

尋日bb出完街返屋企...
飲完奶次次都噴奶,好恐怖,嚇到我半死...
今日都仲有小小...

有冇辦法補救呀

我已經飲完停一停幫佢掃風,起碼分3,4次飲...

但都係咁....佢d噴射式好恐怖

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊