大仔大女媽媽會 今日: 0 | 主題: 177860

積分: 688

41^#

發表於 06-4-25 11:53 |只看該作者

Re: 全職媽媽入黎傾下吖!!^^

我終於識得換張大頭照片la，真係蠢tim！

私人傳訊

積分: 23679

42^#

發表於 06-4-25 18:04 |只看該作者

Re: 全職媽媽入黎傾下吖!!^^

peddy媽:
我2隻針都無諗過同晴晴打呀

不過如佢3歲前都唔出水豆,我就會考慮帶佢去打!!
因我就係小6時先出呀,真係辛苦死我,果陣又咁岩考試喎,無得請假!!

我初時都係唔識整大頭相架!!

私人傳訊

積分: 9726

43^#

發表於 06-4-25 22:13 |只看該作者

Re: 全職媽媽入黎傾下吖!!^^

all,
我要同卓琳打個支針全名係叫"肺炎x球菌針", 應該同肺炎針係唔同, 打算去佢睇開個醫生度打, 因為我有個朋友係做護士, 佢建議小朋友最好打, 而且係一次性, 打完以後都唔駛再打, 預防萬一都好

至於水痘針就無諗住打, 因為佢打左有效期只有7年, 7年後需要再打, 我自己覺得如果水痘最好越細出越好, 如果我同佢打左咪本應可早出都會令到遲出, 我個護士朋友講如果到大人才出仲會有性命既危險(只係好小部份), 所以我覺得都係令佢順其自然吧啦

但我就見好多bk媽都有幫佢地小朋友打.
係呢, 你地睇開邊個醫生架, 卓琳就去開華都個間叫"劉孟蛟", 你地呢? 交換一下心得呀

[/url]

私人傳訊

積分: 23679

44^#

發表於 06-4-26 02:33 |只看該作者

Re: 全職媽媽入黎傾下吖!!^^

sung米米:
我都係帶晴晴去睇劉孟蛟架!!

我都好想晴晴快d出水豆呀!!

"肺炎x球菌針",打左係預防肺炎之外,仲有咩tim架?

私人傳訊

積分: 688

45^#

發表於 06-4-26 10:19 |只看該作者

Re: 全職媽媽入黎傾下吖!!^^

all,
我通常帶禮禮（即係peddy，佢自己話要我叫佢禮禮，佢個樣好堅持ah，當時佢個表情幾認真ah，笑死我 :mrgreen: ）睇智樂個黃小山，因為我自己睇開佢，同埋佢對小朋友都好有耐性，ok la！初初我帶禮禮睇隔離個戴俊聰ga，但禮禮試過兩次發燒佢都睇唔出有咩事，一味dum症，激死人

其中仲有一次變咗肺炎tim，c得佢！

好似打咗水痘針都會出水痘ga，但就無咁燒同埋唔會出到成身都係，但我都係問清楚醫生先再報料 la姊妹

係喎﹐你地d小公主們識得朝朝刷牙味ah，禮禮死都唔肯刷ah，佢好抗拒，我仲試過點d果味牙膏比佢試吓，點知佢lam晒d牙膏，但又唔肯刷

我老公話唔好迫佢wor，佢都係4,5歲先開始刷，污糟得佢:tongue:

私人傳訊

積分: 688

46^#

發表於 06-4-26 10:43 |只看該作者

Re: 全職媽媽入黎傾下吖!!^^

唉！又係我，今日有小小唔開心ah，事源又係因為禮禮百厭lor，佢而家d行為學足佢爸b，成個麻luck佬咁，例子，佢好中意拆晒d收音機或其他電器嚟攪，又偏食，小小菜乍都唔食ga，剩係中意食肉，又中意r肚腩，咁我咪成日話個仔lor，但我老公琴晚好認真咁話我而家好c奶，似佢ah媽多個似佢老婆，同拍拖嗰時完全兩樣，唉！鬼唔知做女好咩，嗰時全職打扮，又讀書又做嘢，行出嚟都自信d la，但而家分晒精神比個仔，佢又唔中意，話我話題離唔開個仔:cry:佢話好體諒我而家咁辛苦同依然好愛我﹐但佢叫我試吓同佢浪漫吓wor！
你地有無咩辦法ah？c佬 ?-( ?-(

私人傳訊

積分: 9726

47^#

發表於 06-4-26 19:42 |只看該作者

Re: 全職媽媽入黎傾下吖!!^^

cokikaki,
又會咁橋既, 大家都係睇劉孟蛟, 卓琳由細到大已經睇佢, 感覺佢好細心同詳細, 最重要係夾到我個囡.至於個支肺炎x球菌針有乜用, 我聽個一次但都唔係好記得, 我打算星期日去劉醫生度打.

[/url]

私人傳訊

積分: 9726

48^#

發表於 06-4-26 20:04 |只看該作者

Re: 全職媽媽入黎傾下吖!!^^

peddymama,
禮禮係4月幾號生日架, 過左未?
卓琳長出第一隻牙我已經開始同佢刷, 到最近我就買左支牙刷比佢自己刷, 但其實佢都成日合埋個口唔肯刷架, 有時都令我好勞氣, 但係就一定要堅持佢每日最小一次刷牙, 但就未用牙膏.
其實我都同你一樣, 生左個囡之後同老公每日既話題就係圍繞住個囡, 但我覺得都係好正常既事黎呀, 自己既小朋友有什麼喜與憂當然係同自己老公分享啦 :lol: 佢係唔係x醋呀, 你不如搵日比呀禮禮人地湊一日, 跟住同你老公行下街啦, 當大家真正咁休息一日都好呀 :-P

[/url]

私人傳訊

積分: 23679

49^#

發表於 06-4-27 01:57 |只看該作者

Re: 全職媽媽入黎傾下吖!!^^

晴晴會肯刷牙,我每朝都同佢沖涼時刷埋,佢都幾鐘意刷架,不過初頭佢要自己拎,但我次次都會睇唔順眼,攞返支牙刷同佢刷,因佢自己刷,好似刷唔到d牙咁!!

妳地如買牙膏,係買邊隻呀?
我就係買"firstteeth",係吉仔同萬寧(唔係間間有)都有得買,lee隻係吞得落肚架,我之前以為買獅王果隻都得,點知原來係唔吞得架,好在果陣我買牙膏時,問過d bk媽先咋!! :lol:

peddy媽:
唔係嘛,成4,5歲先刷?

好易未到3歲就駐哂d牙喎!!妳老公咁都講得出既!!

晴晴都有時會"r"肚架,仲好似仔咁,勁肉酸!!

所以以前我一定會俾佢著夾衣!!

我同妳都一樣呀,又係c9左,今日先俾個人話我同佢應該差唔多大,傷心c我喇, :-( :-( 果個人26歲,我今年先24,咁即係話我個樣俾實際年齡老!! :-( :-( :-(

所以我今晚即時做返塊面模,保養返個樣!!

妳媽咪得唔得閒幫妳揍禮禮一日或半日呀?

有時都真係有需要2人世界下架!!

私人傳訊

積分: 23679

50^#

發表於 06-4-27 02:08 |只看該作者

Re: 全職媽媽入黎傾下吖!!^^

sung米米:
晴晴都係上年開始先睇劉醫生,佢都真係幾好人,又有耐性講解d菌同病俾我地知,同埋晴晴都同卓琳一樣,夾到劉醫生既藥呀,我試過帶晴晴去睇陳碩志,但唔掂既,食左d藥等於無食過咁!!

咁果支針幾錢到呀?

私人傳訊

積分: 9726

51^#

發表於 06-4-27 22:34 |只看該作者

Re: 全職媽媽入黎傾下吖!!^^

cokikaki ,
其實我覺得睇醫生呢家野真係人夾人, 因為之前都有bk媽咪話劉醫生d藥重, 但我又唔覺得呀, 卓琳食完一個療程就見效, 唔駛睇多次, 所以我住元朗都專誠來屯門睇劉醫生, 佢有好多分店, 好似寶怡都有一間, 另外個支針就$680, 如2歲以上就只需打一針, 我都係等佢足2歲就帶佢去打, 因為如果未足2歲係要分2針打, 我昨日睇電視都有睇到關於個支針既廣告先記得原來同腦膜炎有關, 但內容就真係唔係好記得.
晴晴用個隻牙膏可以食?咁佢刷完後要唔要漱口?卓琳唔單子唔肯刷牙, 連洗面都唔肯, 每朝做呢2樣野已經令到我好勞氣 :evil:

[/url]

私人傳訊

積分: 688

52^#

發表於 06-4-28 11:18 |只看該作者

Re: 全職媽媽入黎傾下吖!!^^

Morning, all 靚靚媽咪，
我琴日真係同我老公去拍拖shopping兼浪漫下（我老公當差嫁，所有放平日），佢又真係好開心喎！

但我地成日去shopping時，佢就係咁買禮禮d嘢，個口就話我成日顧個仔唔理佢，佢咪一樣咁緊張個仔，正一州官放火 :tongue:
仲有，個c佬幾衰ah，我地夜晚懶浪漫咁去黃金海岸食飯兼行沙灘，當我地企喺海灘度時，佢突然問我：「老婆，我地好似跳海情侶ah，算把la，食嘢先la，餓食人la！，仲要拎住咁多嘢！」你話，而家佢剩係識食同瞓﹐成隻豬咁﹐仲話我唔浪漫！

佢以前成日呃我佢沙灘行嫁！

禮禮係兒童節生日ga，佢早成21日出世，可能佢想收多一份禮物哇！

諗起生佢嗰陣真係辛苦，我係開刀生佢ga，血壓升到成195度，個醫生話都算危險，生完佢傷口又有小小發炎，真係諗起都怕怕！好在禮禮頭半年都算好揍，剩係食同瞓，係餵人奶辛苦d啫！

禮禮仍然唔肯刷牙，我會繼續努力！加油！加油！

重有，原來荃灣千色店最頂嗰層係d童裝warehouse嚟ga，好多牌子例如雞仔﹐牛仔嗰d衫都比出面平小小，好多款吉之島都無得賣，ok ga！

私人傳訊

積分: 9726

53^#

發表於 06-4-28 21:01 |只看該作者

Re: 全職媽媽入黎傾下吖!!^^

peddymama,
嘩, 好浪漫呀, 羡慕死人啦, 其實我覺得間唔中放低bb比人湊, 出來行下街食飯都幾好架, 一來可以個人放鬆一下, 二來又可以同老公增進感情, 一舉兩得

你開刀都餵人奶, 個傷口唔痛咩?我都係早產架同你差不多, 37週出世, 又係同你一樣開刀架.
荃灣係唔係成日都開倉架, 我鄉下婆, 小出市鎮

[/url]

私人傳訊

積分: 23679

54^#

發表於 06-4-29 02:13 |只看該作者

Re: 全職媽媽入黎傾下吖!!^^

sung米米:
晴晴佢初時會肯漱口,但之後就唔肯,原因係佢初時太過興奮喇,好大啖咁倒d水落口,d水太快流出,就入左落過鼻到,自此之後,佢就驚左漱口喇!!

卓琳有無成日睇妳朝早或夜晚刷牙架?

晴晴好細過就成日見住我同老公刷牙,洗面,所以一開始教佢刷牙時,佢仲開心過我!!

妳可以試下多d係卓琳面前刷牙吖!!

我今日都有睇到果個廣告喇,晴晴係打5合1針,好似有支都係防果隻菌(好似咋

)!!等我搵日去睇下支針既資料先!!

peddy媽:
嘩...真係羨慕妳呀,我都好耐無同老公2人世界喇,搵日放底晴晴俾我媽先得!!

妳老公好攪笑

"似自殺果d情侶"

我老公都係架,係咁講叫我唔好成日買野俾個女,但出街果陣,佢又成日都講"老婆,妳睇下果件衫仔/裙仔係咪好靚呀?唔知有無碼岩個女呢?"

私人傳訊

積分: 688

55^#

發表於 06-4-29 11:58 |只看該作者

Re: 全職媽媽入黎傾下吖!!^^

sung米米
你開刀都餵人奶, 個傷口唔痛咩?我都係早產架同你差不多, 37週出世, 又係同你一樣開刀架.
荃灣係唔係成日都開倉架, 我鄉下婆, 小出市鎮

我開完刀嗰晚己經去餵哺室餵人奶la，

（ah，唔記得咗話比你聴禮禮喺荃灣廣安出世經盧乃本醫生接生）當時都唔可以剩係用痛字嚟形容咁簡單，你開刀都知第一吓落床嗰陣直情痛到全身冷汗都標出嚟（開完刀6個鐘就迫我落床，話對傷口好喎），我試過行咗四步就要老公抱番上床，但到夜晚嗰陣就有姑娘問我要唔要試下餵人奶，要的話佢就借輪椅比我推我入去，第一次餵人奶唔係好痛，禮禮唔使2秒就搵到嚟

不過因為未谷奶所以禮禮 :-(

唔到，要補奶粉，但第一次嗰一刻感覺好奇妙，好開心好感動 :lol:
我餵咗大約8個月到就無餵la，而家禮禮食美素高/樂（3號仔）佢唔受得s26 ah，一食佢就無臭臭呵同出到成面都係粒粒。
仲有，荃灣千色店嗰度係固定counter嚟ga，即係以前玩具反斗城位置呢，我嗰次本來想去toyrus ga，不過原來執咗好耐lor，嗰度仲有一間好大kei荷花行，都ok ga！ :wink:

私人傳訊