oknsca 寫道:
JAY媽
其實我都係跟住本書既方法做..我而家同時都睇緊另外幾本唔同既"教仔"書...我節錄小小書既內容..我諗會對你所問既問題有幫助..
怎樣與孩子溝通？
事實上，父母與子女溝通興專注力的發展有極為密切的關係。因此，培養良好的親子溝通，是幫助小朋友發展專注力的好方法。以下是一些溝通的原則供大家參考：
•容易分心的孩子不善於把資料綜合，優次遍排的能力也欠佳，對著他們說話越多，他們就越亂，說話內容若出現多個命令或道理，他們越難跟從。
•對孩子講話不要總是重覆，這樣的話，會令孩子習慣一件事反覆聽好幾偏。當老師只講一遍時，孩子會似乎沒聽見或沒聽清楚。如果發覺孩子沒有聽你的話，才走近他身旁再說一遍。
•家長切忌與孩子短話長說，嘮嘮叨叨；反之內容要具體，最好是能化成正面影像內容。
•盡量避免使用模稜兩可的字眼，例如：「你可唔可以....」、「你知唔知唔准XX...」等話語。
•如果孩子沒有遵照指示，不可只重覆孩子的名字，以當作提醒他應服從指示，而應該走近他的身旁，拍拍他，或看著他，再說一遍指示。
.................
同埋我都要更正一下,我囝囝去嗰間診所做評估既時間係一小時而吾係個半鐘,可能佢幫我囝囝評估完會同我地報告同解釋番囝囝既問題,我地又多問題又多口水,所以至傾左咁耐... 
JAY媽 寫道:
CONNIE, CHECK PM.
[quote]
conniedodo 寫道:
JAY媽,
可pm我嗎,thx!
呢幾日個仔發燒...佢D專注力不足又勁左喇~~~~ 
噚日朝早我起身,見到佢已經响廳睇電視,我已經係咁搓佢個頭頂( :mrgreen: 想同佢玩),然後至入廁所...到我去完廁所洗手時,個仔一聽到水聲突然問:"邊個洗手???"然後走埋黎好驚咁話:"咦?媽咪,你幾時起身架?你明明仲訓緊覺架喎!點解我見吾到你出黎既??" ?-( 我即刻答佢話:"我明明有搓你個頭至行去廁所架!咁你都吾知???"跟住佢話無,話我無摸過佢個頭喎!!!激C~~~!!! 不過呢兩日佢發個燒,講野又明顯叻咗!但係成日都俾佢訓話囉!好嘈!!!
我今日已經買左你介紹嗰本'專心一點-兒童專注力提升手冊'喇~~~~本書真係幾有用,入面仲有D練習可以俾小朋友做,超級正!!!裡面有好多教法係我以前諗吾到可以訓練專注力!
一係你試下問下協康會做呢類評估要幾多錢...雖則之前有媽咪話要成千幾蚊,但照計應該吾會貴過私家醫生咁多,或者試下搵社署社工轉介,睇下會吾會平d同埋快d...始終讀寫障礙越早幫小朋友做訓練越好,否則小朋友大定左同埋越黎越高年級,會更加惡搞~~~ 真係好high!成隻甩繩馬騮咁!今日去做感覺統合訓練,個治療師已經再次俾佢係咁做重力訓練,希望佢快d定番啦~~~~ :-(
查實重力訓練呢個名都係我講架啫,查實係响感覺統合訓練度,俾佢做好多用好多手同腳力,等佢個腦自己識得分泌出嗰隻可以控制行為情緒既化學物質,咁個小朋友就會定,會較為識得自我控制,,,或者我講下我囝囝平日會做d咩"重力訓練'啦!响治療師度會爬兩條繩梯去搬運d豆袋到兩邊天花既籃仔度,或者會攀石...;至於平時,我會叫佢幫手攞重野,當然書包嗰d我吾會再幫佢揹啦!要佢自己揹哂自己d野,,,總之當有野'聚'住佢,要佢用力攞住頂住,佢都會定d架!
有時我直頭叫佢訓响床度,我擺個大人枕頭上佢身度,然後用腳用少少力(當然就下佢啦 :mrgreen: 容乜易踩扁佢~~~)踩住佢黎搓佢背/肚...平時得閒就幫佢由頭到腳咁按摩,佢都會乖d架.... 至少小朋友自己又舒服,大人又教得無咁辛苦先啦~ 12312 寫道:
JAY:
請問什麼是"重力訓練"? 因我小朋友間中都會失控
但無法啦唯有盡量忍耐，因為明白她也不想。各位家長加油！！ JAY媽 寫道:
Super-mum,
你依家係咪等緊政府嗰邊幫你囡囡做評估呀??你囡囡依家幾大呀?讀緊幾年班??
呢兩日我囝囝又是打回原形!
係咁架喇...教我地呢班小朋友係要有無比既耐性同愛心,一定要對佢地有信心囉!同埋就係因為佢地有呢類障礙,所以有好多時吾可以用番平常人/傳統既教法去教佢地學習. 佢寫吾寫到字?會吾會係咁將d字倒轉黎寫/寫到飛過幾個格/離哂行??? Super-mum 寫道:
JAY 媽,
多謝關心，我個女現在讀小一都算發現得早，現正在政府排隊做評估。其實我都有Check過協康真係幾貴，如果要做訓練又要另外計，所以唯有等政府囉。我現正在學習用不同方法教她都work架，但係就辛苦d同埋要好有耐性。唉，對住她們有讀礙的小朋友真係少d耐性都唔得，但有時自已不在狀態都會忍唔住發脾氣。
同埋我又講下我隻曳貓今日既狀況啦~~~~ 點知隻曳貓一上感覺統合訓練...佢直頭係一隻癲貓,周圍彈,彈彈下又郁d下發先生脾氣,又吾聽先生話,總之失控到兩個先生都禁佢唔住...跟住玩到後半步,其中一個先生同佢硬碰硬要求佢守番規矩,佢就黎料喇!!! 
响樹周圍掃低成間活動室d野不但只,仲好似報仇咁係咁立架生(車軚/木板車)撞先生! 
咁分明打先生啫!跟住我都忍吾住喝止佢,佢都仲好嬲咁話先生蝦佢!最後個治療師上到去見到哂,一落堂就捉鬼住隻百厭貓坐低傾偈同佢講道理,雖則最後隻衰貓都同先生講對吾住,但係人都知佢條氣仲好吾順囉!出到去仲好似大人咁訓話番個先生'你咁樣搶人地d野吾岩架!你知吾知呀~~~~' 真係~~~~駛吾駛咁小氣呀~~~~ 都吾知佢係咪揀人黎恰...家下都睇番佢呢幾日咩表現,好驚佢又打回原形,搞到無同學肯同佢玩...
咦?本書係咪响圖書館度借到架???睇下聽日我放工有無精神去圖書館搵搵先...講真,出面D書局真係好難搵到呢類有用既書架!點都好,睇多D書聽多D意見都對我地呢班父母有幫助既... 俾心機啦!吾好咁灰心!用平常心去面對佢地,樂觀積極D去搵多D方法幫自己小朋友,咁小朋友至會有個開心既童年同未來,如果仲用番我地上一輩既態度去睇自己仔女,吾好話我地痛苦,小朋友都一樣咁痛苦,因為,我細個都係咁架!依家睇得多書,至發現我同囝囝都係有同樣既障礙問題.大家有無呢種感覺/發現呢? klyie 寫道:
我的小朋友同樣評估了有過度活躍/專注力缺乏症/學習障礙,當時聽到心理醫生所講.真的想死.因為不明白以上所講的是什麼.返到屋企定一定就即刻上網找資料,終於明白以上的過度活躍/專注力缺乏症/學習障礙是什麼來的.
往後的日子,我一有時間會參加講座,聽聽其他家長怎樣教導小朋友,互相勉勵大家,減低壓力.
但現在囡囡現讀P1,沒有太多時間了.剛剛路過,希望大家分亨一下.之前評估中心心理醫生見我咁惶恐,介紹了我買一本書,我覺得都有用.書名叫 - 過動兒完全父母手冊
可以參考一下.
發表於 
返回列表
