心聲留言今日: 0|主題: 17549

收藏本版

發帖

返回列表

跳至頁

樓主: 850212

個仔瘦係我錯?? [複製鏈接]

1 23

emilylam

水晶宮

積分: 66125

41^#

發表於 06-6-16 00:02 |只看該作者

Re: 個仔瘦係我錯??

我個bb九個月都係得17.18磅,d人見到都話佢細粒,有時聽到一d自已唔鐘意聽的說話都會唔開心架,你地講得好0岩,最緊要bb身體健康,我自已由細到大都比人話好瘦,吃極都唔肥果種,所以我唸我bb多數像我一樣唔係咁吸收!有時都唔明點解d人(尤其長輩)咁鐘意搵人比較?同埋認為自己果套一定是對的?!每種事情都有野講..有時聽得多都幾煩

好像同親戚去飲茶,我已經同bb穿左外套,長褲+帶左張包被,我親戚話我仲乜著咁少,會凍親佢..但我摸bb隻手腳係暖的,我話唔係啊,手仔好暖,佢就話:佢隻耳仔凍冰冰架!仲話暖!...我都唔知點講啦..無出聲,我地平時隻耳仔都係凍凍地架啦唔係咩??

總之每樣野都有人加把口去話你咁.. :tongue:
我媽媽都係咁架,每次見我煲粥呢.都有野講的!成日話:我見人地唔係咁煲噶喎?!"好像我落魚茸落粥度,佢話未見過人煲魚粥比bb吃 ?-( 事後佢第二次上來又買左條魚話買比bb吃!原來佢事後問人地人地都會咁做的!佢總是唔相信我做的野,但佢自已又唔識但又鐘意話我 :-| 好像我落蕃茄,或其他材料佢都會話:得唔得架?我未見過喎,你細個時你婆婆都唔會落咁多野落粥度既,只是加豬骨乍,邊有加呢d架?!.........
唉..我都唔知點...自己一個人湊bb己經好辛苦,無人幫手,加上自己本身自信心不太強,聽得多人地的"批評",所以成日都唔開心 :cry: