婆媳關係 今日: 0 | 主題: 27782

積分: 8594

42^#

發表於 12-12-7 14:52 |只看該作者

引用：Quote:melmelyan+發表於+12-12-7+04:22+我

原帖由 RAY媽 於 12-12-07 發表
有冇諗過其實係妳潛意識想留難佢?

佢幾十年都追寶珠姐，幾十年，年年都係1月1日。妳事前唔知?

其實我真係一啲都唔知每年1月1佢會去飲佢餐壽宴，我媽係唔會同我地講的，好鬼祟收收埋埋，我承認呢一點係我忽略左我媽。但講真，咁多年我都冇乜點認真責備佢過份迷戀偶像，唯一一次真係鬧佢既就係佢喺後台門口為左追偶像影合照而仆親，傷到要睇醫生，老人家咁跌一跌可大可少，仲連掤牙都整親。我鬧佢係因為佢跌親我心唔安樂，邊個女想自己阿媽有事……我唔係專登留難佢，事前我真係唔知佢1月1唔得，因為我有同佢講過年尾有邊日唔得一定要講定先，佢只提過邊日要去邊度，邊日要返大陸，完全冇提起過偶像生日……

Btw，點解你咁叻知道係寶珠姐既

私人傳訊

積分: 8594

43^#

發表於 12-12-7 14:55 |只看該作者

引用：Quote:原帖由+melmelyan+於+12-12-06+發表

原帖由 hmkm 於 12-12-07 發表
叫你媽唔好要禮金同酒席，
如果要請親戚朋友唔該佢自己科水，
我諗你媽一定即刻收聲，

我家姐已經咁樣同佢講，但佢覺得我地一啲都唔尊重佢。

私人傳訊

YURICKY

公爵府

積分: 28525

畀面勳章

44^#

發表於 12-12-11 17:37 |只看該作者

引用：唔好嬲你媽啦！你都將為人母，可能有啲野要

原帖由 racheland 於 12-12-07 發表
唔好嬲你媽啦！你都將為人母，可能有啲野要做左人阿媽至明呢…… 結婚同生bb都係開心事，輕鬆啲去面對啦！: ...

就係因為做左阿媽先至嬲啊嘛！追偶像仲緊要過自己個女結婚

俾著我真係嬲一世

私人傳訊

積分: 8594

45^#

發表於 12-12-11 18:16 |只看該作者

引用：Quote:原帖由+racheland+於+12-12-07+發表

原帖由 YURICKY 於 12-12-11 發表
就係因為做左阿媽先至嬲啊嘛！追偶像仲緊要過自己個女結婚俾著我真係嬲一世

...

我爸就係為左呢件事同我媽嘈左鑊甘

私人傳訊

積分: 8594

46^#

發表於 12-12-11 18:56 |只看該作者

回覆：好嬲，大家評下理，自己阿媽咁對個女(超長)

最新動態，我頂唔順我媽再打黎刺激我，所以我打俾我伯娘講，希望佢可以幫手勸我媽唔好咁執著(我媽同伯娘關係好似兩姊妹咁)，當我伯娘一聽到我訂左1月1日，佢都即刻話你媽咪應該要去飲偶像果餐喎，佢年年都1月1日去飲。我即刻覺得自己真係好失敗，從來都唔知道1月1日我媽有節目。但我伯娘覺得，如果媽咪班姊妹真係為我媽著想就會識得揀，生日年年有，嫁女得一次。佢知道我媽因為呢個理由逼我改期都覺得好無稽，仲要不停刺激我情緒，佢好擔心我會動胎氣，叫我咩都唔好諗，交俾佢解決，專心安胎，有咩生左先講。然後當晚佢地有飯聚，我伯娘拉埋我媽一邊同佢傾，叫佢唔好勞氣勞嘈，宜家係解決問題唔係再製造問題，如果個女動胎氣有咩事你做人阿媽外婆都唔安樂啦！點知我媽好大反應，發晒癲嘈嘈閉話我向伯娘告狀，話我周圍講，落佢面。我伯娘話就係佢勸你唔掂先搵我勸你同你傾，你兩個都嬲到火紅火綠邊度仲傾得掂。就係咁，驚動到我爸。我爸打俾我問我發生咩事，我岩岩先冷靜落黎，爸爸一打黎我又喊過，我話我唔想提唔想講住，我唔想動胎氣，有咩bb出世黎先講啦。我爸就開始自己估，佢話總之咩事都好，萬大事老豆撐住老豆頂，邊個有意見就黎同我講唔好搞我個女!!! 我聽到咁，好驚佢鬧我媽又再點返起阿媽把火，我就同佢講唔好再講唔好鬧唔好勞氣，真係有咩生左先再傾啦。我爸話得啦得啦，最緊要你放鬆，有我搞掂。但我好清楚我爸性格，收線後佢一定爆我媽，結果我伯娘話返俾我知，當晚我爸鬧到我媽發癲夜媽媽自己一個女人返屋企，喺佢返屋企既時候再打俾我講: 你叻，你周圍同人講，等我喺所有人面前冇晒面，得喇，你冇當過我係你老母，你有咩以後搵你老豆啦！跟住收我線。我只想講，可唔可以真係唔好再刺激我? 如果你真心為我著想，就唔好再打黎挑機，到底我係咪你個女黎架? 到第二日，我伯娘同我媽行街，見我媽冷靜啲，就同佢傾左好耐，亦俾左好多建議我媽，最後我媽話佢班姊妹果3圍折現俾佢，佢另外搵日用呢3圍錢去請班姊妹食飯。我伯娘就打返俾我問我好唔好，我話冇問題，果10圍話明俾佢佢鐘意點安排都得，咁我伯娘就話既然有解決方法，咁大家唔好嬲來嬲去唔好勞氣喇，叫我專心養胎，bb出左世媽咪自然下左啖氣架喇，咁我都鬆一口氣，以為件事已經告一段落，我都唔想我媽咁勞氣唔想佢激動。點知夜晚，我爸打俾我，佢竟然知道左真相。我爸好嬲好嬲，佢話: 咁多年都忍佢迷偶像追偶像，個偶像緊要過我我都唔出聲忍佢由得佢，宜家為左個偶像咁樣對個女，有冇人性架佢? 係咪有偶像就得呀？係咪唔要屋企人喇? 有冇腦架佢………我未見過我爸嬲得咁緊要，我知道我爸係忍埋忍埋然後我今次呢件事成為導火線令佢爆。我同佢講，返到屋企唔好再講唔好再提，我地已經有共識有解決方法，唔好再搞到家嘈屋閉喇。過左一陣，我家姐whatsapp 我，叫我可唔可以控制下爸爸啲脾氣，話既然有共識，返到屋企可唔可以收聲唔好再提。原來我爸返到屋企喺度自言自語碎碎唸單打我媽，我媽原本唔出聲，但我碎碎唸左成晚，終於又挑起我媽把火，又嘈過，仲嘈到話全世界都幫住我，佢做乜都係錯……唉，c6叫我唔好理唔好諗，淨係諗住bb。話有咁既結果係我媽自己做成，唔關我事。但，真係唔關我事嗎？我係咪做錯左? 到底可以點

私人傳訊

kayingivy

伯爵府

積分: 18129

好媽媽勳章醒目開學勳章

47^#

發表於 12-12-11 20:34 |只看該作者

melmelyan 發表於 12-12-11 18:56
最新動態，我頂唔順我媽再打黎刺激我，所以我打俾我伯娘講，希望佢可以幫手勸我媽唔好咁執著(我媽同伯娘關 ...

樓主，好好安胎，真係唔關你事，你爸忍得佢耐，雖然今次係導火線，但亦可以俾機會你媽知佢做錯，如果佢繼續係咁，可能連頭家都無埋，你唔好理咁多啦，大個女，一家一主，佢雖係你媽媽，但都要佢當你係女先得，唔得就做個HI BYE FD算，而家我同我屋企人都係咁

私人傳訊

積分: 8594

48^#

發表於 12-12-11 23:42 |只看該作者

引用：Quote:melmelyan+發表於+12-12-11+18:56+最

原帖由 kayingivy 於 12-12-11 發表
樓主，好好安胎，真係唔關你事，你爸忍得佢耐，雖然今次係導火線，但亦可以俾機會你媽知佢做錯，如果佢繼 ...

真係唔知佢知唔知錯，岩岩家姐話我知，我媽喺屋企逐個逐個咁通知佢啲姊妹，話個女唔同佢商量自把自為揀1月1日，同人地講唔好意思，話搵日請返佢地食飯。其實駛乜同人解釋咁多，一句同人地講係男家決定左果一日，就唔到咪算囉，點解仲要周圍抹黑我? 不過算啦，佢鐘意點講就點講，反正果班痴線姊妹都係同佢痴痴呆呆坐埋一枱，個個幾十歲都迷偶像迷到好似智障咁。

私人傳訊

積分: 51858

49^#

發表於 12-12-12 00:50 |只看該作者

mother904 發表於 12-12-6 08:00
你呀媽係煩d，但又錯唔哂，雖然係男家出錢，但唔代表唔可以互相遷就。偶像生日呢個理由係無聊，但一班好姊 ...

Agree。
個女未婚有B已經唔好睇。做呀媽速少少意見都唔可以有又真係幾無引〜

就算男家比錢，女家都可以大家商量，好多人都係咁，但你就覺得男家比錢就大唒，就算女生外向都唔係咁卦？

再者你媽年年去偶像生日你冇理由唔知大約邊日卦？你都可咁唔小心既？

私人傳訊

積分: 51858

50^#

發表於 12-12-12 00:55 |只看該作者

同埋見你不停鬧你媽＂智障＂＂痴痴呆呆＂都覺得你好唔啱，你呀媽十月懷胎生你出黎，你竟然咁樣形容你媽？！

點評

aidan08 十月懷胎生佢出嚟唔代表會理佢感受，樓主阿媽確實可以用呢D形容詞形容！發表於 12-12-12 16:59

aidan08 十月懷胎生佢出嚟唔代表會理佢感受，樓主阿媽確實可以用呢D形容詞形容！發表於 12-12-12 16:57

私人傳訊

積分: 51858

51^#

發表於 12-12-12 00:56 |只看該作者

本帖最後由 eggcarol 於 12-12-12 01:02 編輯

同埋見你不停鬧你媽＂智障＂＂痴痴呆呆＂都覺得你好唔啱，你呀媽十月懷胎生你出黎，你竟然咁樣形容你媽？！

私人傳訊

wingwong1102

大宅

積分: 4007

52^#

發表於 12-12-12 01:16 |只看該作者

回覆：好嬲，大家評下理，自己阿媽咁對個女(超長)

其實父母唔一定愛錫仔女

所以為人子女都無話一定要孝順父母，呢樣野，在幸福家庭長大的人是不會明白的。既然你媽不重視你，你就把孝心都給錫你的爸爸吧！擺酒係為左取悦長輩，為擺酒令佢地唔開心就無左擺酒的意義了，你仲有個愛護你的爸爸，有佢的祝福已經很足夠！媽媽出不出席也不要緊了，勉強無幸福

點評

careysum 認同發表於 12-12-12 07:46

私人傳訊

積分: 8594

53^#

發表於 12-12-12 01:27 |只看該作者

引用：Quote:mother904+發表於+12-12-6+08:00+你

原帖由 eggcarol 於 12-12-12 發表
Agree。
個女未婚有B已經唔好睇。做呀媽速少少意見都唔可以有又真係幾無引〜

的確真係唔知邊日係佢偶像生日，我對佢偶像真係冇興趣，仲好憎佢，唔明佢有咩本事搞到班師奶咁唔成熟為左佢傾家蕩產。當你見到成班師奶好似細路女見到big bang 咁螞蟻嬲蜜蜂衝埋去，個個著晒有偶像個樣既制服。講緊唔係一次半次，係經常!! 總之佢出席咩公開場合都會見到呢班師奶。我覺得追星係冇問題架，但追到掉低頭家咩都唔理，掉低老公同仔女同屋企事，真係岩嗎？唔可以理智啲嗎？當我地拎出黎傾希望佢專注返家事既時候就俾佢發脾氣發爛渣一哭二鬧三上吊。俾著你長年累月處於咁既家，你真的頂得順?

點評

aidan08 樓主我支持你！你阿媽確實係好過份！發表於 12-12-12 16:59

私人傳訊

積分: 51858

54^#

發表於 12-12-12 01:41 |只看該作者

本帖最後由 eggcarol 於 12-12-12 01:44 編輯

melmelyan 發表於 12-12-12 01:27
的確真係唔知邊日係佢偶像生日，我對佢偶像真係冇興趣，仲好憎佢，唔明佢有咩本事搞到班師奶咁唔成熟為左佢 ...

一家唔知一家事。
樓主你係咪好細個？見你之前有post過自己同你男朋友嘅相，E十又咁咩細去講你呀媽D衰野，仲要牽涉陳寶x,真係好容易比人知你屋企D野，BK好多人睇架，就算比你爸媽Dfriend、你99D親朋戚朋友知道呢件事都唔好啦〜

私人傳訊

積分: 8594

55^#

發表於 12-12-12 01:44 |只看該作者

引用：同埋見你不停鬧你媽＂智障＂＂痴痴呆呆＂

原帖由 eggcarol 於 12-12-12 發表
本帖最後由 eggcarol 於 12-12-12 01:02 編輯

同埋見你不停鬧你媽＂智障＂＂痴痴呆呆＂都覺得你好唔啱， ...

係，我剛剛火遮眼咁講野的確好唔尊敬我媽媽，呢樣係我唔岩既，我呻一呻完宜家反省了。俾著我女第時咁話我我都會唔開心。

但…有時個感覺係，真係受夠喇!!! 我先係佢家人我先係佢個女呀！我知道媽媽十月懷胎生我養我教我，我一世都還唔完，如果我唔顧念呢份親情，我就唔會一次又一次縱容佢，佢闖禍幫佢執手尾，幫佢瞞住爸爸佢既負債情況。男家實在幫我太多，衰啲講句，我幫我媽還債，冇錢食飯，係男家俾我食俾我住，煮埋俾我帶飯返工。我唯一可以做既就係盡我努力做好家務，但99都唔俾我做，因為我要返工，佢覺得佢係主婦家事係佢工作(當時我自己租屋約滿，99想我地慳錢所以叫我地搬返去佢度，果陣未結婚)。我身體唔好，99整補品俾我。佢知我地想生bb，雖然我地係未結婚，但佢都補好我身子，佢唔介意次序調轉先有b後結婚(因為佢都好老定我嫁硬我c6)。當然當時我媽不停同我講想抱孫，我話結左婚先啦，佢就話我同嫁左都冇分別架啦，咪生左先囉。之後努力左一年，我終於有bb，兩家人都好開心。99更加係對我關懷備至，為我同bb付出左好多好多，金錢唔在講，當中既心思心機真係令我好感動同感受到家既溫暖，係我由細到大都冇喺我媽媽身上感受到的。所以我覺得自己真係欠左6299好多好多，當佢地要出錢擺酒我就自覺自己唔可以有話事權，因為係我欠佢地的。

私人傳訊

積分: 8594

56^#

發表於 12-12-12 01:46 |只看該作者

引用：其實父母唔一定愛錫仔女所以為人子女都無話

原帖由 wingwong1102 於 12-12-12 發表
其實父母唔一定愛錫仔女所以為人子女都無話一定要孝順父母，呢樣野，在幸福家庭長大的人是不會明白的 ...

我聽到爸爸既說話，真係好感動，因為由細到大爸爸愛我地唔會掛喺口，但今次佢保護我既舉動，令我知道爸爸真係好錫我。

私人傳訊

積分: 8594

57^#

發表於 12-12-12 01:49 |只看該作者

引用：Quote:melmelyan+發表於+12-12-12+01:27+

原帖由 eggcarol 於 12-12-12 發表
本帖最後由 eggcarol 於 12-12-12 01:44 編輯

我唔細了，打左十幾年工，只係冇渠道去宣洩，唯有bk……我又冇理由喺fb講嘛。我份人從來都唔係面子當飯食既人，所以覺得事無不可對人言既。最好阿媽啲姊妹睇到添，等佢地知道我地做屋企人見到佢地咁瘋狂係咩感覺。

私人傳訊

momomay620

別墅

積分: 909

58^#

發表於 12-12-12 02:02 |只看該作者

引用：Quote:原帖由+eggcarol+於+12-12-12+發表本

原帖由 melmelyan 於 12-12-12 發表
我唔細了，打左十幾年工，只係冇渠道去宣洩，唯有bk……我又冇理由喺fb講嘛。我份人從來都唔係面子當飯食既 ...

你就快生bb喇！快2:00 了！快d休息多點唔好再諗咁多生個肥肥白白既bb先係最緊要！

私人傳訊

aidan08

侯爵府

積分: 21131

59^#

發表於 12-12-12 17:08 |只看該作者

樓主，唔好諗咁多了！我覺得你阿媽真係好過份，比我都嬲死！其實字裡行間覺得你好生性。仲有，你阿媽真係被緃壞了，佢一次一次闖禍都有人幫佢執手尾，佢好似麻木咗，以為真係應份，好替你難過！不過，唔開心都過咗去，可能你前世真係欠咗佢，今世還夠就無事的了。而家你有個好奶奶，可能上天都想比好日子你過，你加油呀！為肚裡BB加油，自己做個好媽媽！仲有，婚禮的事，過咗嗰日就一切都過去了，其實唔係咁重要的，最重要係往後相處的日子，你仲就嚟生，遲D忙到咩都唔會記得唔會上心了，而家為BB搵D方法平靜自己啦！你阿媽的電話，一見到係佢的來電顯示就比老公聽或者唔好聽﹐免情緒激動。

我都係睇你個post先知有人真係幾十歲為偶像為到咁瘋癲！好恐佈！好似中邪咁！

私人傳訊