大仔大女媽媽會 今日: 0 | 主題: 177860

積分: 1127

41^#

發表於 06-7-18 19:57 |只看該作者

Re: 我終於返左屋企啦!

wanyan, 你好呀~ 又見啦!!

大家原來都係禁辛苦!! 我今日個頭"雲"到死呀... :cry: 因為佢尋晚半夜又3點幾食完奶後開始摟計, 不斷喊攪到7點幾佢再食完下餐奶先訓左咋! 我成晚都訓唔到3個鐘, 勁頭痛呀, 好怕會病...
你地有冇record低阿食奶時間同安數呀? 我發現佢呢兩日開始食多左, 而家都食到3安, 但尋冕12點至早上7點果3餐都係食得 2.5安! 唔知佢係咪開始想戒夜奶呢? 係就好啦... 我已冇哂精力啦!

e? 乜我可以飲魚湯咩?? 等我叫阿媽煲下先!! 而家我都可以pump到3.5安, 不過我今日太累, 都冇比過佢埋身食呀! 我諗住可以喂到幾耐就幾耐啦, 已冇乜堅持!!!

私人傳訊

積分: 617

42^#

發表於 06-7-18 20:29 |只看該作者

Re: 我終於返左屋企啦!

barbie, 可以呀. 我開完刀, 仲係手術室時, 醫生已經同我講兩樣野: (1) 飲魚湯啦, 可以助上奶, 但記住唔好用生魚; (2) 唔好用薑水沖涼住, 因為會LA到個傷口好痛架. 咁我由第二日開始就日日都飲木瓜魚湯, 可以用石崇, 牛鰍, 大眼雞等, 記得落陳皮唔好用咁多薑呀, 開刀要少薑呀! 家陣上奶真係上得幾好, 只係仲係好稀, 陪月今日煲左豬腳仔+通草既湯俾我, 話可以幫助D奶濃番D. 我有記低BB幾時食奶, SHUSHU同POOPOO. 不過因為係埋身餵, 所以唔知BB食左幾多, 總之KEEP住每邊15-20分鐘咁上下啦. 佢食夠就會自動離口架喇.

要餵夜奶真係幾辛苦... 最慘個次係搞左成晚... 第朝真係忍唔住喊左出黎... 好想放棄... 但第二晚BB就SETTLE好多... 於是又繼續... 埋身餵得幾耐得幾耐啦

私人傳訊

fifi1018

積分: 1401

43^#

發表於 06-7-18 22:24 |只看該作者

Re: 我終於返左屋企啦!

barbie,

我都有record低阿b食幾多, 同埋幾點食
我怕我無記性

今日惠氏既姑娘打電話俾我, 話阿b三個星期, 一日應該total食到24安奶

不過我計過, 我阿b唔計人奶, 平均都係食到16至18安....
佢每次都有3安 (如果肯食), 有時都係2安多0的...

卓瑤私相集

私人傳訊

積分: 763

44^#

發表於 06-7-18 22:43 |只看該作者

Re: 我終於返左屋企啦!

不過我聽過好似每次食一邊先,因為開頭D奶水係稀D,要一路啜落去就會濃返D,好似叫前奶/後奶
其實餵奶真係好考功夫,我到而家姿勢都未o岩,上次去健康院個nurse show左一次真係同我自己餵唔同,所以唔好放棄呀,餵得幾耐得幾耐..加油

私人傳訊

wanyan

積分: 2049

45^#

發表於 06-7-18 23:29 |只看該作者

Re: 我終於返左屋企啦!

我都有keep低亞B食奶既record
佢一餐人奶, 一餐奶粉, 每餐2安, 一日就10餐
我見到亞B飲我D奶飲飽, 個人就好滿足

係呢, 你地有無諗過番工之後餵唔餵人奶呀?

小樂天的伊甸園

私人傳訊

積分: 1127

46^#

發表於 06-7-19 20:45 |只看該作者

Re: 我終於返左屋企啦!

拖肥, thanks呀! 我今日都叫阿媽煲左木瓜魚湯過我飲啦, 希望可以keep到而家o既奶量啦, 因為我而家都冇比阿b埋身食啦, 個人太累... 但係其實我都好鍾意見到阿b埋身食架, 真係會感覺好滿足~~ 希望我可以keep住落去啦!

係呀, 健康院姑娘話喂人奶, 最好每邊比阿b食差唔多半個鐘先叫做ok, 因為咁先比到阿b食到多d後奶! 我之前係埋身食, 都keep住起碼每餐比阿b食上半個鐘.

我阿b又轉吹另一方向o既風啦!! 今朝7點幾食完奶開始玩野到下晝12點幾... 之後就一直訓到好"林", 要叫佢起身食奶奶... 而家好擔心佢今晚唔訓!! 佢唔訓就大獲, 因為我同老公今日都好累同有o的頭雲雲呀.... :cry:

私人傳訊

積分: 1127

47^#

發表於 06-7-19 20:47 |只看該作者

Re: 我終於返左屋企啦!

wanyan,

我應該坐完月就會再返工啦! 而家都有份工等緊我坐完月去見工! 我諗我一返工之後, 如果可以, 我都仲會喂人奶, 睇下仲pump唔pump到禁多出黎!

私人傳訊

積分: 617

48^#

發表於 06-7-19 21:46 |只看該作者

Re: 我終於返左屋企啦!

BARBIE, 唔駛客氣. 除左木瓜魚湯之外, 你仲可以叫你媽咪煲豬仔腳+通草, 可以令到D奶濃D... 噚日我陪月煲左俾我, 今日D奶真係好似濃左少少咁

要叫BB起身食野, 有時真係好難... 我陪月教我, 幫佢換片片, 然後就乘機叫醒佢. 你睇下得唔得. BB唔醒, 都真係幾難叫到佢食奶呀!

我個B噚晚都玩野. 3點幾搞到今朝6點... 佢訓我跟住訓... 希望BB今晚乖乖地啦, 我老公聽日要番工喇, 我好想佢有覺好訓囉.

的確, 埋身餵真係好有滿足感. 但係, 俾到佢食人奶都已經好好架喇. 大家都努力加油啦!

私人傳訊

SmallJune

複式洋房

積分: 401

49^#

發表於 06-7-21 16:08 |只看該作者

Re: 我終於返左屋企啦!

現在日日都好累, 所以都好少上來傾. 因為阿B 瞓我就瞓. 攪到冇晒時間. 我現在都有飲魚湯.
我覺得d 姑娘d 餵人奶標準都唔同..之前有d 姑娘就叫我, 每邊要餵最少半毎鐘, 咁樣先食到較飽肚o既後乳. 咁即係最少要餵一個鐘啦.
但我發覺, 最初我餵全人奶, 佢一邊瞓一邊食, 瞓佐我就整醒佢, 佢又食兩啖,又再瞓. 我發覺阿B 完全冇想停o既時候. 這些日子, 有試過餵成兩個鐘佢都唔肯停食. 我只好襯佢瞓佐靜雞雞放佢落床咋. :cry:
但之後又有姑娘話, 唔好俾bb 食你食多過一45 分鐘. 因為bb 會當你係奶咀. 唔係真係食你. 於是這些姑娘就提議每邊餵20 分鐘. 之後補奶 .
係呢, 你地現在又點餵人奶嫁? 係咪冇計時, 任佢食

咁bb 又會唔會真係話唔食. 就放口唔食呀?
另外, 你地收佐肚未呀? 我個肚仲好似有佐四五個月咁
:-(
另外, 你地bump 奶係咪每邊輪住來bump ka. 即係bump 完左再bump 右邊, bump 到真係好似冇乜奶為止?

私人傳訊

積分: 763

50^#

發表於 06-7-21 18:27 |只看該作者

Re: 我終於返左屋企啦!

我都係每次俾一邊澄b食,但佢都好懶下.食十零分鐘就訓,有時都好氣餒架,但nurse話人奶頭80%o個d係抗體同脂肪,尾後20%係精華,then話時間最好都係每次一邊半個鐘就ok,不過有時真係好多版本..無所適從...

至於收佐肚未....唉...開始停滯不前..過多一排要開turbo至得...

私人傳訊

wanyan

積分: 2049

51^#

發表於 06-7-21 19:00 |只看該作者

Re: 我終於返左屋企啦!

june, 我都未收肚呀, 唉, 都係好似4-5個月甘law, 個人仲好肥, 我都唔知點番工lu......不過, 望到亞b, 點都覺得值嫁, 最多食少兩餐, 同做多d運動law, 不過我已經無左30lbs, 但對於我之前既體重都係多左38lbs, 仲要努力

我bump奶一時左一時右, 左手累了到右手, bump到佢唔多出奶為止, 不過有時太累都會開奶粉比亞b食, 所以亞b開始熱氣有啖喇, 我諗我要再努力d先得喇

小樂天的伊甸園

私人傳訊

積分: 617

52^#

發表於 06-7-22 00:31 |只看該作者

Re: 我終於返左屋企啦!

我個肚咪又係好似仲有五個月咁. 醫生話, 要靠做運動去收番緊腹部既肌肉架. 我諗住坐完月就開始做SIT UP囉.

至於餵奶, 我通常每邊餵20MIN. 的確, 唔好俾BB含住NIPPLE咁耐, 否則, 佢就會當你係奶咀, 習慣左, 佢就會係咁含住唔食奶架喇.

餵夜奶真係幾辛苦... 但係... 見到BB食完個滿足樣, 真係好開心. 我會繼續努力. 大家都加油呀!

私人傳訊

積分: 763

53^#

發表於 06-7-22 16:48 |只看該作者

Re: 我終於返左屋企啦!

拖肥
住完月都唔好即刻做得咁激喎,要慢慢加上去,唔好過度用力,
我都要好好諗辦法將16磅肥膏清除....

私人傳訊

積分: 617

54^#

發表於 06-7-22 17:41 |只看該作者

Re: 我終於返左屋企啦!

知道... 我咁懶... 睇怕... 激極都有限

私人傳訊

fifi1018

積分: 1401

55^#

發表於 06-7-22 19:17 |只看該作者

Re: 我終於返左屋企啦!

WANYAN,

您就好啦~~一開完刀就唔見左30磅咁勁既~~
係唔係即係您水腫勁呀??

我就只係唔見左20磅
仲有25磅要努力 :-( :-( :-(

卓瑤私相集

私人傳訊

wanyan

積分: 2049

56^#

發表於 06-7-22 19:58 |只看該作者

Re: 我終於返左屋企啦!

fifi: 亞B都去左9磅有多, 再加埋D胎水甘, 其實唔係瘦好多jar~不過我之前肥左68磅......睇黎都好難減得番....唉 :-(

小樂天的伊甸園

私人傳訊

積分: 763

57^#

發表於 06-7-22 21:27 |只看該作者

Re: 我終於返左屋企啦!

Da渣衣此lulee...

私人傳訊