捉棋姐姐 寫道:
唉.......你地個個就開心因為知道係仔定女,我阿嫂個BB仲未知係仔定女呀,我地仲要擔心BB係咪畸形,所以我阿媽阿爸Lee排成日鬧交,因為我阿嫂當時唔知自己有左,然後佢去睇醫生,醫生話冇,佢先去醫院打左三支通經針,打完針之後D M仲未黎,佢好擔心所以再去醫院check,醫生就話佢有左啦,本身佢地都諗住唔要既,但佢地又唔捨得,問過醫生佢又話冇乜問題,所以先諗住要,其實我地依家仲未知BB係咪健康,仔定女更加唔駛講啦,我阿媽就仔女都冇問題,健康就得啦,我阿哥就鍾意女,我阿嫂就鍾意仔,不過我阿爸就最麻煩,佢直情鍾意仔鍾意到痴線呀,直接同我阿嫂講話鍾意仔,搞到我阿嫂好大壓力,我阿爸話因為我地屋企男丁單簿喎,佢話本身同我阿叔諗住每人生半打丁既,黎完成我阿爺既心願,點知我阿叔就得兩個仔,我阿哥係大仔仲要係獨子,所以就算計埋我阿叔同爸爸,都係得五個,何來每人半打呀(我阿爸講既),所以我阿爸希望Lee個B係男丁,不過我直覺同發夢再加上我阿媽既第六靈感都覺得佢係仔,希望係啦,如果唔係就爆冷啦,鬧交完後我阿媽同我講返Lee件事,原來佢話我阿爸好羨慕我大姑媽,好想好似我姑媽咁咁多仔,因為我姑媽果邊有四個仔一個女,大仔有一個仔,二仔又有一個仔,四仔又有一個仔,佢仲有幾個阿叔唔知有幾個仔,再加埋佢叔公果邊有成十個仔,加加埋埋都十幾個啦,我姑媽仲有個女,諗住係獨女會生多D女啦,因為佢地太多仔所以恨女,點知前一排都生左一對孖仔補返數,我阿爸話佢地好識生呀,生D全部都係仔,相反我地......
唔好意思要大家聽我講咁多無聊野,不過我真係好擔心我阿嫂會產後抑鬱,又擔心BB唔係仔同埋畸型 :-( :-( :-( :-(
, 
李小B太太 寫道:
捉棋姐姐,
oscar 係唐氏綜合症篩查, 大約係 BB 第 18-20 週左右做, 所以如果你亞嫂未做, 宜家都做唔到0架啦. 同埋, 唐氏主要係染色體的病, 好大成因係高齡產婦或家族性遺傳, 你亞嫂「通經藥」的「潛在」影響 (啋啋, 大吉利是!!), 同唐氏應該無乜關係.
不過其實好多野都係整定, 即使我到宜家暫時一切檢查都正常, 其實都會擔心 BB 唔知最後會點, 因為實在有太大變數, 無人可以有十足把握話一切都會平安, 唯有平常心對待啦.
祝你地一家和洽愉快, 預備迎接 BB 的蒞臨~
發表於 
返回列表
