ellie79 發表於 13-4-14 19:45 
無得自保, 因為而家老公兩三個星期都會隻蝗蟲出去飲嘢一次...我真係^$%@#&!%$#!@^&$%@&!^
...
冇計，唯有同你老公洗下腦，話佢知而家佢有家庭唔可以隨便再借錢俾人，
因為結婚後係兩個人嘅事，你老公如果揹咗D咩上身（其實都已經揹咗），
有事時你都受牽連，結婚前嘅唔關你事，結婚後樣樣嘢都係兩份架，
我同老公講得好清楚，如果有咩事，佢有問題，我會即時離婚，
保住我果份資產，因為我地有兩個仔女要養大，做咗人老公老豆唔可以任性，
So far咁耐只有兩次紀錄，我老公都係事先同我相量，
我知佢一定會幫人，我只係叫佢量力而為同埋保護好自己。
唔係講笑，佢有個由細玩到大朋友，成廿幾年前合作搞生意，
後來因為個朋友偷公司錢，老公退出，當時做晒所有文件，
點知原來漏咗一樣，開公司時3個股東簽咗一份擔保開咗張商業信用咭，
果個人一直都用緊，銀行後來追我老公同另一個股東數，
話張咭已經透支好多錢，咭主一直冇還，滾下滾下條數好大，
我老公好激氣，即刻去搵律師，律師叫佢聯絡另一個股東同果個咭主，
查到咭主喺一個有錢人區有間屋，律師教我地可以入紙去小額錢債去Claim，
要求法官加個條款入去佢間屋契度，如果佢唔還錢，有日佢賣屋，
要還咗呢筆錢至可以賣出佢間屋。
花旗太太生活在花旗國，留意時差，你問我未必即時答到。
發表於 
你地個朋友！！
返回列表
