Re: 餵全人奶的奶媽
我陀住果女時, 聽講座話食媽媽奶好, 所以一早決定比我個女食媽媽奶, 我真係連奶粉都無買定, 當然我自己成日好驚自己無奶啦, 大住肚時我會揸下自己, 真係諗唔到自己有奶比bb食......
好啦都我果女出世啦, 第一, 二日真係好迷茫, 佢有啜成個鐘, 但又唔知佢有無食到, 食到幾多呢? 加上佢又有黃, 無辦法下要比d奶粉佢食, 人地d大陸婆兩邊一齊滴...... 好彩果晚谷奶, feel到自己有奶比阿女食, 個心都定d......
係奶奶度坐月, 係我喂人奶最煩既一個period:
1. 咩個b食得咁快, 啜咁少時間
2. 咩食得咁密架 (都係痴我姐, 煩到你地邊個呢?)
3. 你無奶啦, 仲唔飲湯 (阿女食完我仲有奶!)
4. 食奶粉可以食得多d, 唔洗咁密啦 (係你地懶!!!)
5. d人奶好稀 (但好多營養woh, 有無人記得?!)
6. 返工都唔知你點 (我自有辦法)
7. 你唔得閒咪比我揍o羅, 我識得比佢食奶粉架啦 (我有冰奶woh - 即刻黑面無聲出)
8. 人地果b幾肥
9. 如果阿b有咩問題: 係咪你d奶有問題呀?! (屎屎多幾次都覺得我d奶有問題)
太多太多...... 唔想諗起...... 好彩一個月後我返番自己屋企, 我想點喂就點喂......
係好辛苦, 一晚起2-3次身, 出街要搵地方比佢食, 但見佢愈來愈墜手, 濕疹又好番d, 我覺得又值得...... 佢而家2個月, 識得同我地講野, 又好想郁手仔同人講bye-bye, 人奶b叻d我信架......
好彩有我老公支持我, so far佢無叫過我放棄, 仲陪我睇下邊d野可以買黎support我喂人奶...... 所以我成日同阿女講, 你要啜多d呀, 證明比人睇媽媽堅持喂你食媽媽奶係100%正確......
由無信心喂, 到而家喂左2個月, 真係唔應該有deadlline比自己, 你地唔好成日問阿b食人奶到幾時, 我覺得佢食人奶係好natural既一件事...... 人奶既心事只好對支持你喂人奶既人講好啦, 其他人只會覺得我地傻, 搵個b黎玩野......
下一個task就係要練習儲奶, 準備我開工後, 阿女仍有媽媽奶, 都擔心架!
不是每段愛情都會有美好的結果;
但一段關係如果缺少了愛與包容;
就注定會失敗。
「人生若只如初見，何事秋風悲畫扇？」納蘭性德《木蘭花令 · 擬古決絕詞》
發表於 
返回列表
