Re: 如果妳叔仔帶女朋友番屋企過夜, 妳會點?
唉..... 同我之前一樣!!
我同老公未結婚前都有一齊住, 間屋係6299出首期, 我老公供既, 水電煤全部我老公比, 有份住有份比好正常
我老公既2個細佬都係一齊住, 我地仲比左大房佢地住(間屋有2間大房, 1間細房, 我同老公住細房), 2個都有女友, 其中一個好少上黎, 間唔中上黎下, 而且用我D野之前會好有禮貌問一聲(例如洗頭水, 沖涼液之類), 所以我同佢而家關係非常之好!!
而另一個呢... 就當正間屋係自己既一樣, 唔單止配埋條匙(呢樣我最火, 佢憑咩配我老公間屋條匙??), 而且佢男友返夜時佢都照樣上黎訓(基本上一星期七日都係住係度), 而且有2次當我準備返我屋企既時候佢先上黎, 我見剩係得佢同我老公2個人, 孤男寡女, 我信得過我老公都唔信得過佢啦!!
而且佢直頭當左我係阿4, 我買返黎D野食, 無論係雪糕, 零食, 飲品, 基本上唔貴唔食, 食晒D貴野就CHEAP野都岩, 例如雪糕, 有一盒DRY AT 屎, 同一盒雀巢, 佢一定食晒我盒DRY AT 屎!! 大大盒家庭裝果隻黎架!! 返完工就冇左.....
D洗頭水護髮素又係, 好快就用晒!!
仲有呀, 我99每星期都會上黎執屋, 為免佢鬧人, 我次次都會執好晒等佢上黎, 而次次呢位小姐一知道陣間99會上黎, 就會9秒9閃左去, 到人地執好晒間屋就施施然返黎!! 連佢間房我都要幫佢執埋, 因為如果我唔執我99就會有說話比我聽, 而且我都唔想佢老人家執得咁辛苦.....
最唔LIKE果次, 我真係火都黎埋, 佢地果日係度睇DVD, 點知部機壞左, 佢地就想入黎我地房用電腦睇, OK, 冇問題, 我同老公咪出廳比佢地用囉, 到睇完勒, 我入返房, 一床都係薯片碎!!! 成地都係垃圾!!! 搞到我地果晚冇床單訓(因為攞左去洗, 仲要我自己用手洗架咋!! 因為果時未買洗衣機)
你地話火唔火丫, 邊有人借人地間房, 會搞到成床薯片碎架, 正常有衛生意識既人都唔會係床度食野, 佢自己係間房度鐘意係床食野, 就算佢鐘意倒杯可樂落床我都話之佢啦!! 但係係人地床係咪應該檢點D呀!!!!
平時佢呀, 煮完麵果D煲呀, 筷子呀, 碗呀, 都係就咁放係度等人洗, 結果咪就係下手洗囉, 而通常果個下手都會係我..... 鑊鑊都係咁, 我真係好想問佢, 佢屋企個洗碗盆係咪有魔法, 會識得自己洗碗架? 唔係點解佢會有咁既意識, 認為D碗放係度就會變返乾淨呢???
仲有一次, 我叔仔結婚, 99叫晒我地(我, 果個女人, 同另一個, 好有禮貌果個女仔)一齊幫手, 咁我負責捧茶等新人可以斟茶比長輩, 我一直都企, 冇坐過, 到最後幾個長輩既時候, 我隻腳趾抽筋, 咁岩個女人企係我旁邊, 冇野做, 咁我咪叫佢幫我捧住D野一陣先, 等我拉一拉腳趾D筋先, 都已經唔係叫佢幫手洗杯同捧出去, 只係拎住D野姐, 佢都唔肯, 剩係講左一句"唔制!!" 跟住我同佢講話我抽緊筋, 麻煩佢幫我拎一陣咁多, 佢直頭檸歪面, 然後走左去!!! 結果搞到我最後要跛下跛下咁行出去捧茶!!! 我99仲嫌我行得肉酸!!!
好彩而家我地結左婚, 99勒令佢地搬出, 唔係我仲有排受呀!!! 做人阿嫂做到咁... 真係折墮囉....
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
