Re: 99一談
Lydia_Yan,
我都試過一次同99理論!! 而事後我就係差d暈左係街度!! d途人仲好想幫我call 白車!! 因為佢地見到我塊面青到似見鬼, 完全冇晒血色, 呼吸唔到, 又起唔到身, 講野都冇力(係幾乎出唔到聲果隻!)
事原係咁, 我同老公未結婚前, 屋企有張梳化, 本來都好地地, 99話好殘, d人結婚果日上到黎唔好睇, 話要換左佢, 咁我地梗係唔使佢比錢啦, 因為以後會唱一世既!
而且佢仲話一定要係3日內買到送埋黎, 因為3日後果個月份係我老公生日既月份, 唔可以買野(都唔知咩羅輯黎既?!)
咁我同老公果日即刻去睇啦, 我地睇中左, 已經落埋訂, 打電話去同佢講, 佢條粉樣話佢已經買左仲已經搬埋張梳化黎!!! 
完全冇問過我地, 冇比我地睇過, 而家呢度係邊個住? 係佢住定係我地住?
我叫老公打電話去同佢講(老公都唔like), 但老公同佢講唔掂數, 我話等我同佢講, 跟住佢係電話度數我, 話佢比埋錢買埋比我地, 我都唔心足, 又話我大貪, 又話我冇做野唔好咁多聲氣之類, 我當時已經開始呼吸困難, 透唔到氣, 我用盡全身既力, 好盡力咁講左一句"咁冇野啦" 就收左線! (我一定要用盡力先講得到呢句說話, 可想而知當時我既情況係幾差!!)
收左線之後我就成個人軟晒, 冇晒力, 睇唔清d野, 想暈想暈咁, 又呼吸困難, 透唔到氣, 心臟跳得好快, 塊面青晒, 我老公都係旁邊, d路人問我使唔使call 白車, 我示意老公唔使, 其實而家諗返, call白車入院睇下我咩事都好!!
當我稍為好d之後, 可以起身行, 我老公就覺得我係度扮野!!! 因為唔鐘意佢阿媽而扮病!!
我當時真係好火, 呢d都好扮架咩!!
後尾係點, 已經唔係好記得, 而家諗返, 最失策就係當時應該call 白車入院!! 當時我的確有咁既須要, 但我係度扮堅強!! 身體係我既, 只有我自己先知道我去到咩情況!! 今次就好在冇事姐, 下次呢? 下次有冇咁好彩?
(題外話)
講起入院, 我有一次尿道炎, 我自己起初唔知, 朝早返工仲好地地, 到lunch就覺得發冷, 我想請病假去睇下醫生, 打比老公同佢講, 佢話唔好, 因為當時我只係返左工幾日, 就請假, 老闆會對我印象唔好, 當然, 佢都有問我覺得點, 我當時覺得只係發冷姐, 都頂得住!
但點知近放工時間, 真係發冷到震晒, 打電話比老公叫佢黎接我放工, 一到左6點, 我即刻同阿頭講我有d唔舒服走先!
落到樓下仲要等好一陣先見到老公, 佢問我附近有冇診所, 我話唔知, 佢話行去搵下, 我話唔好啦, 問人算啦, 佢就死都唔肯(呢個係佢既性格問題, 亦都係99造成既, 就係凡事靠自己, 唔到死得都唔好問人!!!), 到我後黎就黎暈係街, 佢先肯問7仔既人附近有冇診所, 點知原來附近真係冇診所!! 但有間醫院, 呢點真係救返我一命, 因為如果我係去左診所, 佢一定會話我只係發燒, 而唔會轉介我入院!!
我地去到醫院, 好彩唔算太多人等睇er, 我睇完, 個醫生話我發燒, 101度, 話幫我打支針, 快d退燒, 打完針, 叫我出去休息下, 一個鐘後再睇下退左燒未, 我當時都仲係好凍, 但我老公話我果時個人好滾, 一個鐘後再量, 103度!!
醫生安排我入去觀察病房吊鹽水, 仲唔比被我com 話咁樣會快d退燒!! 我凍到c, d鹽水去得又慢, 1個鐘後再量, 今次已經104.幾度!! 醫生話唔得啦, 一定要入院!!
搞好晒入院手續, 上到房, 醫生又黎幫我做一次檢查, 跟住我老公先走, 當時已經係半夜12點幾!!
本來如果早d去睇醫生既話可能只係開d藥返去訓返1日半日就搞掂, 結果我係醫院訓左3日!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
