堯堯媽 寫道:
我今年岩岩30,當初個pk完全都唔係咁既,當我搵到份有成萬幾蚊既工,佢就嫌自己份工辛苦,一日企足14個鐘,但搵成萬七蚊一個月,一出糧就即刻買車去旅行(自己一個人),而我就返朝九晚六,佢覺得我好舒服,就決定搵份自己鍾意既工,即係車房兩千蚊個月,日子開始越黎越惡劣,換轉係你地會唔會鬧佢吖,我一鬧佢,佢就抱走個仔,果時被佢抱走個仔,我就返去娘家住,點知條pk又抱個仔黎同我一齊住,我又睇個仔份上又俾佢一齊係娘家住,點知條pk唔做野,朝九晚五係我娘家打機,我阿媽買親乜野返黎都俾佢食晒,仔又唔湊,只顧住打機,我咪又嘈佢,佢居然又抱走個仔一去無回頭
我係搵家事法庭攪離婚,要雙方都同意先可以攪到,否則又要自己搵律師攪,所以我諗住要拎返對仔女就話一毫子贍養費都唔要,佢即刻答應,我先至可以咁快攪妥
我個仔同佢老豆一模一樣,無論樣貌,身型,舉止,動作,態度都一樣,再加上一樣咁懶,我成日都係佢身上搵到條pk既影子,有時被佢激果陣真係好嬲好嬲,連我d屋企都好唔鍾意我個仔,唉.....我可以點吖,我又要靠屋企人幫我照應,我自己真係有時顧唔到咁多野,好似我要返工,返返下個仔無端端打黎話發燒/跌親要早退,我咪要搵屋企人幫我出去接佢
有時諗諗下都覺得自己好折墮,點解人地就風流快活,有次個仔係佢地果邊返黎,佢即刻叫我買部psp俾佢,佢話佢老豆有三部,一部係佢老豆,一部係佢老婆,一部係佢個仔(即一個10個月大既bb),自己就乜都要慳,一日食得果一兩餐,換返黎係要受個仔氣:cry:
[quote]
露絲 寫道:
堯堯媽,
你而家幾多歲呀?
個衰人仲有冇找你呀?
你老爺死咗拿? 唔見你講既? 係唔係比佢地激死咗呀?
你一個人能養活對仔女嗎? 當初為何只拿$1贍養費禁少? 唔可以有保留追溯權嗎?
你當初點解會識到個pk架? 你無望清楚佢地成家人咩?
你個仔話想學個亞叔, 真是比佢激死, 近朱者赤, 近墨者黑, 小心d拿.... 有遺傳ga, 個老豆係禁, 個仔唔多唔少都有遺傳. 我對仔有過度活躍症, d行為同個老豆一樣, 但個老豆唔認, 結果個醫生都話個老豆都係過度活躍症, 你話我死唔死呀?
佢地唔so你個女, 你個女真是幸運, 費事d pk又'教'多一個.
發表於 
返回列表
