2013年媽媽會今日: 0|主題: 26101

收藏本版

發帖

返回列表

跳至頁

樓主: turtle_joy

[5月] 返工後好驚第時BB唔跟我 [複製鏈接]

1 23

FrankieYau

別墅

積分: 670

41^#

發表於 13-8-15 12:17 |只看該作者

請問樓住, 點解主力妳湊, 但姐姐一抱就唔扭? 唔好介意我咁問, 因為其實兩個月大, bb視力有限, 主要靠嗅覺去分別親人, 而且bb都會感覺到唔同人抱佢既手勢, 會唔會係邊度出左問題?

妳就當我安慰妳, 但講真, 兩個月bb真係無咁快認到人, 妳唔好自己嚇自嚇自己住!
同樣地, 我都係姐姐湊bb, 我已經返工個半月, 每晚返到屋企, 我都會抽時間餵下奶同佢玩下抱佢訓, 放假會同佢去下街(妳個bb太細就等大少少先), 去街就可以"避開"姐姐, 可能有d人會覺得呢個做法唔好, 但總之用妳認為舒服既方法去同bb相處!

我之前同妳一樣, 擔心阿b會唔跟自己, 但綜合好多人既意見之後, 得出既結論係: "妳要預左返工之後bb可能真係會跟姐姐多過妳!" 但妳諗深一層, 其實咁係因為姐姐錫bb, 至少擔心少左虐兒呢個問題, 而且要等bb再大少少先識邊個叫做"媽媽"! 再講, bb無咁痴身, 妳都會好做d, 唔係因為懶可以湊少d, 而係如果妳一返工, bb就因為無媽媽而晌屋企日喊夜喊, 搞下搞下, 妳又係會無心機返工!

講返轉頭, 而家我bb唔會唔跟我, 因為佢都仲係"個個抱佢都可以"既階段, 但有時佢d反應話到俾妳知佢知道妳係親人, 可能佢感覺上我同姐姐係差唔多的, 咁我都唔想再計較咁多, 只可以同自己講, 佢唔會一世都痴住姐姐, 而唔親媽媽的!