夫婦情感

收藏本版
發帖
返回列表
跳至頁

首頁
123

尾頁
   0
ying媽


大宅

積分: 1202


41#
發表於 06-11-12 13:50 |只看該作者

Re: 大家有無諗過原來(老婆,老公)無愛過自己嗎!!!

苦苦爸爸
咁你又唔洗咁唔開心喎~老實講我同老公結婚都唔係太愛佢ka,但我言念如果我放棄佢的話,就永遠找唔到一個好似佢咁愛我既人,之後我好自私咁就同佢結咗婚喇,但係做女人結得婚就唔想放棄一個大好既家,所以我地兩公婆而家都好努力去維護自己既家,同埋愛護對方囉,雖然我一定唔夠我老公愛我咁多,但我都唔會再放棄佢(p.s.我老公o係我14years old同我一齊,到我19years old跟佬走,因為未玩過,到我24years old返去佢身邊,25years old結婚的),所以我認為你老婆唔係唔愛你既,只係愛你唔夠深之嘛,時間就係最好證明啦
私人傳訊

該用戶已被刪除

42#
發表於 06-11-12 15:09 |只看該作者

Re: 大家有無諗過原來(老婆,老公)無愛過自己嗎!!!

提示: 作者被禁止或刪除 內容自動屏蔽
私人傳訊

JAY媽


男爵府

積分: 5993


43#
發表於 06-11-12 16:42 |只看該作者

Re: 大家有無諗過原來(老婆,老公)無愛過自己嗎!!!

苦苦爸爸,如果我隻佬吾係吾識得玩電腦同打字,我差d以為我老公响樹作怪(訴苦)~~~~

扯~~~!!!女人係咁架!女人既感覺/諗法同埋講d野就好似天氣咁!下下都吾同,可能嗰刻佢同個bk八婆講話吾愛你同埋都係因為有左至會同你結婚,都係嗰一刻既感受黎,咁岩嗰排你又吾夠細心或者做左d野令佢覺得好炆好嬲好吾開心,一時意氣爆出一句咁既悔氣說話黎!講真,女人查實都幾易tum又幾善變架!到你tum番佢又或者又對佢細心溫柔體貼番,佢又會覺得好愛你好鐘意你,吾會再記得之前講過d咩吾愛你既悔氣說話.

點解我咁清楚又咁肯定... 事關我都係咁!早輪隻衰佬又係激到我嘔茄(身體差d都俾佢激死! ),大家有少少處於冷戰期,我嗰期直頭未見佢個人淨係聽到佢把聲都好想打鑊佢好鬼憎佢架!嗰期我响bk都有同一d網上面既人講開呢類吾愛我老公,同埋如果吾係有左都吾會結婚咁既字眼,結果呢頭心灰意冷時,我自己又發生一d吾開心既事,我老公盡顯關懷同愛護,又細心又成日嗲我又對我好溫柔, 嗰d初戀/拍拖既感覺完全番哂黎!家下如果你再問我愛吾愛我老公,我直頭可以大大聲話:"[size=xx-large]愛!!!"簡直愛到有少少呼吸困難~~~~!!! 我隻佬野(我老公大我十二年半架!)真係好可愛好得人鐘意架!

所以你都吾好咁灰心啦!鍚多d老婆,lum下佢,做番個老婆糖水,等老婆成日都嗒哂糖!有時男人話鐘意女人可愛,查實女人都鐘意男人可可愛愛架!邊有人會鐘意跟個黑面神爛口怪一生一世先得架!你話係咪仙~~~~
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息
私人傳訊

GreyParrot


大宅

積分: 1708


44#
發表於 06-11-12 17:31 |只看該作者

Re: 大家有無諗過原來(老婆,老公)無愛過自己嗎!!!

愛係唔可以用尺量度嘅。 點謂之愛你？ 係咪要為你赴湯蹈火至叫愛你？ 咁你愛唔愛你老婆吖？ 如果係好愛，會唔會俾個朋友講幾句就懷疑你老婆呀？ 兩個人相處最緊要係舒服，冇下下計算。 成日算住對方，把口話幾愛都係得個講字。

http://www.baby-kingdom.com/index.php?uid-34397-action-spacelist-type-blog
私人傳訊

lamlambaba


大宅

積分: 3343


45#
發表於 06-11-12 17:47 |只看該作者

Re: 大家有無諗過原來(老婆,老公)無愛過自己嗎!!!

苦苦爸爸:

呢個世界唔一定要有愛先至可以結婚生仔, 以前盲婚啞嫁的年代, 人人結婚都唔係建基于愛!

如果你因為以為你老婆愛你, 你才決定跟她結婚; 而當你發覺原來佢無愛過你時, 你才知道以前做錯了; 但這個錯誤已成過去, 而家你要諗架係仲想唔想同佢一齊!

通常男人係好現實, 只要對方願意同佢起埋一齊, 是否愛佢, 都唔緊要; 君不見越來越多男人北上搵老婆, 你估又有幾多個會得到真愛!

苦苦爸爸, 愛是很抽象的, 係要自己感受出來, 唔係用口講出來, 就算佢覺得佢唔愛你, 但你感覺到佢架愛, 咁就已經夠了, 何須去求證呢!
私人傳訊

wife


子爵府

積分: 14859


46#
發表於 06-11-12 18:18 |只看該作者

Re: 大家有無諗過原來(老婆,老公)無愛過自己嗎!!!

吾愛咪吾愛囉!我當初都係為咗吾使捱而嫁比我老公啦,之後佢又攪婚外情,我到而家都好憎佢,咁又點?我話離婚佢點都吾肯,無他嘅,呢個世界"各為其主"!而家到我有離心,佢就愛到我死,有時可能係timing問題啫,何必太介懷!

係你始終都會係你嘅!
私人傳訊

grand2005


男爵府

積分: 7563


47#
發表於 06-11-12 19:13 |只看該作者

Re: 大家有無諗過原來(老婆,老公)無愛過自己嗎!!!

ying媽 寫道:
苦苦爸爸
咁你又唔洗咁唔開心喎~老實講我同老公結婚都唔係太愛佢ka,但我言念如果我放棄佢的話,就永遠找唔到一個好似佢咁愛我既人,之後我好自私咁就同佢結咗婚喇,但係做女人結得婚就唔想放棄一個大好既家,所以我地兩公婆而家都好努力去維護自己既家,同埋愛護對方囉,雖然我一定唔夠我老公愛我咁多,但我都唔會再放棄佢(p.s.我老公o係我14years old同我一齊,到我19years old跟佬走,因為未玩過,到我24years old返去佢身邊,25years old結婚的),所以我認為你老婆唔係唔愛你既,只係愛你唔夠深之嘛,時間就係最好證明啦


基乎同我完全一樣呀..再加上為咗吾使捱而同佢一齊,不過之後o係佢最窮既時候我亦無離開佢,重要我又係十幾歲同我老公分開過(不過唔係跟佬走)然後幾年後再走返埋一齊..

[size=medium]感情真係可以慢慢建立嫁,我而家同老公越來越好,好過拍拖時,亦好過初初結婚時 生老病死都唔會離開佢 樓主跟本唔直為D閒人對老婆唔信任,曾經有人向我暗示見過我老公同第二個女人一齊tim la! so what? 我老公D錢同時間都比晒我,我又點會受D閒人影響到呢 ?-(
私人傳訊

ecling


珍珠宮

積分: 36216

2026勳章 2023年兔年勳章 畀面勳章 DHA勳章


48#
發表於 06-11-12 23:04 |只看該作者

Re: 大家有無諗過原來(老婆,老公)無愛過自己嗎!!!

[size=medium]你咪當你同你老婆係"盲婚啞嫁"有性先有愛,D愛重要慢慢培養,再等多幾年可能會好D既...........而且通常結婚o個個都唔係自己最鍾意嫁啦
主 賜 平 安
私人傳訊

苦苦爸爸


複式洋房

積分: 105


49#
發表於 06-11-13 21:06 |只看該作者

Re: 大家有無諗過原來(老婆,老公)無愛過自己嗎!!!

JAY媽 寫道:
苦苦爸爸,如果我隻佬吾係吾識得玩電腦同打字,我差d以為我老公响樹作怪(訴苦)~~~~

扯~~~!!!女人係咁架!女人既感覺/諗法同埋講d野就好似天氣咁!下下都吾同,可能嗰刻佢同個bk八婆講話吾愛你同埋都係因為有左至會同你結婚,都係嗰一刻既感受黎,咁岩嗰排你又吾夠細心或者做左d野令佢覺得好炆好嬲好吾開心,一時意氣爆出一句咁既悔氣說話黎!講真,女人查實都幾易tum又幾善變架!到你tum番佢又或者又對佢細心溫柔體貼番,佢又會覺得好愛你好鐘意你,吾會再記得之前講過d咩吾愛你既悔氣說話.

點解我咁清楚又咁肯定... 事關我都係咁!早輪隻衰佬又係激到我嘔茄(身體差d都俾佢激死! ),大家有少少處於冷戰期,我嗰期直頭未見佢個人淨係聽到佢把聲都好想打鑊佢好鬼憎佢架!嗰期我响bk都有同一d網上面既人講開呢類吾愛我老公,同埋如果吾係有左都吾會結婚咁既字眼,結果呢頭心灰意冷時,我自己又發生一d吾開心既事,我老公盡顯關懷同愛護,又細心又成日嗲我又對我好溫柔, 嗰d初戀/拍拖既感覺完全番哂黎!家下如果你再問我愛吾愛我老公,我直頭可以大大聲話:"[size=xx-large]愛!!!"簡直愛到有少少呼吸困難~~~~!!! 我隻佬野(我老公大我十二年半架!)真係好可愛好得人鐘意架!

所以你都吾好咁灰心啦!鍚多d老婆,lum下佢,做番個老婆糖水,等老婆成日都嗒哂糖!有時男人話鐘意女人可愛,查實女人都鐘意男人可可愛愛架!邊有人會鐘意跟個黑面神爛口怪一生一世先得架!你話係咪仙~~~~



多謝大家關心呀....我真係要好好同佢傾下先得....多謝妳地呀
私人傳訊

苦苦爸爸


複式洋房

積分: 105


50#
發表於 06-11-13 21:35 |只看該作者

Re: 大家有無諗過原來(老婆,老公)無愛過自己嗎!!!

lamlambaba 寫道:
苦苦爸爸:

呢個世界唔一定要有愛先至可以結婚生仔, 以前盲婚啞嫁的年代, 人人結婚都唔係建基于愛!

如果你因為以為你老婆愛你, 你才決定跟她結婚; 而當你發覺原來佢無愛過你時, 你才知道以前做錯了; 但這個錯誤已成過去, 而家你要諗架係仲想唔想同佢一齊!

通常男人係好現實, 只要對方願意同佢起埋一齊, 是否愛佢, 都唔緊要; 君不見越來越多男人北上搵老婆, 你估又有幾多個會得到真愛!

苦苦爸爸, 愛是很抽象的, 係要自己感受出來, 唔係用口講出來, 就算佢覺得佢唔愛你, 但你感覺到佢架愛, 咁就已經夠了, 何須去求證呢!




可能我愛佢多過佢愛我,但係都係個句多謝妳地囉.

唔梗要呀,我會愛佢今生今世架....
私人傳訊

Malisa


洋房

積分: 252


51#
發表於 06-11-13 22:08 |只看該作者

Re: 大家有無諗過原來(老婆,老公)無愛過自己嗎!!!

苦苦爸爸,

有時每個人都會突然有感而發講出一些令人傷心的說話, 我相信你都會有這些經驗. 可能你係一時激親佢先突然話唔係太愛你, 又可能在街碰上ex bf 突然覺得同佢一齊開心d, 因為兩個人相處比有小孩簡單得多. 不過這些都是剎那間的感覺, 而唔會長久. 有時得不到的東西會覺得可惜, 但在身邊又唔會珍惜.

不妨講些感動的說話, 或者兩口子去做些浪漫的事情, 我相信雙方關係一定會改善. 好多時, 夫妻會在管教小朋友方面有爭執, 意見分歧, 互相尊重是最緊要的.

放心啦, 年齡唔係問題, 只要兩口子一條心, 萬大事情都可以解決!

祝福你!
曾經聽過一個老人家教如果去選終生伴侶, 佢地話好似買鞋, 要睇中個款後, 然後親自去試清楚, 舒服才買, 不要信別人的意見, 因為真正的用家係你. 同意嗎?
私人傳訊

苦苦爸爸


複式洋房

積分: 105


52#
發表於 06-11-14 19:28 |只看該作者

Re: 大家有無諗過原來(老婆,老公)無愛過自己嗎!!!

Malisa 寫道:
苦苦爸爸,

有時每個人都會突然有感而發講出一些令人傷心的說話, 我相信你都會有這些經驗. 可能你係一時激親佢先突然話唔係太愛你, 又可能在街碰上ex bf 突然覺得同佢一齊開心d, 因為兩個人相處比有小孩簡單得多. 不過這些都是剎那間的感覺, 而唔會長久. 有時得不到的東西會覺得可惜, 但在身邊又唔會珍惜.

不妨講些感動的說話, 或者兩口子去做些浪漫的事情, 我相信雙方關係一定會改善. 好多時, 夫妻會在管教小朋友方面有爭執, 意見分歧, 互相尊重是最緊要的.

放心啦, 年齡唔係問題, 只要兩口子一條心, 萬大事情都可以解決!

祝福你!


Malisa 多謝妳呀


我地傾左喇,佢話突然有感而發先咁講囉,
根住我話有咩問題最好攤出嚟傾
兩公婆咩事都傾得喇,
佢話仲有性行為問題
因為輸卵管發炎好多事都唔想做
我咪話妳要講俾我知先得架.
唔想做咪唔好做住囉,我話等妳好返先囉
佢講話驚我辛苦喎,我話我有手嗎
根住話亞b唔聽話,我話慢慢嚟囉
:-P
私人傳訊

Malisa


洋房

積分: 252


53#
發表於 06-11-14 20:35 |只看該作者

Re: 大家有無諗過原來(老婆,老公)無愛過自己嗎!!!

苦苦爸爸,

知道你們的問題已解決真替你們高興. 記住維繫夫妻感情, 要坦誠相對, 彼此要尊重, 好好珍惜對方.

May god bless you!

Lisa
曾經聽過一個老人家教如果去選終生伴侶, 佢地話好似買鞋, 要睇中個款後, 然後親自去試清楚, 舒服才買, 不要信別人的意見, 因為真正的用家係你. 同意嗎?
私人傳訊

苦苦爸爸


複式洋房

積分: 105


54#
發表於 06-11-14 21:05 |只看該作者

Re: 大家有無諗過原來(老婆,老公)無愛過自己嗎!!!

Malisa 寫道:
苦苦爸爸,

知道你們的問題已解決真替你們高興. 記住維繫夫妻感情, 要坦誠相對, 彼此要尊重, 好好珍惜對方.

May god bless you!

Lisa


私人傳訊

小香香


禁止訪問

積分: 12931


55#
發表於 06-11-14 23:32 |只看該作者

Re: 大家有無諗過原來(老婆,老公)無愛過自己嗎!!!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

苦苦爸爸


複式洋房

積分: 105


56#
發表於 06-11-19 12:05 |只看該作者

Re: 大家有無諗過原來(老婆,老公)無愛過自己嗎!!!

我覺是因為大家都太注重自已的感覺，忽略了對方的感受，更輕視了承諾和盟誓。而且社會上對上流社會、明星、公眾人物的報導中，有頗多隱含了離婚、婚外情、婚前性行為、未婚媽媽.......也沒什麼大不了的訊息，社會整體的氛圍有很大的影響。


『宣訊月報』二 ○ ○ 一 年 四 月 （ 第 十 六 期 ）
　　　　　　　別讓配偶的愛人不是自己
近 年 本 港 的 婚 外 情 數 字 日 益 上 升 ， 至 於 信 徒 發 生 婚 外 情 的 情 況 又 如 何 呢 ？ 有 牧 者 認 為 數 字 並 不 多 ， 但 的 確 較 以 往 嚴 重 了 。 也 有 表 示 ， 他 們 接 觸 的 這 類 個 案 真 的 多 了 。 這 不 排 除 因 社 會 開 放 ， 信 徒 較 以 往 更 敢 於 傾 訴 自 己 的 問 題 。 但 更 重 要 的 是 ， 如 何 防 患 於 未 然 ？
無 性 婚 外 情 ， 沒 完 沒 了

　 　 A 弟 兄 人 到 中 年 ， 卻 喜 歡 與 年 輕 人 往 來 ， 慢 慢 地 與 其 中 一 位 姊 妹 產 生 感 情 ， 出 雙 入 對 ， 經 常 通 電 話 ， 單 獨 約 會 。 A 太 覺 得 不 對 勁 ， 連 番 追 問 ， 但 A 弟 兄 矢 口 否 認 ； A 太 向 牧 者 求 助 ， 但 對 著 牧 者 ， A 弟 兄 仍 矢 口 否 認 。 牧 者 找 那 姊 妹 談 ， 才 發 現 她 一 直 以 為 A 弟 兄 會 離 婚 跟 她 在 一 起 。

　 　 何 謂 婚 外 情 呢 ？ 香 港 明 愛 家 庭 服 務 認 為 ： 「 不 同 人 士 、 不 同 年 代 對 婚 外 情 都 有 不 同 的 名 稱 、 定 義 、 標 準 與 理 解 ， 例 如 婚 外 性 行 為 、 婚 外 戀 情 、 背 叛 行 為 、 外 遇 行 為 、 通 姦 、 不 忠 貞 行 為 等 。 一 般 人 對 婚 外 情 的 定 義 是 指 夫 婦 之 間 出 現 另 一 位 男 性 或 女 性 ， 無 論 是 有 愛 有 性 、 有 愛 無 性 甚 至 是 有 性 無 愛 ， 只 要 是 這 種 婚 外 關 係 ， 足 影 響 夫 婦 二 人 的 情 緒 及 婚 姻 關 係 的 穩 固 性 ， 便 可 界 定 為 婚 外 情 。 」

　 　 K 牧 師 說 ： 「 不 一 定 要 發 生 關 係 才 算 。 有 些 人 以 為 與 第 三 者 沒 有 發 生 過 性 關 係 ， 就 不 算 有 婚 外 情 ， 其 實 是 自 欺 欺 人 的 講 法 。 也 有 些 優 柔 寡 斷 的 人 ， 容 易 兩 邊 都 愛 ， 兩 邊 都 捨 不 得 放 手 。 一 位 姊 妹 婚 後 仍 記 掛 以 前 的 男 朋 友 ， 常 瞞 著 丈 夫 跟 以 前 的 男 朋 友 見 面 ， 這 也 算 是 婚 外 情 。 」

　 　 B 姊 妹 與 一 位 非 基 督 徒 的 有 婦 之 夫 發 生 婚 外 情 ， 並 且 發 生 性 關 係 。 這 有 婦 之 夫 聲 稱 跟 妻 子 感 情 轉 淡 ， 想 離 婚 ， 後 來 他 妻 子 再 度 懷 孕 ， B 姊 妹 就 提 出 分 手 。 但 所 謂 分 手 ， 只 是 沒 有 性 關 係 ， 對 方 仍 是 對 她 很 好 ， 而 B 姊 妹 仍 享 受 著 他 的 愛 護 。 專 家 認 為 ， 沒 有 性 關 係 的 婚 外 情 比 有 性 關 係 的 ， 在 精 神 上 、 感 情 上 更 沒 完 沒 了 。
關 係 不 是 一 個 人 的 事

　 　 W 傳 道 說 ： 「 夫 婦 關 係 總 有 一 些 缺 口 ， 才 會 出 現 婚 外 情 的 ， 不 一 定 要 雙 方 關 係 惡 劣 才 會 出 現 。 有 些 人 比 較 壓 抑 自 己 的 情 緒 ， 有 許 多 心 底 話 都 沒 有 向 配 偶 講 出 來 ， 一 經 爆 發 婚 外 情 ， 往 往 一 發 不 可 收 拾 。 」 K 牧 師 補 充 說 ： 「 所 以 有 時 不 能 全 怪 責 出 事 的 一 方 ， 關 係 不 是 一 個 人 的 事 ， 往 往 是 看 誰 先 背 負 不 義 之 名 。 」

　 　 好 像 L 弟 兄 夫 婦 表 面 上 一 直 都 很 好 ， 連 L 太 也 這 樣 認 為 ， 兩 人 在 教 會 也 有 參 與 事 奉 。 但 L 弟 兄 突 然 離 家 出 走 ， 起 初 說 是 對 L 太 不 滿 ， 後 來 才 發 現 有 第 三 者 。 牧 者 每 次 深 訪 他 ， 他 都 在 數 算 妻 子 不 是 。 雖 然 L 弟 兄 後 來 有 回 家 、 返 教 會 、 接 受 輔 導 ， 但 他 覺 得 妻 子 的 性 格 仍 是 沒 有 改 變 ， 至 終 離 婚 收 場 ， 不 返 教 會 也 不 接 受 輔 導 。 輔 導 員 黃 麗 彰 女 士 在 《 同 床 異 夢 》 中 就 說 ： 「 婚 外 情 都 似 乎 發 出 了 一 個 訊 號 ， 告 訴 夫 婦 關 係 出 現 了 問 題 ， 可 惜 當 事 人 用 了 婚 外 情 的 方 法 來 面 對 ， 而 沒 有 正 視 關 係 中 的 真 正 問 題 。 」 L 弟 兄 的 個 案 就 是 一 個 例 子 。

信 徒 的 性 倫 理 受 社 會 影 響

　 　 「 信 仰 對 弟 兄 姊 妹 道 德 操 守 的 影 響 力 越 來 越 小 ， 是 導 致 信 徒 發 生 婚 外 情 的 重 要 原 因 。 」 W 傳 道 說 ， 「 教 會 在 性 倫 理 （ 拍 拖 、 婚 姻 、 婚 外 情 、 同 性 戀 ） 的 教 導 不 夠 強 ， 信 徒 往 往 不 自 覺 地 受 外 間 的 影 響 。 現 在 社 會 的 誘 惑 越 來 越 大 ， 教 會 以 外 的 人 士 越 來 越 不 介 意 戀 慕 的 對 象 是 否 已 婚 ， 只 要 自 己 喜 歡 就 可 以 （ 教 會 的 信 徒 也 有 這 種 傾 向 ） ； 越 來 越 多 人 須 要 北 上 公 幹 ， 一 星 期 可 能 只 有 兩 天 回 港 ， 而 內 地 又 充 滿 誘 惑 。 」

　 　 S 牧 師 說 ， 要 留 心 傳 媒 對 我 們 的 影 響 ， 電 視 、 電 影 中 常 將 婚 外 情 美 化 ， 如 果 我 們 不 存 戒 心 ， 就 會 不 自 覺 地 遭 潛 移 默 化 。

　 　 W 傳 道 提 到 ， 當 信 徒 發 生 婚 外 情 時 ， 內 心 也 有 矛 盾 ， 印 象 中 知道 教 會 反 對 ， 所 以 不 敢 向 牧 者 求 助 ， 覺 得 牧 者 一 定 會 罵 ， 結 果 就 一 走 了 之 ， 離 開 教 會 。 也 有 鬧 婚 外 情 的 弟 兄 ， 認 為 自 己 原 初 的 一 段 婚 姻 是 年 輕 時 不 成 熟 的 決 定 ， 是 錯 誤 的 ， 如 今 遇 到 的 這 個 姊 妹 才 是 上 帝 預 備 的 。 這 裡 頭 有 許 多 觀 念 是 需 要 澄 清 的 。

　 　 W 傳 道 認 為 ： 「 教 會 可 加 強 夫 婦 關 係 的 建 立 ， 從 信 徒 開 始 談 戀 愛 即 有 各 類 的 工 作 坊 、 課 程 ， 然 後 有 婚 前 輔 導 ， 到 婚 後 又 有 培 養 婚 姻 關 係 的 講 座 。 預 防 勝 於 治 療 治 ， 到 發 生 婚 外 情 才 處 理 就 很 難 了 。 」

K 牧 師 認 為 教 會 對 婚 姻 的 教 導 很 重 要 ， 婚 約 是 永 久 的 、 神 聖 的 ， 須 要 堅 持 的 ； 現 代 人 卻 對 婚 姻 不 太 堅 持 。 他 提 到 非 基 督 徒 丈 夫 有 婚 外 情 的 情 況 較 多 ， 當 中 有 些 丈 夫 根 本 不 覺 得 有 問 題 。 他 說 ， 牧 者 常 苦 口 婆 心 的 勸 姊 妹 不 要 跟 未 信 的 結 婚 ， 因 這 不 一 定 能 解 決 適 婚 姊 妹 的 婚 姻 問 題 ， 往 往 是 將 她 們 由 一 個 問 題 帶 進 另 一 個 問 題 當 中 。 縱 或 沒 有 婚 外 情 ， 許 多 跟 未 信 者 結 婚 的 姊 妹 婚 後 都 表 示 後 悔 ， 承 受 著 兩 人 因 價 值 觀 南 轅 北 轍 所 帶 來 的 衝 擊 ， 要 輔 導 也 比 較 困 難 。

教 會 也 有 婚 外 情 陷 阱 ？

　 　 據 統 計 ， 有 四 成 七 的 婚 外 情 對 象 是 同 事 關 係 。 但 K 牧 師 提 醒 ， 「 教 會 內 也 有 危 機 。 」 譬 如 一 位 姊 妹 曾 投 訴 ， 一 位 與 她 一 起 事 奉 的 弟 兄 常 致 電 給 她 ， 公 事 以 外 ， 又 常 傾 訴 自 己 與 太 太 的 問 題 ， 令 她 感 到 不 安 。 一 般 來 說 ， 姊 妹 容 易 過 敏 ， 弟 兄 容 易 太 過 放 心 ， 但 如 果 姊 妹 比 較 大 意 ， 就 容 易 不 自 覺 地 陷 入 婚 外 情 的 危 機 中 。

　 　 有 些 未 婚 姊 妹 與 已 婚 弟 兄 關 係 很 好 ， 甚 至 談 論 心 事 ， 其 實 很 危 險 ； 較 穩 妥 的 做 法 是 ， 不 要 只 跟 別 人 的 丈 夫 做 朋 友 ， 要 與 夫 婦 兩 人 同 時 做 朋 友 ； 而 關 心 朋 友 的 配 偶 也 要 小 心 ， 以 免 產 生 不 必 要 的 感 情 。 試 過 有 弟 兄 要 調 解 一 對 夫 婦 的 離 婚 危 機 ， 最 終 卻 成 為 第 三 者 。 我 們 要 警 覺 與 弟 兄 姊 妹 的 界 線 。

　 　 有 些 人 很 需 要 別 人 肯 定 他 ， 於 是 到 處 「 放 電 」 ， 證 明 他 � 她 仍 有 吸 引 力 。 譬 如 中 年 人 面 對 中 年 危 機 時 ， 氣 力 、 樣 貌 都 大 不 如 前 ， 需 要 別 人 的 肯 定 ， 證 明 自 己 仍 有 吸 引 力 。 一 位 中 年 弟 兄 就 因 帶 領 小 組 ， 而 與 一 位 年 輕 姊 妹 發 生 婚 外 情 。

身 心 靈 全 面 防 守

　 　 S 牧 師 說 ， 除 了 小 心 的 防 範 ， 更 要 積 極 的 培 育 。 婚 姻 如 寶 盒 ， 但 裡 面 卻 是 空 的 ， 你 要 將 許 多 的 愛 、 關 懷 、 溫 柔 等 放 進 去 ， 才 可 以 支 取 ， 而 且 不 可 以 透 支 。 愛 不 在 婚 姻 裡 面 ， 而 在 人 心 裡 面 ， 只 有 我 們 將 愛 放 在 婚 姻 中 ， 才 會 有 愛 。 所 以 愛 要 有 所 行 動 ， 背 後 需 要 許 多 的 計 劃 、 栽 種 ， 才 能 收 成 ， 是 一 個 長 久 的 學 習 過 程 。 公 園 不 去 打 理 ， 自 然 雜 草 叢 生 ； 關 係 不 去 培 育 ， 自 然 覺 得 沉 悶 、 無 癮 。 行 動 改 變 感 受 ， 努 力 去 愛 對 方 ， 愛 的 感 情 就 因 行 動 而 帶 動 出 來 ， 也 同 時 能 改 變 對 方 ， 產 生 愛 的 關 係 。 夫 婦 關 係 若 出 現 問 題 ， 只 要 有 一 方 堅 持 去 愛 對 方 ， 復 合 的 機 會 就 很 大 。

　 　 S 牧 師 也 提 到 性 在 夫 妻 生 活 中 的 重 要 性 。 夫 婦 愛 的 高 峰 是 透 過 性 關 係 表 達 出 來 的 ， 性 是 完 全 的 付 出 、 服 侍 ， 樂 意 讓 對 方 享 受 愛 情 ， 也 讓 自 己 享 受 合 一 的 甜 密 、 美 滿 。 要 讓 雙 方 都 得 到 完 全 的 滿 足 。 但 妻 子 容 易 以 為 性 只 是 為 滿 足 對 方 ， 自 己 沒 有 從 中 得 著 滿 足 ； 而 丈 夫 也 容 易 流 於 個 人 的 滿 足 ， 未 能 向 妻 子 表 現 出 充 份 的 愛 、 完 全 的 欣 賞 接 納 。

（ 基 於 保 密 原 則 ， 是 次 受 訪 者 和 案 主 的 姓 名 皆 用 假 名 ， 個 案 資 料 亦 作 適 度 修 改 。 ）

『宣訊月報』二 ○ ○ 一 年 四 月 （ 第 十 六 期 ）
私人傳訊

kidskaren


男爵府

積分: 7280


57#
發表於 06-11-19 12:14 |只看該作者

Re: 大家有無諗過原來(老婆,老公)無愛過自己嗎!!!

無愛過都唔會嫁佢啦
私人傳訊

0726


複式洋房

積分: 430


58#
發表於 06-11-19 15:23 |只看該作者

Re: 大家有無諗過原來(老婆,老公)無愛過自己嗎!!!

或者當你係水泡，佢可以係出面識第二個，開心時理得你，傷心時咪當你水泡咁攬！佢無損失的，我有個朋友就好似你咁，不過佢就係女
私人傳訊

逸仔契媽


洋房

積分: 546


59#
發表於 06-11-19 16:25 |只看該作者

Re: 大家有無諗過原來(老婆,老公)無愛過自己嗎!!!

其實唔好諗咁多喇,就算旁人講d咩,無錯,你可能會有影響,或者諗好多無謂野,但你老婆係咪真係咁諗呢? 如果你想知,就真係要同佢傾...知嗎?
兩個人一齊真係要溝通ga,唔講出黎點知大家諗咩呢,係咪?

anyway,聽到你同你老婆冇事都好開心

記住呀,女人鍾意人tum 同鍾ga....
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy