ellawyc 寫道:
首先好多謝大家對我地呢班師奶仔咁信任. 我亦懇請大家花少少時間, 睇晒我以下的留言 :
大家唔好咁激進住 - 集會遊行唔係想搞就搞呢!
我之前在好多不同topic講咗好多問題, 注意事項, 同個人感想, 大家有冇睇過呢? 我而家節錄一部份比大家睇 :
**************************************
搞運動, 唔係約去街, 投放的時間同精力, 係你估唔到咁多.
每日起碼要有5-6個小時, 要將私人事/工作/家庭/娛樂擺埋一邊, 來處理義工的事 - 由其是而家想搞1月1日的搞手, 你地真係ready同願意咁做至好!! 我自己個幾月冇見過朋友, 冇出過去娛樂!
仲有d人唔知義工工作係包括統籌/好多聯絡工序, 收到幾十封來往討論的email之後, 牙痛咁聲....做搞手聽到佢地D反應, 係down到不得了!
***************************************
"支持"的人大把, 冇人肯企出來 - 所謂企出來唔係"支持" "我參加", 係真真正正貢獻你的時間精力, 去做統籌!
好多人都只係停留在"支持"的層面, 而旨意有人搞, 但唔會係自己企出來搞, 咁點會成事呢! 不如各位"支持者"諗吓, 點解你自己唔做, 而期望人地做呢?
我地上次一班大肚婆都係抱住一試的心態, 一步一步, 一路碰釘一路做, 有志之士, 你地又點會唔得呢?!
***************************************
(以上無冒犯之意, 只希望大家能從另一角度想一想.)
大家如果覺得一定要做d野, 咁不如大家解決以下兩個問題先 :
1. 你地覺得可以做的集會主題
我思前想後, 覺得可以做的集會主題, 對大家黎講, 會係"搔不著癢處", 並不是大家想要的. 因為 :
a. 注意喔 - 行動宗旨同定位要清晰, 如果遊行topic有歧視成份, 絕對會危害遊行者的安全 - 唔知會唔會有激進人士出現, 破壞秩序. 而且, 警方批你的申請亦唔容易, 因為好難預計場面點控制.
b. 大家最想做的遊行主題, 其實同我地之前比議員睇嘅陳情信, 係90%一樣; 但得到的指引是如此的訴求, 好難會有人出手幫, 因為太踩界了. 亦太有機會引發社會對立同紛爭. 我地至再從眼前問題中, 找出最有機會達成的訴求 - "爭取本港孕婦權益", 以此為集會主題.
如果咁多位仲係認為係有得做, 我可以話比大家知, 9成唔得 - 因為唔會有人幫. (如果上次唔係梁議員幫, 同埋教我地一定要向正確方向做, 1119集會唔會發生.)
又如果有朋友認為, 唔使人幫都得架....請恕我直言, 呢個想法太簡單....單係公眾責任保險 - 呢個講緊係6位數字保金 (不是投保額) - 已經係能力範圍之外. 唔買保險亦不可能, 因為搞手有責任保障與會者安全, 萬一中途發生咩意外, 衰d講句 - 當埋底底都唔掂!
2. 請問有幾多人願意站出來做統籌/聯絡呢?
講緊唔係出來擔擔抬抬, 係每日office hour要做聯絡; 放咗工要開會開到十一,二點 - 星期六/日family day要擺埋一邊, 比時間出來籌備+開會; 求人幫手....等等.
我地個個6, 7 個月肚, 有d下個月生得啦, 自問都筋疲力竭; 我明白大家都係好有熱誠, 或者可以話係滿腔怒火....如果你地各自有原因唔可以做搞手, 我地都有呢!
而在1119之前, 我地冇一個人係有呢方面經驗, 我深信如果我地得, 你地都得!
** 以上係以我個人身份發言, 並不代表"爭取本港孕婦權益行動" **
hokittyho 寫道:
其實可唔可以攪'快閃', 咁咪唔駛攪咁多嘢囉, 假定某年某月某日某時一齊出現政府總部門口高呼'還我港人權益...' (一時間諗唔到slogan), 喺網上呼籲各位憤慨mami 一人一電郵 & sms通知所有親朋戚友. 另外我個人認為好多人都會覺得遊行好政治化, 但如果'快閃' 感覺好似casual d, 同埋d 傳媒可能對一個成功嘅'快閃黨'有興趣多過正正經經但得小貓幾隻嘅遊行, 尤其是外國傳媒, 好鍾意睇d '快閃黨'呢.
不過有兩個重點:
1. 搵個有文彩媽咪寫篇嘢扇動民心, 等一人一電郵嗰時可以copy & paste, 唔駛d mami 自己作, efficient & effective.
2. 主題唔再係針對孕婦而係爭取全港市民利益, 咁最少啲男人唔會話唔關佢哋事, 可以吸納埋未生過仔嗰一群人; (我咁諗法係因為上次個主題令我d家人以為只係大肚婆嘅事, 仲問我" 乜你又大肚咩? 關你咩事.", 而我老公就話" 全部都係大肚婆, 我男人之家去好核突', so, 出席人數唔知係咪因為咁有影響.)
ellawyc 寫道:
做乜都好, 搵咗搞手先啦.....
其實你咁肯提議, 你都可以做喎! :)
[quote]
hokittyho 寫道:
其實可唔可以攪'快閃', 咁咪唔駛攪咁多嘢囉, 假定某年某月某日某時一齊出現政府總部門口高呼'還我港人權益...' (一時間諗唔到slogan), 喺網上呼籲各位憤慨mami 一人一電郵 & sms通知所有親朋戚友. 另外我個人認為好多人都會覺得遊行好政治化, 但如果'快閃' 感覺好似casual d, 同埋d 傳媒可能對一個成功嘅'快閃黨'有興趣多過正正經經但得小貓幾隻嘅遊行, 尤其是外國傳媒, 好鍾意睇d '快閃黨'呢.
不過有兩個重點:
1. 搵個有文彩媽咪寫篇嘢扇動民心, 等一人一電郵嗰時可以copy & paste, 唔駛d mami 自己作, efficient & effective.
2. 主題唔再係針對孕婦而係爭取全港市民利益, 咁最少啲男人唔會話唔關佢哋事, 可以吸納埋未生過仔嗰一群人; (我咁諗法係因為上次個主題令我d家人以為只係大肚婆嘅事, 仲問我" 乜你又大肚咩? 關你咩事.", 而我老公就話" 全部都係大肚婆, 我男人之家去好核突', so, 出席人數唔知係咪因為咁有影響.)
發表於 
返回列表
