Re: 我究竟應該點做才好？希望各位俾些意見我
好多謝你地支持我。一路佢地都怪我。老公怪我唔應該趕佢走，個女人怪我當初要同老公分開，依家又要黎搶，我情緒真係好低落，仲要老公大條道理去見佢，去安慰佢，我都唔可以做D乜，好無能為力，我真係忍得好辛苦。
我曾經真係的起心肝想分開，佢婚外情，又郁手，我真係好憤怒，好憎佢。經過大半年分居冷靜期，怒火己經熄滅，只剩下無奈，無助。回想往事，老公都唔係一個衰人，佢一路都有financially support屋企，既使分居亦如事，好錫個囡，但佢唔識控制情緒，舒解壓力，我又年輕唔識避，一昧同佢硬碰。
講真，婚姻出現問題，雙方面都要負上責任，所以我現在亦無好似以前咁一昧指責佢，都嘗試檢討自己，嘗試溫柔。
如果可以挽救，而佢唔再身體上傷害我，可以做的我都會願去做，當為自己又好，當為個囡又好，但眼前局面真的很無奈。
老公曾當住我面打電話俾佢，見佢唔好再Send email俾我，結果俾個女人鬧到一面屁，佢話，佢冇錯，錯既係我地兩個，拖佢落水，搞到佢以家咁辛苦，話我老公無資格怪責佢，仲要打電話黎刺激佢，佢一路話佢無錯，做錯事既係我地兩個，我見老公俾佢鬧到一聲都唔敢出，最尾變左要同佢道歉兼話自己講錯野，我真係唔知好嬲定好笑，點解個女人依家做咩都係啱，點解老公要咁忍佢，咁就佢。唉，真係冤孽。 :cry: :cry:
6W1D 0.436cm; 8W1D 1.74cm
咁辛苦為乜，
發表於 
返回列表
