viffy 發表於 13-9-23 17:37
我同老公都係返普通office 工，朝九晚六，我準時，老公間中要OT。每朝送BB 到婆婆家，婆婆一人湊，放工我到 ...
)，才中間有年半時間用過外傭。囡囡細時一直返嬰園加延展，請鐘點姨姨一星期嚟兩次清潔加煮食，我和C6都唔介意煮一餐兩餐食。囡囡的餐就自己日日整。嗰時由於C6天天加班到起碼9點半過後，有時仲要出差，好多時要我自己一腳踢(4大長老因各自原因不能幫忙，最多可能一兩次自己接唔到囡放學要幫忙)。生活直到入K1，由於頭兩三個月外傭仲係度，所以揀咗間半日幼稚園。後來姐姐走佬，就好徬徨。好彩經朋友介紹共用了一個鐘點姨姨，早上睇我囡囡、下午就朋友個囝。解決咗冇人睇住既問題。我從來唔理別人點睇(包括4大長老，因為佢哋冇幫忙)，而C6好彩亦會配合我的決定(姐姐走咗之後，佢曾經問我再唔再請，佢會俾我決定，係我唔請)，囡囡細時有時大家都會論住洗碗、奶瓶。現在就一至五洗煮我做，佢早回來就幫忙睇囡功課和練琴(剛轉工、亦可早些回家，否則我又癲咗好耐，因為學校都谷。)，週末就C6負責吸塵拖地洗廁所(佢每次都哦都當佢係工人，返嚟仲要做。我聽到都嬲架，不過同佢嘈又無謂，每次都係咁我就唔理佢，間中先還擊一下。我都同佢講過呢條路大家同意去做，好多嘢係預咗，我亦唔會抱怨話多嘢做)。囡囡出世頭一年，我間直沒下留過囡囡外出跟朋友食飯，有些人可能會覺非人生活，但條路自己揀可以掂？我唔覺可憐或異數，因為在嬰園亦有志同道合既家長。
發表於 
返回列表
