Re: 有冇靈異事件發生係你地或朋友身上!?
大家都咁想聽?? 好啦, 我講多個啦~~ 天黑收工架啦~~ 打個短d既先啦~~
話說我阿頭以前住7姊妹道附近, 大家都知, 果度出名猛!
咁係佢細個時, 有日, 約左佢個同學仔返佢屋企玩, 食埋夜晚飯, 個同學仔準備返屋企勒, 阿頭既屋企人都叫佢唔好行7姊妹道, 行另一條路去搭車, 仲叫佢返到屋企比個電話佢地~~
咁個同學仔就走啦, 過左成個鐘, 都未見佢打電話話返到屋企, 阿頭屋企人就好擔心啦, 唔知佢遇到d咩事, 但又做唔到d咩, 唯有等多陣啦~~ (同學仔屋企車程好近, 15mins乜都返到去!!)
後尾, 過多大半個鐘, 終於聽到同學仔打黎, 原來.....
同學仔落左樓之後, 冇聽到阿頭屋企人既說話, 諗住行7姊妹道可以快d到車站(直行就係), 一路行一路行, 條街好靜, 冇乜人, 行左好耐都未到街尾, 同學仔都有d驚, 唔知點算, 唯有繼續行!
行左好耐(同學仔話大約一個鐘), 已經知唔對路, 行黎行去都行唔到街尾, 咁岩見到個婆婆係街邊燒緊野, 就走埋去問, "阿婆, 點樣行去車站架?"
阿婆擰轉身答:
"細路, 呢條路唔係你行架!!!!"
嚇到同學仔即刻行過對面!!
當佢行到對面之後, 望返轉頭, 阿婆唔見左, 條街多返好多人!!
而且行多2步就已經去到車站啦!!!
事後個同學仔話, 如果唔係有個好心既好朋友, 佢應該會仲繼續係條街度行緊!!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!