wife 寫道:
想喺度多謝佢
我99當我好似自己個女一樣;
1.嫁我老公咁耐,我62 99從未要我洗過一隻碗,衰d講句,上去佢哋屋企都係等食,食完拍吓pat pat就走,仲要買定好多嘢比你攞返去.
2.我99日日幫我接仔放學(其實有菲傭接),佢接我會放心d.
3.我99連我家人我朋友都好關心,我爸爸做完手術,佢幫我煲湯攞去醫院比佢飲.我有個好朋友因為老公有第三者,想搬出嚟一排,佢有層收租樓,話吾使錢比佢住,我個朋友比錢佢都吾收,仲買定d日用品比佢.
4.一年有三四次搵藉口比錢我,次次都一兩萬.
5.從來無妒嫉心,有時做節佢自己提出吾使正日同佢食,叫我去我媽咪果度先,好似新年,仲買定d嘢叫我老公送比我媽咪.
6.年年都幫我哋封定利是,包定十蚊,二十蚊,五十同一百,問佢包咗幾錢佢就話吾使比返佢喎,咁我哋都會比一萬蚊佢過年,佢就封番一萬比我個仔.
7.今日佢屋企整咗d燕窩,99攞咗d放喺我屋企,"暗"完我個仔瞓之後,佢居然攞咗一樽嚟我公司,叫我當下午茶食
我d同事鬼咁羨慕我!
仲有好多...好多...有時間再寫!
99多謝你!希望你長命百歲!身體健康!
wife 寫道:
想喺度多謝佢
我99當我好似自己個女一樣;
1.嫁我老公咁耐,我62 99從未要我洗過一隻碗,衰d講句,上去佢哋屋企都係等食,食完拍吓pat pat就走,仲要買定好多嘢比你攞返去.
2.我99日日幫我接仔放學(其實有菲傭接),佢接我會放心d.
3.我99連我家人我朋友都好關心,我爸爸做完手術,佢幫我煲湯攞去醫院比佢飲.我有個好朋友因為老公有第三者,想搬出嚟一排,佢有層收租樓,話吾使錢比佢住,我個朋友比錢佢都吾收,仲買定d日用品比佢.
4.一年有三四次搵藉口比錢我,次次都一兩萬.
5.從來無妒嫉心,有時做節佢自己提出吾使正日同佢食,叫我去我媽咪果度先,好似新年,仲買定d嘢叫我老公送比我媽咪.
6.年年都幫我哋封定利是,包定十蚊,二十蚊,五十同一百,問佢包咗幾錢佢就話吾使比返佢喎,咁我哋都會比一萬蚊佢過年,佢就封番一萬比我個仔.
7.今日佢屋企整咗d燕窩,99攞咗d放喺我屋企,"暗"完我個仔瞓之後,佢居然攞咗一樽嚟我公司,叫我當下午茶食
仲有好多...好多...有時間再寫!
99多謝你!希望你長命百歲!身體健康!
puffer-fish 寫道:
好開心見到你開這topic,我都一直想謝謝我99的。(其實係佢成家我都想謝謝)
我同你一樣有個好好既99 & 62,雖然99好長氣但反正阿媽個個都係咁,我就無咩野
1/佢唔會成日比錢我,但就會一見我地(我同老公)屋企有咩舊或者無就會買比我地或資助(eg :沙發 ,餐桌 ,車 )仲要樣樣都唔會限你買cheap野,只會叫我地買好d。佢自己好慳又唔係好有米,咩野舊左都唔買新,但就係咁買野比我地。
2/又試過同我一起行街時,我睇中左衫和裙,佢知我無錢買就買比我。
3/剛嫁入門未有自己屋企要住佢家,佢地一向無安裝冷氣,但大家都知大馬365日熱到死,我這個涼慣冷氣既人點頂佢地無冷氣。正當我驚到死時,去到佢家已見到我既房安裝左冷氣,佢話知我唔熱得。當時感動到唔識講野。 :-(
4/早期佢知我無野做成日在家好悶,佢就出埋錢請我去玩,雖然只係近近地既雲頂,但我都好開心,因為係佢既心意。
5/我又係從未洗過一隻碗...不過我唔係唔想做,只係我手有敏感...好在佢又無話我。
6/我病後佢一定買哂補品整比我吃,又會買好多雞精比我,但佢病就咩都唔買比自己。
7/佢本身講客家話,馬拉文同埋國語,但我唔想學,佢就掉轉頭學廣東話同我傾計。
8/佢去旅行買比我既手信仲多過買比佢個仔
9/前陣子我做開既freelance job contract完左,佢知我無野做就比錢我,佢話驚我無錢用,我就無要囉,不過佢對我好到無人信。我媽咪都話我99太好,叫我都要錫佢多d
10/我62又係好慳既人,買橙專買又細又平既,但我就偏偏只愛吃又大又貴既橙,佢知道後就成日買比我吃,搞到我唔好意思。
11/我老公既大佬都係好好,成日話我由香港嫁來咁慘,要成家都對我好。佢成日比大利是我地買野,真係好好,仲會關心下我。
12/我老公既細佬同我幾好傾,我唔開心佢會開解我,又會成日請我地吃飯。
總之佢地一家都無私心,我99仲成日做善事,好人到不得了。
我希望佢地身體健康,因為我99身體愈來愈差,我都好擔心又好驚呢！:cry:
你99真係好好呀!
puffer-fish 寫道:
大家咁話啦,你99仲勁,連對你朋友都咁好,佢真係超好人。
我媽成日話好難找到好99,我諗我地都要好好珍惜。
不過我同佢始終唔同文化,語言...我點都好難當正佢係阿媽,我好努力學習中,但大家有時真係唔知點溝通多一點呢
wife 寫道:
其實你只要用心諗吓,到你老咗你希望自己仔女點對你,你就會明白點做會令佢開心,當然吾會100%合晒佢心意,但佢都會明白你係"0踢"佢嘅,得閑打電話比佢傾計,當佢friend 咁,慢慢你會知多d佢喜好,多d同佢行街,跟吓佢去街市,跟佢學吓煮餸.........等等,試吓啦,有時同我99飲茶都會叫埋我阿媽一齊,我阿媽都jealous我99,佢話我對99仲好過佢喎
發表於 
返回列表
