Re: 一個聽完，你想打死她的少女
其實而家d少男少女都係咁, 都係d父母之過, 我間公司裹都見唔小, 各位都有可能十幾年後自己d仔女都係咁, 而家個個金菠蘿, 唔捨得打又唔捨得鬧, 第時到我地受!
有次我上村巴, 得番一個窗口位, 我同老公坐左落去, 下個站有個細路走埋嚟, 話我坐左佢個位, 重大喊, 咁我同老公就唯有坐前一個位, 分開坐比佢同佢亞媽坐, 跟住佢亞媽講左唔該, 但全程無話過佢個仔, 冇教佢咁係唔啱 
前個星期表弟開生日會, 喺家姐屋企攪, 請左成7,8個1-4歲小朋友, 開頭都好好地, 跟住有個2歲嘅女仔搶左亞仔d玩具, 亞仔同我講, 我唯有話大家分享, 你玩左一陣就要比第二個玩, 亞仔都聽, 因為返左學老師都有教, 跟住另一個又係兩歲幾嘅女仔見果樣野佢都想玩, 就走埋去搶過, 跟住推低佢搶走左, 佢亞媽只係象徵式咁話左佢一句, 個靚妹當然冇理, 跟住佢亞媽話佢係咁, 比佢奶奶縱壞, 重好自豪咁話我第時都唔驚佢比人蝦! (我覺佢將來只會自食其果)
舊年個同事個仔去麥記開生日會, 真係見到好多父母唔識教, 定係覺得已經教得好啱, 玩遊戲時, 所有小朋友企係姐姐前面, 我個仔果時得兩歲咋, 佢搭住隔離高過佢個小朋友, 個小朋友好大反應咁推開佢, 重督亞仔個頭, 我即刻帶開亞仔, 跟
住推蛋糕出來, 頭先個小朋友即刻吹左"立燭", 攪到生日果個話冇得吹, 跟住再點再吹, 全程佢亞媽見到都無話佢, 另一個將d汽水周圍倒, 又係父母都唔理, 果日攪到隻腳痴立立 !!
另外, 喺我公司有好多十七,八歲剛出來做野嘅少男女們, 全身名牌, 屋企住公屋, 一定要靚先可以見friend, 個個月換電話, 呢d邊個比, 又唔係父母, 有個女仔日日去買衫, 話d衫最多著兩次就掉, 比個同事話佢浪費, 佢重話返你, 我亞爸亞媽都冇話我, 有d父母怕佢地d女無錢洗會出來做, 男仔就怕佢同人帶白粉, 冇錢買名牌就多多都比佢!
有個重經典, 剛畢業十七歲男仔入來, 想同人地有話題, 果班人話去打枱波, 佢唔識打都即刻買支成萬元嘅Q, 咁即刻日講夜講, 咁到果班人走吓一個走晒, 呢班同事成日約去打保齡, 佢即刻買左幾個波, 重去南華會入會, 日日放工去打, 為的只係多d話題, 有個同事忍唔住問佢, 你父母成日比錢你? 佢會話父母見佢冇街去星期日都坐屋企, 就會知佢冇錢洗, 即刻比錢佢, 真係害死佢都重未知?
其實同果個打上去嘅女仔都係一樣, 做咩比錢佢買gucci 袋?
係唔係冇個袋唔可以見人? 要傾通頂唔可以用家居電話咩?
佢老豆老母之過! 其實每晚港台麥潤壽個節目都好多呢d靚仔靚妹打去, 聽兩聽我就頂唔順, 要打死佢打到你手軟都得!
而家個個生一個起兩個止, 唔捨得打又唔捨得鬧, 唔識同人分享不特止, 重個個自私只顧自己, 希望大家繼續警惕自己, 唔好教d社會垃圾出來!
日夜做 見爸爸 剛好想呻 卻霎眼 看出他 多了皺紋
發表於 
返回列表
