吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 置業問題，求意見！

樓市動向今日: 0|主題: 74631

收藏本版

發帖

返回列表

跳至頁

樓主: loveubb1010

置業問題，求意見！ [複製鏈接]

1 23

loveubb1010

大宅

積分: 1237

41^#

發表於 13-11-5 22:35 |只看該作者

引用：Quote:loveubb1010+發表於+13-11-5+13:52+

原帖由 scotttlk 於 13-11-05 發表
其實你地好叻, 卄幾歲有3百萬茄薯, 有個女又有鐵飯碗, 羡慕死不少人。你願不願透露呢3百萬點賺反黎? 其實 ...

我地啲首期都係因為細個早出黎做野，屋企人借首期比我買樓而上年放左賺返黎既，其實我覺得你誤會左一啲野，我唔係用黎投資，我係自住既，如果投資我當然唔會買咁既價錢黎辛苦自己，簡單d講，我地既目標一直都係買3房，有300萬首期，依家睇中一層3房，要720萬，有多餘錢係到當然想買，但係因為全家庭收入暫時得25000，月供17000，所以如果買左就唔可以自住要先租出去比人幫手供，放租出去收到14000，咁我地每月只需補貼3000供層3房，直到我出返去做野後我地先收返呢層樓自住，而我現時住果層2房就租返出去（市價約8000左右），我做返野黎家庭入息就變返約43000，43000再加8000（2房租金收入）=51000，再減返3房供樓果17000，每月扣左供樓仲有34000剩，所以供佢都唔怕好吃力囉～我自己就係咁計條數，唔知岩唔岩

私人傳訊

~pig~pig~

複式洋房

積分: 475

42^#

發表於 13-11-5 22:40 |只看該作者

回覆：loveubb1010 的帖子

我二公婆收入四萬鬆，因首期都係借，每月供二萬，仲要養個女同工人，仲有養車供車，其實我地實際係過唔到壓力測試架，屋都係租出去，當回下氣先，我同老公都係25歲，我地都覺得越早捱越好，寧願以家慳d洗，當然我無你咁叻買咁貴既樓，我自己覺得澳門樓仲有升值空間，又好住，澳門唔會好似香港咁越偏遠越平

私人傳訊

~pig~pig~

複式洋房

積分: 475

43^#

發表於 13-11-5 22:49 |只看該作者

回覆：loveubb1010 的帖子

http://www.whbmac.com/chi/cal1.html。呢個網有齊晒每月供款同埋有咩費用，比你參考下

私人傳訊

loveubb1010

大宅

積分: 1237

44^#

發表於 13-11-5 23:37 |只看該作者

引用：我二公婆收入四萬鬆，因首期都係借，每月供

原帖由 ~pig~pig~ 於 13-11-05 發表
我二公婆收入四萬鬆，因首期都係借，每月供二萬，仲要養個女同工人，仲有養車供車，其實我地實際係過唔到壓 ...

係囉～你地兩公婆咁後生肯去捱已經好好，租出去真係比人幫手供幾年當回下氣，我唔係叻丫，只係好彩咁岩我地早出黎做野，我老公咁岩澳門賭權開放果時就成家返左黎澳門，果時澳門樓平，就買左層2房囉，後來我跟埋佢過黎就註冊結婚，一齊係到做野又儲多左個首期仔又再買多層囉，上年有左bb就想換3房就放左，諗住樓市回一回就買，點知又升得咁恐怖，唉

私人傳訊

scotttlk

子爵府

積分: 10978

45^#

發表於 13-11-6 15:51 |只看該作者

本帖最後由 scotttlk 於 13-11-6 15:53 編輯

回覆 loveubb1010 的帖子

咁講啦, 我地站在香港人的自我經營觀念和你交流一點意見吧。
若果站在置業安居的家庭立場, 有必要預先考慮到自己能夠持盈保泰, 即是買左樓每月必須有盈餘, 幾細的盈餘也是必須的。一個家庭大人病可以死頂, 但細路有急事食藥好, 補品好, 上補習班好, 必須要有個錢儲下才好應付。

第二點係考慮如何面對潛在的逆境。有了應對方案去置業才叫保險。

再者, 有家庭的人不贊成置業再用單身或九十年代時的那種死挨齋搏升值才能脫身的心態。這是歷次起跌後的一個沉重教訓。

你因為未咁快可以重投工作, 買入後要先租出找人代供, 頭幾年根本性是投資。可以説是一個只計劃幾年的投資項目。我地呢批香港人就係認為咁做不健康, 尤其你的投資項目要貼錢供又貼雜費。你個投資項目幾年後只會令你家庭財政大幅削弱。負現金流的項目不叫投資, 叫負累。

無錯若你日後成功收回自住係會得到一個心儀的空間, 但你咁辛苦早幾年已策略性買入, 目的其實是搏或怕樓價再升而已。

而我就做衰人提你甘做係預支左你先生日後的薪金調整, 日後你重新工作的收入, 及你家人長輩日後在有需要時成為你的財政後楯。

對, 以我們香港人的邏輯, 係澳門即係唔使買大樓。我地想法係類似澳門、珠海呢D樓係開銷不是資產, 所以一直環繞於你現家庭收入、供款、及息率係樹比意見你。我地感覺既係住屋開支同你家庭支出比較上偏高, 或叫我地草根, 不了解如何住得奢侈點但家庭支出又好慳。

總結, 我覺得你目前係按澳門樓價可以再升的預期去買樓。而你亦好媽咪可以好慳家又好肯挨。我地其實比不到實用的意見你。因為我地不懂看澳門樓市, 亦真心不及你慳家。

私人傳訊

ismandy

男爵府

積分: 8044

46^#

發表於 13-11-6 20:33 |只看該作者

引用：Quote:原帖由+scotttlk+於+13-11-05+發表其

原帖由 loveubb1010 於 13-11-05 發表
我地啲首期都係因為細個早出黎做野，屋企人借首期比我買樓而上年放左賺返黎既，其實我覺得你誤會左一啲野， ...

買樓頭幾年風險最大。

你地既情況好博，會經不起風險。

當然富貴險中求，你自己確信眼光好，呢個系快速賺錢的方法。

私人傳訊

loveubb1010

大宅

積分: 1237

47^#

發表於 13-11-6 23:04 |只看該作者

引用：回覆+loveubb1010+的帖子咁講啦,+我地站在

原帖由 scotttlk 於 13-11-06 發表
本帖最後由 scotttlk 於 13-11-6 15:53 編輯

回覆 loveubb1010 的帖子

我明白你想法，你認為我地依家既環境未適意做咁高既投資，因為就算係買左但果幾年都唔係自用，而樓市可升可跌，大吉利是一跌我地就坐艇，我明白丫，其實我都唔係話急住要買，只係眼見呢到一路升，咁岩又睇岩呢間，所以先心大心細者，尋晚都如老公傾完，佢都話再睇下其他盤先，因為我地始終唔急，最多買唔到都係住逼啲者，等到機會再上車都未遲，多謝你既意見丫