夫婦情感 今日: 0|主題: 42770

pocopoco 寫道:
我諗樓主你都好後生，你老公先得２４歲∼
我都見唔少呢ｄｃａｓｅ，不過你老公真係好過份，簡直唔係人既所謂，個老婆剛剛生完竟然拋妻棄子
佢真係唔明白為人父母要有幾大責任．
可能我見得真係多，我爸爸有２奶，早幾年仲有個３奶，全都係大６，但我都化左，好細個丫爸丫媽巳經嘈離婚∼就係因為個２奶，但我丫爸一直堅持唔離婚，因為要養我同丫哥，同埋佢地想我同哥哥係一個健康既家庭成長，本來我都好想媽咪同老豆離婚，但唔想媽咪咁傷心∼
但老豆一直拖，拖都維持返老公老婆關係，老豆果時都俾成８ｋ俾媽咪，，而且果時佢地仲供緊樓，結果拖到而家囉！

grand2005 寫道:
我認識一個廿幾歲好靚仔既，佢走左上大陸3個月，工都無埋，直至無晒錢先死返香港，本來佢比開大半份糧佢屋企，為左大陸果件連屋企人都唔理

grand2005 寫道:
係呀，佢果時係第一次上去溝女，佢職業唔差嫁，香港條女重好靚，不過佢條女即我個fd對佢唔好，咁我估佢上去可以做個大男人，以為自己好勁~
呢度好多大滾友，睇完之後就會更了解 here

小寶貝兒 寫道:
冇錯, 阿2少就係咁啦!!
佢而家同個大6女人結左婚, 唔係因為佢肚裡面有個金波蘿, 6299都唔會出錢比佢地結婚啦!! 佢都好野, 等到有左4個月, 驗埋係仔先同老豆老母講, 仲要係我老公同我父母提親見面果日先黎講, 搞到99成晚黑起塊面, 我阿媽仲以為99唔想我入門, 差d發脾4話唔比個女嫁架啦!!!

呢個大6女人大話多多, 但2少又好lum佢喎, 為左佢連香港女友都飛埋, 而且碌爆卡, 欠財務同銀行幾十萬, 果時都係62同幾兄弟幫佢拆掂佢, 點知岩岩搞掂, 佢又即刻簽卡買左條幾千蚊既鍊比個大6女人!! 而且經常為左上去而唔返工, 搞到最後公司出warning letter佢先收歛返d!!

到左諗住結婚, 以為憑自己做左野咁耐, 一唔做, 都有幾萬蚊離職費, 點知一同公司講resign, 公司就同佢講, 因為佢之前曠工太多, 扣返錢之後只有幾千蚊剩!!! 於是, 工又冇埋, 又因為之前成日死返上去玩, 搞到得返幾千蚊離職費, 大6女人又陀住一件, 於是咪又死返屋企, 同6299講!!!

佢好西利架, 結婚所有費用, 包括咩租婚紗, 擺酒, 租花車, 裝修間屋咩費用都係2老出, 佢剩係出左9百幾, 就係註冊費!!!!! 新屋係2老比佢既, 家私係細佬借比佢, 不過佢一d都冇諗住還!! 住左年零就話想換過晒d家私佢!!!!

而佢個老婆呢? 結左婚唔夠幾個月, 就同我講, 話覺得大伯(即係我老公)好好, 仲話點解唔係比佢遇到大伯先!!! (言下之意即係想溝我老公?!)
生完個仔之後幾個月就話湊仔好悶, 唔想湊, 想請人幫佢湊!!
問佢係咪想去搵工做, 佢又話唔係, 只係想返大陸, 好似以前咁過生活(即係唔使做野, 每個月有人養佢, 佢只須要每日落樓下士多打牌, 得閒就去買衫買珠寶), 我心諗, 呢d生活係少奶奶既生活, 都要佢老公有咁既本事先得架!! 百萬未開頭(仲要負緊債!!)就已經諗住將來做少奶奶!!!

mrsegg 寫道:
我朋友有女友，結果好簡單，女友唔要，愛妓女，佢話妓女小姐身世好可憐，有個好慘既故事云云....結果....佢個個星期一放工就上去，個妓女無屋住，只係同班姊妹一齊訓，咁佢兩個見親面就開房，妓女話：我覺得同你一齊好舒服，如果我地都有自己既小天地就好，我可以煮野比你食，好好服侍你........有一日，朋友就諗計幫佢搵屋........佢同我講晒，我忍唔住好激動咁產埋去：


比人讚得兩句就暈晒浪，你估真係貪你靚仔兼有才華咩！慳d啦！真心愛你，徐x淇夠真心愛李x誠啦！身世可憐？你以為自己係救世主定黃大仙呀！咁想幫人唔去領養兒童捐下血？幫人！d咁白痴既大話只有你地d自以為聰明既低能男人先會信，以為你兩個好真係驚天地泣鬼神呀？到你睇到佢真面目果陣你就真係喊得一句句都唔抵可憐喇！

試下無晒d錢，即刻賤過地底泥！話知你去死捱難捱你都要比佢做少奶奶！知道自己女友都同自己捱得辛苦想去試下呢 ?-( 岩丫！體驗下女友以前既感受！順路會比你體驗埋比人嫌棄同比人拋棄既滋味！

mrsegg 寫道:
經一輪搶救後醒返啦！女友無左，好在未結婚未生仔，唔係真係害死人

mrsegg 寫道:
佢本身係大好青年，本質唔差，係我地眼中都覺得佢幾聰明，但都估唔到......大陸妹更聰明！