rubytang 寫道:
各位姊妹, 頭先我去YOHO會所玩,
我入到會所時就先去左樓下既廁所,
我老公就帶細囝上樓上既波波池玩,
果度係俾小朋友玩既地方, 除左有個小型波波池之外,
仲有D fisher~既大型塑膠車仔, 都其他既玩具俾小朋友玩既,
咁我上到去就見到亞b坐係架車仔上面玩緊,
同時都仲有1個男仔和1個女仔分局係度玩緊另外2架車仔,
咁玩左都係幾分鐘左右, 當時我都係睇實我囝玩,
咁轉頭就見有1個年紀應該係較佢地3個大d既男仔,
成個人插入去隔離果小朋友既車仔入面,
好誇張, 係成個人坐係果個小朋友既身上,
咁俾人迫住果個小朋友就好無助, 想推開果個男仔,
但佢身型大過佢, 又成個俾人壓住, 咁架車仔既內隴唔係大,
佢想郁都郁唔到, 想喊~
咁我睇到, 但又唔見到有家長出黎喎,
咁我諗可能係d外傭帶佢地黎, 但又唔知係咪去左廁所咁啦~
咁我就同果個小朋友講, 你唔好咁樣壓住人先啦~,
你出黎先啦!~ 咁樣你會整親人架,
原來坐係前面既就係佢亞媽,
真係係正前面, 唔係話隔左幾呎果種,
佢就睇住自己個囝壓住人地, 都唔出聲或者行動上阻止佢,
由得佢係咁蝦果個小朋友, 仲同我講,
" 佢都玩左好耐架啦~ 又唔起身俾人玩"
但全程就用個 c人後尾枕同埋個c人背脊得住我,
我都想望住佢黎講野, 但佢就連眼尾都無睇下我,
本來都唔想理, 但果個俾人壓住既小朋友
就用好可憐既眼光望住我叫" 姨姨, 姨姨" 咁,
你叫我點可以唔理佢呢, 又睇唔到邊個帶佢黎, 都無人出聲,
其間個 c 仔都仲係壓住人喎, 完全無起身既意思,
我就唔想夾硬抱起佢, 費事d人乘機話得打佢個囝咪 c 得,
我咁我就見到入面有個職員係度, 我就去同佢講有件咁既事,
個女職員聽到就即刻過去, 仲問我係邊個,
咁我就話果個紅色衫既男仔插入人地架車仔重壓住人地,
佢囝都仲係坐係人地身上喎, 佢老母都仲係果句,
" 佢都玩左好耐架啦~ 又唔起身俾人玩, 要等到幾時呀~"
咁即係佢故意鼓勵個囝去迫人起身俾佢玩啫,
雖然, 細路仔爭野玩係平常事, 但呢個亞媽既做法,
係唔係太過份呢, 人地唔俾你玩, 你可以去同玩緊既小朋友,
好聲氣d講, 請佢讓一讓你個囝玩一陣,
咁幾分鐘之後還返俾你丫, 咁都得啫~
就算人地真係唔讓俾你玩, 你都無符架, 人地黎先玩先,
咁你俾少少耐性等下囉, 又或者同d職員講下,
咁通常佢地都會氹下其他既小朋友讓一陣既,
佢老母仲要好似話我多事咁樣款~
後來個職員就叫佢媽抱開佢先, 跟住就同被迫既小朋友講,
你可唔可以借佢玩一陣呀,
咁搞左一陣果被人迫既就讓左架車仔出黎,
但佢個c人仔就死都唔肯坐上去玩, 好似話我地唔o岩咁樣,
後來佢亞媽叫佢咁玩過第2樣啦~,
咁佢個c仔就要玩另外果個妹妹果架車仔囉~
又要人地起身俾佢玩喎, 嘩~ 咩野人黎架,
佢老母仲要一路係咁話人地唔o岩, 佢囝o岩晒喎~
後來, 我老公架車都差唔多夠鐘,
咁我就同亞囝講, 夠鐘啦, 唔好玩啦!~
讓俾其他人玩啦~ 咁果個c仔既老母就話,
我囝唔鐘意玩你呢架, 咁細架~ (因我囝果架係細架少少)
我都費事啋佢, 唔玩咪罷囉~
呢d咁既人都唔知點做人亞媽既,
邊有人咁樣教自己既囝囡去欺壓人地架~
大家話佢咁做o岩唔o岩呢~
發表於 
返回列表
