米之連媽媽 寫道:
theresang
我係0511 mami, 剛剛路過, 但我知你既感受, 因為我個囡初時都可能有呢個問題, 早在呀囡5個月大時, 我已發覺佢隻右腳有少少問題, 向外差不多90度咁行, 我心想就算外8字腳都無理由咁跨張, 但我當時無即刻理佢, 只係觀察, 到佢11個月大時, 真係開始學行, 佢都依然係咁, 行路時隻右腳係拖住咁行, 同左腳分別好大, 到佢打1歲針時, 我問e生點解呀女會咁, 個e生就做左比較詳細驗查, 即時幫呀囡度腳, 佢都話可能係脫臼(hip骨同大腿之間), 我同佢講呀囡又無跌親又無撞到, 點解會咁, 佢話原來係個胎到已經脫臼, 所以佢唔會識痛, 最嚴重就係將來會有長短腳問題, 佢幫呀囡做完驗查, 佢話機會唔大, 但就叫我繼續觀察2個月, 我都有問佢如果發現真係脫臼的話要點e, 佢都話係要做手術. 嚇到我個心直頭跌左出黎, 係呢2個月真係好難過, 每日我既目標就係望住呀囡隻腳, 如事都過左2個月, 我見呀囡無乜進展, 情況依舊, 我就即刻同呀囡去睇e生, e生又再驗查, 但都係話無問題, 到呀囡依家17個月, 我都經常留意佢隻腳, 每次睇e生都問, 不過個e生都ok, 每次都有幫佢驗查. 我個囡都仲係觀察階段, 你唔好傷心, 要努力加油, 做mami真係唔易, 真係好偉大呀
John&Kelly 寫道:
米之連媽媽,
我想問有呢個情況係咪一學行既時候外表係好明顯可以睇到架?? 因為我奶奶又係成日話我個女有隻腳有問題, 但我睇來睇去都唔覺得有啲乜, 佢又行得好快好穏, 同埋早排開始成日鐘意玩入後波, 又係睇唔出有啲乜. 我宜家聽你哋講完真係都唔知係我奶奶過敏定係我個女都真係有啲問題. 不過宜家BOOK咗健康院下個月見醫生, 睇下醫生到時點講
tsznok 寫道:
teresa,
剛剛得閒上o黎,先知咁大件事!
我非常明你你有幾痛苦…嚴B只係入院打針七日,我都已經人都癲,佢出左院近一星期,我每晚都仲發緊惡夢,夢見醫院內o既種種…何況仲話要做手術?!?!
我唔敢講有咩野可以幫到你,但不妨考慮一下去政府醫院睇,如果咁urgent佢地唔會要你排好耐,好似嚴b剛發現可能泌尿科系統有先天問題,四月中排期,五月頭就有得睇,同埋我始終覺得醫療設備上政府醫院會比私家好&齊全!
我知叫你冷靜係好難,前面亦有好多東西要處理,但記住一樣野 - 既然問題出現左,就要冷靜,喊係冇用,俾最好o既醫療呀豬妹先係當前要做o既事!
加油,你自己都要保重呀!如果真係有野幫到你,記得出聲呀!
theresang 寫道:
米之連媽媽：
我個女exactly就是hip骨同大腿之間脫臼，
我都有問醫生同樣問題(脫臼？so far 我冇覺得我個女有痛的跡象bor...醫生說係可以唔痛的）
你現在ｂｂ的情況怎樣呀？
confirm無問題未？
如果未，都是照一照超聲波穩陴ｄ！
我看些外國的慣例：如果醫生有reasonable of doubt，
會穩陣ｄ照超聲波confirm的。
另外，我個女兩邊大脾"la"褶紋唔對稱的，
因為長短咗，
（我初初只以為佢肥得得打褶之嘛）
你留意吓你個女啦！
衷心地希望你個女沒有事！
金毛B媽 寫道:
加油呀, 有骨科醫生睇住, 唔駛擔心
我個仔個時, 因為係內8字, 都幾內下架, 個骨科醫生叫我買 d 鞋裹面個"展"有"胡"型既鞋俾佢著, 同高小小"筒"過佢著, 佢話唔一定要 Dr. Kong, 係最主要係個"展"有"胡"型既鞋, 一定唔好著平低鞋,跟住我都找左好耐鞋仔, 最終都買左 Dr. Kong, (因為好難找有"胡"型, 見 Dr. Kong 個"展"都有小小"胡"型) so far 佢而家行, 都無咁內8字, 不過都有小小
各位媽咪
你地留意下你地 d 小朋友隻腳仔
發表於 
[img][/img]
返回列表
