吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 求集氣, 今朝我媽媽突然中風了 (UPDATE: 近況) ...

自由講場今日: 1949|主題: 1360106

收藏本版

發帖

返回列表

跳至頁

樓主: supertvfans

求集氣, 今朝我媽媽突然中風了 (UPDATE: 近況)

[複製鏈接]

28 293031 32...75

selinako^^

珊瑚宮

積分: 100790

2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章親子王國15週年勳章

581^#

發表於 24-7-23 16:29 |只看該作者

回覆樓主:

樓主插胃喉都係一時之事，忍下啦
最緊要唔好肺炎，我媽肺炎上 icu 跟住折磨左3個月就....
我當時都有出貼，好似你咁問係 bk問意見

希望伯母快d 康復，可以出院

私人傳訊

Elenalan

水晶宮

積分: 67505

582^#

發表於 24-7-23 16:42 |只看該作者

chinfongfong 發表於 24-7-23 16:18
你媽咪住浸會醫院？我媽之前都係在廣華給人綁住，我媽只係記憶力差，但給點時間她都可以記得，其他冇問題 ...

係，我媽之後住浸會醫院，亦在浸會醫院做顱骨重置手術。

我媽腦出血中風係喺廣華做緊急開顱骨手術放血，之後在廣華住了8日加護病房，再轉幾日普通病房，然後去TKOH再住多幾星期，情況穩定但越來越差，再被送去靈實住了2星期我地才決心送佢去浸會。去浸會前在公院個幾兩個月，都冇沖過涼，亦全程綁在床，大部分時間都肺炎尿道炎要靜脈用藥。4小時換一次片，即使開大，未夠4小時換片時間，係唔會安排換片，所以palpat up到爛哂，又生褥瘡，住院期間醫院話冇人手，所以從未沖過涼，連換衫床墊有屎都冇人換，清醒d嘅病人真係會好抑鬱冇哂尊嚴。

我每日把握中午和傍晚探訪時間幫我媽抹身換衫換片，成日留到超時俾姑娘趕我走，我就大聲講我媽癩左屎片，我要幫佢換和清潔，你地係咪現在幫佢換？唔係就等我幫完我媽我先走，佢地即時收聲。

這就是香港公院的服務，行動不便的老人，入去住院都唔知有冇機會出返來。我媽現在療養院的院友家屬，都話佢地老人家每次入院，出番來都身體差哂能力退步又鬧情緒。
我地唔想阿媽再受苦，所以盡量都唔俾佢再入公院。

私人傳訊

chinfongfong

子爵府

積分: 10721

583^#

發表於 24-7-23 16:58 |只看該作者

Elenalan 發表於 24-7-23 16:42
係，我媽之後住浸會醫院，亦在浸會醫院做顱骨重置手術。

我媽腦出血中風係喺廣華做緊急開顱骨手術放血， ...

唉，想到都好難過，醫院的姑娘和亞姐，有些真係仆街，好的冇乜幾個，我媽說見到他們有時間一大堆人围住吹水，但就冇時間幫佢換片。叫佢地，只係說等等等。

唉總之難過。

私人傳訊

magyu

大宅

積分: 1435

584^#

發表於 24-7-23 17:47 |只看該作者

Elenalan 發表於 24-7-23 16:42
係，我媽之後住浸會醫院，亦在浸會醫院做顱骨重置手術。

我媽腦出血中風係喺廣華做緊急開顱骨手術放血， ...

JM，可否告知你媽媽是住那個療養院呢？這間療養院好似很不錯

私人傳訊

Elenalan

水晶宮

積分: 67505

585^#

發表於 24-7-23 17:50 |只看該作者

magyu 發表於 24-7-23 17:47
JM，可否告知你媽媽是住那個療養院呢？這間療養院好似很不錯

靈實胡平頤養院

私人傳訊

Sakuraohno

伯爵府

積分: 18645

2025勳章蛇年勳章

586^#

發表於 24-7-23 18:22 |只看該作者

supertvfans 發表於 24-7-23 11:16
今日我原本要返工, 但係因為我老豆太操勞, 有就黎暈低的跡象, 仲要開始病病地, 我驚佢自己一個人會出事, 結 ...

我哋有經驗，依家啲醫生係唔係都話要插喉食野，因為唔使煩
我屋企老人家已插咗半年，突然某天有一日掉左出嚟就不用再插

私人傳訊

supertvfans

子爵府

積分: 12103

2026勳章 2025勳章蛇年勳章 2024年龍年勳章 2023年兔年勳章牛年勳章

587^#

發表於 24-7-23 19:19 |只看該作者

本帖最後由 supertvfans 於 24-7-23 19:28 編輯

謝謝各位 JM 對插鼻胃喉的意見, 後來經過同老豆再商量 (因為老豆中午出去探媽媽時, 醫院護士同埋言語治療師都解釋過俾我老豆聽), 決定幫媽媽插胃喉, 我已經打左去負責護士同佢講左我地的決定, 護士會係聽朝主診巡房時話俾醫生知, 理論上聽日就會幫我媽媽插胃喉

至於醫院社工方面, 原來一早已經 ASSIGN 左俾我同埋佢已經做緊野, 今日的幾個 MISS CALL 就係果個社工打黎的, 佢話尋日已經同言語治療師同埋物理治療師一齊評估過我媽媽的情況, 話依家我媽媽係兩個人扶住 + 用步行架的話, 我媽媽就可以企係度, 因為尋日只係第一日做評估, 之後社工都會再隔幾日黎睇睇我媽媽的情況. 而我都有問佢, 類似我媽媽依家咁樣的 CASE, 大約幾耐會出院, 佢話大約 2 星期後就可以出院, 但都要睇下經醫生同成班治療師開會後才可以決定, 佢話斷估就唔使留係醫院幾個月的. 聽到咁, 我個心都安樂 D, 雖然屋企都要大執後先至可以俾到媽媽返黎, 但起碼到時都可以叫做係屋企見到媽媽, 咁老豆同我都唔使成日要去醫院探佢, 咁會輕鬆少少 (尤其係我老豆).

不過呢, 經過呢次插胃喉經歷, 我真係好討厭做決策者, 你地話我小氣又好, 不孝都好, 明明係我老豆都大力反對插胃喉, 點解依家講到好似係只有我一個人反對咁? 完完全全同職場無分別, 係唔係都要我食死貓, 當年我就係因為咁而搞到有嚴重的情緒病, 要食成世藥, 去到個情況係就算俾幾百萬一個月, 我都打死唔做管理層, 否則大家係 A1 實見到我.... 而依家竟然屋企都係咁, 真係好討厭, 討厭到頭先我係屋企想爆喊, 大叫和自殘咁滯, 所以我都同我老豆講, 下次如果又要做咩決定時, 請自行做決定, 唔好下下都要我決定完又反口反對, 真係火都黎埋, 超討厭.

至於紙尿片, 結果我去淘寶買左添寧返黎 (係添寧官方旗艦店買), 12 包都只係港紙 3 百幾蚊 (每包 10 片), 就算計埋運費都係平過香港買, 睇下到時媽媽岩唔岩用.

私人傳訊

hker

侯爵府

積分: 23727

588^#

發表於 24-7-23 19:44 |只看該作者

本帖最後由 hker 於 24-7-23 19:50 編輯

樓主，祝福一切一切！

em, 不是想打沉妳們。但"復康"之路，在家照顧，永遠比"探病"大鑊！探病所要求的體力/財力/勞力/壓力，遠比自家照顧低。

快點叫社工幫妳媽排安老院，就算不入老院，也可享用居家安老的support（中風也有離院支援的）! 另外，如果真的要"埋身"照顧，快點找姐姐吧。

中風後＋胃喉餵食的情況，就算媽媽回家，妳們一定壓力爆燈！絕不要看成"不用去探病，輕鬆很多"。

anyway, 辦法一定比困難多！這兒也很多supports! 要好好照顧自己啊！

* 肺炎，不一定由餵食造成。可以是院內感染/老人家自己口水落錯格etc。
*大陸就算是同品牌，但質量也比香港的差。添寧( taobao）以前我也買過，跟香港差很遠。現在不知了。建議不要買太多。esp醫院，最少4 hrs才可換，用好一點的尿片吧！（添寧尿片，應不是內地產的；內地用內地standard, 所以不要買太多！比較下先）

私人傳訊

yin_yin25

複式洋房

積分: 485

589^#

發表於 24-7-23 19:59 |只看該作者

supertvfans 發表於 24-7-23 19:19
謝謝各位 JM 對插鼻胃喉的意見, 後來經過同老豆再商量 (因為老豆中午出去探媽媽時, 醫院護士同埋言語治療師 ...

加油+放鬆d, 唔好鑽牛角尖, 你同爸爸都辛苦, 同埋呢到亦都冇人係怪你的, 大家只係提供多d意見俾你, 覺得情緒想爆發之前, 飲啖水聽首歌先!
做決策者+獨女係大壓力, 互相支持住！

私人傳訊

Mcc906

大宅

積分: 3610

590^#

發表於 24-7-23 20:16 |只看該作者

本帖最後由 Mcc906 於 24-7-23 20:33 編輯

hker 發表於 24-7-23 19:44
樓主，祝福一切一切！

em, 不是想打沉妳們。但"復康"之路，在家照顧，永遠比"探病"大鑊！探病所要求的體力 ...

認同！只講24小時換片同胃喉餵食，已經唔易。
家居環境都要作預備：沖涼椅、便椅、步行架，其實電床係好用，可以考慮去二手谷買二手。
唔好逼得自己太緊，你已經盡曬力。

私人傳訊

已刪除用戶

已刪除用户

積分: 225652

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

591^#

發表於 24-7-23 20:17 |只看該作者

提示: 作者被禁止或刪除內容自動屏蔽

私人傳訊

雙子豬

大宅

積分: 3726

2025勳章蛇年勳章 2023年兔年勳章

592^#

發表於 24-7-23 20:26 |只看該作者

回覆樓主:

我唔想係度講負面野影響樓主，不過我自己個格言係hope for the best, prepare for the worst。唔好過份樂觀，一定要諗定多幾個方案。咁當然，最後唔使用得著就最理想喇！

私人傳訊

supertvfans

子爵府

積分: 12103

2026勳章 2025勳章蛇年勳章 2024年龍年勳章 2023年兔年勳章牛年勳章

593^#

發表於 24-7-23 21:05 |只看該作者

多謝各位 JM 的鼓勵, 其實呢, 因為情緒病的關係, 我已經去到極限, 我都知回家照顧不易, 但係相對比起醫院, 我情願係屋企照顧... 因為呢, 我的其中一種情緒病, 係由小學已經開始有, 其中一個病徵係所有野要一樣, 例如每日幾點出門口, 假設係決定 7 點 43 分出門口, 就一定要呢個時間, 早一分鐘遲一分鐘都唔得, 而搭 MTR 一定每日都要搭同一卡, 如果果卡 FULL, 我會情願等下一班上同一卡, 而依家的問題係, 本來我每日放工都係直接返屋企, 就算做邊份工都係咁, 但係問題依家每日放工都要去醫院探媽媽, 去完後先至返屋企, 咁即係同我一直以來做的 PATTERN 唔同左, 所以其實每日我個腦都好嘈好嘈, 會有好多好大的壓力, 導致我的偏頭痛日日都復發, 好似今日咁, 就算我食左藥都唔得, 個頭都係好痛, 而個腦係好嘈好嘈, 好想爆喊果種..... 可能你地會話我自私, 但係你地無呢個病 (係無得好, 只有成世食一堆藥去控制住令我出到街返到工, 而心理治療都無用, 我甚至同個心理學家吵大鑊), 你地未必會明白我的痛苦....

結論係, 如果媽媽再唔可以出院的話, 可能遲早我因為呢個返家路線轉變而頂唔順, 走去自殘甚至做傻事了, 因為個腦真係好嘈好嘈好嘈....

私人傳訊

Yakultcat

男爵府

積分: 8171

594^#

發表於 24-7-23 21:24 |只看該作者

supertvfans 發表於 24-7-23 21:05
多謝各位 JM 的鼓勵, 其實呢, 因為情緒病的關係, 我已經去到極限, 我都知回家照顧不易, 但係相對比起醫院, ...

樓主，你已經做得好好，繼續上黎BK同大家傾下，一人計短二人計長。

照顧老人家絕對唔容易，你同你爸爸都好叻，睇到你文字形容，感受到你所受嘅壓力，慢慢一步一步黎，祝福你媽媽早日順利出院

私人傳訊

junzi_HK

大宅

積分: 4468

595^#

發表於 24-7-23 21:40 |只看該作者

supertvfans 發表於 24-7-23 21:05
多謝各位 JM 的鼓勵, 其實呢, 因為情緒病的關係, 我已經去到極限, 我都知回家照顧不易, 但係相對比起醫院, ...

OCR?ASD？
情緒病唔係一世嘅，每日抬頭望天，天空都唔會只有一種顏色。

既然有d事已經交俾院方處理，你就俾d時間去等候，有時慢慢嚟會有好d嘅預備。見醫務社工嘅話，問佢有冇方法排到職業治療家訪，有冇咩裝置適合長者，例如：廁所扶手。
另外，令尊翁應該需要額外支援，如果可以睇下有冇老人中心社工見下。佢需要更多心理及認知預備，作為一個長者去照顧另一個病患者真係困獸鬥。

每個有長者的家庭或多或少嘅經歷，你自己心態好重要。

私人傳訊

20162016

翡翠宮

積分: 82112

596^#

發表於 24-7-23 21:44 |只看該作者

Elenalan 發表於 24-7-23 16:42
係，我媽之後住浸會醫院，亦在浸會醫院做顱骨重置手術。

我媽腦出血中風係喺廣華做緊急開顱骨手術放血， ...

所以某程度上錢係買到啲尊嚴嘅～

私人傳訊

CrabPincers

珍珠宮

積分: 30329

好媽媽勳章醒目開學勳章畀面勳章大廚勳章

597^#

發表於 24-7-23 22:03 |只看該作者

本帖最後由 CrabPincers 於 24-7-23 22:04 編輯

hker 發表於 24-7-23 19:44
樓主，祝福一切一切！

em, 不是想打沉妳們。但"復康"之路，在家照顧，永遠比"探病"大鑊！探病所要求的體力 ...

跟據我以往的經驗，不是個個家屬都會‘即刻’買尿片，又或者叔叔/呀姐順手，會拿埋比隔離床病人用

同埋佢地會埋兩塊尿片，4個鐘後就抽起面果塊，留返底果塊……

長期瞓，都會導致肺炎的

私人傳訊

CrabPincers

珍珠宮

積分: 30329

好媽媽勳章醒目開學勳章畀面勳章大廚勳章

598^#

發表於 24-7-23 22:12 |只看該作者

Elenalan 發表於 24-7-23 16:42
係，我媽之後住浸會醫院，亦在浸會醫院做顱骨重置手術。

我媽腦出血中風係喺廣華做緊急開顱骨手術放血， ...

我細佬好多年前都做過開顱骨手術，住左大約一星期icu, 出左普通病房，一路半昏迷加發燒，一路插喉，最後要在喉嚨插呼吸喉

有一日我去探佢，聽到佢呼吸好幸苦，就去護士站搵護士，有一個答我一陣入黎，我等左一陣都不見人，我細佬已經扯氣，好似要窒息甘，我再出去搵護士，我話我細佬應該有痰佢呼吸不到

個4+4 大大聲喝我話岩岩先幫佢抽左痰，我話甘我依家話你知佢呼吸不到，就黎窒息死，你係不係都不理呀！佢先死死地去看，真是有痰，佢抽完痰之後，我細佬呼吸就平復返，果一下我真是傷心到喊住同隔離床清醒的病人講，麻煩佢果晚幫我留意下，響機（有部機mon 住我細佬）的時候，幫我叫護士

香港的公立醫院真是住到病人無晒尊嚴的