吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 未婚俱樂部

心聲留言今日: 2|主題: 17546

收藏本版

發帖

返回列表

跳至頁

樓主: 小manman

未婚俱樂部 [複製鏈接]

28 293031 32...36

ivythepooh

伯爵府

積分: 17134

581^#

發表於 06-3-25 00:12 |只看該作者

Re: 未婚俱樂部

羊羊,
真係好耐無見你上黎ar~
你同囡囡好嗎?
呢牌忙咩ar!湊水辛唔辛苦ar?
老公對你點ar?
有無幫你手ar~
你個女好得意喎~~

私人傳訊

pinga

大宅

積分: 1439

582^#

發表於 06-3-26 00:22 |只看該作者

Re: 未婚俱樂部

hihi~~~~

好耐冇見喇~~~

私人傳訊

ivythepooh

伯爵府

積分: 17134

583^#

發表於 06-3-26 01:05 |只看該作者

Re: 未婚俱樂部

pinga 寫道:
hihi~~~~

好耐冇見喇~~~

私人傳訊

jennynini

伯爵府

積分: 17820

好媽媽勳章

584^#

發表於 06-3-26 02:35 |只看該作者

Re: 未婚俱樂部

羊羊

真係好耐有見啦, 你個女好可愛呀, 我都係鐘意女多D~~ 時間過得真係快, 我仲記得剛JOIN既時候你剛有左, 準備結婚, 而家女女都咁大啦.

私人傳訊

jennynini

伯爵府

積分: 17820

好媽媽勳章

585^#

發表於 06-3-26 02:53 |只看該作者

Re: 未婚俱樂部

今日去左個同事既婚禮, 好感人呀, 個男既好浪漫, 又送花又唱歌. 唔知幾時到我呢? 身邊越來越多朋友, 同事結婚, 自己都開始有D想結婚.....

其實我都知

私人傳訊

小manman

翡翠宮

積分: 86495

586^#

發表於 06-3-26 10:27 |只看該作者

Re: 未婚俱樂部

jennynini 寫道:
努力都要加上機會既.

好認同你呢句~~~
但我bf有機會擺係佢面前,佢都唔珍惜又唔去爭取,我諗我都係時候要諗下佢究竟值唔值得我再哂時間係佢身上~~~
一直以黎,我都仲擺左一個希望係佢身上,諗住佢只係依架際遇唔好,遇唔到一個好的機會比佢,人生一定有高潮同低潮,呢個黑暗的日子一定會過去......我平時把口就成日都話佢唔值得我...我想同佢分開.....但問心講我之前都係得把口,但今次我真係徹徹底底咁睇清楚佢,原來我一直係度幫佢諗藉口,一直都係我自己呃自己,我依架終於都睇到佢真係一個不思進取,游手好閒,日日係屋企唉聲嘆氣,等運到的人,我今次真係忍無可忍~~~

私人傳訊

小manman

翡翠宮

積分: 86495

587^#

發表於 06-3-26 11:06 |只看該作者

Re: 未婚俱樂部

話說,我有個同事係圍村租樓住,都住左近半年,佢話佢想係個度開間糖水舖,賣埋d小食e.g)魚蛋、燒賣、腸粉....佢已經寫好左份建議書,又觀察左幾個月,見個度有一定的人流,而且,個度附近有中學和小學,佢見個度有間車仔麵檔好好生意,應該有得做,連攞牌既野佢都諗埋,舖位都睇左,佢圍村入面d舖租比起出面平好過,$7,000已經可以租到一個好開陽的舖~~~
我原先都係當聽下,因為我完全都無諗過做食市,但有個好fd的同事話有興趣,認為有得搞,而且,咁我諗諗下,就諗埋橫掂我bf都無野做,呢個都係一個機會,所以就話預埋我同bf,咁佢就話如果5個人夾,每人大概2or3萬左右,個舖要簽半年,本來只打算做夜市,因為我地個個都要返工,後尾諗住我bf都無野做,佢睇舖就最適合不過,可以做埋午市,做埋學生生意~~~
其實,都只係好初步咁傾,於是,我就同我bf講,點知佢一句就話糖水舖無得做,仲話佢都唔使同佢媽咪講,因為同外人夾份佢媽咪一定唔讚成,我即時火都黎埋~~~
我完全諗唔到一個理由佢要反對,我幫佢舖好哂路,又有咁多人一齊去做,而且,當中有一個係有做飲食的經驗,根本就係萬事俱備,總比佢自己創業容易得多~~~
佢成日都話等佢阿姨,佢大大話話等左佢阿姨都年幾,到依架都毫無起色,佢係有腦既都要諗下第二可行的路喇!!!
第一,佢成日都話舖租貴,佢都唔明呢個係市價,佢上年11月佢阿姨話有個舖一萬蚊租,佢都傾好左個健康食品的代理權,個次講到差唔多成功咁,點知佢阿姨觀察左幾日,話個舖無人流,咁好明顯就係呢個世界無荀盤呢樣野,就算有都唔會比你租到喇,如果係荀盤就唔會吉左出黎等人租喇,人地個舖咁平租一定有原因,咪就係無人流,一係無管理,個場好唔掂,你要有人流又要個場ok咪貴租,呢樣野係相負相乘架,如果係市價比佢揾多5年個結果都係一樣,因為根本就無佢心目中的荀盤~~~
第二,做一盤生意攞2or3萬蚊出黎,其實個數目真係唔大,而且,依架一定比淨係得佢同佢阿姨做個風險低,如3個舖要一萬蚊,佢地都要每人5千,依架我地個舖7千,仲係5個人夾份~~~
第三,既然佢係屋企都係等運到,點知唔比個機會自己,咪當係認識下其他門路,當攞個經驗,試下真係自己落手落腳搞一盤生意,好過佢成日都係得把口話做生意,佢無野做3年以黎都係得個講字~~~
我今次真係好嬲佢,對佢係徹徹底底的失望,依架,我唔係話一定要佢做,只係我嬲佢的態度,點解一開口就反對,點解唔可以睇左份計劃書先,佢可以同我地詳細d傾下可唔可行,而且,我地都應該去實地睇下個環境係點,但佢連我地的idea都無認真咁聽過,佢連第一步都未踏出過,就已經反對,佢覺得佢的心態同態度都好有問題~~~
佢完全係無一個想自己創一番事業的心態係度,佢的行為完全唔似一個成年的男人,如果佢認為呢個係一個好機會,佢應該去說受佢媽咪,點解佢唔可以做番一件佢認為係啱、係有意義、係佢自己想做的事情,呢個係關乎佢前途架!!!

p.s.唔好意思,我好長氣,大家可唔可以比d意見我~~~

私人傳訊

lovebobo

翡翠宮

積分: 93721

2026勳章 2024年龍年勳章 2023年兔年勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章畀面勳章環保接龍勳章 BK Milk勳章

588^#

發表於 06-3-27 00:09 |只看該作者

Re: 未婚俱樂部

羊羊,
真係好耐好耐都冇見你上黎la, 你幾好嗎?

見到你囡囡覺得時間真係過得好快,
轉眼間就已經8個月大

佢好可愛呀!!!

小manman,
睇完你既message, 我覺得你男友似乎真係冇乜上進心!
佢可以三年唔做野都得? 咁耐唔做野個人會冇晒動力嫁!!
仲有呀, 每人夾2/3萬係好小錢咋,
點解你男友咁大個人都仲要問阿媽嫁?
希望你唔好介意我咁講啦, 睇完你個message我都幾

私人傳訊

羊羊

別墅

積分: 976

589^#

發表於 06-3-27 00:15 |只看該作者

Re: 未婚俱樂部

小manman,

我個人意見，其實做生意既野，冇話一定賺！就算幾有把握都好，點都會有ｏ的風險，點都要「博」一舖！

以我就咁睇你ｂｆ既行為，我就覺得佢「太」小心，佢要既係「一定」賺既生意，唔可以有半點差錯！雖然呢樣都係做生意前應該有既心態，因為冇人會做sit本生意o家ma！但有時o的野又話唔埋o家喎，可能你以為唔得既野，最後得；但你以為得既野，最後其實係唔得呢！世上既野，樣樣都有可能，始終唔做過就唔知得唔得！
佢而家就係樣樣都得個睇字，唔「行動」，就算佢講到有幾好都冇用！佢根本就冇勇氣去試！好老實，呢種性格既人，根本唔適合做生意！

另一樣野，佢亞姨成日話同佢夾份做，但又係有頭冇尾o個種，你都話拖左成年啦！比著我如果有心要做生意，我一早就另搵partner勒！再唔係，可以既話自己做o羅！
仲有，佢都30幾歲人啦，應該有自己既主見，點會仲有亞媽話唔比同其他人夾$做生意o家？？
情況就好似我老公有個同事咁，又係３０幾歲，明知自己份工冇前途，人工又低得４，５k人工，一句亞爸唔比轉工，就咁就o係o個間公司度「o牛」左唔知幾多年，但其實以佢既資歷，佢又唔係話搵唔到其他人工好ｏ的既工喎．．．．

都唔知話佢孝順定咩好　

私人傳訊

羊羊

別墅

積分: 976

590^#

發表於 06-3-27 00:24 |只看該作者

Re: 未婚俱樂部

lovebobo,ivythepooh,

係呀！時間真係過得好快，睇住亞囡一日咁一日大，真係完全明白咩叫光陰似箭！

好開心，今日終於confirm左，有屋搬啦！可以住o係我媽咪附近，唔駛再咁辛苦啦！又日日都見到亞囡！

但來緊一個星期有排忙

私人傳訊

魚生

禁止訪問

積分: 35771

好媽媽勳章畀面勳章

591^#

發表於 06-3-27 01:52 |只看該作者

Re: 未婚俱樂部

提示: 作者被禁止或刪除內容自動屏蔽

私人傳訊

jennynini

伯爵府

積分: 17820

好媽媽勳章

592^#

發表於 06-3-27 17:42 |只看該作者

Re: 未婚俱樂部

小manman,

其實我真係唔係好明, 佢幾年冇做野咁點維持日生活呢? 佢平時唔洗返工會做D咩呢? 如果真係冇心做生意, 進修下都好呀~~ 但好明顯你已經對佢有好多不滿, 要認真傾下, 如果唔係好易會分手.....

私人傳訊

小manman

翡翠宮

積分: 86495

593^#

發表於 06-3-27 18:04 |只看該作者

Re: 未婚俱樂部

琴日,我同佢傾左好耐~~~
事實上佢同我一樣,可能講出黎都無人信呢個年代仲有我地呢種人,我同佢都係一出左糧就比哂媽咪,佢以前份工好長時間,日頭做一份,夜晚做一份,每晚只係訓4/5個鐘,根本無時間使錢,所以佢係有積蓄既,佢無做野咁多年咪就係食老本囉!!!
琴日,我鬧左佢好耐,鬧到佢面都紅哂,我話佢食老本都總有一日會食哂,既然佢自己一個做生意有困難,所以佢就揾埋佢阿姨,但佢阿姨都幫唔到佢,咁就要諗下其他門路~~~
佢話佢媽咪有心臟病唔激得,佢媽咪亦都好緊張d錢,而且,佢媽咪有抑鬱症,諗野成日諗埋一邊,佢認為係親人先信得過,個d係我d同事,佢根本唔識,所以佢唔放心,佢媽咪成日話呢d係佢老本,萬一無左將來就更加唔知點過,呢樣野我都好明,好理解,有邊個父母會害自己d仔女,但佢實在太保護自己個仔喇!!!
依架,我地決定左佢暫時唔使出錢,但佢都會黎幫我地手,佢唔收我地人工都會幫我地做午市,做落左ok既我就放手交比佢做,佢話呢個都係一個辦法,可以試下,咁樣佢就有把握說服佢媽咪~~~
我有幾個朋友都話我咁做好蝕底,即係明知有錢賺都唔賺,比佢賺,仲問我使唔使咁偉大???又話我呢個女朋友真係唔話得,連佢阿姨都話如果佢係我一早就走左,唔會咁樣等佢~~~
其實,為左佢我好願意咁做,因為我真係唔想睇住佢死,佢再咁落去真係唔得,佢自從無野做之後根本都唔開心,完全無哂自信,所以我都想佢出黎幫手,起碼叫做有野做,生活叫有寄託,而且,我想佢都參與下,咪當學下點樣有無變開得成一間舖頭囉!!!

私人傳訊

lovebobo

翡翠宮

積分: 93721

594^#

發表於 06-3-27 22:44 |只看該作者

Re: 未婚俱樂部

羊羊,
咁好有屋搬呀? 仲要近你媽咪度, 咁咪好囉

搬屋有好多野搞, 又要煩裝修......祝一切順利

私人傳訊

lovebobo

翡翠宮

積分: 93721

595^#

發表於 06-4-6 00:04 |只看該作者

Re: 未婚俱樂部

點解又冇晒人 ?-(

私人傳訊

ivythepooh

伯爵府

積分: 17134

596^#

發表於 06-4-6 02:05 |只看該作者

Re: 未婚俱樂部

羊羊,
光陰似箭...真係太快la~
個時仲講緊你結婚,而家b女都咁大la~
真係開心~

小manman,
聽你咁講,我真係覺得你為佢付出好多ar!
你等左咁耐,佢又咁ge態度,
佢咁ge態度好難令人覺得佢唔係無心ar 喎!
到底佢真係無心定真係太小心la!!
兩三萬真係唔多law!
咁都唔肯試!佢到底點諗ar!
難為你呢個女朋友!!
女人青春真係好有限...而且時間過左就唔會返黎la!
你為佢諗ge同時,幫自己諗下la!
到底呢個男人係咪真係咁值得你為佢者!!!
唔好比佢無限咁拖住你喎!
自己諗清楚la!
我地實支持你ar