香港18區媽媽會 今日: 0 | 主題: 156994

積分: 3297

581^#

發表於 07-7-25 12:22 |只看該作者

birdbird：

其實大致上我都幾滿意LH間學校，我都好鐘意佢地的雙語雙班主任制，環境舒適寬敞，學校作風開放──課室以大玻璃間隔，方便家長/校長觀課，又舉辦家長觀課日，讓家長與校長近距離開門見山討論個別老師和校務/校政，還有一個積極的家教會，大部份關於學校的事務/文件/教學安排都辦得企企理理。

不過，有個別老師則較令人失望。之前聽過有口碑說學校如何與家長緊密聯絡，老師如何關心學生等 ...... 但是我囡囡插班初期，未見老師主動告訴我在囡囡學校的表現和適應情況，反而我自己擔心就自己打去。另外，囡囡試過兩次病假多天，老師也沒來電問候。關於學校/老師與家長就種種不同情況而溝通不足問題，我在觀課日家長與校長面談時，發現我和囡囡同班同學的其他家長都異口同聲，不過校長很客觀和接受批評，承諾改善和跟進。

不過，其實囡囡如繼續留在LH，是有機會轉老師，所以都不是轉校主因。

咦，原來SC在語言環境方面比較遜色，但是SC是出名英文好的呢？可能佢真係有佢一套。

原文章由 birdbird 於 07-7-24 20:35 發表

FloliMom,
我覺得除o左名氣外, LH其實係一間幾好的學校.
我好鐘意佢地真係做到一中一英老師全時間在班房教小朋友.
呢個安排對小朋友的雙語發展有好大幫助.
SC在呢方面, 就比較遜色 (英文老師不是展時間 ...

[ 本文章最後由 FloliMom 於 07-7-25 14:06 編輯 ]

私人傳訊

積分: 3297

582^#

發表於 07-7-25 12:33 |只看該作者

hihicathk：

多謝你報料，而家個肚只會更大，都應該只可著孕婦裝，可能著唔到時裝，不過有機會我都會去睇下，睇下有冇意外收獲先。

原文章由 hihicathk 於 07-7-25 10:05 發表
MABEL_LEUNG & loliMom

唔記得同你0地兩個大肚婆講添...

我上個月係油麻地搵到間好野買衫呀... 油麻地以前倫敦酒樓咪開0左個電腦商場0既, 佢樓下有間叫apex 0既boutiQUE, 個隔局好似0的出口店, 有男女裝賣 ...

私人傳訊

積分: 3297

583^#

發表於 07-7-25 12:57 |只看該作者

hihicathk：

你係咪諗住佢一夠兩歲就俾佢返幼兒班呀？TRINI 得4個半月，我諗真係唔使咁早就搵定nursery喎?-( ？不過我都有聽過個別學校係有人一出世就拿住出世紙去報讀的，你最好向你自己心儀的學校查詢下。

LH 係Learning Habitat ﹝學之園﹞，我地仔女讀過果間係近近地的凱帆分校，SC係 St. Catherine﹝國際英文幼稚園﹞，在九龍塘，但不設兩歲幼兒班。

咦， TRINI 4個半月，咁佢係咪同我囡囡一樣3月出世呢？

原文章由 hihicathk 於 07-7-25 10:06 發表
仲有LH 同SC 就係邊間呀?

[ 本文章最後由 FloliMom 於 07-7-25 16:44 編輯 ]

私人傳訊

積分: 7709

584^#

發表於 07-7-25 18:33 |只看該作者

Flolimom

trini 原本係4月出生0既, 但係因為我妊娠毒血, 所以第一日放產假就要入院開刀, 因為0甘佢就變0左3月b0拉...

我大肚時因為個病, 水腫都不得了, 所以全個人都好腫, 特別係個肚, 有成40 幾吋...

不過我so far 都無咩買大肚衫, 都係買0的大件0既娃娃裙著. 我見呢間應該有好多你0地都0岩著, 如果行開去油麻地坐小巴, 咪去look look, 睇下有無野0岩囉.

我其實都未知會唔會0甘早比佢返nursey, 我諗sc 我就唔會考慮. 始終我又唔打算比佢讀咩名校, 都係諗住讀樓下間油天, 所以都唔駛去st catherine. 加上我覺得sc 有0的commerical, 所以我都唔係太prefer.... 始終我0地兩公婆都想佢讀幼稚園時可以開開心心.

原文章由 FloliMom 於 07-7-25 12:57 發表
hihicathk：

你係咪諗住佢一夠兩歲就俾佢返幼兒班呀？TRINI 得4個半月，我諗真係唔使咁早就搵定nursery喎?-( ？不過我都有聽過個別學校係有人一出世就拿住出世紙去報讀的，你最好向你自己心儀的學校查詢下。 ...

違規簽名-超版代刪

私人傳訊

birdbird

水晶宮

積分: 61609

585^#

發表於 07-7-25 18:47 |只看該作者

hihicathk,
有d全日制的幼兒園, 收兩歲小朋友.
好似海富間救世軍, 就聽講要排定隊等兩歲入學,
因為呢d全日幼稚園的需求好大.

除o左LH有兩歲班半日班之外, 富榮的Cannan都有,
呢兩間學校, 到小朋友差唔多年歲入2歲班先至去報名.

我覺得除o左教會及非牟利團體辦的幼稚園外,
好多間幼稚園其實都係 '做生意',,
只係視乎你覺得個學費合唔合理,
學校的師資, 教育質素及教學模式係唔係你想要ge.
你在呢段時間, 可以先去不同幼稚園的開放日睇睇,
睇得多, 你自會知道自己想囡囡讀邊類型ge幼稚園.

[ 本文章最後由 birdbird 於 07-7-25 18:54 編輯 ]

私人傳訊

積分: 7709

586^#

發表於 07-7-25 19:20 |只看該作者

birdbird

多謝你0地0既寶貴意見...

我其實都會考慮LH, 因為一來近, 二來你0地0既comment 都幾好.

如果全日我就唔考慮0拉, 因為其實我都有姐姐同奶奶睇住trini, 只係諗緊比佢返nursey 玩0下, 見下人. 同埋救世軍會唔會好多內地小朋友嫁??

因為我好驚佢0地污糟同埋0的生活習慣唔好, trini 會學壞手勢...

如果真係要報lh, 其實要幾時就要報呀?

原文章由 birdbird 於 07-7-25 18:47 發表
hihicathk,
有d全日制的幼兒園, 收兩歲小朋友.
好似海富間救世軍, 就聽講要排定隊等兩歲入學,
因為呢d全日幼稚園的需求好大.

除o左LH有兩歲班半日班之外, 富榮的Cannan都有,
呢兩間學校, 到小朋友差唔多 ...

違規簽名-超版代刪

私人傳訊

積分: 3297

587^#

發表於 07-7-26 15:38 |只看該作者

hihicathk：

原來你大肚時有妊娠毒血症？呢個病我睇書見過，真係聽到個名都覺得好嚇人。之前產檢驗不出來的嗎？請問什麼人是高危人仕較易患上呢？

我囡囡一足兩歲就返nursery，我的經驗是，你要預o左佢會好易病。我都預o左，不過真係比我預期快和重，返學不足一個月，就病o左兩次，尤期第二次，仲大大鑊，病足幾個星期，食o左幾個星期藥，包括十幾日抗生素，又藥物敏感，佢成個人落晒形，吃不好、睡不好，藥又食不到﹝她最怕吃藥，每次都歇斯底里地反抗:-( ，大人就如臨大敵，她還弄致患上藥物Phobia﹞，差點要送她入院，仲俾醫生鬧我o地好咁早送個女返學係虐待

。見到阿女咁辛苦，那時我們真係開始懷疑我們做了個很錯的決定。不過，自此以後，她的抵抗力好似真係好了好多，只試過間中一兩天流鼻水，直到散學也沒有再請過病假。另外，發覺她真的學會很多東西，這幾個月的日子都過得很充實和有意義。上星期四最後一天上學，學校派返她的成績報告表，持續評估報告，一本製作精美，記載住她上堂點滴的記錄策，還有很多她的勞作、圖畫，我逐樣看的時候，傻更更的忍不住:-( ，因為真係好感動，囡囡真係大個女了，她在成長、進步…… 原來她學過/做過/學會/做到那麼多。

題外話，她病的期間，也是醫生証實我懷了一個多月的同時，我自己又開始起感冒，一病就是個幾月了，咳到變支氣管炎，作嘔作悶，提起「食o野」就怕怕，但係又極怕肚餓，一餓就即刻反胃作嘔﹝但一直都沒有嘔出﹞，胃口又差又怪，而且只可少吃密食，好不辛苦，直到陀到兩個半月，害喜現象才稍為緩和；那時我兩母女都病到c c o下，呢段黑暗日子，真係難忘。

另外，唔知你知唔知，唔好以為油天在樓下，就諗住唔係好o野冇人爭，聽講都有點名氣唔易入o架！

[ 本文章最後由 FloliMom 於 07-7-27 11:29 編輯 ]

私人傳訊

積分: 3297

588^#

發表於 07-7-26 16:01 |只看該作者

hihicathk：

聽講個別地區的救世軍幼兒園，就係一出世要排隊果d，我o地屋苑附近除o左救世軍、富榮迦南、海富康苗同明我，遠少少仲可以考慮在朗豪坊附近的雋匯幼兒學校﹝有聽過有BK媽咪的口碑唔錯﹞，LH係私立，會貴d，你可先做些research，再作考慮。LH每年十月左右有開放日，你可向學校查詢詳情，開放日仲可以帶埋Trini去玩，睇下佢like 唔like，反應如何。我自己去了兩年開放日，第二年先帶埋囡囡去玩同報名。

私人傳訊

積分: 7709

589^#

發表於 07-7-27 10:35 |只看該作者

我之前一路都係有嚴重水腫, BUT尿旦白同血壓都正常, 所以我私家政府兩邊睇都check 不到. 到我36-7weeks 時我覺得自己好似有尿道炎0既情況出現, 就叫私家幫我驗, 到我臨生之前0個日先至check 到. 0個時0的血壓已經開始high, 到生0個朝直頭高到120/170...

基本上如果kidney 比較差都會係高危者.

我都知返nursey 係會比較易病, 但係我上星期臨飛之前, 佢打完針發高燒到101度, 我同老公都好肉赤囉...

終於係上完workshop, 聽朝 (即係香港今晚), 就可以坐飛機番香港0拉. 但係因為路途遙遠0既關係, 所以要星期六晚先返到香港...

老公講0左會去機場接我,但係我個心又好想一落機就見到trini, 但係因為我到時都差不多11時, 對trini 0黎講實在太晚0拉...

唯有返屋企先見到佢0拉...

原文章由 FloliMom 於 07-7-26 15:38 發表
hihicathk：

原來你大肚時有妊娠毒血症？呢個病我睇書見過，真係聽到個名都覺得好嚇人。之前產檢驗不出來的嗎？請問什麼人是高危人仕較易患上呢？

我囡囡一足兩歲就返nursery，我的經驗是，你要預o左佢會 ...

[ 本文章最後由 hihicathk 於 07-7-27 23:17 編輯 ]

違規簽名-超版代刪

私人傳訊

birdbird

水晶宮

積分: 61609

590^#

發表於 07-7-28 21:19 |只看該作者

hihicathk,
你應該差唔多到香港......
坐咁耐飛機, 係唔係好倦呢?
不過我估你第一時間見到囡囡, 即刻止到下倦!

WELCOME HOME!

私人傳訊

loloyan

積分: 2170

591^#

發表於 07-7-30 09:42 |只看該作者

你地好, 我細佬剛搬入維港灣.

請問你地有無用開的家務助理.

每星期清潔一次的鐘點女傭.

如有, 可否pm給我．

私人傳訊