影視娛樂 今日: 5 | 主題: 16126

積分: 28097

601^#

發表於 15-10-20 13:56 |只看該作者

本帖最後由 hugoma2015 於 15-10-20 14:00 編輯

rose-mag 發表於 15-10-20 13:06
愛情當中沒分多少，也沒有自我，只有你好我就好的就是真正的愛。
郡主何嘗不是付出了她最能體諒的愛，她也 ...

短短一段話，又整喊我了！

雖然郡主係佢最後既稻草，但是系天下蒼生面前，佢亦只可以選擇天下蒼生，亦因為咁，宗主先值得郡主，值得我地去愛……
佢地都將自己唯一既愛情俾左對方，只不過又將大愛俾左天下蒼生。其實亦只有咁樣，先襯得起對方，先理解到對方。

點解宗主對其他女人，例如宮羽咁無動於衷，我覺得唔只因為宗主愛郡主一人，而是佢根本睇唔上眼宮羽呢種只有小情小愛既小女子。同樣，郡主亦唔會睇上其他人。

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

602^#

發表於 15-10-20 14:14 |只看該作者

hugoma2015 發表於 15-10-19 21:29
我個人會更加喜歡另一句，簡單D既遺書：“吾妹，吾愛，余志已酬，惟念卿耳。”
我好反對某D人話宗主不負天 ...

最初我都有少少覺得宗主辜負郡主，但後來再重睇又覺得唔係，最多可以話佢喺取捨之中選擇以家國之義行先，佢絕無負霓凰之意，可以的話，佢係唔想食言，明明之前話有十年俾郡主，雖然雙方都知係謊話，但都唔忍心說破，大家都有痛又有互相體諒。到宗主同藺晨對話俾郡主聽到，要暪嘅都暪唔住，郡主都唔忍心怨宗主，亦唔係佢所能控制，只能淚眼相看。

大殿上郡主果句真係將自己同宗主趕入去死角，嗱，你叫我搵人嫁都唔得架啦，我已係你家遺屬，我只能嫁林殊，之前宗主同郡主講過佢等變番林殊果日，後來宗主越來越唔敢做番林殊，藺晨最明佢。郡主都唔知皇帝會要求林殊永遠都唔可以再出現，呢下真係變成霓凰嘅死局，佢真係要一世為林殊守寡。戴孝出征呢個鏡頭就唔應該cut啦，我覺得有意思喎，另外最尾冇咗靖王抄寫亡兵嘅名而泣不成聲，搞到我有朋友問我宗主係唔係死咗。

我睇書睇到準備救衛錚啦，劇真係改編咗不少嘢，冇咗宗主雪中等靖王解釋，又冇蒙統領，其實而家劇咁改真係令靖王顯得比較衝動無腦，跟書係冇咁果個企喺大雪中半個時辰果個悲情位，想為宗主同靖王加分，可惜王凱都交唔到戲，好彩有胡歌頂住。

仲有書中講宗主點教雲飄搖返去自己雲家，等懸鏡司嚟捉佢，之後點樣應對，雲家人點去求情，素谷主又點應對，我覺得心思更多更深密更切合宗主唔係想反嘅心，佢基本上都係一個尊重法制嘅人。

花旗太太生活在花旗國，留意時差，你問我未必即時答到。

私人傳訊

oran04

侯爵府

積分: 20485

親子王國15週年勳章

603^#

發表於 15-10-20 14:32 |只看該作者

rose-mag 發表於 15-10-20 13:06
愛情當中沒分多少，也沒有自我，只有你好我就好的就是真正的愛。
郡主何嘗不是付出了她最能體諒的愛，她也 ...

就是這種相知,卻不能相守,分外覺得可惜.

私人傳訊

oran04

侯爵府

積分: 20485

親子王國15週年勳章

604^#

發表於 15-10-20 14:50 |只看該作者

rose-mag 發表於 15-10-20 14:14
最初我都有少少覺得宗主辜負郡主，但後來再重睇又覺得唔係，最多可以話佢喺取捨之中選擇以家國之義行先，佢 ...

你的話又令我想起景睿的選擇論,好喜歡這一段,重溫一下:凡是人總有取捨，你取了你認為重要的東西，捨棄了我，這只是你的選擇而已，若是我因為没有被選擇，就心生怨恨，那這世界豈不是有太多不可原諒之處，畢竟誰也没有責任要以我為先，以我為重，無論我如何希望也不能強求。

戴孝出征同靖王抄名冊,網上有片嗎?我好像沒見到

私人傳訊

積分: 174325

605^#

發表於 15-10-20 14:50 |只看該作者

hugoma2015 發表於 15-10-19 21:56
短短一段話，又整喊我了！雖然郡主係佢最後既稻草，但是系天下蒼生面前，佢亦只可以選擇天下蒼生， ...

點好，我成日整喊你，唉！我自己都眼淺，都唔明點解睇小說都會喊，今朝再翻睇第二集，太多感動位。呢套劇真係用觀眾嘅眼淚浸出嚟。

我唔多鍾意宮羽就係呢種小家子氣嘅愛，我明一個人鍾意另一個人係好想見到佢，但自己冇能力又要強出頭，怕只怕對方要顧埋你果份，佢自己去蘇宅想同宗主拜年果次我已經覺得好差，後來女扮男裝去獵宮我直情覺得呢個女人好煩。對比郡主就大氣好多，不過如果原作者肯加戲俾郡主，等呢段情唔好咁多遺憾會更好。

花旗太太生活在花旗國，留意時差，你問我未必即時答到。

私人傳訊

積分: 174325

606^#

發表於 15-10-20 14:56 |只看該作者

oran04 發表於 15-10-19 22:50
你的話又令我想起景睿的選擇論,好喜歡這一段,重溫一下:凡是人總有取捨，你取了你認為重要的東西，捨棄了我 ...

咁同景睿呢番話又有少少唔同，因為宗主冇選擇郡主唔係捨棄佢，得的話，我估宗主都希望可以三個月內打勝仗再去雲南，可惜佢捱唔到，佢都唔想。

戴孝出征好似有拍但冇播出街，抄名係書最後一章裡面情節，唔知有冇拍到，我個人覺得抄名係一種暗示林殊已死，而家用宮羽交俾郡主封遺書同身上素服暗喻就算，所以有人問宗主係唔係死咗點死，而書入面收到遺書果個係靖王。

花旗太太生活在花旗國，留意時差，你問我未必即時答到。

私人傳訊

積分: 174325

607^#

發表於 15-10-20 15:03 |只看該作者

第1集看點
（5）琅琊榜首，江左梅郎
譽王回金陵，回家後關上門窗，打開錦囊，裡面有一張錦帕，寫了「琅琊榜首江左梅郎麒麟才子得之可得天下」，根據譽王謀士秦般若所知，這個江左梅郎就是江湖第一大幫江左盟的宗主梅長蘇，他本人不懂武功，但手下卻有一群武林高手為他賣命，必定是有過人之智，才令這幫人臣服於他。譽王因為即將加封成七珠親王，於是改派手下的人帶禮去攏絡梅長蘇成為他的謀士。

同時間，太子也因一品侯爺謝玉的幫助下得到一個琅琊閣錦囊，內容一樣，太子跟譽王心意一樣，派了手下帶禮去拉攏梅長蘇到其陣下。

皇帝也有聞兩個仔同時去爭一個所謂麒麟才子的人，在他看來，琅琊閣的評語也太不識時務，那有說一個謀士可得天下之理，天下的主是梁帝，斷不會因一個才子而變成其他人的。

細節位：譽王回到家中，在外園解下披風，進入廳前隨手丟給一個侍女接著，這些家居細節在以後很多節都有，主子回家僕人列在堂前迎接，也會接下主子的脫下衣物或交付的物件。

譽王手上的傷依然未好，所以右手掌仍有紗巾，由秦般若問他那傷是怎麼的一回事。

花旗太太生活在花旗國，留意時差，你問我未必即時答到。

私人傳訊

積分: 28097

608^#

發表於 15-10-20 15:09 |只看該作者

本帖最後由 hugoma2015 於 15-10-20 15:20 編輯

rose-mag 發表於 15-10-20 14:14
最初我都有少少覺得宗主辜負郡主，但後來再重睇又覺得唔係，最多可以話佢喺取捨之中選擇以家國之義行先，佢 ...

我覺得宗主既愛好深沉，又有一D矛盾。
佢對郡主既愛，根本已經愛到骨子里，愛到變成一種潛意識。聽到郡主有危險，佢會緊張到病發。仲有佢係郡主面前既種種情不自禁，都是證明。當然仲有電視劇裡面佢第一次吐血，都系同郡主相認之後，情緒刺激所致。
但是佢又深知自己無法同郡主廝守，俾唔到郡主想要既幸福佢，所以佢又要收斂自己既感情，佢唯恐佢表現得更進一步，當佢離開時，郡主就會更加不能自拔。佢亦唯恐自己把持唔住自己，自己控制唔到自己既感情。
所以佢既愛表現出來，深沉到要通過對比先可以確認。例如佢點對其他女人（視而不見聽而不聞），佢又點對郡主？例如佢點同蘇宅下屬，甚至同萌大哥講野（直接指揮，解釋都不多半句），佢又系點樣同郡主講野（循循善誘，耐心說明）？

蘇凰黨真是慘，糖要靠自己挖！

私人傳訊

積分: 174325

609^#

發表於 15-10-20 15:32 |只看該作者

第1集看點
（6）江左盟宗主的氣場
謝玉派卓青遙去護送慶國公家奴入金陵告狀，卓青遙帶該對老夫婦經江左水路入城，慶國公僱人追殺，但去到江左範圍也不敢輕舉妄動，因為知道江左盟規矩。

宗主橫江一葉輕舟弄簫出場，帶隊追殺的幫派頭領即時戰戰競競，表現歉卑，雖然宗主一派文弱書生外表，但以追殺的幫派頭領的態度和表現，江左盟絕不會是小角色。宗主身邊的小護衛更是武功高強，短短一場戲已經表現出身為江左盟宗主的霸氣，雖則神態雲淡風輕，說話懦雅有度，卻絕對不容小看的厲害人物。

飛流出場的架勢都不比宗主弱，輕盈而至只為送來一件毛裘披風。

頭也不抬就能讓季幫主膽怯，三言兩語撥弄風雲，一個眼神，身邊的小護衛就把得罪宗主的慶國公手下教訓了一下。

不只宗主眼神凌厲，小飛流也很冷得令人膽怯的。

輕言軟語但凌厲的目光看得季幫主心中發毛了。

就是這個陰暗眼神說了算，季幫主開春前的生意泡湯了，只能咬咬牙吞下去。

卓青遙初見梅長蘇，以他身為江湖人的身份也露出讚嘆的神色。

畫面對比之美，一葉輕舟掌控江左十來州的水路運輸之命脈。船大還不及輕舟一葉的氣勢。

小飛流和蘇哥哥的微妙相處方式，好像是飛流在出主意，蘇哥哥配合，其實都是蘇哥哥在拱飛流，對於這個小弟弟，大哥哥十分愛護，那是一種親密又互相依賴的關係。

花旗太太生活在花旗國，留意時差，你問我未必即時答到。

私人傳訊

積分: 28097

610^#

發表於 15-10-20 15:41 |只看該作者

rose-mag 發表於 15-10-20 14:50
點好，我成日整喊你，唉！我自己都眼淺，都唔明點解睇小說都會喊，今朝再翻睇第二集，太多感動位。呢套劇真 ...

我覺得睇呢套劇如果有人唔喊，都系奇葩黎了，例如我媽。睇相認果段，郡主話宗主以前點樣背她回家。我媽插左一句“而家孭唔郁了！”

所以你整喊我唔出奇噶！
無論男女都好啦，如果真是愛對方，都唔會想自己成為對方既累贅。幫唔到佢唔緊要，唔好拖後腿。宮羽就是果一種拖後腿既。

講到劇本同書既修改，其實連謝玉夜宴，都改左好多。

私人傳訊

積分: 174325

611^#

發表於 15-10-20 15:54 |只看該作者

hugoma2015 發表於 15-10-19 23:09
我覺得宗主既愛好深沉，又有一D矛盾。
佢對郡主既愛，根本已經愛到骨子里，愛到變成一種潛意識。聽到郡主 ...

原作者呢次係估計錯誤，如果接納胡歌講加多D戲俾宗主同郡主就會好好多，起碼而家唔會連導演都覺得唔盡情，既然狠心CUT咗聶鐸條線就俾多少少戲宗主同郡主都合理，既是郎有心妄有意又何苦搞到咁虐人虐己。宗主分太多時間俾佢D兄弟，搞到冇時間俾自己愛嘅女人，我唔認為係宗主想嘅。

小說中都講得通，因為郡主已經唔愛佢，佢放晒所有心血落去赤焰案同扶植靖王係非常合理，因為佢最在意嘅三樣嘢只剩兩樣，但戲入面唔係，點都要有番多少少描寫至啱，否則一拿掐不準就變成宗主薄情架啦。

今日睇到一個討論區兩段話胡歌演技未得，原文：
面对镜头他能给出准确稳定的情绪，但不够丰富。因为梅长苏复杂而琅琊榜大神云集，这个问题也就更突出。梅长苏的病而不弱和不时出现的林殊遗痕，对身为谋士的自己的厌弃和温暖明亮的盛世清平愿，单独哪个情绪老胡都能给，但很少看到他能同时表现这些内容。国剧我很久不看了不太了解，国外这方面的大神是妮妮，《钢铁侠》不说，即使复联这种大群戏，给他五秒镜头，那五秒的情绪都层次丰富而流动。天分，努力，运气，演员胡歌继续前进吧~

还行吧，没有入木三分，也不至于出戏。
一直认为选角是连续剧里的重中之重，其次才是剧情，不出戏才能好好看剧，好好看剧了才能看剧情。
不过从原著来看，梅长苏的“弱”还差了一些，有气无力的不是弱，文文静静的也不是“弱”；对于一个削骨去毒的人来说，弱是深入骨髓的，胡歌还是比较表面，但所幸也没有“用力过猛”去强行演。

可能太愛宗主呢個角色，而胡歌又演得出神彩，我又冇以上兩種感覺，我覺得佢演得好好，當然再十年可能更好，但以佢而家資歷我覺得超班架啦，其他同齡演員未必演得到宗主呢個角色。

花旗太太生活在花旗國，留意時差，你問我未必即時答到。

私人傳訊

積分: 174325

612^#

發表於 15-10-20 16:02 |只看該作者

hugoma2015 發表於 15-10-19 23:41
我覺得睇呢套劇如果有人唔喊，都系奇葩黎了，例如我媽。睇相認果段，郡主話宗主以前點樣背她回家。我媽插左 ...

好難講，咩人都有架，不過暫時未見到有人話呢套戲唔好睇。

係，謝侯府生日宴果場都改咗好多，我覺得有D改得好，有D改得唔好，成場戲太長有D拖，又入密室又過橋，最後謝玉同蒞陽果場其實又唔駛特登去番另一個房拍，已經束手就擒，話晒謝玉都係武人出身，譽王又點解會輕易俾佢走番入去唔即刻鎖佢？或者係想兩人戲更清楚一D。

另外，書中宮羽駛出輕功，夏冬即問佢殺手相思係佢邊個，宮羽過係佢生父，問題係宮羽生父喺佢好細個已死咗，點教到佢功夫，而又會有佢生父功力足以俾夏冬認到？再者，夏冬都係37歲，景睿應該係25歲，即係夏冬12歲就可以見過殺手相思而記得佢嘅身法，好似唔係好合理喎。

花旗太太生活在花旗國，留意時差，你問我未必即時答到。

私人傳訊

積分: 174325

613^#

發表於 15-10-20 16:06 |只看該作者

第1集看點都好多，太多資料，聽日再續。

花旗太太生活在花旗國，留意時差，你問我未必即時答到。

私人傳訊

oran04

侯爵府

積分: 20485

親子王國15週年勳章

614^#

發表於 15-10-20 16:14 |只看該作者

本帖最後由 oran04 於 15-10-20 16:32 編輯

rose-mag 發表於 15-10-20 15:32
第1集看點
（6）江左盟宗主的氣場
謝玉派卓青遙去護送慶國公家奴入金陵告狀，卓青遙帶該對老夫婦經江左水路 ...

蘇哥哥這個造型最好看

,但睇到條船自動轉彎呢幕,我全家都瞬間出戲

私人傳訊

積分: 28097

615^#

發表於 15-10-20 17:35 |只看該作者

本帖最後由 hugoma2015 於 15-10-20 19:50 編輯

rose-mag 發表於 15-10-20 15:54
原作者呢次係估計錯誤，如果接納胡歌講加多D戲俾宗主同郡主就會好好多，起碼而家唔會連導演都覺得唔盡情， ...

我聲明一下，我唔喺胡歌粉絲，我喺書迷，喺宗主粉，所以其實我比其他觀眾對胡歌既宗主要求更加高，如果佢演得唔好，我會比其他人鬧得更激動！但佢今次真是做得好好，還左我地書迷一個心願，我好感激佢！我睇完瑯琊榜，我講過一句話“瑯琊榜電視劇唔完美，但是梅宗主好完滿，我無憾了！”

我完全無你引述果2種感覺。第一種，首先要返去問下呢套戲個剪輯師，衛崢講故事果度咁精彩既２．３秒都ＣＵＴ得落手，我都唔知胡歌被人ＣＵＴ左幾多好野。其次，要問下編劇同劇組，CUT左幾多體現宗主有林殊風骨既片段同台詞。獵宮裡面，言侯果段話，明明就喺宗主既台詞啦！果一句，喺小說裡面，少數能直觀咁變現宗主軍人鐵血既台詞啊！再次，我覺得“梅皮林骨”，胡歌把握得好好。佢對呢個角色理解得好好。唔好話我睇死其他人，我認為換其他演員，99%都演唔到“林骨”出黎。

第二種，佢讀過書沒啊？！佢根本就理解錯，宗主一Ｄ都唔弱！如果胡歌演得“弱”，咁就成個角色錯曬！胡歌呢次做得最好，就是做到“病而不弱”！

唉，第一次睇到最後幾集既時候，真是覺得幾失望噶，覺得宗主對郡主唔夠好咯。又唔帶人去旅遊啦，又唔帶上戰場啦，仲要叫宮羽黎送信。好激氣啊！後來Ｄ細節慢慢曝光，先發覺宗主Ｄ愛收得咁深。旅遊第一站就是雲南撫仙湖（去左雲南，應該都唔會去第二站了）。１３年之後，特登練翻當年林殊既字體寫遺書（除左腕力恢復，仲要重新練，先可以恢復以前既字體噶）。用翻“吾妹”去稱呼郡主，你睇過書，你應該知道“我的小女孩”對宗主幾重要啦。

從字體到稱呼，處處都見到宗主對郡主既愛意，佢應承過郡主要做翻佢既“林殊哥哥”，佢臨死都努力做到。可以講，喺佢生命既最後，佢將所有既心思心意都俾曬郡主了。

但是好明顯啊，電視觀眾唔同書迷，佢地要求最直觀既感受咯，有幾多人會好似我地甘樣逐格分析？大部分咪好似我D朋友咁咯，睇完大結局就鬧宗主辜負郡主咯。所以我覺得海晏喺有去照顧感情線既，不過佢習慣左小說既含蓄，寫得太隱晦了。宗主既愛，要靠我地自己去發掘……陰功

私人傳訊

積分: 28097

616^#

發表於 15-10-20 17:47 |只看該作者

本帖最後由 hugoma2015 於 15-10-20 22:08 編輯

rose-mag 發表於 15-10-20 14:56
咁同景睿呢番話又有少少唔同，因為宗主冇選擇郡主唔係捨棄佢，得的話，我估宗主都希望可以三個月內打勝仗再 ...

突然想到，其實郡主回雲南，都唔喺迫於無奈，而喺佢為宗主做既最後一件事。將戰爭範圍放大黎睇，當時大梁腹背受敵，郡主守住雲南，宗主喺北境先可以無後顧之憂，反之亦一樣。宗主將自己背後既“大空門”交託比郡主，同樣亦守護緊郡主背後既大空門。佢地兩個，邊個都唔可以輸，兩個都喺為對方而戰。當郡主從長廊走出黎，從淚流滿面到露出微笑，佢既心意已決，好好回雲南，為佢最後一仗保駕護航！

雖然郡主無陪伴在宗主身邊到最後，但其實佢地兩個喺並肩作戰到最後！互相守護到最後！佢地既相知相守，又豈可以用普通既兒女情長黎理解呢。更加唔喺宮羽果種小情小愛既女子可以理解。佢守到宗主最後都無用，永遠唔會得到宗主既心，換來既只有略帶殘忍既拒絕——“送遺書”（其實亦喺宗主俾郡主最後既情書）。

我記得我之前抱怨過，點解唔安排郡主陪宗主北上打最後一仗。我而家明曬了！唔需要了，郡主一直都在！

私人傳訊