心聲留言 今日: 0 | 主題: 17524

積分: 10138

601^#

發表於 05-1-22 00:47 |只看該作者

Re: 唉~~~有時真係好似一個透明人囉><

my_tabo,
我以前都有睇過一個中醫,但係唔知佢係咪有心拖症~
連續睇咗好耐,每日都要飲一碗藥~
但結果越整越衰~結果冇再繼續睇喇~
因為日日係咁睇都真係用咗好多錢,而我屋企其實經濟方面都好手緊~~唔係好夠錢用~
同埋我呢啲就算好返之後又會再復發~
呢度好咗又到第2度生~~好麻煩~~
我又成日都唔受控,抓到損哂~~仲更加衰~
每次沖完涼或者濕到水都會好痛~~
所以我對腳唔見得人架~連裙都着唔到~
不過今次睇完醫生之後已經好返好多喇~
起碼損嘅地方都好返哂~~但係都仲係咁生囉~
我已經盡量唔R佢架喇~同埋要搽多啲lotion等啲皮膚冇咁乾~
我呢兩日都有自己煲一隻去濕嘅中藥嚟飲~
同埋冇乜食熱氣嘢喇~

私人傳訊

積分: 20300

602^#

發表於 05-1-22 01:27 |只看該作者

Re: 唉~~~有時真係好似一個透明人囉><

Vin,

睇中醫又真係要搵到個好o既先得, 佢d藥又要同你夾, 咁先好得快o架! 皮膚問題手尾都幾長o架! 我個好朋友埋面一直都好敏感, 情況最壞o個時, 見佢又痕、又紅、又一撻撻咁! 真係"鄧"佢辛苦, 佢之後都睇o左好多個醫生, 西醫又試過, 中醫又試過, 而家都一路keep住食中藥, 都見佢食o左好耐藥呀! 而家d皮膚已經好得八八九九, 不過就真係洗o左好多錢, 佢話都冇辦法, 因為敏感o既時候真係好辛苦, 又唔想出街見人, 所以先"的"起心肝醫好佢。

私人傳訊

Vin

積分: 10138

603^#

發表於 05-1-22 02:54 |只看該作者

Re: 唉~~~有時真係好似一個透明人囉><

my_tabo,
係呀~有啲醫生睇皮膚真係收好貴架~所以我都唔敢去睇醫生~
我都試過好多次自己喺出面買藥膏/皮膚水呢啲嚟搽~
不過多數都係冇乜效囉~我連"排毒美顏寶"都試過~
搞到我成日都好冇心機~

咁你朋友睇咗咁多唔同嘅醫生,個結論係中醫定西醫對佢有效啲?
曾經唔知喺邊度睇過人講,話皮膚係有記憶架~
如果曾經患過皮膚病嘅地方,就算已經好返好耐~
將來都有好大可能會再有事~ :-|

私人傳訊

kongkong

大宅

積分: 4231

畀面勳章

604^#

發表於 05-1-22 10:53 |只看該作者

Re: 唉~~~有時真係好似一個透明人囉><

my_tabo
唔係咁恐怖呀. 講到出口要生男. 俾我真係火滾 :evil: 我係一個好硬頸既人. 如果俾我真係反轉間屋. 果刻佢同你講你有咩反應? 有冇答佢?你老公都有阿哥啦. 生唔生仔又有乜所謂!!

Vin:
你囡囡的同學如果真係咁樣.就真係好慘. 小朋友點可以唔食飯? 我都聽過我公司個阿嬸講. 有個人想生仔.生左幾個都係女.又係有Twins Girl 呀. 真係無奈. 我果時生bb入院. 隔離床既媽咪生左3個仔. 反而想生個女. 好彩今次第4個係女. 世事真係奇. 咁極端都有既?!

Helen Po Po
我想mon mon 2 yrs時番學就唔會俾我奶奶湊. 我現在已想像到佢有幾唔捨得了. 因我老爺奶奶都冇做野. 得閒無事都唔知做咩好. 俾著係你, 你接唔接受到突然間唔駛湊孫? 如果我直接講mon mon 要讀書要去另一區既學校. 由婆婆(我媽咪)湊..佢地會否唔開心.?

私人傳訊

積分: 20300

605^#

發表於 05-1-22 11:11 |只看該作者

Re: 唉~~~有時真係好似一個透明人囉><

Vin,

我聽個朋友講, 佢睇o個d醫生已經唔算收得貴, 睇一次一劑中藥連診金, 大約都係六十幾蚊, 不過就差唔多要日日飲, 真係少數怕長計啊! 我個朋友而家都keep住睇中醫, 佢都係覺得中醫醫皮膚會好過西醫。

我o係03年11月整親條腰骨, 初時以為過一排會好, 點知情況就愈o黎愈差, 成隻左腳後方d神經線都扯住, 又痺又痛, 無論咩姿態都係咁痛, 行都行唔到咁滯。初時去睇物理治療, 成$270做一次, 差唔多日日都要做, d銀紙真係倒水咁去, 後尾見有d好轉, 就冇再去做。之後又試過入浸會醫院醫, 住o左5日醫院, 日日係咁做物理治療, 又洗o左兩萬幾蚊, 點知又係睇唔好。跟住就去我平日睇開o個個中醫度做針灸, 每次針灸連執中藥飲, 每次又要成$250, o個時一共針灸o左廿十幾次, 完成晒兩個療程, 終於叫做好o左六、七成, o個度又洗o左5千幾蚊...... 其實我未完全好得晒, 應該繼續針落去, 不過基於費用真係太la 脷, 所以就不了了之, 而家都要仲係忍受住某程度上o既痛楚。

身體上無論有咩問題, 對身心o黎講, 都係一種折磨, 個銀包就更加傷亡慘重啦! 所以話, 一個人冇病冇痛就真係最幸福o架喇!

kongkong,

我聽到奶奶咁講, 我又冇嬲到喎! 我諗住d老人家係咁諗都好平常o者! 我o個時咪笑笑口：哦...哦...哦...咁答佢囉! :mrgreen: 就算個心唔諗住再生, 都唔會o係佢面前講, 佢咁大年紀, 想激死佢咩! 牛唔飲水又點"禁"得牛頭低, 我想生我自然會生, 唔想o既話迫我都冇用, 不過我一定唔會當面頂撞佢, 只要我同老公都有一致o既想法就夠lu。我老公個名哥生o左一個仔, 聽奶奶講佢o地應該唔會再生, 而另一個阿哥一直冇要細路, 聽阿嫂講佢將來都唔會要, 所以奶奶唯一o既希望都係落o係我身上囉! 咪由得佢心存希望囉, 唔通忍心同佢講：佢個希望唔會永遠都實現咩! 好多事都講唔埋, 話唔定遲d我bb大o左, 我突然好想要多一個呢?

私人傳訊

kongkong

大宅

積分: 4231

畀面勳章

606^#

發表於 05-1-22 12:27 |只看該作者

Re: 唉~~~有時真係好似一個透明人囉><

my_tabo
其實生完第一個. 係會想生第二個嫁. 因為bb好可愛同好好玩. 但基於環境因素. 就未必會生. 有時意外又會多一個啦?
你今日食咩呀. 公仔麵???

私人傳訊

積分: 20300

607^#

發表於 05-1-22 14:44 |只看該作者

Re: 唉~~~有時真係好似一個透明人囉><

kongkong,

係呀...所以真係話唔埋o架! 以前初初結婚o個陣, 都冇諗過要生bb, 所以之前奶奶催我, 我都係應o左就算, 不過到04年頭, 突然諗起下一年係雞年, 而我老公又係雞年出世, 我諗得好清楚, 如果呢世人都冇自己o既細路, 會一世遺憾(以前我冇呢種諗法o架, 係無端端彈出o黎), 既然係咁, 遲早都要生, 咁就不如就bb o係雞年出世, 咁就可以同我老公一樣生肖喇! 好好彩, 我o地試o左第二個月就bingo o左, 而且仲就埋同我同一個月出世。

今日同我老公出o左去食車仔麵, 不過我就淨係食魚蛋腸粉, 因為突然間好想食呀! :mrgreen:

私人傳訊

積分: 5208

608^#

發表於 05-1-22 16:04 |只看該作者

Re: 唉~~~有時真係好似一個透明人囉><

Vin

我諗妳囡囡實係報錯料！

因為香港政府既住屋政策係每人有幾多平方，擠迫戶就可遷往大單位，而且唔會有人無飯食！ :-|

私人傳訊

Vin

積分: 10138

609^#

發表於 05-1-22 23:29 |只看該作者

Re: 唉~~~有時真係好似一個透明人囉><

kongkong & HelenPoPo,
我都唔知我女女講嘅係唔係真~
不過我始終都覺得啲人生咁多仔女,就一定要確保自己可以俾到穩定嘅生活啲仔女囉~唔好搞到個個都寒寒酸酸咁~
其實我老公都成日話想我生多個仔~~我聽到都會唔高興囉~
佢會話:唔通等到七老八十先再生??
我覺得佢真係好唔識諗~佢都知道自己搵錢唔多架啦~~
都唔識自量下~~根本都養唔起~~淨係得個想字就得架喇咩!!?
佢就梗係講得輕鬆啦~~又唔洗佢生~~
:evil:

my_tabo,
其實我而家有啲擔心你囉~~你話之前整親過條腰,
但係你而家有咗bb,個胎越大就會加大條腰嘅負擔架喇喎~
我自從生過個女之後,間中都會周身骨痛架~
你真係要保重至好呀~~

私人傳訊

積分: 20300

610^#

發表於 05-1-23 01:28 |只看該作者

Re: 唉~~~有時真係好似一個透明人囉><

Vin,

其實我要bb之前, 都已經好認真咁衝量過自己條腰頂唔頂得順, 因為我知道未跎bb都咁痛, 想像到跎o左之後會更加痛, 醫生都話：你仲咁後生, 冇理由咁早比呢個痛症困擾到老, 所以我諗清楚, 為生bb又好, 為o左自己都好, 雖然之前醫來醫去都冇起色, 但點都要堅持落去, 所以就試好多唔同o既方法去醫, 包括物理治療、住院、針灸等, 而家總算好過以前。

有o左bb之後, 唔知係咪下身o既血液循環好過之前, 所以就算坐得耐o左導致疼痛, 起身行下或者瞓一陣, 痛楚就漸漸消退, 而家o既痛楚我仲頂得住, 最痛苦o既日子都總算已經捱過。

你放心啦...我會好好保重自己, 唔係第時邊有力量o係湊bb之餘, 仲上網同你o地傾偈喎! 你都要好好保重啊!

私人傳訊

積分: 5208

611^#

發表於 05-1-23 14:44 |只看該作者

Re: 唉~~~有時真係好似一個透明人囉><

Vin

係呀，我都好同意妳既講法！ :mrgreen: 一個嬌兩個妙麻！

其實生唔生，生幾多，都唔係最大問題，最緊要係衡量自己能力，有冇好既教、養！

有錢並不代表一切，如果好有錢，只係交俾佣人湊，自己完全無時間理又點呢？

請得佣人好，會俾到愛心小朋友，但係教係父母既責任，如果請得唔好，對佢既心理更大影響！

總之父母既愛與教養，係無人可以代替既，缺少就係小朋友成長既遺憾！ :evil:

私人傳訊

積分: 20300

612^#

發表於 05-1-24 16:46 |只看該作者

Re: 唉~~~有時真係好似一個透明人囉><

helenPoPo, joyce,kongkong & Vin,

昨日我同老公約奶奶一個人出來飲下午茶, 同佢講o左我有o左bb, 仲比埋2張超聲波相佢睇。奶奶聽到呢個好消息, 反應唔算太大, 但係都好開心, 佢話我o地只係約佢一個出o黎, 都估到我o地想同佢講咩, 所以有晒心理準備。 :lol:

私人傳訊

joycetsui

別墅

積分: 875

613^#

發表於 05-1-24 17:25 |只看該作者

Re: 唉~~~有時真係好似一個透明人囉><

[size=small]Dear all,
乜我好耐冇上過黎咩? ...我都唔記得! 但係就好多message我要追番喎!

vin,
見到你響晴晴個網留既message, 我心情都係咁下上...! 平時就冇乜野, 但係諗地就唔開心囉~! ...我可以點做喎! 唔緊要啦~ 煮到黎就食啦! :mrgreen:
死啦~ 今晚我老公實問我乜野事唔開心架, 佢日日都上晴晴個網既~! ...我都唔知點答好?-(

my_tabo,
你同奶奶講左啦~ 佢好似冇乜反應? 老人家可能唔想做得太明...可能佢番到屋企開心到跳晒舞啦~!

Joyce

私人傳訊

積分: 20300

614^#

發表於 05-1-24 20:56 |只看該作者

Re: 唉~~~有時真係好似一個透明人囉><

joyce,

我奶奶o既反應, 係出奇地咁冷靜, 可能因為佢未知係仔定女, 所以未識笑卦? ?-( 佢昨日同我講, 生完呢個之後, 最好追番個係另一個性別o既, 最好就梗係兩對啦! 我心諗：冇o野呀...依家呢個年代, 邊度仲有人生4個o架! 真係講笑咩? :lol: :lol:

私人傳訊

積分: 5208

615^#

發表於 05-1-25 00:42 |只看該作者

Re: 唉~~~有時真係好似一個透明人囉><

my_tabo 寫道:
helenPoPo, joyce,kongkong & Vin,

昨日我同老公約奶奶一個人出來飲下午茶, 同佢講o左我有o左bb, 仲比埋2張超聲波相佢睇。奶奶聽到呢個好消息, 反應唔算太大, 但係都好開心, 佢話我o地只係約佢一個出o黎, 都估到我o地想同佢講咩, 所以有晒心理準備。 :lol:

haha！俾我就估到都做驚喜喇！

私人傳訊

積分: 5208

616^#

發表於 05-1-25 01:36 |只看該作者

Re: 唉~~~有時真係好似一個透明人囉><

Dear all,

大家睇吓我呢個袋幾可愛, 係我契女幫我design做0架, 如果你哋有興趣可以上呢個網頁 www.albeedesign.com
或者到以下地址:-

Albee Design
銅鑼灣東角駅239A

可以做衫, 做袋或者咕0臣都得, 實物下次我0羊俾你睇.

到時話俾我契女聽~helenpopo，就有折頭！！

私人傳訊

Vin

積分: 10138

617^#

發表於 05-1-25 19:26 |只看該作者

Re: 唉~~~有時真係好似一個透明人囉><

my_tabo,
haha~你奶奶話叫你最好生兩對~~真係傻傻地~~
佢就講得輕鬆喇~~兩對~~筷子就有得俾佢~~
呢句說話令我諗起我老公以前同我講過話有兩個唔同嘅算命佬,
都不約而同咁話佢呢一生人之中會有4個仔女~~
有一個又話佢會有兩個老婆添?-(

HelenPoPo,
有錢起碼可以俾到啲好嘅生活啲仔女丫嘛~
冇錢嘅話,小朋友嘅生活都會好多限制~~
好似想俾啲錢小朋友去學多啲嘢都冇~~
仲有就算政府派位派咗間唔好嘅學校俾小朋友,
都可以有錢俾佢讀私校丫嘛~~
好似我咁~~平時成日都要擔心唔夠錢用~如果個女有啲咩唔聽教~我就會覺得佢特別煩~~
我諗屋企有錢啲~個人嘅脾氣都會好啲啩~~haha

joyce,
點呀~~你老公有冇睇到個message?
我又冇考慮到你老公會去睇添><,不如你del咗我個message佢先啦~~

私人傳訊

積分: 20300

618^#

發表於 05-1-25 23:46 |只看該作者

Re: 唉~~~有時真係好似一個透明人囉><

Vin,

咪係...叫我生兩對仔女, 筷子就唔只得兩對, 十對都有得比佢。我奶奶生o左6個仔女, o係佢o地o既年代就梗係唔覺多啦! 以前d人分分鐘生8個、10個, 而家又點同以前喎! 生兩個已經頂晒"龍"喇! :-|

私人傳訊

joycetsui

別墅

積分: 875

619^#

發表於 05-1-26 11:55 |只看該作者

Re: 唉~~~有時真係好似一個透明人囉><

[size=small]vin,
我老公冇問我點解唔開心...不過..我諗佢都係一個聰明人囉! ...我唔del.啦~ 費事佢誤會!!

my_tabo,
呢幾日好嘛? 有冇"穫利回吐"?
尋晚"尾牙", 奶奶屋企勁多人, 晴晴又鍾意錫表妹, 姑奶都叫我快d生多一個...! 我咪話爸爸都要走喇~ 生多一個邊個湊?
上星期日仲搞笑, 我同老公揹晴晴去買送, 有個婆婆見到晴晴, 就捉住我, 叫我一定要生多一個, 仔又好女又好...晴晴要有弟妹陪住, 我同老公都唔知好嬲定好笑~?-( 每次同晴晴出街, 都有超過5個人同佢玩同傾偈架~

Joyce

私人傳訊