Re: 有基督徒的姊妹小產過嗎, 請問你們對神的信心如何?
WongMing，為到你好開心好感恩，好感到神賜你的平安。你同我初初識的時候堅強左好多。
我都好感恩。我呢幾日真係好感到神好錫我。佢真係每日都用唔同的事令我開心：
星期三-阿仔拿第一
星期四-搵到我覺得幫到我的輔導
星期五-公司倫敦同事一個關心的email同offer。前日分享過。
星期六-阿仔終於肯用potty 去poo poo，仲係姑媽屋企。佢細個的時候原來用potty 去poo poo，後來有一次由toilet跌落地之後，唔單止唔坐potty 或者toilet，仲要唔連poo poo都唔肯去，一星期先去一次大便，苦惱到暈底。搞到我每星期總有幾日為左佢去poo poo而心情非常差。佢上星期開始間中肯坐toilet，但都係一星期先去一次。今個星期去左二次我已經好開心，唔迫佢，點知尋日佢係陌生地方都肯坐toilet，又去到。我成日擔心佢的便秘會引起d身體大病，因為情況都維持左成年幾，我為佢禱告左都一年。佢肯去toilet poo poo本來已經係最好的母親節禮物。
到左今日，神又再次俾d肯定我。我尋晚有小小低落，懷疑我究竟應唔應該做輔導。基督徒要凡事靠神，我去做輔導，又唔係用神的方法，究竟合唔合神心意。我究竟有冇問題，其實我係唔係只要俾多d時間自已，靠多d神，係咪就會訓好d，唔會再有心跳問題呢？會唔會係信心唔夠先要做輔導呢？我有d迷惘，不過唔知點解訓得好好。今日係教會，見到介紹我做輔導的姐妹，佢話我知原來個輔導員都係基督徒。我即刻好開心，好肯定呢個係神的安排。
我真係只有用speechless 去形容。神的供應好過我所想所求。佢知我需要就俾我，知我有軟弱就安慰我。我只好將我的一切完全的交俾佢就足夠。我唔知幾時再要小孩，一切交俾神決定。我有d想出年回加拿大探親加滑雪，之後先再要bb。不過一切就祈禱交托。到合適的時間，神會有安排。
mcdull，加油呀。神一定將最好的賜俾我地架。
ypt，你都冇番church，你今日點呀？希望你都有平安的一日啦。
耶和華是我的牧者．我必不至缺乏。Thanks God for my lovely family.
好怕返教會又聽到人地"有喜"的消息, 實在好怕, 好矛盾......好亂...唔好意思 :-(
我都怕我自己唔係一個好媽媽, 昨天睇報紙, 見到好多偉大的媽媽, 點樣辛苦咁將一個有嚴重疾病的仔女養大, 見到真係好感動 :-( ... 我回頭一想, 如果係我,我可唔可以做得到呢..我的心裡答案係" 唔想...唔可以...唔得...等等, 不能做到的答案" 所以我好感謝神, 神知道我的軟弱, 佢係我小b出現問題時, 即刻接佢返天家, 得到更好的照顧, 也免了我將來的痛苦. :-( :-( :-( 真係好感謝神...
發表於 
返回列表
