吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教

少年成長今日: 0|主題: 16093

收藏本版

發帖

返回列表

跳至頁

樓主: twg

29 303132 33...101

積分: 18901

601^#

發表於 07-7-29 22:59 |只看該作者

hi SandraLo

thank you very much
我真係要好好再溫下書.:loveliness: :loveliness:

原文章由 SandraLo 於 07-7-28 23:02 發表

tramtram :

用讚嚟矯正壞行為，應該唔駛再講啦？！
入番置咗頂嘅「教仔心得：媽咪容易犯的錯誤」温一温書，明白以firm 制所謂「硬頸」先…… 小朋友嘅所謂硬頸 ...

私人傳訊

moondream3003

男爵府

積分: 7101

602^#

發表於 07-7-29 23:27 |只看該作者

SandraLo,

好番D未呀? 休息多D.

其實我都好矛盾, 0吾知點好, 好想讓囝囝更認識天父, 想佢番主日學, 但只有三歲班, 對兩歲四個月大的小朋友來説會有點沉悶, 返了三個多月, 初時只是爸爸或媽媽陪同, 到現在爸爸媽媽也和他一起上主日學, 我係0吾係0吾應該迫佢呢? 因為那個時間係他的睡眠時間, 他太疲倦便會過度活躍, 不會坐定定, 我老公話我迫佢. 我係0吾係應該放心交比天父呢? 我地一家人每晚都有靈修時間, 每兩星期一起背一句金句. 係0吾係不用太緊張上主日學呢? 但我又覺得天父比我咁大的恩典, 讓我可以做全職媽媽, 雖然0吾知可以做到何時, 但我都想盡心盡力帶領囝囝認識神. 我不想浪費天父比我的每一刻.

[quote]原文章由 SandraLo 於 07-7-29 10:56 發表

ivyko：
放心啦，呢d 好易搞.....
不過今朝好頭痛，所以冇返church，我要夜

私人傳訊

lisatsoi

大宅

積分: 1943

603^#

發表於 07-7-30 10:51 |只看該作者

咁多位,早晨!

我就來癲了,因為基本上日日朝早都要同個仔"戰斗",打完佢自己心又痛成日又好down,今朝又係,次次唔係因為唔聽話而係因為飲奶食飯呢個問題.希望大家俾d意見我幫下我,應該點樣教個仔,因為我真係好辛苦.

我個仔今年九月先返k1,由細到大都唔鐘意食

私人傳訊

小ice

珍珠宮

積分: 44721

2024年龍年勳章

604^#

發表於 07-7-30 15:16 |只看該作者

原文章由 SandraLo 於 07-7-26 23:20 發表

小ice :

唔好打佢呀！你打佢佢就學識埋打人架啦！
你都知佢係同你玩…… 佢基本上當呢d 嘢係一個同你玩嘅遊戲！

其實一樣可以用讚嚟矯正；你用開個「撞」字的話，就响佢 ...

sandralo

thx!另我仲有一個問題,我仔仔每次飲水開始飲都好好地,之後就會將d水倒晒落地!我試過讚也試過叫佢唔可以將d水倒落地(心平氣和)但每次也如是!真係好嬲,有咩方法改善呢?如讚無效?應該罰佢嗎??thx!

私人傳訊

FOOTBALL1

民房

積分: 13

605^#

發表於 07-7-30 17:27 |只看該作者

原文章由 lisatsoi 於 07-7-30 10:51 發表
咁多位,早晨!

我就來癲了,因為基本上日日朝早都要同個仔"戰斗",打完佢自己心又痛成日又好down,今朝又係,次次唔係因為唔聽話而係因為飲奶食飯呢個問題.希望大家俾d意見我幫下我,應該點樣教個仔,因為我真係好辛 ...

我都同你一樣,我唔單只食飯時要同個仔"戰鬥",我同佢沖涼的時候都要同佢"戰鬥"..:-( :-(

私人傳訊

SandraLo

珍珠宮

積分: 33215

606^#

發表於 07-7-30 23:08 |只看該作者

原文章由 ivyko 於 07-7-29 15:04 發表

你好番 d 未? 近日很熱又焗,真係好易頭痛, take care!!!!

我做生意的,比其他在職 mum 已多時間照顧個仔.

我諗我算鬧得多,因我 eq 很低 , 但當然係佢做錯事先鬧啦!

Sorry…. 尋晚寫到一半，阿女d friend MSN我，為了同佢地保持良好溝通，一定要招呼咗先….. 15,6歲呢d，唔講得笑……
女人shopping 能医百病，尋晚消費之後，好咗好多啦！

好啦，首先記住一樣嘢：冇人鍾意俾人話
→ (therefore) 愈話只會愈衰同俾人覺得煩！

你要諗好嗰一面：你阿仔肯同你講心中嘅話，有溝通…….佢唔係將個責任落你身上，係講事實；一個人唔可以永遠淨俾人話，阿媽好多時忽畧咗阿仔/女嘅優点，冇去讚，理直氣壯咁去指出佢錯嘅地方……. 你都冇讚過，佢感覺就係你只識話佢，我成日响呢度講，個個都「話」得聽就世界和平啦！

用讚係可以矯正小朋友任何壞行為，你睇番前面啲 post, 個個都係咁，係 work 架，就用番飲汽水個 case，你試吓下次佢一拎起隻杯，你就話，好乖喎，冇渣住個杯蓋邊喎！你就會睇到讚係幾神奇！不過記得讚要全心全意，係唔可以有condition同翻舊帳，即係唔可以話：嗱，咁揸法就乖啦；或者咁就乖啦，之前揸邊咪倒瀉囉！咁就唔算係「真」心讚！

至於你叫時唔會即刻沖涼,換衫,做功課,瞓等等，你同佢定一個簡單嘅時間表就ok，有咗時間表，要獎要罸要讚，相應容易好多，亦唔須要話咁多；最簡單做法就係淨獎，e.g. 放學後5mins內換衫，做到就獎一個貼紙，如此類推，滿一定數量就小獎、中獎、大獎咁上，獎嘅嘢要係佢鍾意，唔鍾意冇意思；如想俾佢一個後果佢(即罸)，就將佢最鍾意嘅活動排响功課後面，e.g. 3-4:00功課，4-4:30睇VCD，咁做唔起功課，就自動冇咗VCD時間！咁佢可以自己學嘵manage自己時間，而承受得後果，即係罸咗，絕對可以將「話」减到最少；不過你訂時間表時要量佢力來訂，一定要預計佢係做得到的，冇得番轉頭！

(待續)

私人傳訊

Pooh2005

大宅

積分: 1285

607^#

發表於 07-7-31 20:54 |只看該作者

sandralo,

我個囡宜家19個月,但每當佢發脾氣佢會向後瞓(有時會撞頭),用頭撞牆,撞地..等,我怕佢將來會習慣成日自殘, 我應該點教佢呢?

pooh

原文章由 SandraLo 於 07-7-30 23:08 發表

Sorry…. 尋晚寫到一半，阿女d friend MSN我，為了同佢地保持良好溝通，一定要招呼咗先….. 15,6歲呢d，唔講得笑……
女人shopping 能医百病，尋晚消費之後，好咗好多啦！

好啦， ...

私人傳訊

SandraLo

珍珠宮

積分: 33215

608^#

發表於 07-7-31 20:57 |只看該作者

原文章由 moondream3003 於 07-7-29 23:27 發表
SandraLo,
好番D未呀? 休息多D.
其實我都好矛盾, 0吾知點好, 好想讓囝囝更認識天父, 想佢番主日學, 但只有三歲班, 對兩歲四個月大的小朋友來説會有點沉悶, 返了三個多月, 初時只是爸爸或媽媽陪同, ...

moondream :

兩歲四個月返主日學太細個啦...... 你同佢唱吓詩歌，講吓簡單聖經故事同祈禱ok啦！不過，要留意有d 聖詩小朋友唱咗係唔知自己唱乜，好似「併按夜，聖鱔夜」，就不如同佢讀歌詞好過！

私人傳訊

SandraLo

珍珠宮

積分: 33215

609^#

發表於 07-7-31 21:13 |只看該作者

原文章由 lisatsoi 於 07-7-30 10:51 發表
咁多位,早晨!

我就來癲了,因為基本上日日朝早都要同個仔"戰斗",打完佢自己心又痛成日又好down,今朝又係,次次唔係因為唔聽話而係因為飲奶食飯呢個問題.希望大家俾d意見我幫下我,應該點樣教個仔,因為我真係好辛 ...

lisatsoi :

你嘅問題其實睇番之前d post我應該講過唔止一次，問題係，依家累積咗咁多個page，好難好快咁揾到，我淨係記得响Easter假期間跟twg個case跟咗成十日，當中都有食飯同瞓覺嘅問題；而睇呢個case嘅好處，係睇到初初樓主跟唔足，於是效果唔明顯，但佢又好有心咁每日報告番做嘅嘢..... 如是者，我知道佢做啱d乜，做錯d乜，最後搞掂！
你試吓睇之前d post先啦！我希望遲啲有時間整理好d post，可以即時叫你地睇第幾個！

私人傳訊

SandraLo

珍珠宮

積分: 33215

610^#

發表於 07-7-31 22:01 |只看該作者

原文章由 SandraLo 於 07-7-30 23:08 發表

好啦，首先記住一樣嘢：冇人鍾意俾人話
→ (therefore) 愈話只會愈衰同俾人覺得煩！
你要諗好嗰一面：你阿仔肯同你講心中嘅話，有溝通…….佢唔係將個責任落你身上，係講事實；一個人唔可以永遠淨俾人話，阿媽好多時忽畧咗阿仔/女嘅優点，冇去讚，理直氣壯咁去指出佢錯嘅地方……. 你都冇讚過，佢感覺就係你只識話佢，我成日响呢度講，個個都「話」得聽就世界和平啦！

ivyko ：
(續昨)
其實点做我昨晚巳差不多講哂，但想講多少少.......

上嚟呢個topic問嘢慨媽咪d 小朋友多數係細個，亦多數係搞發脾氣、食飯、瞓覺、唔肯自己行、掟嘢打人等，我之前就答咗好多；但6歲的小朋友要問你所講的問題就唔多，但其實這些問題可以好緊要，處理得適當，係乜事都冇，但處理不當，可令致與子女的關係破裂，我有個朋友就是這樣！

幾個月前我睇過明報講一個研究，話香港父母傾向「思想控制」，令致同子女關係破裂，外国父母則多行「行為控制」~~ 這個亦是正當做法.

所謂「思想控制」，係父母透過「講」嚟「話」俾阿仔知乜嘢係對同錯，要求仔女諗法完全跟自己一樣，子女細細個時，有錯都多數係扭吓計、喊吓、打人、真係非黑即白，冇乜灰色地帶，比較易教，但大吓大吓，仔女一方面反叛，唔想被人話，如果父母重要强迫仔女跟自己的想法一樣，勢必影響雙方關係，而有好多嘢，係要佢地自己探索，未必係跟足父母意思就最好，所以要培養仔女獨立思考先至最重要。

而「行為控制」就係我所講的：响可能情況下俾佢地自己決定，自己承担後果而將話同鬧減到最少，就可以保持雙方關係良好！

私人傳訊

Gracesywong

複式洋房

積分: 266

611^#

發表於 07-8-1 00:14 |只看該作者

sandralo,
我是第一次上來這個topic, 未有時間全部睇晒，但看了些少，覺得妳好有經驗。我有一個 7歲半的仔，1年級成績不錯(有10名之內) ，但去到2年級就直線下降（沒有名次）。但我發現他不是完全唔識，但他好大意、唔小心、不專心。溫習時他全部都識，但一到測驗考試就錯。他好唔自發做功課，我和丈夫的工作時間都很長，好多時都要好夜才回家。我很多時下午已在公司打電話回家問他當天有什麼功課，很多時他講完話有d 什麼什麼要做，但回來後才發現有好多功課冇做，問他又話唔知或唔記得等，常常都搞到好勞氣，跟住他又好唔開心，他還常常沒有寫手冊，好難搞！老師也有投訴他好唔專心，又多嘢講。
我也有試過用賞罰的計劃，我幫他做了一張張表，他做好一樣就 tick一tick, 但他可以話唔記得 tick, 最後就常常沒有 tick。
我知我要花多些時間俾他，但工作真的很忙，我也覺得很矛盾和內疚。
有時我和丈夫都好擔心他的成績，要他多做練習，但他就覺得我們太緊張，令他覺得好辛苦，他會話：「求學不是求分數等．．．」他又話：「你們不要迫我，我好辛苦，這樣冇用，要我自己肯就得架啦！」其實我們都不算很嚴厲，只是叫他做多少少練習，但他是好懶的。
不知還有沒有些好的招數可以賜教呢？

私人傳訊

SandraLo

珍珠宮

積分: 33215

612^#

發表於 07-8-1 21:12 |只看該作者

原文章由 Gracesywong 於 07-8-1 00:14 發表
sandralo,
我是第一次上來這個topic, 未有時間全部睇晒，但看了些少，覺得妳好有經驗。我有一個 7歲半的仔，1年級成績不錯(有10名之內) ，但去到2年級就直線下降（沒有名次）。但我發現他不是完全唔識，但他好 ...

Gracesywong :

想問吓：
1/ 「發現有好多功課冇做」~~ 最後搞到好夜自己做定係要你捉？
2/ 「做好一樣就 tick一tick」，有tick的話点獎法？
3/ 現在他是否有做你給他的練習？
4/ 他最鍾玩和食的是什麼？

私人傳訊

Gracesywong

複式洋房

積分: 266

613^#

發表於 07-8-1 22:58 |只看該作者

SandraLo,

多謝妳的回覆，回答妳的提問：
1. 因我要工作所以都是他自己做功課。通常我會在公司打電話回家問他做好功課未，他通常會說有些唔識，其他已做好。但當我回家檢查的時候就會發現他唔識那些他係應該識做，只是懶唔做，那些多數是要寫好多字。另外，又會發現有些他根本冇做。他就會話唔知。
2. 如每星期都有 tick 我就會買一本兒童漫畫書給他 (白猫黑猫漫畫) ，這是他很喜歡也很期待的。
3. 因2年級的成績較差，他自己都有些悔意，所以現在（暑假期間）好似有些改善，較以前願意做練習。
4. 最近這星期很喜歡玩一些益智的棋類。平時就喜歡玩一些他自己用「創意思維」整的玩具。「創意思維」這個 terms 是他自己說的。有時也喜歡玩電腦遊戲和 NDS（問叔叔借的，通常一星期才可以玩一次）的遊戲，但通常不會玩太久，約半小時左右就會停，因他不是太有耐性的人。
他喜歡吃肉、壽司、煎炸的食物。

原文章由 SandraLo 於 07-8-1 21:12 發表

Gracesywong :

想問吓：
1/ 「發現有好多功課冇做」~~ 最後搞到好夜自己做定係要你捉？
2/ 「做好一樣就 tick一tick」，有tick的話点獎法？
3/ 現在他是否有做你給他的練習？
4/ 他 ...

私人傳訊

soniazoe

洋房

積分: 154

614^#

發表於 07-8-2 00:00 |只看該作者

Dear SandraLo

無意之中(又好好運)睇到你的topic，追睇全部個案，再用咗你教方法在小女身上，三日，我個女脾氣真係收咗，自己都覺得自己無咁煩！(以前成日話個女，話到自已都討厭自己，又忍唔到！)我C6仲周圍教人叫朋友、同事上嚟學教仔，真係好多謝你同我哋分享咁多寶貴經驗和方法！

我有一個小小問題想請教，平時我和女兒玩都有打吓她Pat Pat,(笑着打,好細力)打下大腿，咁又可唔以？

私人傳訊

SandraLo

珍珠宮

積分: 33215

615^#

發表於 07-8-2 14:15 |只看該作者

原文章由 soniazoe 於 07-8-2 00:00 發表
Dear SandraLo

無意之中(又好好運)睇到你的topic，追睇全部個案，再用咗你教方法在小女身上，三日，我個女脾氣真係收咗，自己都覺得自己無咁煩！(以前成日話個女，話到自已都討厭自己，又忍唔到 ...

:-( 好感動呀...... 尋晚重諗緊点解咁耐都冇人上嚟報喜！

私人傳訊

SandraLo

珍珠宮

積分: 33215

616^#

發表於 07-8-3 10:36 |只看該作者

原文章由 Gracesywong 於 07-8-1 22:58 發表
SandraLo,

多謝妳的回覆，回答妳的提問：
1. 因我要工作所以都是他自己做功課。通常我會在公司打電話回家問他做好功課未，他通常會說有些唔識，其他已做好。但當我回家檢查的時候就會發現他唔識那些他係應該 ...

Gracesywong :

初步睇，個獎唔夠吸引，亦唔夠快，佢捱唔到…….
唔讚成兒用童漫畫書做獎品，因為書嘅嘢，你都想佢睇，佢攞唔到所有tick，應該嚴格執行冇得睇，你响唔想佢冇得睇嘅情况下，可能俾tick俾得鬆手咗，令佢覺得獎係一定有的，功課就唔駛交足，亦唔去tick！

正當做法係將幾樣功課分開嚟獎，即完成一樣已經有獎，目的係俾佢好快咁攞到「完成」嘅滿足感另加即時獎品，但由於你地夜放工，做不到幫他分開功課逐樣完成，我建議你可選逐樣功課評分逐晚獎，但起初必先要讓他攞到「甜頭」；舉個例，有四樣功課，四樣都完成嗰晚就要即獎 (你自己決定獎乜，必須是他鍾意的)及冇condition的口頭勁讚，另外每樣功課獎一個(完成)貼紙，做得好就額外加一個，儲夠一定數量即可買玩具，而呢個獎都唔可以要等太耐，講定限制幾多錢以下，亦可累積用，咁先比較吸引！

(待續.....)

私人傳訊

webjen

珍珠宮

積分: 46029

617^#

發表於 07-8-3 11:33 |只看該作者

呢排個囡成日喊,小小唔順佢意,佢就黎 :-( 通常:-( 一陣,我都係 ignore 佢,早幾日可能有 d 唔舒服,佢可以斷斷續續 :-( 個幾鐘...

於是,我係佢冷靜之後同佢講:你覺得喊好玩,定打波波好玩??
佢話: 打波..
我:咁你話喊好玩 d 定玩火車好玩 d ??
佢話: 玩火車
我: 咁咪係lor,喊都唔好玩o既,不如唔好喊,玩玩具仲好,唔好side 時間....

呢幾日我都 remind 佢,佢一喊我又 remind 佢,好番少少.....
希望 work 啦!!!

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

lisatsoi