吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 我遇見飄飄的經歷－【下回預告】油尖旺某商業中心集體 ...

興趣嗜好今日: 7|主題: 124543

收藏本版

發帖

返回列表

跳至頁

樓主: rainyrainyrainy

我遇見飄飄的經歷－【下回預告】油尖旺某商業中心集體見

30 313233 34...37

積分: 9936

621^#

發表於 14-7-21 12:55 |只看該作者

回覆：我遇見飄飄的經歷－【下回預告】中環某商廈的女廁

621

私人傳訊

無意見

禁止訪問

積分: 264

622^#

發表於 14-7-21 17:03 |只看該作者

提示: 作者被禁止或刪除內容自動屏蔽

私人傳訊

Sincc

禁止訪問

積分: 9431

623^#

發表於 14-7-21 18:57 |只看該作者

回覆：我遇見飄飄的經歷－【下回預告】中環某商廈的女廁

提示: 作者被禁止或刪除內容自動屏蔽

私人傳訊

tomatotaste

男爵府

積分: 7035

624^#

發表於 14-7-21 19:38 |只看該作者

623

私人傳訊

ctc2014

複式洋房

積分: 405

625^#

發表於 14-7-21 23:37 |只看該作者

等呀

私人傳訊

may.bb

子爵府

積分: 12534

626^#

發表於 14-7-22 15:32 |只看該作者

私人傳訊

fifionachan

大宅

積分: 3369

627^#

發表於 14-7-22 16:35 |只看該作者

回覆：我遇見飄飄的經歷－【下回預告】中環某商廈的女廁

627

私人傳訊

rainyrainyrainy

大宅

積分: 3597

628^#

發表於 14-7-22 17:20 |只看該作者

各位我遲黎啦，依家寫緊下一個故事，希望7月節前可以寫得晒啦！努力趕工中

私人傳訊

rainyrainyrainy

大宅

積分: 3597

629^#

發表於 14-7-22 17:51 |只看該作者

中環某商廈的女廁

呢件事已經發生左好幾年，依家諗返起，都仲覺得自己當時嗰一刻真係好勇，簡直勇到係膽生毛既地步咁滯，但之後呢，我又驚得滯，所以呢間公司我做左無耐就走左。

日期：數年前的夏天
時間：凌晨約1點左右
地點：百貨公司集團大廈某層女廁

話說呢座大廈，都唔係乜野新建既大廈，我入職當時，已經起碼有40年歷史。翻查資料，呢座大廈，亦曾經係香港最高的大廈。當時，我係新入職一家証券公司，任職企業融資部既工作。

話晒做得呢行，就梗係成日做到半夜三更，當時我入職呢間公司，都不過係大約1個月左右既時間，已經忙到甩碌，一個人揹住好幾個project。

話說有一晚，個日我係負責一單獨立財務顧問的工作，為某家上市企業主配股向股東撰寫獨立財務顧問報告，其實份報告早已完成，但要經聯交所批核先可以的。當晚，又係為左等聯交所批，又係做到好夜既時間。

呢啲咁既舊式大廈，為左慳位定點？我都唔知，通常個女廁就一定係2層既中間，仲要呢，衰到一定要係樓梯位，而個死人樓梯位就係正幢大廈既中間，去親一定要出去仲要行半層樓梯先，。我任職個間公司都唔算細，所以係要晒成層的，但係呢，去廁所就一定要出去啦。啲死人廁所真係好煩，又要PASSWORD又要鎖匙。

當晚做到半夜十二點幾一點，聯交所都仲係無聲無氣，咁人有三急就諗住去廁所啦。出左公司，推開樓梯門，大家有去過都知，呢啲樓梯通常都好鬼衰，總之所有負面詞語都唔夠形容㗎喇，無窗、陰暗、用上陳年白光管，光唔夠光但又未至於壞左，又暗又焗，我唯有快步拿鎖匙開門入女廁啦。

當時公司所有人都應該走晒，只係剩低我一個。

入到去，又係個啲光唔夠光但又未至於壞左的燈，但廁所入邊就係用黃光燈的。企係門口望入去，右邊係一行洗手盤同埋大鏡，左邊就有大約4－5間廁所位。

我快手行入第一格廁所位去小解啦。我入去時，所有廁門都係開住㗎。

小解中時，突然，聽到一個女人既笑聲。

「哈......哈......哈......哈......]

當時，我完全係不以為然，仲心諗，原來公司仲有人未走咩？仲以為得翻我一個添。

呢個時候，又再聽到「哈......哈......哈......哈......]

我覺得有啲奇怪，但唔知點解當時真係唔知驚呀。完畢我就行出去洗手，望下啲鏡，又無關門喎。於是我就逐格逐格行去望下。
𠲖？無人喎。咁奇？

係呢個時間，我先醒起，唔係喎，呢到係樓層既中間，仲要係一座大廈既中間，出入起碼要推2度門，樓上樓下咁夜都應該走晒啦，而且女廁門一係要鎖匙一係按PASSWORD，我係第一格一定會聽到女廁門開鎖或者按PASSWORD聲㗎喎，但頭先.......

諗到呢到，突然又再聽到「哈......哈......哈......哈......]

嚇到我大叫「媽呀！」跟住9秒9衝返入公司，拿拿林執野快啲閃。落到樓下坐的士，我仲記得個的士司機問我做乜鬼面青青，叫我唔好諗住後生摶得咁盡。而我就已經嚇到手到震埋唔識點答佢喇。

後話：第2朝一早，我返到公司問下秘書，你估我秘書點答吖？我當時真係好想打佢呀，佢竟然答我「其實幢大廈咁舊，有都唔出奇吖！」頂你，你咁答我，你即係知道呢到有野啦，又唔早響！

點評

Snoopy211

發表於 14-8-24 22:50

wwingshann

好恐怖發表於 14-7-25 08:54

sheung1126 換轉係我，第二日未必敢返工（−＿−；）發表於 14-7-23 17:28

yingying124 心都寒埋發表於 14-7-23 01:58

tungtungma;) 呢篇想像到當時嘅環境係點，驚發表於 14-7-22 19:57

私人傳訊

mininab

男爵府

積分: 9704

630^#

發表於 14-7-22 20:08 |只看該作者

回覆：我遇見飄飄的經歷－【下回預告】銅鑼灣XX廣場的清潔姐姐

好恐怖呀，如果我係樓主，應該嚇死左

私人傳訊

rainyrainyrainy

大宅

積分: 3597

631^#

發表於 14-7-22 20:40 |只看該作者

銅鑼灣XX廣場的清潔姐姐

今次呢單經歷，其實都唔知算唔算係見到飄飄，因為事後我地都VERIFY唔到XX廣場既清潔工運作。雖然唔算好驚嚇，但由於案發地點係一向都幾出名既地方，所以今次都真係驚左2日㗎。

至於案發地點係邊到，我就唔講喇，大家估到就估，估唔到就當故仔聽下。

話說呢個係一個冬天既時間，講番起呢單野都有好多年前喇。當時我大學畢業之後，係BIG4做左幾個月頂唔順，考晒試就走左。講番轉頭，我對BIG4真係又愛又恨㗎，你話好既地方，係因為佢真係TRAIN到你個MINDSET，同如果你努力，係學到野；但唔好即地方，就真係對員工真係奴隸都不如，例如晚黑8點半同你講我比你早放啦，不過你要幫我影印晒2個BOX FILE佢，係每張每張咁影呀，大佬，當時係仲未食晚飯㗎，影完放得工都10點有多咯，呢個真係叫早放㗎。當你試過連續3個月係星期一至星期日，朝九晚二／三／四／五不等咁返工，又可能中間會連續工作72小時，新年年初一比你放到一日假係因為要你之前做通宵，你就知呢啲工邊係人做㗎。

不過算啦，話說中間我未去做金融業前，我就去左一個MNC到做幾個月Assist. Accountant，其實係頂一個同事放產假既者。當時呢間MNC，就係係CWB呢個XX廣場內其中一幢既其中一層喇。記得當時係埋季尾數，個日成TEAM三個人做到成2點幾先放工。

如果你知我講邊到，你又係個到工作過，就會知佢地晚黑7點就實行宵禁，你要先登記，而啲𨋢要實Q哥哥幫你拍咭先可以去到個層㗎嘛。所以，正常黎講，晚黑呢啲時間，除非你個層有人襟𨋢落地下，否則㗎𨋢係唔會無啦啦去到你個層到；又即使有人係𨋢內（除非係實Q哥哥啦）即使你上又好，落又好，你都只可以襟到地下個層，而唔會襟到其他層數㗎。

話說當晚我地1TEAM3人就做到2點幾就走，話明MNC，就梗係罷左幾層啦，咁我地個層啦，正門一定關，所以走時就會係行後門。當晚我地走時，係後門走，行到走廊既一半，就聽到LOBBY有叮噹一聲，即係𨋢就快到喇。當時我阿姐就話：「乜有人同我地一齊咁夜先收工咩？」

男同事：「應該無啦，我地係最後啦，我去熄燈既。」

咁行到去LOBBY，剛剛好，部𨋢就開門啦，好似有人較正時間黎接我地咁。

當時我地就不以為然，咁就入左𨋢啦。

我地公司係高層啲既單位黎既，去過個XX廣場既人都知，通常咁多層，一定會分流，例如10-25就一邊𨋢，26-40就另一邊𨋢咁。我地公司呢，就係21-40個邊，都算係高啲個批黎㗎。(我都係打個比喻，已經唔記得好清楚佢啲分層係點分喇！）

好啦，咁我地入𨋢，襟2樓（即地下個層）。

行行下，部𨋢突然「叮噹」，準備停低。

阿姐：「嘩！原來有公司同我地一樣咁遲先收工㗎。」

講完呢句，部𨋢門就開喇。

講番個LOBBY先，其實佢係有唔記得4組定6組𨋢既，打對面咁開。我地個部𨋢當時係右邊，即係開門就會見到左邊LOBBY既情況。

係呢個時候，𨋢門打開，我地見到有個穿綠色制服既清潔姐姐係到抺個垃圾桶喎，個姐姐當時係彎低身背對我地既，佢聽到𨋢門打開，就抬起頭望向我地𨋢個方向。佢仲要當時係面無血色，面無表情㗎，嚇得我地驚一驚，佢只係望住我地，又無郁又無入𨋢，咁男同事見到咁，就快快手襟關門啦。

之後我地落到地下，3個人就一直覺得唔多對路啦，點會2點幾清潔姐姐仲係到呀？仲要係到抺垃圾桶喎。而且，又點解釋部𨋢無啦啦去到我地個層呢？最驚嚇既係，我地第2朝返到公司，即刻捉住啲清潔姐姐問佢地有冇綠色既制服啦，但清潔姐姐話，佢地淨係得粉紅色既制服㗎咋。我地去返昨晚停低個一層，發現佢地LOBBY係無垃圾桶㗎。咁，到底昨晚我地見到既「清潔姐姐」係乜水呢？

題外話，呢到真係堅係猛，聽講，XX廣場既停車場係最猛既。