worthy 發表於 17-4-21 18:21 
佢都唔知係咪喺街出世, 成日都話要出去. 最鍾意同人食飯吹水打牌. 之前個whatsapp死八婆咪咁惹返嚟囉.
最 ...
最近有D公眾假期, 佢除咗返part time就係約人. 我就呆呆咁坐喺屋企發霉. 唔係無同佢講叫佢要好好分配時間, 唔聽. ＞＞＞阿伯有聽呀，佢分配自己時間，不過唔預你，即係心中冇你，你醒下啦，係愛你嘅會想成日見，放長假幾日都出街唔理你，你自己都唔知咩事，唔係啩，你日日呆係屋企，佢又唔會內疚，你嬲死佢都風流快活，呢D軟皮蛇，你只得鬧呢一度板斧鬥唔過佢架。
昨日又同阿伯吵大獲. 佢發晒老脾, 話我講過佢同個八婆斷咗我就唔阻佢出去. 我真係唔記得有無講過.
老實講, 佢話斷咗啫, 邊個知係咪真. 佢竟然話佢做得到我要求, 但我又唔兌現承諾, 佢覺得好無意思, 唔排除再"溝"過一個. 呢D係咪人講嘅說話? 同我講交換條件. 根本一開始佢同人flirt就係錯. ＞＞＞你呢D咪就係前言不對後語，你喺BK呢度都講過，只要阿伯講得出同酒樓姐姐斷你就會信佢，而家佢講咗斷咗，你又話邊個知係咪真，講得出做唔到，你有資格再講條件咩？蠻牛感情上係專一，但最大鑊係佔有慾太強，要人跟你果套，我愛你，你就係我嘅，直情係鎖住愛人，唔可以喺你視線範圍消失，你唔辛苦，對住你果個都想死啦，忍到幾廿年，你執到架啦。
總之佢一出咗去我就會胡思亂想, 唔知佢又去揾邊個. "一朝被蛇咬, 十年怕草繩". 係佢破壞彼此信任在先, 依家俾人綁手綁腳, 怪得邊個呀! ＞＞＞你係想綁手綁腳，但你事實係綁唔到囉，阿伯放假咁多日就去足咁多日街，你要再自欺欺人冇人阻到你，不過有苦你自己知，怪唔得邊個，呢度會員夾埋講咗九萬幾次，要開心自己搵，唔好靠人令你開心，人地冇義務，你亦冇權利，你聽唔聽信唔信都好，事實就係咁。
花旗太太生活在花旗國，留意時差，你問我未必即時答到。
發表於 
有guts 
返回列表
