懷孕前後 今日: 0 | 主題: 330564

穜穜一歲網頁-->李的Baby兩歲網頁-李家Baby~

積分: 3489

621^#

發表於 05-4-13 16:49 |只看該作者

Re: 有無將會或已經在聯合醫院生的媽媽,請進來傾下啦!

MuelMuel~

恭喜你哦!

母子平安咁快出得院,你囝囝真係幾重喎!同我囡囡(3.89kg)一樣咁有份量 :mrgreen: 不過你就叻過我喇!可以順產成功

聯合既情況真係日日唔同架!咁你果幾日,好唔好彩呢?駛唔駛瞓走廊呀?
你休息多D喇!遲D再上黎同我地分享尼個咁難忘既經歷喇!

dudu19812002~

唔駛客氣喎!希望你可以買到D又平又靚既大肚裙喇!

嗯!我都覺得自己今次好好彩架喇!(真係要多謝各方神明的保祐) 不過六合彩又唔見我中喎!哈哈!
係呀!其實住6人房都幾好丫!大家有傾有講,冇咁悶,又可以同D有幾胎經驗既媽咪交流下心得,我果時住左7日,識左好多朋友呀!仲有4個媽咪同我一樣被調左3次房,咁o岩3次都係調埋同一間房呀!你話幾橋呢!所以我地都交換左電話,話第日約出黎飲茶呀!
因為第一間房係俾D剛開刀既媽咪瞓(近護士站,方便照顧) 第二間係俾D 開左2-3日刀既,第三間係俾D就出院既,另一邊果3/4間通常俾D順產既媽咪瞓,所以就算夠房/床位都差唔多要2日轉一次房,成日都要調黎調去,方便俾D'新媽咪'入住架

以我所知,如果真係唔夠床位,首先會上五樓婦科度瞓(每次餵BB時都要落返4樓) 如果再唔夠就要瞓走廊架喇! 希望你地生BB時都唔駛咁喇!

Christy~ & 意粉~

你地都唔好咁擔心喇!要放鬆D呀!有時心情都會影響BB幾時出世架!

而且就算腳腫同BB落左少少盤骨都唔代表佢就黎出世架!(我廿幾週就腳腫喇!BB又一早調左頭,落左盤骨2/5,但到最後佢都只係落得3/5

) 希望Christy同你老公都趕得切上陪產堂喇!

聯合既探訪時間,係限定5:15pm至8:00pm架!雖然門口寫明只限2個人,不過試過同一時間有6個人探我都冇俾人鬧(當時差唔多每個媽咪床邊都有4-5個人) 最誇張有一個媽咪同一時間有十幾個教友為BB唱聖詩,太大聲俾姑娘發現,叫佢地分批入黎呀!...所以只要唔好太過份,同一間房有太多人姑娘都唔會話既

如果你真係太多親友探你既,你可以叫其中一兩個企係床邊中間既位置,扮係第二張床既親友,咁咪冇咁起眼囉! :mrgreen: 其實其他時間親友都可以去醫院搵你架!不過你地就要係電梯大堂走廊坐喇!佢可以按門鐘叫姑娘嗌'咪'叫你出大堂/ 你地自己用手機聯絡約時間係出面等囉!

m9394pp~

我生完果時都冇驗血糖喎!可能而家D BB普遍都重左,所以唔駛驗咁多卦? ?-(

私人傳訊

積分: 5646

醒目開學勳章 2011精緻種植勳章

622^#

發表於 05-4-13 19:27 |只看該作者

Re: 有無將會或已經在聯合醫院生的媽媽,請進來傾下啦!

gillianchan :

哈...我今日出左去買左兩條裙了!不過$69一條,我覺得好貴,不過我老公&我阿媽都話唔貴啦!!人地0個d要百幾蚊一條的呀!

攪到我似好吝嗇咁

嘩...點解你要住咁耐醫院既?我0個時生個囡住左3日咋,已經好想返屋企了,更何況7日咁耐,好悶啫!!咁你餵人奶or奶粉呀???成日換房好煩的呀!我0個時又沒有喎!!!咁換左房又要同d朋友&親人講!!!我0個時生囡囡時都有同d隔離床談天,但我0個時訓我隔離床既係一個大陸過期生bb既女人,有d護士成日針對佢,仲有一個好衰,0個個女人一生完bb,就同佢講:你唔好諗住偷走呀!!我已經報左police了!!我覺得個女人好慘!!!

私人傳訊

Christy

積分: 8810

623^#

發表於 05-4-14 09:45 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
唔該哂你呀,知道可以唔係限住兩個人黎探我都好d, 我之前去過浸會探個媽媽同bb,都係見過有一大班教友探佢地,但佢地就冇你見到果班教友咁誇,係到唱聖詩,只係為左bb祈禱啫

, lee 排唔知點解心情唔多好,個人好易忟仲好易喊tim, 又冇嗱嗱發老公脾氣喎,唉~~~或者lee 排陀得好辛苦好攰,希望lee d 日子可以快d過

私人傳訊

MuelMuel

積分: 182

624^#

發表於 05-4-15 10:58 |只看該作者

Re: 有無將會或已經在聯合醫院生的媽媽,請進來傾下啦!

4A病房基本上只可兩人探病,但其實多過兩人也OK,不過有時姑娘行過見到太多人會叫D人出返去,並說只可兩人探病!
我BB因超過4KG,所以第一天要在3A加護病房觀察,而我就要驗血糖!
好好彩,我不用瞓走廊,但同我同時間上4A的另一個媽咪就要瞓走廊,我諗好睇生產當天是否多人生BB而是否需要瞓走廊!我臨走個日,4A走廊正在在走廊加建窗簾路軌!咁都好過好似瞓街咁!
仲有,以我順產住院頭尾加埋4天(其實即3天),要用衛生巾3包架!
唔打咁耐啦!條腰好攰!

私人傳訊

積分: 3441

625^#

發表於 05-4-16 10:34 |只看該作者

Re: 有無將會或已經在聯合醫院生的媽媽,請進來傾下啦!

各位媽咪,
星期4照左了,,醫生話胎水同size冇咩問題,,佢話亞b雖然係細碼b,,但都係正常既size,,佢問我係咪未有亞b前係好瘦既,,我話100磅羅..佢就笑下咁叫我可以下星期繼續反黎覆趁,,,所以我而家安心好多了,,多謝你地之前既支持呀...我呢2星期會休息多D.,,希望亞b長肉少少先出黎,,

另外, 下星期尾我就反媽咪度待產lu...要等生完坐完月反屋企先可以再有電腦上網,,所以要遲下先可以係番呢個topic留言lu..我生左會叫老公上黎留言架啦,,

gillianchan,
thx...知道啦, 我會有心理準備到時訓既地方會轉來轉去..同唔會帶電入去"叉"了,,費事比姑娘丙..嘿嘿..但希望唔駛訓走廊啦..

Christy,
我同你既預產期都差唔多..只差2星期度,,我諗到我生左時你都差唔多了,,你lee 排唔知點解心情唔多好,個人好易

私人傳訊

Christy

積分: 8810

626^#

發表於 05-4-16 11:52 |只看該作者

Re: 有無將會或已經在聯合醫院生的媽媽,請進來傾下啦!

意粉
我都知你隻兔兔唔係到你會好唔開心架啦.但你都要顧住自己同bb先得架喎,唔開心一陣好啦
至於我唔開心成日喊,真係因為個人好攰好辛苦,又担心生既時候自己忍唔忍得痛喎,雖然係法國e院同聯合都聽左講座,加埋睇書,都已經有哂準備,但始終都係怕怕~~~~

私人傳訊

積分: 5646

醒目開學勳章 2011精緻種植勳章

627^#

發表於 05-4-16 14:26 |只看該作者

Re: 有無將會或已經在聯合醫院生的媽媽,請進來傾下啦!

各位:

我星期五照左超聲波了,我不但照唔到係男定女,又照得好唔清楚,醫生又話我個bb細左兩週,咁佢地問我係咪一向經期唔準,咁我咪同佢地講:我係有時姐唔準時,但我差不多有左bb時前幾個月都準的,咁佢地依家仲改左我個預產期,改左去9 月尾生,我覺得沒有理由,咁我咪問會唔會又唔係月尾生!係月頭的呀?咁個醫生又話唔會超聲波好準,又話我胎盤低,要睇佢會唔會升返上去,唔升就要開刀生!!!唉...好驚...依家等我34週再照喎!!唉..仲要湊女,好難休息...我都怕會早產....唉...好鬼煩...又會咁既,我近排仲成日突然頭暈..醫院開左D止暈藥俾我食!!!點解會咁的呀????? :-(

私人傳訊

維尼熊pooh

積分: 6839

2024年龍年勳章 2018復活節勳章好媽媽勳章畀面勳章 BK Milk勳章

628^#

發表於 05-4-16 18:45 |只看該作者

Re: 有無將會或已經在聯合醫院生的媽媽,請進來傾下啦!

dudu19812002: 不如你去c+睇下,唔好淨係聽政府醫生講,可以俾自己一個安心,多一個保障 :wink:

私人傳訊

積分: 5646

醒目開學勳章 2011精緻種植勳章

629^#

發表於 05-4-17 01:47 |只看該作者

Re: 有無將會或已經在聯合醫院生的媽媽,請進來傾下啦!

維尼熊pooh :

其實都布幾個人叫過我去私家照,但我覺得太貴了,而且自己又有少少驚!!其實我由好早已經有d下面壓住痛的了,我仲同我阿媽講,成日有d感覺係好似生我個囡時0個種感覺咁!我由三個月左右已經有呢隻壓住既感覺,好唔舒服!到左四個月左右我就有時下腹陰陰地痛,同個聯合醫生講,佢話正常既!點知星期五照左就咁啦!!依家好多時會下面壓住&下腹痛的!!!我怕我等唔到34週再照,就早產生左!又或者會胎盤痴住子宮,因為我上網睇左有關胎盤低,佢話如果胎盤唔升返,咁有可能痴住個子宮,變左下面出血,咁會影響bb的 :cry:

私人傳訊

MuelMuel

積分: 182

630^#

發表於 05-4-17 10:51 |只看該作者

Re: 有無將會或已經在聯合醫院生的媽媽,請進來傾下啦!

dudu19812002,
醫生話你胎盤低,不要擔心!因為好多醫生都話呢個時間胎盤低,但好多時遲d會升返,我建議你遲少少(約20週後)去私家照一次詳細的ultrasound!而我第一胎時係聯合照又係話我胎盤低,34weeks時再照時說我唔低了,但我一路有係私家照,但個醫生一路都話我胎盤唔低!
意粉,
其實你也可以帶叉電係醫院叉,如果你餵人奶的話,係姑娘入來問你bb有否大小便後,佢地通常唔會再入來(佢地根本就好忙),而你餵人奶時會拉簾的,特別係半夜餵時黑'媽媽',唔會被發覺的!(不過你萬一被發覺,唔好鬧我啊)

私人傳訊

積分: 5646

醒目開學勳章 2011精緻種植勳章

631^#

發表於 05-4-17 15:04 |只看該作者

Re: 有無將會或已經在聯合醫院生的媽媽,請進來傾下啦!

MuelMuel :

其實我自己都知道有好多人有胎盤低既現象,連我阿媽生我家姐時都係咁既!!雖然係咁,自己都好驚,因為好唔想開刀,同埋0個日去照超聲波時,有兩個醫生幫我照,但我聽到佢地話BB唔係好好!自己都好想喊出來!!!我有D覺得好內疚,因為我有左呢個BB後,就成日唔舒服了!!又成日食西藥&中藥,又成日沒有胃口食野!!!可能係咁先會令BB咁 :-( 而且我又要湊住個囡,佢好百厭的!我老公又唔係咁幫我做下野,我又要做家務,我阿媽噚晚摸我個肚,都話我好低,怕我早產,其實我自己都怕會等唔到34週再照就生左BB了,但我家庭經濟又唔好,所以又不能去照私家,我自己都好唔知道點好??? :-( 我估唔到自己會咁的!!!我有我個囡時,食得訓得好好的!!只係因為我由細都大脊骨有問題,所以有BB時脊骨痛咋,我今次仲痛過上次,真係前又痛,後又痛了!!!同埋我本身自己如果出血係好難止血的!!!我又好驚我會.......我見之前有人試過飲花膠湯話可以胎盤升返..唔知得唔得呢?? ?-(

私人傳訊

積分: 3441

632^#

發表於 05-4-18 11:49 |只看該作者

Re: 有無將會或已經在聯合醫院生的媽媽,請進來傾下啦!

Christy,
我既兔兔永遠都會係我同老公心中, 我地已經開心番好多,,而家期待緊亞b出世...多謝你支持呀,,

我都驚自己忍唔到痛, 所以而家我會盡量唔諗,.,,反而呢排成日驚自己會係唔知咩環境下突然穿水..呢樣最監介....聽日我就38wks了..所以我已經有心理準備亞b隨時出世,,,只要一開始有作動既積象,,我就可能會好膝雞了,,,我生左唔可以好快咁詳細上黎留言,,因為媽咪度冇電腦,,,到時你問我老友可樂,,叫佢話你知丫..你都唔好咁驚了,,,驚就2份啦..嘿嘿..

dudu19812002,
我感覺到你好不安同好擔心呀,,,你放鬆d個人先啦...唔係一定咁差架,,
我係16wks時都係照到胎盤低..我個肚又係由頭到尾都係馱得好底架,,所以成日都好"聚"下, 果時醫生話我個胎盤距離子宮頸口得2cm咋,,,係好近出口..好容易會出血,,當時叫我唔好羅重野,,唔好趺親..你要記得呀,,,佢話睇下20wks度會唔會升番..好多媽咪都會慢慢升番,,原因不明架,,我果排都好唔開心,,,好擔心會無端端出血同早產..但都要令自己鬆弛,,,後尾20wks度去照,,,醫生就話升番上去啦,,,到而家都冇再落番去..佢話10個媽咪.8個都會升番,,,所以你唔好咁驚,,,你同老公大家多d傾下講下..講出你既擔心..等佢同你分擔下心理上同家務上既野啦..

我都覺得MuelMuel講得岩..議你遲少少(約20週後)去私家照一次詳細的ultrasound, 因為c+會講得詳細好多,,唔駛心掛掛,,就算真係冇升番,,聯合好似都會安排d胎盤低既媽咪早d係醫院訓床至待產..咁起碼有醫院睇住麻,,

你唔好咁擔啦..有咩唔開心上黎講下,,我地會同你分擔架..

MuelMuel,
咁又係..黑'媽媽'佢都睇唔到我叉電..嘿嘿,,,
丫我想問你咪話""餵人奶時會拉簾的""既...咁你講既係係專餵人奶既房定係訓緊果個床位黎架? 乜餵人奶唔係一定要去番專餵人奶既房既咩?

私人傳訊

wumama

積分: 103

633^#

發表於 05-4-18 12:02 |只看該作者

Re: 有無將會或已經在聯合醫院生的媽媽,請進來傾下啦!

HI ALL
我都好耐冇上過黎la.

原來gillianchan都生左la...你個bb 好得意呀..恭喜晒

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

634^#

發表於 05-4-18 15:47 |只看該作者

Re: 有無將會或已經在聯合醫院生的媽媽,請進來傾下啦!

各位~

我終於趕得切係囡囡'滿月'前幫佢改左個名喇!叫李卓穜 (讀音'童') 尼個名係咪好特別呢? 會唔會好怪呀? 我同老公改尼個名係因為卓&穜係3個改名網頁中話對雞年BB好,而筆劃同分項劃數解說全部都係'中上'既吉數,讀起黎都幾順丫,所以我同老公終於都有共識喇!以後就叫佢做'穜穜豬' :mrgreen:

我前2日整好囡囡個網頁喇!

希望大家有時間都去睇睇喇!

http://www.babyhome.com.tw/bb/72473 睇完去留言板話我知'到此一遊'喎!

好慘呀!因為我鋪頭'替工'個仔仔'肺炎'入左院呀!佢唔可以再返工,媽咪每日朝早要買'食送'返黎,俾我煮中午果餐,再落去睇鋪,夜晚返黎又要煮飯煲湯,幫我睇BB(等我去沖涼休息下) 佢真係好辛苦!所以經過家庭會議之後決定,我要提早返工喇!4/20坐完月就要帶埋BB返工

唔知到時搞唔搞得掂呢?不過媽咪都可以係鋪頭煮飯煲湯陪下我,幫手照顧下BB

為左唔駛佢2邊走,冇計喇!好在我平日係屋企都唔駛點訓晏覺咋!如果瞓慣左就仲慘!

我囡囡尼幾日食人奶/奶粉都好急呀!成日'逐親',食完就會掃左風都會嘔返幾啖奶出黎(就算係人奶都會咁) 而且仲隔左一陣先嘔,所以要成日幫佢換衫呀!今朝一早餵佢,掃完風抱左一陣,放佢落床瞓左一陣佢就吐奶喇!搞到塊面,耳仔,頭髮,枕頭同衫都有奶呀!一早就要同佢洗頭沖涼換衫,洗衫

唉!其實我餵人奶已經唔夠瞓,幾辛苦架喇!但我生完BB同之前都仲差廿磅呀! :-( 我今日上晝磅同尋日相差0.6kg,唔知幾時先可以減到以前咁呢? ?-(

dudu19812002~

$69一條都OK喇!著住先囉!或者遲D佢又會做特價$100三條呢!

因為我係過左預產期一星期,而入院做催生架!但放左2日催生藥都冇反應,第三日先開刀,開完刀要等拆線,所以再住多7日,共後共住了9日

(好在一日一百蚊,而且開刀唔駛另外俾錢咋!哈哈!) 成日換房都唔算好煩既,因為佢地係連櫃帶床咁一齊搬去隔離房,所以唔駛自己執野/搬黎搬去.只係要通知家人朋友o者!
嗯!D嬸嬸同姑娘對D大陸媽咪態度真係差D架!冇計喇!印象分差丫嘛!有時係佢地D'同志'做衰個頭先既 :evil: 我都見過2個媽咪因為過期居留,一生完就有警察黎'捉'佢地,又影相又填表,搞一大輪.

我餵人奶架!不過夜晚果2餐會另外加2至4安奶佢飲.睇佢飲完人奶飽唔飽仲有冇喊,另加2安或者我好攰就唔餵人奶由老公餵晒4安奶佢飲

你bb而家細左兩週同胎盤低都唔緊要架!仲有時間'更正'嘛!我BB初時都係細左2週喇!點知出世時反而大左個幾星期.胎盤都可以慢慢升返上去架!唔好咁擔心喇!或者你可以去睇下'私家'見E生!睇多一個有多D意見會安心D架!大約都係四百五十元左右包埋幾種藥.如果只係睇一至兩次尼個價錢都OK既,你要休息多D呀!唔係仲更加易頭暈,醫生有冇話你血壓低/貧血呀?

Christy~

係呀!果日我隔離床既媽咪,就係有成班教友黎唱聖詩,同為bb祈禱喇! :mrgreen:
你要開心D呀!盡量諗D開心野喇!攰就休息多D,生BB既事而家擔心都冇用架!到時先算喇!而家叫老公多D錫你'乙水'下你等你開心D仲好喇!你要支持落去呀!好快你就會見到可愛既BB喇! 加油!

MuelMuel~

哦!原來係咁,好在我囡囡只係3.89kg唔駛捉我驗血糖

咁你之前產檢有冇試過血糖超標架?...你一日用一包衛生巾咁多?順產D惡露真係勁D喎!我7日都用左一包多D咋!另外開左一包細既'安妮'都未用晒,出院仲有得用.

其實D床位情況日日都唔同既,唔會日日都瞓走廊,邊度有床位,就會將走廊D人搬入去架喇! (其他準媽咪唔駛擔心喎!希望你地好彩D日日有床位喇!

)
你要好好休息調埋身体呀!遲D再傾喇!

意粉~
醫生話胎水同BB size都冇咩問題咪好囉!初頭BB細粒小小唔緊要喇!仲易D生添喇!等佢出世之後慢慢追番喇!而且你好好安胎最重要,希望你返媽咪度待產,食多D野休息多D亞b會長多D肉先出黎喇! :mrgreen:

我都覺得你可以帶埋叉電入醫院叉,因為夜晚睇完'大長今'關電視後,D姑娘已經好少入黎,到半夜餵人奶個個D簾都會拉埋晒,黑媽媽應該唔會被發覺 (我果時都係咁襯尼個時間偷雞叉左3個鐘

)

唔好意思呀!我今日好忙,其他留言我遲D再覆!

私人傳訊

積分: 3441

635^#

發表於 05-4-19 13:02 |只看該作者

Re: 有無將會或已經在聯合醫院生的媽媽,請進來傾下啦!

wumama,
hihi,,你近來點呀? bb而家點呀?

gillianchan,
你囡囡個名好好聽呀..我都打算用"卓"字呀..呢排老公成日羅住幾本改名書係度研究...我想請教下你..
你同老公幫囡囡改名時, 除左睇筆劃係咪吉數之外,,駛唔駛用埋時晨黎夾架? 我而家改好了幾個都算係吉數, 同都夾到金木水火土果d,,係差在亞b未出世所以唔知佢第時個時晨同個名夾唔夾到,,其實需唔需要睇埋時間呢?

你咁快就要帶bb反工啦? 到時一定辛苦好多,,希望你看舖同揍女之餘到時可以多D時間休息..
係呀..過2日我都反媽咪永待產了,,,要個幾月反到自己屋企先可以再上網,,到時你囡囡都成3個月大了..嘿嘿..

私人傳訊

積分: 5646

醒目開學勳章 2011精緻種植勳章

636^#

發表於 05-4-20 00:48 |只看該作者

Re: 有無將會或已經在聯合醫院生的媽媽,請進來傾下啦!

意粉 :

多謝你既支持!!! :-( 我依家心情好左好多了!!我前幾天都有同我老公講我好驚及擔心好多野!!!咁佢居然一反常態咁安慰我,佢平時係唔會既!!!佢平時成日都覺得屋企既野係女人做,出去搵錢係男人做既!!!但可能佢今次見我真的好唔開心啦!加上個我個囡近日好鬼百厭,而我老公又沒有工開,所以佢都有幫我手睇住個囡或者幫我做下家務,但唔知到我個肚大d佢仲會唔會咁?

其實我自己都想去照下私家的!但因為我家庭經濟唔係好好,所以都沒有想過去照!!!不過,我想我一定會升返既.....

gillianchan :

$69 OK啦!!!我依家買住兩條穿住先!!!

我記得我0個時餵囡囡飲人奶時,我個囡就成日掛住訓,所以我要一個鍾就餵佢一次,好鬼辛苦 :lol: 夜晚仲慘,0個時夜晚餵奶時覺得好慘的!!自己一個人坐在廳餵個囡,而且0個時我老公好唔睇諒我的,我幾驚自己會有產後抑鬱呀!!!

我唔係好明,點解醫生開頭話你個bb細兩週,但後來出世又大左兩週呢???咁你有沒有好似我咁俾佢地改左你預產期呀????我本身預產期係9月8 日的,佢地話依家要改做9 月22日喎,咁如果你有被佢地改預產期,咁改左幾多呀???同埋究竟你在舊既預產期生,定係新既預產期生呀???咁開刀有沒有落麻醉藥呀??痛嗎???

等我做下資料搜集,有d心理準備....

私人傳訊

積分: 3441

637^#

發表於 05-4-20 10:38 |只看該作者

Re: 有無將會或已經在聯合醫院生的媽媽,請進來傾下啦!

上網上埋今日,,聽日反媽咪度就開始冇得上網了,,我生左會叫老公上黎報告,,各位準媽咪你地要加油呀,,已經做左媽咪既都一樣,,祝你地bb肥肥白白!!

dudu19812002,
見到你開心番我都開心呀,,你開心D,,bb都會開心,,我果時胎盤低時晚晚都同亞b講叫佢醒d快D升高D,,你都同佢講下丫..

我見你問gillianchan預產期既野,,我都比聯合改左預產期架,,我本身如果計last period應該係4月21號就預產,,,但10wks度果時, c+醫生話我會遲..變左5月3號,,我初初都諗差成2個星期既..係唔係架? 但去到20wks,,聯合幫我照中期後..佢地都幫我改左預產係一樣5月3號,,所以我想唔跟都唔得,,佢地會睇番bb size黎判斷架,,你唔駛咁擔心,,!!

私人傳訊

wumama

積分: 103

638^#

發表於 05-4-20 14:46 |只看該作者

Re: 有無將會或已經在聯合醫院生的媽媽,請進來傾下啦!

Hi 意粉︰

你努力呀...好快就見到bb la.

我呀..因bb 出世都係得5.6lbs...算輕磅la...我要努力咁同佢追番上黎...

但佢都係吸收得麻麻....now 71days..都係得9lbs到....希望佢快d 食得好d 訓得好d 大隻d la.....

同埋我都返左工2星期la....bb 比左佢伯娘湊...總算放心好多...

ttul... :wink:

私人傳訊

Christy

積分: 8810

639^#

發表於 05-4-21 16:07 |只看該作者

Re: 有無將會或已經在聯合醫院生的媽媽,請進來傾下啦!

各位
我收到消息,意粉今朝見紅入左e院,係下午3:30左右已經開到8度啦!!
意粉加油努力呀

私人傳訊