大仔大女媽媽會 今日: 0 | 主題: 177861

積分: 949

621^#

發表於 07-2-21 09:22 |只看該作者

Re: 彥媽與你 BB 讀書/學習交流站

彥媽,
我想問係香港,是否真的有一所小學,是行真真正正的活動教學呢?(不是國際學校)而不是只有個名,唔該哂!

私人傳訊

積分: 12319

2024年龍年勳章

622^#

發表於 07-2-21 11:12 |只看該作者

Re: 彥媽與你 BB 讀書/學習交流站

Hello, dear all~~~

先同大家響樹拜個年先...

祝大家身體健康 (要有足夠精力同bb玩嘛), 心想事成 (考到好學校), bb 聽教聽話, 快樂一生!!

好勒....初四開工答問題先...

先覆 fefe:

1. 本人現居慈雲山,請問此區附近有沒有好的幼兒園?
==>呢個區d學校一向都唔係好 hot 個隻, 所以都唔會話有邊間特別標青...依家我有朋友小朋友返緊鳳德個間"安強幼兒園", 聽佢 comment 都唔錯, 你可以考慮下...

2. 請問是否各區的救世軍幼兒園都是好的?你個人覺得如我想送仔仔到油麻地救世軍幼兒園,是否太遠呢?(如搭校車我想也要45分鐘)
==>我認為救世軍"好d"係因為佢較以"知識性"既教學為主 (相比起基督教服務處個d係 academic d) 因為講到尾若第日要響 HK 讀小學, 始終九成學校都係"谷"型較多, 好多野要學, so if 唔從小就逐d等小朋友 get used to "多野做"既 learning environment, 咁第日上小學都會幾煩...

我強調我咁揀唔係因為我鍾意"深d", 問心我一向都唔 likey HK 既教育制度, 我都想小朋友有個"快樂童年", 只係我知我地"無可避免"地小朋友早期都會要響 HK 受教育, 咁為著令佢第日過渡小學可以 smooth D, 我只好響佢細個開始就逐少等佢適應, 咁做點都好過"玩"足三年, 之後一上小一就 360 度要 change 哂個 learning pattern 丫...係冇...冇法喇...響得 HK , 幾唔同意都要 cope with the rule of the game ga la...

3. 由於我想他小學以前都是上全日制的學校(因為我們的上班時間比較長),請問是否所有非牟利幼稚園都是上下午班的呢?
==>係...幼稚園九成都係 half day only, 因為小朋友細, attention span 根本唔可以 afford whole day learning ... 唔同幼兒園, 佢地係半托兒, 又會 zzz , 先有全日班, 但依家有d幼稚園都標榜係"全日制", 但你要留意, 個d 係都幾搵笨既, 因為佢話係 whole day, 但實際都只係半日, 至多 afternoon 係搵d老師同你睇住個小朋友做功課而已, 都唔係有野教, so in that case, I can't see why I have to leave the kid there for whole day la...一係就索性返幼兒園仲好過, 起碼都有得午睡丫嘛~~

5. 聽說慈雲山的可立幼稚園幾好,請問好在那裡呢?
==>d人話佢好係搏佢第日可以 "lai" 到可立小學同中學喇...唔係佢真係好好好既....可立中學因為劉德華既關係, 所以個個對呢間學校印象都好唔錯, 但講真, 其實間學校係普普通通 only , 又唔係有乜大既賣點, 不過唔算係差咁喇...

so unless 你係想搏有得上可立d學校 (但都係要 3rd round 先得啦, 因為佢地係津貼學校), otherwise 可立幼稚園又唔係太突出了...

私人傳訊

積分: 12319

2024年龍年勳章

623^#

發表於 07-2-21 11:27 |只看該作者

Re: 彥媽與你 BB 讀書/學習交流站

Ellensu:

你講多d而家應點準備佢，可以嗎？
==> hehe..give me some time la...因為有好多媽咪都問我...我會再打一篇出黎 about PC ge...你小朋友九月先 K1 , no hurry la......K2 2nd term 打後先做d野都得....人地岩岩上 K1 , 等佢 honeymoon 下先啦, 唔係一陣弄巧反拙, 嚇怕佢咪仲衰.... :mrgreen: :mrgreen:

Really need to buy supplementary worksheet for them???
==> 呵呵...this is a matter of parents choice la...of course this is NOT a must, 你可以唔做格....不過, 當你見到同級 other parents, kids 個個都荒死學得唔夠多唔夠快個時, 到得個個又考試 9x, 咁你 8x 既小朋友就叫"差"架喇喎...then 你又"接唔接受到"先, 又....你小朋友又會點睇自已呢....若頭 150 名既學生個個都 9x, 100 分, 咁你分分鐘 89 已經派唔番入去 (不過 wish 到時已結龍喇) , 咁咪"死唔眼閉"??

唉...HK 地好現實架喎, 依家個個大人都要 N 個 degree 先覺得同人地有得睇齊, so 你唔做就叫"退步"了, 對嗎...?? so 你自己諗喇....好多野唔係你自己 feel good 就得, 而係要睇埋 peers ga la.....呢d咁既 learning pattern 係 HK 獨有架嘛...鬼叫 HK 地, 人又多, 但好既資源又少咩...

My girl is so lazy wor...
==>請原諒我既直言, 我估係你謙 only la, 你小朋友應該都好聰明既......lazy is NOT an excuse ar....小朋友點學野, value 係點係睇 parent 如何 mould 佢地喇...e.g. if 佢一扭少少計就唔駛佢做既...咁佢將來如何面對 HK 地咁大既競爭...so 家長真係責無旁貸, 無人"天生"係 lazy ga ma....so 你既責任好大架...我地無得偷懶, 真係種瓜得瓜架... :mrgreen: :mrgreen:

私人傳訊

積分: 12319

2024年龍年勳章

624^#

發表於 07-2-21 11:39 |只看該作者

Re: 彥媽與你 BB 讀書/學習交流站

tifpat:

我想問係香港,是否真的有一所小學,是行真真正正的活動教學呢?(不是國際學校)而不是只有個名,
==>你呢個問題真係問得好, 不過響得 HK 地, 都真係幾難做到 100% activity-based learning, 因為始終家長都會比壓力間學校架...就好似食北京填鴨咁, HK 個d 都係"HK style" 左既填鴨了, 同真正既北京填鴨既味都唔可以做到 100% the same la...so same as schools here...

但從唔同 comments 收到既料顯示, 啟思一向都好堅持佢活動教學既路, 寧設埋小學去銜接, 足見趙博士對教育既堅持, 你可以一試...

另....依家 Pokfulam 個邊開左間弘立, 都係以活動教學, 無壓力學習為賣點, 我睇個在學d家長既 comment, 都對呢間學校好推祟, 你亦可以去了解多d....

不過有一個共通點你要知, 響 HK 辦活動教學絕對係一件荊棘滿途既事, 因為 HK 人已習慣"學得多/深 = 學得好" 既 "value", 因此, even 家長好想子女響活動教學下成長, 但一諗起第日唔知個仔夠唔夠人競爭 (考 Band 1 sec school, etc) 就又唔想間學校太活動架喇 (好矛盾, right?) , so even 間學校話活動 at the beginning, then 慢慢地就會變得又唔多活動架喇....

so most likely 要真正做到活動教學個d, 唉...,一定要有條大水喉照住先可以"堅持"落去架, 因此, 你見d學校收得唔平個d既, 就應該可以"活動"d架喇...

私人傳訊

Ellensu

積分: 800

625^#

發表於 07-2-21 23:41 |只看該作者

Re: 彥媽與你 BB 讀書/學習交流站

彥彥媽咪,

真係唔該你咁詳細既回覆呀

。我個女9月係小一，not K1呀

，所以先咁

！

咁培幼家長係咪比較緊張，比好多supplementary細路做呀

係咪好多90+分呢？70-80分係咪算差呢

我會再打一篇出黎 about PC ge--- 咁希望早日見到你既作品啦

我個女係一d supplementary都唔惦，你話死未！佢幼稚園成績係中等，咁上小一唔知會點呢？ :-| 我已好努力去幫佢，佢始終係唔上心 :-( :-(

私人傳訊

積分: 12319

2024年龍年勳章

626^#

發表於 07-2-22 09:36 |只看該作者

Re: 彥媽與你 BB 讀書/學習交流站

Ellensu:

小一...icic....咁你自己度度喇...緊唔緊張係睇個人既唧...若你係一d唔介意人地做乜既人, then why bother to benchmark others?

咁培幼家長係咪比較緊張
==>你呢句說話問得唔好...

與其話 "培幼家長係咪比較緊張", 你不如問 " HK 既家長係咪比較緊張" 仲好喇...係冇...?? 唔好話係咪培幼, 個個家長都唔想自己既細路比人比落去架喇....so 好似我前面講, 你唔介意既你唔駛理人格, 好多野係自己同自己比 only ge je.....唔係下下要睇人頭既..不過....當一個世界係有資源限制, 好多時都係玩緊 "兩個只能活一個" 呢d咁"現實"既 game 既時候, 你係咪都可以咁泰然自若地唔理人就另一件事了...

比好多supplementary細路做呀
==> 我唔知, 不過我知好多人都上 N 個 course, 單對單英文, 單對單 PTH, 乜都有...絕對唔少得過個d 名校既學生

係咪好多90+分呢
==> 係

70-80分係咪算差呢
==> 咁當全班 (已經未計全級) 有八成人有 90+ 既時候, 你自己都識答呢條問題喇...right?

咁上小一唔知會點呢？
==>咁又唔駛太擔心既, 小朋友既適應能力好強, 只係我地亦唔可以因為咁就太放鬆佢地喇....我一向認為壓力係要有既 (呢個世界邊樹會冇壓力丫, 係冇?) 只係唔好一次過咁出就會較容易接受了...so 逐少咁令佢明白讀書係 fun 之餘都要有要求 (係學到野, 唔係 only 考到試) 係好重要...

我已好努力去幫佢
==>你點幫先..?? "哦"佢 or what? 講嚟聽下, 大家又分析下 are your ways effective??

下..提埋你啦....大彥小一 PE 堂既 exam 係要佢地 1 min 內要跳到 25 下繩架.....so 體能都要有番咁上下架...你阿女d左右腳協調做成點先, 有冇 train 下佢運動..?? 我大彥自問係運動型都係得 7x only ja....唔夠好...

私人傳訊

Kingkow

複式洋房

積分: 385

627^#

發表於 07-2-22 14:02 |只看該作者

Re: 彥媽與你 BB 讀書/學習交流站

彥彥媽咪

我在search學校info時, 週圍睇bk mummy的info & experience. 幸運地去到你的 "彥媽與你 BB 讀書/學習交流站"..................woo, 實在令我大開眼界.

對於你對POSTING十分敬佩. (1)各學校的分析, (2)現在"亞公"的機制, (3) 直資--私立--官津學校的講解, (3) 小朋友的教導, (4) 最重要的是你願意花很多的時間去type & share, .

你過往的posting實在太多info, 我沒有時間在web site閱讀你的文章, 所以我將你所寫關於學校的postings copy左 & print出黎, 在放工搭車時細閱. 我昨天在巴士上只睇了6頁紙 (仲有幾十頁未讀), 對香港小學派位的機制了解多了很多. THANK YOU

我囝囝今年K1, 正search一些小學info, 我有以下問題, 希望你有時間回答:

(1) 我的校網是34區, 一般Band 1+的小學都冇得諗架喇 (又冇關係分, 又冇宗教分{不會因為要5分而去信奉某某宗教}, 又唔係41校網). 宜家十分希望囝囝能夠考上以下的學校.

(直資) 宣道 / 培正 / 陳守仁 (曾考宣幼 & 培幼, 但都落空) .

(官津) 獻主會 (Daddy是old boy) / 牧愛 / 陳瑞琪LS / 農蒲道官立 / 馬頭涌官立 (35區) / 番禺會所華仁 / St. Joseph

(2) 可否對以上的學校作出一些個人分享 / comment.

(3) 有沒有其它學校應該考慮而我miss左呢? Pls advise. Thanks.

(4) 你以往的posting提及, 當填寫選校表時不能將最希望的學校放在2-3位, 咁即係應該點排位呀? 如果計分, 我囝囝有25分報"獻主會", 咁我填第幾志願呀?

直到目前為止, 以我對兒子的觀察, 他是一個能夠接受”傳統教學”的小朋友, 由他開始讀2歲班直到宜家K1, 跟據老師的comment, 他在課堂上都能表示得十分有紀律 (當然在家裡就比較難攪 {“蝦”媽咪}).

其實我自己target係”培正” & “宜道”, 但知道係好難考到的, 又要靠運氣. 好似上年Interview宣幼, 囝囝完全答了老師所有的問題, 有say good morning, goodbye, 但最後都是落空. 而”培幼”就冇得講啦, 完全唔知道考什麼 / 考成點, 冇得諗 (無奈).

THANK YOU.........THANK YOU

私人傳訊

twg

積分: 685

628^#

發表於 07-2-22 19:05 |只看該作者

Re: 彥媽與你 BB 讀書/學習交流站

彥彥媽咪:
你好!多謝你提供好多關於培正的資料!我囝囝將會入讀PC的07/08 K1 (am class)
after reading some of your 教仔心得,想請問下怎樣訓練小朋友自動自覺去做事eg: go to bed, doing homework? 我仔唔係一叫即做,幾勞氣吓!
as I'm a working mom and my son will be looking after by his grandparents + maid when he return from school(previously he was too carefully to be taken care of as what you've mentioned in your passages,又會蝦yaya,mama & sometimes me,又百厭,唔聽話,大脾氣,yaya,mama都怕咗佢,可以的話都盡量遷就--->怕咗佢D脾氣)
actually, 我會幾擔心佢放學後在家會再被寵壞(佢現在返全日n1,我接放學)
could you please give me some advice?

私人傳訊

Ellensu

積分: 800

629^#

發表於 07-2-22 21:51 |只看該作者

Re: 彥媽與你 BB 讀書/學習交流站

彥彥媽咪,

我係培幼一位家長介紹Babykingdom比我認識，仲有叫我多閱讀你既心得！果然係好介紹呀，你好helpful呀

。

咁單對單英文, 單對單 PTH... 有需要咁intensive train d 細路嗎？參加下d班我個女都有既。

如果咁多人90+分以上，咁以小女3年係培幼既成績，佢只係中等至中下吧。

佢d評估成績好普通，從未得過獎。未入培幼前，已讀過1年K1，仲係大女添呀！ :-| 我見有d同學2年都獲獎，又好醒目，所以好擔心阿女小一跟唔上。

我平日叫佢做supplementary exercise，佢好馬虎，又多careless mistakes。上堂就游魂，讀興趣班都係咁！我可能會辭職做full time mom教女了！但好驚我唔識教佢。

講真大把在職mom既孩子讀培幼，人地成績都好好，所以我轉全職housewife都唔一定好過別人的！彥媽都係在職同埋3個孩子啦。

So... I'm so worried about my daughter :-(

私人傳訊

積分: 12319

2024年龍年勳章

630^#

發表於 07-2-23 09:38 |只看該作者

Re: 彥媽與你 BB 讀書/學習交流站

Kingkow:

先歡迎你光臨, 得閒既就一切入嚟 chat la...不過講明呀, 要做"功課"架, 咪同一個問題問完又問噃...hehehe...唔係彥媽會

架..... :mrgreen: :mrgreen:

宜家十分希望囝囝能夠考上以下的學校: (直資) 宣道 / 培正 / 陳守仁 (曾考宣幼 & 培幼, 但都落空) .
==>先糾正你一d concept : 宣小同培小係"私立", 唔係直資, 陳守仁先係...兩種既辦學形式雖然係相近, 但其實都有好唔同既地方既

宜家十分希望囝囝能夠考上以下的學校.
(直資) 宣道 / 培正 / 陳守仁 (曾考宣幼 & 培幼, 但都落空) .
(官津) 獻主會 (Daddy是old boy) / 牧愛 / 陳瑞琪LS / 農蒲道官立 / 馬頭涌官立 (35區) / 番禺會所華仁 / St. Joseph
==> 呵呵...你問呢個問題同人人都一樣, 因為有"仔"既家長, 又住 34 網既都係同你一樣都係想考呢幾間, 而當中又好想去 St Joseph, Wah Yan (梗係啦, 傳統名校嘛)...不過你心儀既範圍相當大, 幾乎所有可以考既學校都俾你揀哂喇...老實講...有d貪心

同埋因為呢堆學校既方向, 宗旨, 程度都不盡相同, 咁...我會覺得你似想大包圍多過好清楚自己要乜噃....so 以我睇你問題既感覺, 你係咪只要間學校係校風唔錯, 是但一間收你小朋友你都 OK 呢? 你有冇要求既先? 因為有要求同冇要求既考校 strategy should not be the same ga wor...i.e. 若係有要求既 (e.g. 要有d名氣既, 要有中學 back up 既, etc) 咁你列出嚟呢個 list 有d根本唔駛諗啦....so you have to be very clear about your SELECTION CRITERIA 先得架...唔係人地話呢幾間好就去考架....你諗諗我先再同你度啦....

(2) 可否對以上的學校作出一些個人分享 / comment.
==>嘩...呢個問題有排答, 你問呢堆都係係家長都想仔女入去讀個d...算係 hot choices la...名氣當然以 St Joseph + Wah Yan 最高仲有 Band 1 Sec school, CSK La Salle 勝在有中學, 雖唔係最 top 既中學, 不過都唔差, 農甫道+馬頭涌官立係唔錯既小學, 派d Band 1 官中情況幾好, 所以好多家長 likey 佢地

獻主會 (Daddy是old boy)
==>最近有朋友佢囡囡考到獻主會, 亦係 1st round 入, 因為就係Daddy是old boy, 以佢 daddy comment, 呢間唔差, 雖則未算係最 top, 但都讀得過, 不過 of course 若以 priority 計, 佢唔會係家長既 1st choice 心水咁啦

牧愛
==> 一般, 可以考作 backup 啦

(3) 有沒有其它學校應該考慮而我miss左呢? Pls advise. Thanks.
==>仲有..??

梗係冇啦....成個 34 網考得既都俾你問哂啦...(呵呵..笑下你先

)...咁啦....考定d私小/DSS 做 back up 啦....呢點係人都會做架喇...

(4) 你以往的posting提及, 當填寫選校表時不能將最希望的學校放在2-3位, 咁即係應該點排位呀? 如果計分, 我囝囝有25分報"獻主會", 咁我填第幾志願呀?
==>你溫書唔熟呀....你要再睇多幾次我寫d野先得架....我咪講過派小學有 two rounds ga ma....計分個個 (25 分) 係 1st round, 邊有"排位"架....??? 1st round 係自行派位, 只可以揀一間去報 only, so 你仲有成 25 分咁多, 若 1st round 報番獻主會, 入硬咁滯了, 又何需等 2nd round 搞珠填志願呢..?? 你咪撈亂次序先得架...

其實我自己target係”培正” & “宜道”,
==> 都係個句, if you 目標清晰, 咁你可以 (1) K2, K3 時留意考插班, (2) 小學個時 of course 再考, (3) 真係黑仔小一都考唔到, then 俾心機響另一間讀住先, 操好成績, 小二小三再插過..煩係煩d...但若然係真係咁心儀某學校, 呢個係 at least 一個可以憑自己盡力去做d野扭轉局面既一個方法, 最後得唔得都好, 都叫已盡力, 問心無愧了, 對嗎..?? 再者, 若小朋友成績好, 大可以放心, 一定有好既學校會肯收佢插班的

私人傳訊

積分: 12319

2024年龍年勳章

631^#

發表於 07-2-23 10:29 |只看該作者

Re: 彥媽與你 BB 讀書/學習交流站

twg:

想請問下怎樣訓練小朋友自動自覺去做事
==>你問既問題其實都好普遍, 好多人都有此問題, 好..大家研究研究可以點搞...

我諗你或許都睇過好多教仔既書, 入面都有講唔少點處理類似問題, tum 又有, 正面鼓勵又有, 我都認同呢d方法, 但亦要知, 個個小朋友"質地"都唔同, 有d係受軟唔受硬, 有d你唔硬佢又當你唱歌, so 都不能一本通書睇到老...

但唯一我可以分享既係幾個 terms:
(1) 包容/接受 Acceptance - 要以小朋友既心去睇小朋友, 即係唔好成日諗"點解我細個個陣唔會咁架"..呢d...e.g. 你細個唔會含住啖飯 =/= 你小朋友唔可以含住啖飯, so 要去明白佢地有好多野都唔識, 因此有一顆包容既心先可以令你有耐性去教佢

(2) 堅持 Persistence - 好多野唔係一次就成功, e.g 我中彥食飯係包尾大班, 做功課唔係唔識, 不過一見有人幫就懶, 扮唔識, 想大人幫佢, 自己就唔駛做了, 但咁唔得...於是我就會好"耐性"咁同佢"鬥磨"...即係死都要佢自己做, 至多我做阿媽既一齊陪佢, 煩係煩d, 但係會有效果既, 等佢知唔係唔識就唔駛做丫嘛....仲有....呢種做法要好 consistent 咁做, 唔好太易心軟, 依家好多家長就係唔敢太"迫"個小朋友, so 好易俾小朋友做左主導, 令佢地 "lead" 番個大人做野, 咁第日手尾會好長, 因為第日大個出去做野, 出面既人唔會就佢地, so learn at home 總好過第日比人排斥先嚟 learn from failure 丫, 係冇..?? so 家長自己 here 都要 persistent 先得啦, 我知有時唔容易, 但咁唔代表 impossible, so 成效有幾大, 要睇家長幾有決心了

(3) 規律 discipline - 小朋友將來要面對唔同既 rules 下去生存, so 自小有 discipline 絕對係百利而無一害既野, 我咁講唔係要佢地好似"軍訓"咁誇張, 而係我真係見好多家長由得小朋友太"自由", e.g. 佢地話食乜就食乜, 汽水薯條一大堆, 之後就大獲, 睇醫生都睇到暈, 再唔係就勁肥, 小朋友半夜三更都唔訓, 第日冇 11pm 都唔起身, 呢d就係響我眼中冇規律既表現...要知道..小朋友年紀小時唔會明乜野係"有益", 乜野係"冇益", 佢地只係按佢地既情感去行動, 即係"我鍾意"就做, so 家長若太遷就我唔認為呢d叫"愛"佢啦...有d 野係可以俾佢"亂嚟", 但一講到一d important items, e.g. 作息時間, 食飯 schedule, learning, etc 我會執得幾緊, e.g. 自小我就要大中彥 9:xxpm 最遲 10pm 就要 zzz, even 個陣係新年又好, 節日一家玩又好, 一夠鐘我就要佢地走, 唔得賴死玩...係就係有時會冇瘾, but this also bring them a clear message here..玩還玩, 作息還是要定時, 第二朝唔理佢地之前幾點 zzz, 天一光 latest (even holiday) 9am 前就要佢地起身, 食早餐..etc...日子有功, 依家佢地個個都唔駛我叫 or 剷就會起身, 事情當然唔係一開始就咁順利啦, 最初大家總有角力既時候, 而另外, 我家既好處屋企係 decision maker 角色好明顯, 我屋企d老人家都唔敢太阻礙我教仔 (話時話, 我亦唔理), 呢點係令我可以 set up 到 discipline 比d細路既一個優勢, 唔駛一陣我有我講, 老人家見我地唔係樹就另一version, 咁會好難教....我明有時老人家好難搞, 但都係個句, 只要我知係為d細路好既, 我一定會堅持, 就是如此, 阿爸都冇面俾.

(4) 放手 Let go - 要 learn to accept mistakes and allow affordable mistakes...i.e. 我大彥 4 歲起已逐步要佢自己 try shower, so 好快佢已可以自己 take care 自己, 最初係就係一定一身都係泡, 又唔乾淨, 要我地執手尾, 但 at least he can learn from there...依家佢就 7 歲了, 所有起居飲食已自己搞掂, 咁對佢對我地都係一件好事, 畢竟將來佢地係要靠自己去創造將來, 做父母既係要 equip 佢地適當既能力, 而唔係 only 去 protect 佢地, 我眼見好多例子, 父母盡一切努力去 protect 子女, 好係好, 但我地可以 protect 到幾耐呢...so let go 係一個令大家都好過既法子之一, 但當然我唔係話乜都唔理個d啦....I know you will understand what I mean here..right?

以上所講係 my experiences only, 我明白都係個句, 人人家庭環境唔同, 細路都唔同, so 唔係 100% 抄足就等於會 work , 不過最重要係要明個 principle, so 我最支持 PERSISTENCE, 對教仔, or even 自己做人, 都一定有用.

私人傳訊

積分: 12319

2024年龍年勳章

632^#

發表於 07-2-23 10:47 |只看該作者

Re: 彥媽與你 BB 讀書/學習交流站

Ellensu:

咁單對單英文, 單對單 PTH... 有需要咁intensive train d 細路嗎？
==>你咁問我, 咁不如我問你丫...有d家長夠驚d細路唔夠營養, 幾歲人仔就一屋 vitamins 咁俾佢地食了, 又, 有d驚自己細路學野慢過人, so 6 個月唔夠, 坐都未掂就幾廿個 playgroup, learning video 呀咁.....so 你認為"有需要咁 intensive" 嗎...?? See? you are just asking a "VALUE" question here...係個人 preference and choice 既問題, 你叫我點答...??

所以好擔心阿女小一跟唔上。
==> 我信一個 terms: 學無前後, 達者為先, 唔係醒就一定得, 唔醒就一定唔得, 醒既只係可以令佢地溫書時間唔駛太多 only, 唔等於一定成績好, 同樣地, 唔醒個d 若自己知自己事, 了解自己 weakness 響邊, then 之後肯花心機將勤補拙, 呢d態度我先最欣賞, 我字典中, 世上唔會有"天生" 蠢人, 只有肯唔肯 learn 既人, 肯 learn 有得救, 唔肯既幾叻都冇用....我都係成日咁同我d學生講...

我平日叫佢做supplementary exercise，佢好馬虎，又多careless mistakes。
==> 你呢d係 "skills" problem, skills 唔得有得救, 你要做既係 nurture 佢既 learning motive, 即係 attitude, 你有睇我之前講 A, S, K 既問題冇..??

但好驚我唔識教佢
==>喂...喂.....你自己都有 learning motive 既 problem 噃, 你都未做就驚左先, 同你個女一見有功課就想逃有乜分別? 你要 role model 比佢睇你係唔怕 failure, 勇於嘗試先得架, she will learn from you, 唔係 learn 你個 skills/knowledge, 係 learn 你做人既 attitude, 明未...

你要俾信心自己 , say "我一定得既, 唔得慢慢 learn 就得" 咁先得架, 邊有人一生出嚟就識教仔呢....all of us 都係 trial and error, learn from others ga la....so 你都係, 唔識就大家上嚟研究下, 打下氣, 出去又教過囉...永不要言敗架..!!

I'm so worried about my daughter
==> worry 係唔會 change anything ge...要 take action 先係治本既方法....六合彩都要拎對腳出嚟行入個投注站先會有 chance 中架嘛...

講真大把在職mom既孩子讀培幼，人地成績都好好，所以我轉全職housewife都唔一定好過別人的！彥媽都係在職同埋3個孩子啦
==> 多謝你過獎, 彥媽都係人一個 only, 教仔都係邊學邊做啦, 只係我夠八, 我識既唔介意同人講, 因為唔想睇見d人做左d好野都唔知自己做左d咩咁好 or vice versa....唔識既我亦會好老實話你知我唔識同去問人, 去聽人地講, then 收收埋埋就會整理出一套岩自己用既方法, 學過既野我會記住, 唔俾自己重覆同樣既錯, 就是如此喇....

私人傳訊

twg

積分: 685

633^#

發表於 07-2-23 16:05 |只看該作者

Re: 彥媽與你 BB 讀書/學習交流站

彥媽:
thank you for your prompt reply, u r great!

u r very brave to have the 3rd child, could u share with us some of your 心得/ training method to teach/ train 3 children?

今時今日so many entertainment, it's not an easy work to train/ teach our children, esp for a working mom, right?

私人傳訊

ChioMaMa

積分: 547

634^#

發表於 07-2-23 17:34 |只看該作者

Re: 彥媽與你 BB 讀書/學習交流站

彥媽:

祝豬年順利, 身體健康!!

我囡囡考到St. Rose, 你認為讀St. Rose 及啟思邊間好? 因為兩間都算活動教學及程序淺

私人傳訊

Kingkow

複式洋房

積分: 385

635^#

發表於 07-2-23 18:46 |只看該作者

Re: 彥媽與你 BB 讀書/學習交流站

彥媽

唉……………我當然想仔仔能夠考上”傳統名校 - St Joseph / Wah Yan”, 之不過這類型的學校”爭賓頭”, 又唔同校網, 好似都冇得爭 (得個”望”字). 故此, 在沒有選擇的情況下, 只好選官津校 (農蒲道官立 / 馬頭涌官立 / 陳瑞琪LS). 而又因為daddy是獻主會的old boy, 好高chance入讀, 所以在我的list內.

如你所講, 我一定會考定一些DSS/私校做backup (宣道 / 培正 / 陳守仁).

我再三溫過書之後, 仲有小小唔明啊, 希望你有時間回答: THANKS.

1) 1st round 係自行派位, 只可以揀一間去報 ~~ 咁我是否只可選擇一間官津學校去報考呢? C 啦, 咁點選呀? 我應該去報”獻主會” or 去報我真係好想囝囝入謮的st.jo / wah yan呢? {但因計分制, 我都只得15分, 好似都冇嘜希望喎….., 我咁講…岩唔岩呀?) 與其都冇mug機, 是否應該去考一間機會高D/ 必收的學校(獻主會) 呀?} Pls advise.

2) 如果1st round我選了獻主會的話, 當然可以收工, 等開學啦. 又如果我1st round 走左去報st.jo / wah yan, 但又失敗而回, 咁我在2nd round填報校表時, 應該點呢? 是否應該1st choice: 農蒲道官立 / 馬頭涌官立 / 陳瑞琪LS
2nd ："獻主會"呢?

3) 其實我睇過BK媽咪的comment, “獻主會”都okay, 不過勁多功課, 如果能夠考入精英班, 而又能名列前茅, 將來派BAND 1中學都好大機會. (當然要好睇小朋友的天份 + 勤力 & 父母的協助 + 支持). 我都有打算, 如果仔仔P1時, 有好多功課/默書/考試, 我會辭職返去陪佢 & 教佢, 起碼是實實在在的支持佢, 而唔係send左佢去補習社就算數

. (P.S: 獻主會好近屋企, 不用長途跋涉返學)

其實我是一個比較隱陣 & 保守的人, 如果要去駁一D好低chance的學校(st.jo / wah yan), 而損失了本來好有機會而不太差的學校(獻主會), 最後都唔知派左d九唔搭八的學校, 我又好似冇咁大的勇氣

, 又怕因為自己錯誤的選擇而令囝囝失去左機會……………………唉…………….!!! 點好呢?

He…he…我今次係未清晰D呢, 因為我又溫過書先post架…讚下我啦!!

好啦, 我放工喇, 上巴士再溫書先, 之後又來煩你…!!

十分感激你的支持.

私人傳訊

Ellensu

積分: 800

636^#

發表於 07-2-24 16:56 |只看該作者

Re: 彥媽與你 BB 讀書/學習交流站

彥媽:

Thanks for your detailed suggestions!!

我個女比你講中: "唔肯 learn 既人..." :-(

你又講中我既weakness: "唔敢迫佢..."

我地兩個都一樣: attitude problems

我覺得佢仲差過剛入PC時，learning motives唔得呀！見到有同學兩年都得獎時，佢會唔高興。我鼓勵佢比心機，得獎與否唔緊要，我明白肯學習先重要吧！

而家叫佢做習作、reading...佢就發老脾了！

順便一問：學英文-- Cambridge English or 公文英好唔好架？邊間centre 學英文好呢？公文中/數又如何？請多包容我呢個問題媽媽！

私人傳訊

twg

積分: 685

637^#

發表於 07-2-24 18:22 |只看該作者

Re: 彥媽與你 BB 讀書/學習交流站

呢點係最難搞:

我屋企d老人家都唔敢太阻礙我教仔 (話時話, 我亦唔理), 呢點係令我可以 set up 到 discipline 比d細路既一個優勢, 唔駛一陣我有我講, 老人家見我地唔係樹就另一version, 咁會好難教....

要我屋企d老人家合作--->好難!

私人傳訊

積分: 12319

2024年龍年勳章

638^#

發表於 07-2-26 09:22 |只看該作者

Re: 彥媽與你 BB 讀書/學習交流站

ChioMaMa:

祝你豬事大吉呀~~~

我囡囡考到St. Rose, 你認為讀St. Rose 及啟思邊間好? 因為兩間都算活動教學及程序淺
==> 若以你打算佢將來都係 stay in HK to study 既話, St Rose 會好過啟思, 一來佢程度會 match 番 HK 既 syllabus, 二來費用亦平過啟思, 三來 St Rose 既直屬中學亦好, 我有朋友佢個女依家讀緊小學 at St Rose, 佢都話唔錯.

因為兩間都算活動教學及程序淺
==> No la...講活動教學, St Rose 同啟思爭成條街喇...St Rose 係好似一般個d 學校咁 : 張 chair 會活動 only je (我係講小學/中學), 幼稚園就間間都"活動" ga la

:mrgreen: :mrgreen:

私人傳訊

積分: 12319

2024年龍年勳章

639^#

發表於 07-2-26 10:03 |只看該作者

Re: 彥媽與你 BB 讀書/學習交流站

Kingkow:

1) 1st round 係自行派位, 只可以揀一間去報 ~~ 咁我是否只可選擇一間官津學校去報考呢?
==>俾你激死

都話左 1st round 係只可以報一間學校架喇...仲要問... :我暈喇~~ :tongue:

C 啦, 咁點選呀?
==> 六合彩都只係搞揀 6 numbers only la... (唔計複式, 考學校冇複式) 咁你叫我點答你...梗係揀你心水個d 啦, 唔通買電腦飛呀.... ???!!

我應該去報”獻主會” or 去報我真係好想囝囝入謮的st.jo / wah yan呢? {但因計分制, 我都只得15分, 好似都冇嘜希望喎….., 我咁講…岩唔岩呀?) 與其都冇mug機, 是否應該去考一間機會高D/ 必收的學校(獻主會) 呀?} Pls advise.
==>先講個 fact, 1st round 揀獻主會, 因為你有 25 分, 入到機會好大, 但若你選 St Jo/Wah Yan, 只有 15 分, 即係人人都有既分, 以呢d 傳統名校, 好多人係教徒+old boys, 15 分連抽既機會都冇...so 你要自己衡量你想 1st round 就搞掂, 唔想等到第二年六月搞珠開彩就算, 定係唔搏唔心惜個種 decision making la....人人 choices 唔同, 就好似玩"一擲千金" 咁囉, 個寶箱入面係乜冇人知 (可以係大獎, 亦可以係鉛筆一支), 但依家主持人就願意出 $10,000 同你買, 你要獎金定獎品丫....你要問你自己想點, nobody can help you here ga wor...cos that is YOUR choice, not MY choice ar....

又如果我1st round 走左去報st.jo / wah yan, 但又失敗而回, 咁我在2nd round填報校表時, 應該點呢? 是否應該1st choice: 農蒲道官立 / 馬頭涌官立 / 陳瑞琪LS
2nd ："獻主會"呢?
==> 無論你填乜, 1st choice 都應係你最想考到個間啦, 而另外, if you put MTC or La Salle at 2nd/3rd choice 都多數唔得, 因為好多人會 put these 2 schools as 1st choice ar ma....so 2nd choice 應係d冇咁 hot 既 school

我都有打算, 如果仔仔P1時, 有好多功課/默書/考試, 我會辭職返去陪佢 & 教佢, 起碼是實實在在的支持佢, 而唔係send左佢去補習社就算
==>關於呢點我第日都有d野想講...Let me give your another pic to consider...

一方面我讚成你講 "實實在在的支持佢" 呢個 point, 但另一方面 "陪佢+教佢" =/= 佢一定會成績好又係另一個 point, 因為你要明白, "媽咪" 同 "老師" 既 roles 好唔同, "媽咪" 係要嚟錫佢既, 會包容, 愛錫, 甚至有d spoil , 但"老師" 唔同, 老師會講規矩, 寫字唔靚要擦過, 一日到黑同佢講既係讀書, 讀書, 讀書, which is something that most kids dislike, 咁你可以想像下, how can you put two roles together? 因為最大問題係 these 2 roles 有 conflict of interest ar...若係咁..後果係...親子關係有機會變差, 因為阿仔一見到你就會諗起 "又要讀書" 喇.....你一見到佢亦會好自然就又提起"功課呀" 咁...又都幾冇瘾架...

我就係試過有此情況 (唔好話我係 working mom la..已經唔係分分鐘都係屋企篤促佢) 之前試過每日返屋企同佢溫書跟功課, 嘩...一見佢d字打哂風就緊張 (因為學校都執得幾緊架, 咁我唔緊都唔得啦, 唔通見佢日日俾日用紅筆打哂圈大家會開心咩?

) 咁自然又 e e or or ....小朋友小學only, 話哂仲細, 佢唔會明你緊佢係為佢將來好呢d野, 只係好直覺咁 feel 到"阿媽又因為返學讀書而 or 我" , so 反而好容易因為咁討厭功課添 (因為阿媽次次 or 佢都係因為讀書丫嘛), 再者, or 得多見佢又好慘, 但我睇到唔出聲仲慘...左右做人難架...

so now 我揾左個大姐姐同佢跟功課, 我就 stay at the back 再 follow up , 補飛同陪佢講故仔, 又關心下佢學校d 鎖事, 同朋友仔相處成點 etc...乘機 mould 佢d values, 冇左 "功課" 夾係我地兩個中間, 大家依家冇交嗌, 舒服哂....我打算等佢大d啦, e.g. 中學, 一來個人既是非 values 已建立, 同佢講"道理", 睇將來佢會易d catch up 到, 咁佢先會容易明 why 我既行為 (要佢學呢樣, 讀個樣 etc) , 二來中學d功課深d , 親自跟我會更能盡快掌握到佢既 weaknesses, 起碼做阿媽既會解比佢聽, 而唔係只係一般d補習社咁, 做哂d功課就算, 只知其答案而不知其意義就多鬼餘...

其實我是一個比較隱陣 & 保守的人, 如果要去駁一D好低chance的學校(st.jo / wah yan), 而損失了本來好有機會而不太差的學校(獻主會), 最後都唔知派左d九唔搭八的學校, 我又好似冇咁大的勇氣 , 又怕因為自己錯誤的選擇而令囝囝失去左機會……………………唉…………….!!! 點好呢?
==> 十個有九個媽咪都有你此 worry, 我只係想講, 亦係人人都知 ==> 凡事係 give and take , 你唔可以要哂全世界.... 每個 choice 都有個 price, so it all depends 你係一個乜既 risk taker, if 你知你唔係一個 high risk taker, 咁就疊埋心水睇自己可以 afford 既, 同時亦唔好理人地點中六合彩法..咁你既人生先會過得舒服, 唔會好易就成人睇見人地點點點就陷入"早知我又咁咁咁啦" , "我對阿仔唔住, 冇幫佢 try" 既感覺喇...

好多野唔可以成日 look back, 只可以向前望, whatever choices you made, 就多欣賞自己做既, 真係唔好彩 the choice is not a good one, 就 think think how to correct it, 凡事唔係一入候門深似海既, 唔好咪諗吓下一步點搞, 搞到好喇..right?

私人傳訊