吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 鍾意印度文化嘅請進 update 7/6

興趣嗜好今日: 2|主題: 124505

收藏本版

發帖

返回列表

跳至頁

樓主: molasses

31 323334 35...38

積分: 1233

641^#

發表於 15-6-14 18:08 |只看該作者

引用：Quote:原帖由 aleung08 於 15-06-11 發表你

原帖由 molasses 於 15-06-13 發表
你老公星期幾食？原來每個屋企都有拜唔同主神，所以幾乎日日都可以係守齋日。同埋每個家庭規矩都唔一樣，濕 ...

佢逢二四，遇到週年紀念、生日都要提早，因為連蛋都唔食得

私人傳訊

aleung08

大宅

積分: 1233

642^#

發表於 15-6-14 18:17 |只看該作者

引用：Quote:原帖由 aleung08 於 15-06-11 發表我

原帖由 molasses 於 15-06-13 發表
又講下呢個節先，歡迎其他印度太太開心Share!

Diwali，新度人視佢如新年，係一個好大好重要嘅節日。咁首先 ...

講開diwail ，係慶祝祝之前有一個節日 Dussehra 佢地相信個日買metal 為全年帶來好運，我為咗換哂屋企啲煲鑊，死忍難忍先係個日一次過買哂

私人傳訊

molasses

公爵府

積分: 25627

643^#

發表於 15-6-14 18:51 |只看該作者

引用：Quote:原帖由 molasses 於 15-06-13 發表你

原帖由 aleung08 於 15-06-14 發表
佢逢二四，遇到週年紀念、生日都要提早，因為連蛋都唔食得

我哋都係喎

Hanuman day 同 Sai Baba day

私人傳訊

molasses

公爵府

積分: 25627

644^#

發表於 15-6-14 19:37 |只看該作者

回覆：aleung08 的帖子

講下一椿印度婚姻，由零去返零嘅故事。

印度婚姻絕大多數都係arranged marriage, 係由父母去安排嘅非自由戀愛，子女一到適婚年齡就會等父母幫佢哋物色一個對像，除咗靠親戚朋友間互相幫忙介紹之外，報紙都係一個渠道，印度報紙有好多版都係呢啲徵婚廣告，當中會寫低徵婚者基本資料外，會寫埋宗教，呢點好緊要，因為唔同宗教有唔同嘅一條龍儀式及禮數，而印度好少有跨宗教嘅婚姻。

呢個故事嘅主人翁係我堂姑9，叫佢做R，佢嘅結婚對像叫M。再講下人物關係先，我62同伯父係親兄弟，而我99同伯娘係親姊妹，即係兩兄弟分別娶咗一對姊妹，咁兩家人係親上加親。

喺舊年8月我哋一家三口返咗印度探親，忽然有一日，我99由早講電話未停過，一時又突然走咗去，勁忙咁又出又入又講電話，咁中午時我見伯父嚟，同99講兩句又走咗，隔陣又開電單車嚟接我99走，總之我唔明佢哋講乜都知將會有事發生。就係咁忙忙忙之後，到咗黃昏我99話R要結婚啦，咁我同R都好friend，喺印度差唔多日日見，我心諗點解R冇同我提過嘅呢？因為早一日先見完嚟，所以聽到我99講完我都有啲緊張同詫異。過咗一陣R如常同堂姑仔嚟我哋屋企，咁我就問佢係咪結婚，跟住R有啲靦腆咁話係。原來我99忙一整日就係為咗呢門親事，原來伯父佢哋一早放咗風話想幫R搵老公，而我99喺經常去串門之下知道我哋後面街有個男仔又係到咗適婚年齡要搵老婆，咁就想撮合佢哋。

之後過咗一兩日到咗星期日，一朝早又係突然啲人好忙，今次加埋我老公，佢哋講咩我其實唔係好明，反正每次喺印度嘅家庭活動我都唔係100%清楚做乜同去邊，總之老公叫上車就上車。今次上咗車，開咗一陣，99同老公好似鬧交咁，突然折返屋企，我老公叫我戴晒啲金器上身，佢都係，跟住我哋一行人就去咗伯父屋企，原來呢日係R同M相體。我哋一入屋就見到爆多人，M嗰邊有佢父母、阿嫲、姨媽等等，我哋呢邊有晒62三兄弟全家、阿嫲同阿嫲個妹。咁原來我有個功能喎，原來一到呢啲情況，個待嫁女仔要搵個阿嫂傍住佢由房出嚟見男家，因為我老公係佢嗰輩入面唯一一個結咗婚嘅男仔，所以我就要做呢個任務，我入到房見到R，從未見過佢咁含蓄，講嘢咁細聲。佢當日著咗套新衫，又搞過個頭，平時嘅佢好爽朗，好有男仔頭性格，同嗰日完全唔同咁ready好我就傍住佢出房。佢同M打對面坐，兩個都有啲怕醜，有啲靦腆，低頭又間唔時偷望。咁雙方親友傾咗陣，R同M就由雙方各自一個女長輩陪同下入咗房，咁做係俾佢兩個[獨處]下，問下對方問題咁。過咗大約半個鐘四個人就出嚟，咁雙方家長問下佢哋意思點，兩個人都含蓄地點頭示意ok，咁呢門親事算係得咗，全屋人都拍手互相恭喜。全程好搞笑，我哋呢邊啲人猛問我覺得點，個男仔得唔得，係當住人哋面問囉，叫我點答呢？

待續....