影視娛樂 今日: 1 | 主題: 16126

積分: 28097

641^#

發表於 15-10-21 20:54 |只看該作者

本帖最後由 hugoma2015 於 15-10-21 23:37 編輯

rose-mag 發表於 15-10-21 16:15
第1集看點
（8）物是人非，相逢對面不相見
快到金陵城門外，通過長蘇由馬車內拉開帳幕看到外面的畫面表現了 ...

之前有人話胡歌面癱，如果佢地睇到你CAP既圖，就知道自己被胡歌打臉打得好緊要了。你CAP既圖基本上是一秒一幅，逐格睇，胡歌D細微表情真是好精準，好到位。1、2秒間情緒已經流轉千回。講真啦，只要喺有心睇，唔帶偏見，個個觀眾都會感受到佢通過呢D細微表情帶出黎既情緒。話佢面癱果D，欲加之罪何患無辭！

我覺得當聽到“郡主駕到”的時候，宗主應該未反應到喺霓凰，所以佢仲打開個車簾，想八卦下，睇表情佢仲幾平靜。當豫津叫“霓凰姐姐”，佢成個人神色都唔同左。雖然預左會見，但是想唔到會喺甘樣既場合見到。

宗主偷望郡主時，會喺一種咩心情呢？會唔會有愧疚同自責呢？本應在自己保護下無憂無慮既小女孩，而家卻要獨力支撐雲南穆府。會唔會有一絲自慚形穢呢？郡主既武功是宗主教的，而家郡主武功高強英姿颯爽，而自己卻手無縛雞之力。宗主喺一個好有自尊心，好有責任感，對郡主充滿保護慾既人。郡主越強，越獨立，宗主難免會越心痛佢，越覺得愧疚。

除左你所講既“想見，唔敢見，偷望，又不要見”。我覺得佢當時仲有“怕見”。當郡主問車上是什麼人，宗主個表情好忐忑，佢低頭應該思索緊，萬一郡主要見佢，佢點辦。當佢聽到郡主無再追問，上馬離開。佢終於可以松一口氣，亦可以放任自己情緒流露出黎。

講到眼眶紅，其實我一直都覺得胡歌眼袋比較紅噶。

私人傳訊

積分: 28097

642^#

發表於 15-10-21 21:53 |只看該作者

本帖最後由 hugoma2015 於 15-10-21 23:40 編輯

rose-mag 發表於 15-10-21 15:15
其實我又唔覺宗主同飛流嘅戲曖昧，心智不全嘅小朋友其實都有同飛流相同嘅特質，會比較依賴一個佢信得過嘅人 ...

宗主同飛流D戲，如果睇小說，就無咩，拍出黎就難講啦，尤其而家有D人“腐眼看人基”。

唔知道我既理解啱唔啱，我覺得一個好演員需要2個素質，一個喺理解能力，一個喺表達能力，即係表演技巧。今日先同公司D電視精討論過，仲有邊個可以演宗主。其實有演技既演員唔喺無，我擔心既系佢地對“宗主”既理解。我相信100個演員就會有100個理解。好好彩，胡歌既理解正中我地下懷。舉例講，如果佢將宗主理解成一個“病弱男”，咁再好演技都無用。因為宗主應該喺“病而不弱男”。

前輩講得啱，我覺得任何一個角色既性格都不會喺天生出黎，一定有前因後果，一定喺特定環境造成。例如郡主，我當時睇既時候，就覺得佢而家甘豪闊，霽月清風，舉止有度，除左是多年戎馬生涯的磨練，我覺得好關鍵就是從細郡主都得到真正既家庭溫暖，喺有愛既環境之下長大，除左有父母愛，仲有林殊哥哥，仲有太奶奶痛錫。所以當佢接連遭遇劇變，佢個心態依然可以保持正面。依然會為左保護佢既幼弟，而撐落去。同樣宗主都是，佢都喺愛既包圍之下長大，所以就算佢梅嶺之後一無所有，身負血海深仇，佢都無想過用摧毀一切既，激烈既辦法去復仇雪冤。佢依然相信呢個世界有公義有光明。

私人傳訊

積分: 28097

643^#

發表於 15-10-21 23:32 |只看該作者

rose-mag 發表於 15-10-21 14:55
第1集看點
（7）回歸金陵
兩個小朋友言豫津跟蕭景睿到廊州接梅長蘇到金陵城養病，原著中同行還有謝弼，電視 ...

宗主第三次出場，綜合前面第一次出場，大家都知道宗主返金陵喺有大茶飯要搞了。

不過我覺得飛流話金陵果度，宗主既表情是一個苦笑。12年了，終於要返去了，終於要解決了，終於要見返D想見或者唔想見既舊人了。

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

644^#

發表於 15-10-22 01:48 |只看該作者

引用：Quote:rose-mag 發表於 15-10-21 16:15 第1

本帖最後由 rose-mag 於 15-10-21 18:14 編輯

原帖由 hugoma2015 於 15-10-21 發表
本帖最後由 hugoma2015 於 15-10-21 23:37 編輯

逢係冷静或清冷嘅角色，而家d觀眾都話個演員面癱，見怪不怪，步步驚情四爺如是，花千骨白子畫如是，琅琊榜宗主如是，睇表面可以話冇錯，仔細少少睇係有內心戲有舖陳，呢幾個演員都係用對眼用個心做戲，只要近鏡影住幾秒，果幾秒内瞪眼，垂睫，眼珠流轉，眼皮張馳都係一個情緒表達，見唔到係觀眾自己觀察力問題同道行啫，吓吓張眉弄眼，咬牙切齒至嘅演技層次唔同，即使如謝玉，言侯，夏江都有唔吹鬚睩眼嘅時候，佢地嘅氣場都好精彩，不過始終續個細節寫工程浩大，去到值得講嘅我都會抽出嚟講吓。

對於宗主遇到霓凰呢度，你講得冇錯，的確係有愧疚有自卑，呢兩樣係我尋晚寫漏咗(明明已經補充再編輯都係漏咗，抵打，我賴我眼瞓

) 宗主對霓凰嘅愧疚應該係令穆王府受到連累，又未至於話因為自己唔在場令郡主受苦，穆王爺戰死唔係佢責任，但如果當年冇發生赤焰慘案，林殊當然會保護郡主，霓凰生於軍人家庭，佢都注定係要成為強者，即使有林殊，郡主亦要挑起王府呢個重擔，只係如果當時一切如舊，或者佢會提早成為郡馬爺，去幫助霓凰出征，但唔代表郡主唔會上戰場，宗主反而係心痛霓凰面對困難嘅時候，自己不能出面幫佢，郡主冇人依賴，連個可以撒下驕依傍下嘅膊頭都冇，明明呢d原本林殊都會俾到，但而家梅長蘇做唔到啦。

宗主回到金陵，而家幾叻都好，好難唔想起以前青葱歲月，喺佢心目中最光輝最寫意最飛揚就係降馬執弓揮劍馳騁沙場嘅日子，呢d而家佢全部都做唔到，雖則我覺得郡主嘅武功未必全部來自林殊(穆王爺都係勇武之人，自是由細至大教育一對兒女), 但當年有邊個同輩會比林殊更文武全才？一齊練劍論事，林殊一定教到好多嘢俾身邊人，霓凰，靖王，景睿，豫津幾個對於林殊嘅回憶都係如此美好，呢幾個以林殊為馬首是瞻嘅人都痛恨或鄙視玩權術陰謀之輩，可見林殊本身都係一個討厭玩弄權術嘅人，而家嘅梅長蘇正正係呢種以前林殊最討厭嘅果類人，因為佢病弱之軀已經冇能力做番以前果個人人景仰嘅少年將軍，骨子裡為雪冤佢忍耐，內心掙扎，但面對霓凰，佢自覺已經配唔起佢，霓凰身邊應該係一個比霓凰更強嘅人，至少應為一個可以保護到霓凰嘅人，而家長蘇無能為力。一方面宗主自卑，另方面唔想郡主見到一個如此不撼嘅自己，呢場嘅内心掙扎好多，亦好反覆，宗主思念之切又怕此一相見會變成一個自己控制唔到嘅變數，最後選擇唔見。
其實見到而家霓凰成為咁強嘅主帥，宗主心情係好矛盾，應該係有開心，自己嘅小女孩有成就，佢為郡主自豪；同時亦有心痛，霓凰過去十二年嘅經歷，既然宗主都有打聽，佢一直知道唔易；亦有自卑，十二年後，佢已經唔可以同霓凰企喺同一條線上面，喺郡主面前，佢何只係低一級，冇功勳冇力量冇權力冇品位，甚至自己都睇唔起自己。不過我覺得以宗主而家嘅智慧同心中隱藏嘅氣節品格，即使佢係一介布衣，又非武將，郡主一樣再會愛上宗主，外表改變，能力有異，但一個人嘅最純粹嘅心係唔會變，所以郡主最初對佢冇陌生感覺，果一下拖實郡主隻手，雖然以老人家心情做籍口，霓凰果下又點會冇動心，只係佢當時唔感覺到係咩一回事，根本由佢入暖閣加上太奶奶叫佢小殊果陣，郡主對宗主呢個人已經發生興趣。

花旗太太生活在花旗國，留意時差，你問我未必即時答到。

私人傳訊

積分: 174325

645^#

發表於 15-10-22 03:38 |只看該作者

引用：Quote:rose-mag 發表於 15-10-21 14:55 第1

原帖由 hugoma2015 於 15-10-21 發表
宗主第三次出場，綜合前面第一次出場，大家都知道宗主返金陵喺有大茶飯要搞了。

不過我覺得飛流話金陵果 ...

呢個心理準備一定有，我自己覺得宗主去金陵前係躊躇滿志，準備果場歷時兩年嘅大龍鳳，佢有準備到時點面前以前識得嘅人，正如佢面對景睿豫津呢兩個以前嘅小朋友，因為時間同相熟度唔同，去到面前郡主靖王又另一番心思，面對當日親手殺佢喺謝玉同背後黑手夏江，果個情緒又係另一回事。

我覺得未離開廊州時嘅宗主，想去點去收拾謝玉夏江皇帝為主，要佢地為當年慘案償還，見故人為副，可以的話，宗主係唔想牽連任何一個以前嘅朋友親人，佢想盡辦法去達到目的同時保全親朋，呢樣至令佢心力交瘁。

睇完小說啦，個結局唔鍾意，我睇果個版本最尾長蘇冇見梁皇，梁皇亦不似而家呢個咁強咁野蠻，金殿上張力唔夠，長蘇不能回復林殊身份唔關梁皇事，係佢自己唔肯。雖然我都唔鍾意電視中梁帝要佢以林殊身份去交換重審，但呢個小說版太草草收場，據海宴文中終章講係要趕出書，到時書會有修改，我揾咗幾個網上版都係呢個。以結局論，我有幾樣唔鍾意：夏江收場含糊不清，梁皇太弱，重審許得太易，變成前面咁多舖陳有點雷聲大雨點小，郡主同聶鐸太乞人憎，兩個成日想住點上明面返金陵點樣可以成親(呢個亦係我最初猶豫睇小說嘅原因), 唔鍾意言侯搶咗宗主喺獵宮果段對白。

而家睇番電視劇改編，静妃多咗好多戲，小說中静妃心計冇咁多，電視中設計俾小新發現同刻意搞一場向靖王招認，有d覺得令静妃減分。，不過劉敏濤做得好恰到好處，静妃還原度超高。梁帝小說同電視相差幾大吓，可能劇組覺得有好演員唔好浪費，我會希望係介乎兩者之間，小說版太弱電視版太強，我覺得一個垂垂老人多少會心軟同力不從心，所以電視版果個過咗龍，唔關演員事，係改得過咗火。同樣地，小說後尾夏江冇晒影電視又過份神通廣大，我鍾意獄中見前妻果段，但金殿對質連火寒毒都拎嚟做文章就即時狗血晒。梅石楠同榛子酥如果可以加番入去更好，而家處理上變成有少少遺憾。

花旗太太生活在花旗國，留意時差，你問我未必即時答到。

私人傳訊

積分: 174325

646^#

發表於 15-10-22 11:04 |只看該作者

doll100 發表於 15-10-21 03:04
剛剛佢有個新訪問。。。 http://ent.163.com/15/1021/15/B6FA123G00031H2L.html

原來胡歌好鍾意"Shawshank Redemption"，呢套亦係我好鍾意嘅電影，完全冇女角，但成套戲睇到我好感動，我第一次睇到主角逃獄成功就眼濕濕，最後沙灘兩個好朋友重遇，個心好有震撼感。

花旗太太生活在花旗國，留意時差，你問我未必即時答到。

私人傳訊

積分: 174325

647^#

發表於 15-10-22 13:08 |只看該作者

第1集看點
（9）護國柱石，寧國侯府
入城後到達了蕭景睿在金陵的家：一品侯爺謝玉的寧國侯府，門前的御筆牌匾寫上「護國柱石」，可見這位一品寧國侯謝玉在朝堂上舉足輕重的地位，因為蒞陽長公主刻意的低調，平時也以謝玉為尊，加上謝玉以前的顯赫軍功，官至一品，謝玉的駙馬身份反而較少人提及。看著這塊牌匾大大洌洌的立在面前，宗主的心內是那一種味道？這個一品侯的軍功是踐踏在七萬赤焰軍魂身上建立的，自己落得如施身世也拜他所賜，今日站在寧國侯府門外不覺世情實在諷刺，一個謊言兩通假訊三個自私的靈魂埋沒了真相，七萬人葬身火海，朝中株連喪命者貶罷者不計其數，十二年後這件慘案的三個始作俑者如日中天，由今日開始命運之輪將會朝另一個方向轉動。。。

宗主聽著蕭景睿稱讚自己父親如何忠義，不免失笑，暫時也不便揭穿真相，還是讓景睿繼續沉醉於自己的孝道多一會兒。

回想過去，謝玉的十二年風光讓知情者咬牙切齒，仇恨的火雖在眼中燒，長蘇的面上還是風度凌雲，一派懦雅。

暫時長蘇要刻意低調一陣子，所以就咐囑景睿以蘇哲稱呼他。

電視版，宗主到金陵才認識謝弼，小說中謝弼在江左範圍早遇上宗主，是他跟景睿一路護送長蘇入京。這個人物設定的變動其實也不太影響，劇組省去了宗主跟景睿、豫津和謝弼相識和相交的一段淵源，景睿跟衛錚夫人雲飄蓼的一點關係也沒多著墨，原小說中多達七八章的內容只一集全包了，不能不說節奏有點快。

那邊廂，謝玉正在跟卓青遙談有開保護慶國公家奴入京告狀的事，聽見外面家僕報告景睿回府，只好匆匆結束談話。

謝玉正準備教訓這個在外浪蕩過了頭的兒子

一眼看見站在外面的梅長蘇，見有客人在就不再好數落兒子了。

謝玉可能是驚訝也可能是本能，他看梅長蘇的眼神是那樣的錯愕，又帶點心虛，貴為一品侯，謝玉還是腰板挺直，風度不凡，不怒而威。

長蘇眼見仇人，眼神深邃，氣場強大，表面禮數周周

心中想著當年那個回頭的剪影，十二年前的那張臉只是老了，正是化成灰也不會不認得，嘴上笑意裡藏了刀，扳倒這個寧國侯的計劃正式啟動。

花旗太太生活在花旗國，留意時差，你問我未必即時答到。

私人傳訊

積分: 174325

648^#

發表於 15-10-22 13:28 |只看該作者

本帖最後由 rose-mag 於 15-10-21 23:46 編輯

第1集看點
（10）霓凰招親，女人的友情
梁帝名為霓凰招親，體念她已過適婚年齡，如今穆青已接過爵位，那她的擔子可以御下，其實目的只是不想她在雲南坐大，山高皇帝遠不好控制。

霓凰還是有點烈女個性，不想嫁個自己不喜歡的人，於是提出要跟中選者續一較量，梁帝不點不滿又不安，霓凰保証如果遇到意中人的話，不論對方武功高低，自會讓輸。梁帝縱不太高興，還是讓了這一步批准她的要求，只是叫她適可而止。

梁帝詔旨女懸鏡司掌鏡使夏冬入宮，特別下旨要她全權去查慶國公侵地案

夏冬不能親眼見証霓凰的比武招親。跟霓凰相識十多年，夏冬看著霓凰長大，兩人推心置腹，只因當年赤焰一案而心存芥蒂，夏冬夫婿聶鋒當年為赤焰軍將軍，因為主帥謀反被殺，霓凰跟林殊有婚約，霓凰一直不相信林家有謀反之心，守著當年婚約，於是霓凰一日不嫁，夏冬心中總有一條刺，不能真心當她是朋友，但其實兩個苦命的女人心底下是對方最推心置腹的莫逆之交，夏冬也希望霓凰早日找到可以付托終身之人。

花旗太太生活在花旗國，留意時差，你問我未必即時答到。

私人傳訊

積分: 174325

649^#

發表於 15-10-22 14:22 |只看該作者

第一集的絮絮念
節奏快人物多，我看第一次時未看小說，不過覺得還好，其實每個人物第一次出場都有名字和身份解說，所以也不會太混淆，而且人物的造型也很有特色很有個性，出場時的大特寫鏡頭和出場的形式都令人印象深刻，所以我沒有某些觀察覺得亂的投訴。

畫面流麗，配樂貼切，讓第一集已有很吸睛的效果，開場赤焰軍被屠一幕很震撼，也帶出了全劇最重要的內容，這個血淋淋的事實貫通全劇，這些畫面也將會在稍後的章節中出現，因為是主角的親身經歷，所以都是運用了主觀鏡頭，震撼力更大。

琅琊山的靈山秀景、廊州的墨山淡雲、江左面的輕霧冷水營造出一幅幅如詩的靈動畫面

反看金陵城的冰冷，寧國侯府牌匾的虛偽，如不是有不得已的理由，逍遙自在又貴為天下第一大幫主子的梅長蘇也不會選擇重回金陵

忘記過去不比回到舊地面對難，何以梅長蘇秏盡心力還是要回去金陵，苦心經營深謀遠慮去在這浮華之地撥弄風雲，為的只是昭昭日月下的一個真相，他相信天地間公義依然存在，即使要運用陰謀權術，他從未想過要去害無辜的人，他所對付的人都是惡行昭彰，罪有應得。

每個演員在這一集中出現的時間雖然不算多，但個個都算個性鮮活：跳脫愛熱鬧的言豫津、有禮模範兒子的蕭景睿、帶著血海深仇回歸金陵城表面溫文爾雅其實城府很深的梅長蘇、老謀深算的譽王、急燥驕恣的太子、艷麗才女謀士秦般若、深藏不露的謝玉、江湖義氣的卓家父子、堅毅玲瓏霽月清風的郡主霓凰、剛強冷靜鐵面無私的女掌鏡使夏冬。。。大量的慢鏡、大特寫、遠景深把角色突出，加上配樂襯托，第一集算是很成功的吸引觀眾追下去。

花旗太太生活在花旗國，留意時差，你問我未必即時答到。

私人傳訊

積分: 28097

650^#

發表於 15-10-22 14:32 |只看該作者

rose-mag 發表於 15-10-22 03:38
呢個心理準備一定有，我自己覺得宗主去金陵前係躊躇滿志，準備果場歷時兩年嘅大龍鳳，佢有準備到時點面前以 ...

你而家應該明白我點解成日話睇左套劇，就無需要去睇原著啦？因為套小說論權謀，論文筆都不算好突出，不過整體架構、情節緊湊性唔錯，最緊要是人生觀，價值觀，愛情觀好值得睇，佢打動人既，喺佢既情懷。

我都覺得小說到左後期，收得好倉促，而且海晏好似有D強迫癥，幾乎所有出現過既人物，佢都要交代一下。我覺得睇到後面就好鬆散。小說的出書版，是有皇帝最後同宗主既談話。宗主講完，靜妃再同皇帝講，然後皇帝就真心認錯了。

海晏可能覺得當時小說後段寫得太兒戲，復仇太容易，所以佢話要增加反派智商，增加復仇難度。

至於電視劇，我最唔滿意既改編就是靜妃以及後宮戲份加太多了，搞到中後期，我以為自己睇緊《甄嬛傳》。小新果段，都可以完全唔要啦。其實真是CUT左我宗主好多戲，謝玉PARTY明明是佢放火解圍，結果變左長公主出面用愛情感動謝玉。有呢個必要咩？衛崢被捉，佢教云姑娘既說話又CUT左。然後獵宮又俾言侯搶左對白。果段對白應該留比宗主噶，甘樣當夏江指正佢就是林殊既時候，皇帝想返獵宮佢咁熱血既表現，就會更加懷疑佢喺林殊。否則，以夏江果D咁唔符合邏輯既指控，以皇帝既智商，邊有可能相信？

私人傳訊

積分: 28097

651^#

發表於 15-10-22 15:00 |只看該作者

rose-mag 發表於 15-10-22 01:48
逢係冷静或清冷嘅角色，而家d觀眾都話個演員面癱，見怪不怪，步步驚情四爺如是，花千骨白子畫如是，琅琊榜 ...

少少建議，其實每集抽重點場口黎分析就得了，有D走過場既，就唔緊要啦。我怕你工作量太大啊。

是啊，宗主見到郡主咁女強人，一定會自豪，為佢高興。因為睇到佢既成長。

宗主亦會心疼，“如果我喺度，佢又何須經歷呢鐵血10年，何須打仗冒險呢？”雖然郡主都是將門之後，但是以一個父系社會黎講，肯定喺男人出征先。返到金陵之後宗主都盡量將郡主排除喺佢既計劃之外，可以想象，如果他仲喺林殊，佢邊捨得叫自己的小女孩上戰場。佢對郡主既保護慾越強，就會越心痛

但是，而家就算我喺你身邊，我都保護唔到你啊。唔好講身份地位武功了，就算是身體，都配唔起郡主咯。我想起第七集宗主同夏冬講佢點解唔去追求郡主，果D說話喺佢真心話啊，好心痛佢。

我其實一直都認為就算宗主唔是林殊，只是梅長蘇，郡主都會愛上佢噶。郡主最開頭就無想過佢是林殊（其實我覺得電視劇裡面將郡主點樣開始懷疑佢，交代得唔夠清楚。唔知道喺唔喺CUT左因為聽講開頭CUT左好多野）。第3集郡主同弟弟講，佢主動結識宗主，因為佢喺江左盟宗主，曾經幫過佢地。可見郡主對宗主一開始就有好感。再睇翻第二集，郡主跟皇后去謝玉家想見宗主，然後在暖閣，宗主一入門，郡主就眼金金望到實。可見佢對呢個麒麟才子幾好奇。

郡主何其幸運，能遇到林殊同梅長蘇呢2個極品男人。郡主又何其不幸，失去左林殊同梅長蘇呢2個極品男人……

私人傳訊

積分: 174325

652^#

發表於 15-10-22 15:32 |只看該作者

hugoma2015 發表於 15-10-21 22:32
你而家應該明白我點解成日話睇左套劇，就無需要去睇原著啦？因為套小說論權謀，論文筆都不算好突出，不過整 ...

無錯，以權謀小說睇，琅琊榜太小規模太簡單，去到後段太容易得手，之前風風火火，講到皇帝咁反派，後來居然咁輕易，唔多講得過去，不過我會覺得舖排咗皇帝老咗，同樣情景，十二年前十二年後有所不同體會不同做法，對親情對舊人會心軟係好人性架，我面對好多老人家，以前點衰點剛烈都好，去到垂垂老矣嘅年月，性格真係會變，人之將死，其言也善。所以我覺得而家書嘅結局唔好，電視嘅結局都唔好，一個唔夠，一個多咗。電視入面梁帝都唔係真心認錯，佢係用條件交換，如果以宗主以前所講，要清清白白乾乾淨淨嘅真相，而家呢個都唔係，只係佢冇時間，反正都時日無多，用自己去換一個世人看來似係嘅真相，我覺得咁樣好屈委宗主。小說入面有一點我幾鍾意，去到拜祭亡靈，梁帝當眾表現激動，話要下詔罪己，之後冇咗回事，其他人亦無再提起，我覺得呢個安排幾唔錯，梁帝都有反省自己，就當佢係虛情假意，之後又唔想唔敢，所以冇下文，咁樣講佢嘅陰暗面有D意思。

以文筆論，呢本小說亦係好普通，佢最成功係人生觀、價值觀、愛情觀同某些人物嘅微妙感情，例如藺晨同長蘇、飛流同蘇哥哥、景睿同卓謝兩家嘅親情。。。我幾喜歡最初幾章入面講景睿失戀，梅長蘇點樣照顧佢開解佢，之後點樣叫佢放開自己，唔好再成日太緊張自己點樣去完成兩家人嘅期望，劇中講得唔夠點解長蘇會咁憐惜景睿，點解會覺得對佢唔住，因為佢了解景睿嘅兩姓之子係咩一回事，點樣影響佢嘅成長，過去25年佢過得有幾辛苦幾抑壓，一轉頭所有嘢雙倍地失去。

劇中靜妃真係太多心計，我一直都覺得唔駛咁多刻意嘢，雖然劉敏濤做得恰到好處，但編劇令靜妃做得太多。謝玉果度咁改都講得通，一直長公主都係佢嘅軟肋，當年想殺景睿後來又唔殺都同長公主有關，呢樣我又可以接受到。獵宮果度就真係有D無離頭，言侯都唔識武功，佢係文士，當年去闖江湖都係因為有林燮同行，言太司至肯俾佢去，無端端獵宮咁豪情壯志慷慨闊言有D跳線，宗主就忽然湊仔公上身咁，實在無理由，無拿拿又加戲俾宮羽同庭生，我覺得有少少畫蛇添足。劇中最後越妃果兩段接唔上，出一次佢發顛已夠，皇帝都知佢係扮又要信果下難接受。大殿上夏江同宗主對質可以加，佢駁到冇得駁要殺宗主我都覺得合理，但賜毒酒俾靖王倒咗都擺明剃梁帝眼眉，果度有少少牽強。

蒞陽告狀果段，我覺得劇入面做得好，因為個演員好，一字一淚，就算呢部份係照小說，但出嚟效果好有感染力，當然歸功朱七七啦。

梁帝呢個角色好立體好成功，但去到最後做唔到我可憐佢，因為到最後佢都係死性不改，一世人總有做錯事，去到生命盡頭啦，正如靜妃講，總有一兩個人係怕入夢中嘅，難度梁帝可以自欺欺人，話自己無錯，係受小人蒙騙，呃到人都呃唔到自己，良心過意得去咩？就連謝玉同夏江到最後都有愧意。我覺得梁帝做得好，但編劇搞到佢太硬淨太固執，佢可以愛譽王，以前都應該係愛過祈王，而家靖王正正係祈王嘅小翻版嚟。

睇完書我都覺得編劇有少少將靖王寫過頭，再加上王凱真係理解唔到靖王，所以演得OVER咗，於是加埋就突晒，講面癱，王凱就真係，我試過好似CAP胡歌嘅畫面去CAP王凱，把鬼，十個八個鏡頭都冇咩分別，一係果個搖頭擺腦起身鏡頭，真係唔做好過做。反而藺晨叫做大配角客串就已經好有戲，佢同宗主一同場就好似歡喜怨家咁，最後果幾集，藺晨簡直係暖男上身。

花旗太太生活在花旗國，留意時差，你問我未必即時答到。

私人傳訊

積分: 28097

653^#

發表於 15-10-22 15:34 |只看該作者

rose-mag 發表於 15-10-22 13:08
第1集看點
（9）護國柱石，寧國侯府
入城後到達了蕭景睿在金陵的家：一品侯爺謝玉的寧國侯府，門前的御筆牌 ...

第一集呢2幕，就真喺感受到宗主既陰同魔性了。尤其喺最後果個笑容。大幕已經拉起，好戲即將上演！

私人傳訊

積分: 174325

654^#

發表於 15-10-22 15:41 |只看該作者

hugoma2015 發表於 15-10-21 23:00
少少建議，其實每集抽重點場口黎分析就得了，有D走過場既，就唔緊要啦。我怕你工作量太大啊。

是啊 ...

我會睇餸食飯，第一集可能多資料，所以就好似好大工程咁，我又貪心，越寫越多，寫下又想寫埋其他。。。我怕寫到TVB播我都仲寫緊咋。。。

林殊同梅長蘇擺明係編劇俾郡主嘅兩個大坑，梅皮林骨嘅宗主就算郡主唔知佢身份都會慢慢愛上，郡主愛嘅唔係外表而係林殊嘅風骨勇氣，呢D宗主身上都有，只要郡主肯拋開對謀士偏見，佢會見到宗主嘅好，宗主情深款款嘅眼神擺明殺人於無形，雖則宗主唔想將郡主卷入去佢嘅計劃入面，但佢明明都控制唔到自己唔對郡主上心，郡主又點會唔為宗主慢慢傾心？差在時間啫。

花旗太太生活在花旗國，留意時差，你問我未必即時答到。

私人傳訊

積分: 174325

655^#

發表於 15-10-22 16:20 |只看該作者

第2集看點
（1）飛流一鳴驚人，宗主身份暴露
當郡主比武招親正準備得如火如荼的時候，梅長蘇已落腳寧國侯府，生活都是讀書撫琴品茗等閒靜生活，有時會跟景睿豫津出遊。飛流在廊州自在慣了，在侯府規限多，遇著長蘇不想出外的時候就只有自己在寧國侯府找事玩。

今日長蘇想安靜地看書，飛流只好自己玩好

這裡有個細緻位，胡歌讀呢個竹簡時係由右至左讀，呢個係傳統中文由右讀至左嘅順序，非英文由左至右讀，演員本身同劇組都認真可見一斑。

呢段很生動地表現出其他人看飛流和長蘇看飛流的不同，那會長蘇和飛流的特殊關係讓他有不同的看法，因為飛流的身世和心智，宗主跟他有一套溝通方法，只有宗主讀懂飛流說的話，也只有飛流無時無刻的給他溫暖。

適逢蒙摯到寧國府跟謝玉商量朝事，蒙摯身為禁軍統領又是琅琊高手榜第二名，他察覺到飛流

於是兩人打起來了，幸好長蘇制止了飛流再繼續跟蒙摯對戰

只要宗主叫停，飛流即使在激戰中都會聽話的。

這是一老一少的宿敵眼神。

蒙摯心想：是你吧，你這個臭小子，終於回來了，還長這麼漂亮。

但因為飛流身手了得，謝玉懷疑起他就是江左梅郎，跟太子報告。

同時謝弼偷聽到長蘇跟景睿和豫津的對話，他也把消息告知譽王，雙方都想招攬梅長蘇到自己麾下，不然就要除之後快，以免夜長夢多，為自己添來後患無窮。

宗主知道謝弼在偷聽，也正好讓他去為譽王報過訊，以為真的偷聽到秘密，其實是人家宗主自己特地說給他聽的。宗主的眼神就是在說：放馬過來吧，就是怕你不來。

花旗太太生活在花旗國，留意時差，你問我未必即時答到。

私人傳訊

積分: 28097

656^#

發表於 15-10-22 16:21 |只看該作者

rose-mag 發表於 15-10-22 15:32
無錯，以權謀小說睇，琅琊榜太小規模太簡單，去到後段太容易得手，之前風風火火，講到皇帝咁反派，後來居然 ...

到底喺唔喺而家D演員戲份唔多就唔肯接，我真喺覺得呢套戲D配角加戲加到離曬普。例如譽王，皇帝，夏江呢D加下戲都無所謂啦，連庭生、宮羽都要加戲根本就不知所謂。庭生有資格跟皇帝去獵宮咩？如果可以帶，宗主應該帶晏大夫去就真。郡主同宗主既感情戲又死都唔肯加。所以我話海晏真喺未夠班做編劇噶。是角色去服務劇情，而唔系劇情遷就角色噶。

靜妃，佢做得太多，多到我覺得呢個女人好恐怖。我點可以將佢同一個淡漠名利30幾年既醫女聯繫喺上黎？呢個無關演員問題啊，我純粹討論改編。

夏江對質果度，我覺得最大既BUG喺，郡主提出要造反，靖王居然不假思索同意。郡主知道宗主身份，為左救老公乜都夠膽死啦。但是靖王唔同啊，佢未知啊，佢連宗主因為咩事比皇帝捉左入宮都唔知，佢就話要為左宗主反自己老豆？咁就真是有情有義，但不忠不孝喔！當然啦，飲毒酒果度，以皇帝既性格，點可能就咁算數啊？佢要殺宗主，無毒酒都可以叫御林軍。就算真是殺唔到，咁事後呢？總會對靖王有條刺，有戒心。難道就唔會培養其他接班人咩？作為一個權力慾望咁強，做任何決定都考慮權力制衡既皇帝，其實夏江都提醒到佢一樣野噶，當年有譽王制衡太子，而家是靖王一家獨大（就好似當年祁王咁），呢個唔喺對皇權最大既威脅咩？佢無理由完全無行動。

皇帝，其實劇裡面有一D矛盾。一方面有講佢已經老了，收左火，所以對太子，對譽王都手下留情（可惜譽王自己自殺左，不過皇帝都好心痛）。睇到呢D，我覺得到最後佢真心道歉都唔出奇，呢個比較符合小說既設定。但是獵宮果段，又加左個皇帝要誅殺1、2萬叛軍既情節，仲有就是賜毒酒比宗主，又似乎暗示緊皇帝死性不改。最後佢提出既交換條件，我都真是覺得宗主好委屈，成套戲落黎，我無見過宗主咁委屈既表情。如果佢曾經有過一絲幻想，自己個舅父真喺俾小人蒙蔽，咁呢一刻，呢個幻想就完全破滅了。呢個舅父真是想殺自己，殺自己全家。但佢真是無時間同佢磨了，為左7萬人能馬上平反，佢個人既感受又算得咩？只能妥協。

情節既改編對靖王有少少不利，不過講返轉頭，都安排左唔少位置比佢補飛噶，不過佢自己把握唔到，咁怪得邊個？始終佢最大既問題就是理解錯曬個角色。

官博前天開始重溫當時瑯琊榜每天拍攝的花絮。開拍第一天，胡歌拍左3場戲。第九集同飛流玩雪，第29集帶病去言侯家說服言侯幫靖王前。第33集大病之後喺密室比靖王鬧完一餐，不顧黎剛阻攔堅持過去靖王府。呢3段，佢個身體狀態都好唔同，一個比一個差。如果胡歌唔系熟讀小說，佢拍唔出呢D區別噶。

私人傳訊

積分: 174325

657^#

發表於 15-10-22 16:50 |只看該作者

hugoma2015 發表於 15-10-22 00:21
到底喺唔喺而家D演員戲份唔多就唔肯接，我真喺覺得呢套戲D配角加戲加到離曬普。例如譽王，皇帝，夏江呢D加 ...

其實都係無奈架，唔好話拍電視劇，以前做話劇都試過，有個演員接咗套劇，咁業餘演員都係戲癮大為興趣至會肯花時間去排練，其實都唔算少戲，不過果套係群戲為主，排排下果個演員辭演，導演都無計，好彩搵到人頂，頂替果個仲做得好過原本果一個添，因禍得福，不過導演過原本果個根本冇心，勉強冇幸福。果次導演同編劇都驚我會辭演，因為編劇將我原本嘅對白cut咗好大部份，俾咗另一個演員講，於是我成為大佈景板，靠肢體反應去演，全劇最少對白就係我，即時變大茄，有其實演員同工作人員同編劇導演反映，話唔應該cut我對白，更有人提出應該互換角色，但咁樣另一個演員會唔開心，編劇同導演專登搵我傾，話如果我唔做佢地會理解，果陣我要返學都好忙，個個星期排一兩日，後期排三四日，實在係花時間，但我話唔緊要，有好多前輩喺度，我當學下嘢，果次我係得比失多，真係好多人教我好多嘢。不過興趣同搵食係兩回事嚟，職業演員如果賺唔到錢又花時間的話，唔接真係無可厚非，所以點解劇組工作人員要做大配角？好似黎剛、甄平、童路，出現得多但又唔多對白，求其搵一個未必演得好，而且好難請一個演員拍咁多組，呢個係現實問題嚟。

靜妃我覺得專登裝小新、同小新對質加埋要小新對靖王講最多餘，呢度見到佢心計好重，唔合人物設定，佢真係應該係淡泊名利權慾至係。庭生同宮雨去獵宮就畫蛇添足，仲要係同宗主坐同一架馬車，完全將佢個位提得太高。

你講皇帝同夏江我都同意架，靖王都未去到知道宗主係小殊，佢未去到為梅長蘇可以造反，始終靖王都係當佢係一個謀士，雖則為佢籌謀以後入仕之途，但未去到可以為佢負上不忠不孝之名，而且靖王應該係由始至終都冇計劃過謀反呢一步，就算係最後金殿，佢係有逼宮準備，但呢一著係唔會行嘅，否則佢同譽王又有咩分別？祈王冇想過，靖王想過都一定唔會做，呢個係違反咗靖王嘅性格。

書入面有提過，皇帝老子最忌憚就係林殊，如果佢真係懷疑宗主係林殊，佢一定會殺死佢，當年要攞林殊條命就係皇帝，林燮係佢好兄弟，佢都可以殺，何況林殊比林燮對佢對D皇子嚨威脅更大，林殊太叻啦，比佢父帥更叻，皇帝唔敢相信佢會忠於自己忠於自己個仔。

無錯，有補戲俾靖王，但王凱over晒，有咩好講，佢根本理解錯，第一日拍佢喺芷蘿宮話掛住林殊，當時已係親王啦，有咩理由又流晒馬尿，靖王係有情有義，唔代表佢要吓吓喊至代表佢掛住自己個老友，靖王雖然係直，喺赤焰案上又唔肯講一句違心說話，但佢慣被冷落，慣咗低調，吓吓表現得太衝動完全唔啱。

花旗太太生活在花旗國，留意時差，你問我未必即時答到。

私人傳訊

積分: 28097

658^#

發表於 15-10-22 16:52 |只看該作者

本帖最後由 hugoma2015 於 15-10-22 19:20 編輯

rose-mag 發表於 15-10-22 15:41
我會睇餸食飯，第一集可能多資料，所以就好似好大工程咁，我又貪心，越寫越多，寫下又想寫埋其他 ...

如果TVB播你都仲寫緊，你直頭應該問佢拿D宣傳費啦！

要補充一樣，原來宗主喺呢12年裡面，唯一保護過郡主既男人啊。就憑佢派人幫郡主打水戰解救郡主呢一點，郡主對佢就已經另眼相看啦，呢個絕對喺一段良緣既發展基礎。曾經滄海難為水，要令郡主睇得上眼既男人，有幾多呢？身份地位能配得起既，又有幾個？就算身份地位能力都有，但能夠好似林殊甘樣，俾到安全感郡主既男人，除左宗主，仲有邊個？恐怕呢12年內，亦就只有宗主一個了。

安全感呢樣野，唔喺話大隻打得就可以有喔。尤其對於郡主呢種本身就好打得既，其實一D吸引力都無。郡主軍營之中，不乏孔武有力既鐵血男兒。佢甘多年黎一個都睇唔上。所以宗主呢種冷靜睿智又不乏正義感（話曬都英雄救過美，雖然唔喺親自出手）反而會吸引到佢。喺佢迷茫疑惑既時候，點條明路佢行。唔好睇宗主咁孱弱，佢就咁企喺度，眼望住你，佢既氣場就已經出曬黎，佢就可以成為你既依靠，你既希望。見到宗主咁老定個樣，你就會跟住好淡定。呢D就是安全感啦。

作為出生將門既女子，我覺得郡主唔會介意宗主無身份無地位（其實人地好有江湖地位！），郡主可能更加仰慕佢呢個江湖第一大幫的宗主添。所以第二集就跟住皇后過去謝家八卦了。而且我覺得佢對謀士無靖王咁反感咯。領軍打仗邊個無軍師呢？有D野，戰場上，用喺對方身上就叫計謀；朝堂上，用喺自己人身上就叫陰謀。

我最中意宗主一樣，就喺佢對住郡主先情深款款噶。對其他女人好鬼COOL。睇佢拒絕宮羽，睇佢望都唔望一眼般若，我睇得好過癮噶。成日話白子畫喺禁慾系男主，我覺得宗主先喺啊！尤其對其他女人果陣。

私人傳訊