Re: 未婚的,入黎傾傾呀!!!
lovebobo,
肥妹係順產出世既,不過係催生,因為佢係我肚中過左40週都未有想出世既跡象,同埋佢開始唔郁,好少踢我,我去覆診醫生問我佢一日踢我有冇10次,但佢一日先踢我唔夠5次~醫生就即刻安排我第二朝入院催生,即係用藥物令子宮收縮逼個b出黎,危險性好低~
第二朝8點我就到醫院,換左衫個醫生同我檢查完就係我手背拮左支針,係用黎滴催生藥同產後吊鹽水用既~之後就入產房(有海景架!),我男友都入埋黎後,9點幾,我訓係床,助產士綁左個子宮監察器(可以顯示我幾時子宮收縮)係我肚上,就開始同我滴藥,到左11點幾就開始子宮收縮(陣痛),係好勁既經痛咁既感覺~~~不過唔係好密,我都冇數幾耐痛一次,痛既時候好辛苦,我痛到不停索笑氣,打我男友同埋喊,比個助產士鬧我 :cry: 痛既時候會持續2,3分鐘,痛完就會好似比人打完一身咁,成身冇力,好累,好想訓~到2點幾就開到5度左右,陣痛都愈來愈密,個醫生黎同我檢查,我痛到叫佢不如同我做無痛分娩,佢就話我盆骨開得好順暢,就生得,建議我唔好做,始終做無痛比較煩,而且一日好似得幾個quota~咁我就繼續痛...繼續等,到左3點左右,醫生就同我放尿喉,係用黎放走尿液,以免膀胱谷住,阻到bb出世&以防媽媽生產時忍唔住失禁,因為用力必個b出黎時,下面個組肌肉都有失控 :lol: 之後醫生用一個好長既夾放入陰道,幫我剪穿水囊~到左3點幾,已經開到10度,可以生得~助產士校到張床變左張椅,我捉住扶手,腳就分開撐住個腳踏,產房內外會有成10個醫護人員(有些係隔離房過黎幫手打氣)~醫生叫我一覺得個肚痛就用力向下痾,唔好咁大力索氣,因為會吸返bb入去~就咁樣持續痾左4,5次,佢個頭差唔多出黎就係陰道口剪左一刀,就係咁,3點55分就"fier"一聲必左肥妹出黎~之後助產士同我按個肚,整埋個胎盤出黎~助產士捧住肥妹個屁股比我睇,叫我自己講係仔定女~我地抱一抱完肥妹,我男友就出返去,肥妹就推左去洗白白~之後助產士幫我縫針,好痛,我又要勁索笑氣~ 
之後推返上病房,吊左12個鐘頭鹽水,之後就可以試下落床行下~~就係咁喇~我既生產過程就係咁喇~你仲有咩野想知都可以問我既 
如果你話順產好定開刀好,我就話一定係順產好~其實我都好怕痛,以前都覺得開刀好,冇感覺唔洗痛~但其實冇咩必要都係順產好,痛幾個鐘好過個肚多條疤痕~雖然陣痛係好辛苦,但其實生既時候係一d都唔痛,順產只要訓幾個鐘床已經可以行行企企,拆埋線就直情唔會點痛;但開刀就要成日訓床,因為驚傷口會爆~而且唔感受下陣痛都唔算生過仔啦 最搞笑係我係產房第一次抱起肥妹黎睇,我第一句就話"點解佢個頭咁長~!"因為佢係陰道夾左咁耐,所以個頭係唔岩比例咁長 :lol: 但慢慢會成返形,佢而家個頭都幾大架~
過去的留不住,
未來的難預測,
守住現在,當下即是~
至於生bb呢...我都覺得趁早生好d既,容易修身呀 
哈哈
我知佢04年12月4日show出黎, 唔記得係咪擺到今日呢 ?-( 
發表於 
.....如果我無記錯的話，你係咪話你bf大你好多，而你屋企又反對你同bf一齊果個呀！
返回列表
